ياونتي ونة صويب طاح = من راس سدره وسط برشومي

[بن داخل]

السلام عليكم ورحمة الله وبركاته

لقد آلمني ماقام بنشره صاحبنا بن سلمان لمادار بيني وبينه من ملاطفات

وقام بالتشهير بالوديعة ( نعومي كامبل )المتحشمة بدثار عرض الأزياء

ووصل به إلى أن نعت من ارتعدت فرائصه لها حتى أنه قدم لها الغالي والنفيس

مايقدر بميزانية إحدى الدول المغلوبة على أمرها فنعته بصفة أرى أنها لا تليق

به لأن البغل يستحي أن يكون هوهو 0فما كان مني إلا أن انتصرت لنفسي

بهذه المدلدلة فلكم مني الشكلر على تحمل وعثاء السفر بين سطورها

المتناثرة 0


ياونتي ونة صويب طاح = من راس سدره وسط برشومي
أمسى وفي ظهره طوال ارماح = وجنبه ورجلينه بها كدومي
لا مرو الورعان جنبه صاح = ماكنه الا رجل ملزومي
أهله جفوه وراح مع من راح =حتى لذيذ النوم محرومي
يامن لعين دمعها فواح = أمست طوال الليل بسقومي
يالله طلبتك وانته المناح = طالبك تجلى عني همومي
أنت الكريم اللي لك الامداح = والك الثنى والشكر موسومي
أعطيتنا صحة وطيب ارواح = الحمد لك يوم بعد يوم ِ
يابو هبه جا فالقلوب اجراح = من يوم طب السوق بسهومي
الدلو محته يوم غيري ماح = دلوه وجاب الدلو مقسومي
لاعدت لي يادلوي النضاح = يااللي غديت بكل ملمومي
يابو هبه لو كان سدي باح = لابد بكره تذكر اعلومي
أنا نصيتك يوم برقه لاح = برق الخيال اللي سرى يومي
منشى مزونه برقها لماح = ماكنه الا خط مرسومي
تسقي ثعوله قاصي الأسياح = ومن طارفتها يمة الدومي
يابو هبه يالصاحب الفضاح = فضحتني واخزيت بي قومي
يقلون ليت انه نصى مصباح = والا بعينه لد للرومي
مالد للي تحيي الافراح = اللي من اول صيد للقومي
واختامها مني عدد ماناح = ورق الحمام وهمهم البومي
أفضل صلاه اعلى النبي المصباح = صلاة ربي دايم الدومي

[بن داخل]

ياونتي ونة صويب طاح = من راس سدره وسط برشومي
أمسى وفي ظهره طوال ارماح = وجنبه ورجلينه بها كدومي
لا مرو الورعان جنبه صاح = ماكنه الا رجل ملزومي
أهله جفوه وراح مع من راح =حتى لذيذ النوم محرومي
يامن لعين دمعها فواح = أمست طوال الليل بسقومي
يالله طلبتك وانته المناح = طالبك تجلى عني همومي
أنت الكريم اللي لك الامداح = والك الثنى والشكر موسومي
أعطيتنا صحة وطيب ارواح = الحمد لك يوم بعد يوم ِ
يابو هبه جا فالقلوب اجراح = من يوم طب السوق بسهومي
الدلو محته يوم غيري ماح = دلوه وجاب الدلو مقسومي
لاعدت لي يادلوي النضاح = يااللي غديت بكل ملمومي
يابو هبه لو كان سدي باح = لابد بكره تذكر اعلومي
أنا نصيتك يوم برقه لاح = برق الخيال اللي سرى يومي
منشى مزونه برقها لماح = ماكنه الا خط مرسومي
تسقي ثعوله قاصي الأسياح = ومن طارفتها يمة الدومي
يابو هبه يالصاحب الفضاح = فضحتني واخزيت بي قومي
يقلون ليت انه نصى مصباح = والا بعينه لد للرومي
مالد للي تحيي الافراح = اللي من اول صيد للقومي
واختامها مني عدد ماناح = ورق الحمام وهمهم البومي
أفضل صلاه اعلى النبي المصباح = صلاة ربي دايم الدومي

[أبو عبدالرحمن]

وعليكم السلام ورحمة الله وبركاته

صح لسانك...أخي الكريم ـ بن داخل ـ

نسأل الله تعالى أن يجمعنا جميعًا على المحبة والإخاء..

[abonayf]

وعليكم السلام ورحمة الله
حياك الله بن داخل وصح لسانك
تسرنا هذه المداخلات بينك وبين بن سلمان ونستمتع بها خاصة وانتما تجيدان اضفاء روح الفكاهة فيما تقولان .
اعجبني التشبيه الجميل في البيت الاول وما تلاه من وصف لما حدث وكيف
حفظ الله مابينكما من مودة واخاء .

[@ بن سلمان @]

بن داخل /
سلامتك من الونات
ترى شوك البرشومي متعودين عليه وفي الأخير تلقى له منقاش
لكن من تورط اليوم في سوق الأسهم وفي ظهره رماح وشلون يتخارج
وبعدين هي علوم تذكر للاعتبار بغيرك , ورغبه في إسداء النصح لمن ينتصح ولم تأتي للتشهير , وبعدين ماقلت لنا كموبه الكيلو بس يكون صافي وخل اللي داخله ضهيانه مانبيه .


تحياتي

[أبو عبيدة]

وعليكم السلام ورحمة الله وبركاته

صح لسانك...أخي بن داخل .....

