النادر
04-14-2006, 03