[@ بن سلمان @]

أبو عبدالله /
عسى ماشر , مانشوفك
طلاتك قلت , لا يكون لها علاقه باخضرار المؤشر
با
نت
ظ
ا
رك
فلا
تط
ول

[بنك المعلومات]

بن داخل
يستاهل من تعرقش في راس سدره
وبعدين قلي النبق تراه واحد وطعمه واحد في راس سدره والا تحتها
وترى بن سلمان ادرى فيك ولا يبرد القلب فيك الا هو

[شاعر ثمالي]

وعليكم السلام أخي بن داخل:

تشكر على جميع قصائدك التي لاتخلو من الإبداع وجمال التصوير ولكن يابن
داخل لماذا أنت مقل ؟ يعني لو ما استثارك بن سلمان ماكنت لتتحفنا بهذه
القصيدة .

أرجو أن نرى منك قصائد تلو الأخرى بشرط مايكون فيها شوك على غرار
هذه القصيدة . تحياتي لك.

[بن داخل]

لك مني جزيل الشكر على مرورك وأرجو المعذرة لطول الغياب
وأسأل الله لي ولك ماتقر له أعيننا في مستقر رحمته

[بن داخل]

أخي أبو نايف كم أنا سعيد بمرورك
ومعذرة على طول الغياب

[بن داخل]

يابن سلمان ياوجه الخير وش تبيني أقول
ترى هذا الكلام على المكشوف بس لو ألاقيك لوحدك تسمع علوم ثانية
أنت سبب دا كله خليتنا نطب فهاالأسهم وراحت تحويشة العمر ومشاكل مع الورعان وامهم كل واحد طب يتخير حتى بعضهم سولت له نفسه الأمارة بالسوء بقضاء الأجازة في ولاية جلال الفير على نفقة الفقير إلى الله محدثك
وبعدين ماقلت لك أنت كب عنك (اللزلزة ) كلمة اغريقية بمعنى الدزدزة
ولك مني جزيل الشكر على مرورك0

[بن داخل]

أتمنى لك التوفيق أخي مطر الليل

[بن داخل]

السلام عليكم ورحمة الله وبركاته
أنت من قال لك يابنك إني طلعت أدور نبق
أنا طلعت شفت لي كعيته معششة وأحسب إن عندها كعتان صغار
أبغي أربيها يمدحون ولفها أشغل نفسي في هذا الوقت العصيب
واللي حصل يوم طلعت شفت لي داب مطوي في العش الظاهر إنه مضارب
الكعتان وبس عينك ماتشوف إلا النور (بلاشي فضايح) أعرف تعليقاتك ترى كثير
مايعرفون 0 المهم يوم لديت وأنا محول من راس أبو قميص متجه يم النعيرية
وش جاب ذي لذي الله أعلم المهم إني خرجت من البيت ونزلت السوق
أبي أشتري 0وقابلت سلمان بن سلمان سلامات أخوي على وين قال
إذا أراد الله هذي الرحله متوجهه من الرياض للخرطوم وبعدها موسكو
والوجهه يم الله ثم يم ذلالة يقلون شي غنم ترعى وقلي الشيخ خذ معك اثنين من الجماعة وروح شوف العمال تراهم في المحل والا صكينه لين ذلحين
0
( واحد متأثر من الأسهم )

[السهلاوي]

شكرا لك على قصيدتك الجميلة

[@ بن سلمان @]

يابن داخل /
كنت أظن جلال الفير مقاطعه وطلعت ماشاء الله في الأخير ولايه
وترى حنا الرجال أكبر من إن حنا ندخل حريمنا في أمورنا
وترى ماللحرمه إلا كسوتها ولقمتها وغيره لا
وبعدين أشوف ماشاء الله المنتدى الأدبي جاك فيه منافسين وأبرزهم عديلي وتراني أعرفه زين
وترى الخوف ما هو منه هو شاعر وله وزنه وأنت ما تهون
لكن شيالة الدفوف , و شد حيلك ولا تطالع ورى وسرى سرى وشحال اللي يجي بعدك , وتاليتها بتخرب أمور واجد

[بن داخل]

كم نصحتك عن كشف المستور
ويعلم الله لولا اني أخشى لسانك السليط
قال الشاعر
إن السليط تقطع 8888 فطر بدائك أو قع
شاهد عيان على اللفظة العربية القحة ( على وزن كحة )
نعود لما قلناه جوز عن فعولك اللي مش ولابد
تخوفني في المنتدى وبعد على الخاص
بس لو حدث لي عملية إغتيال فكري
فسوف أقدمك للعدالة على طبق من ملوخية بالأرانب
عارف ليه حتى تكون لي لقمة سائغة

[بنك المعلومات]

الظاهر انك ماعندك خلاف
اشوفك كل يومين فالديرة
والا تعين البرشومي حان والا بعد

[زهور الريف]

يـابـو هـبـه جــا فالقـلـوب اجــراح من يوم طـب السـوق بسهومـي


ارتد السوق يله ابشر

[بن داخل]

السهوم واجد شي ارتد وشي بعد

[@ بن سلمان @]

السهوم واجد شي ارتد وشي بعد
الله لا يردنا لأرذل العمر

[بن داخل]

سلامات يابن سلمان

[فارس الكلمة]

مشكور يابن داخل
على القصيدة المميزة

[بن داخل]

صح بدنك أخي فارس الكلمة

[سنا الهجرة]

الله الله عليك يابوعدالله

علومك علوم وانا خالك بس


عليك بابن سلمان ترانا مغلوبين فيه

[بن داخل]

بن سلمان ياخالي
كما ابليس
ماتجيه الا يبدي لك مع محل ثاني
الخراج منه طيب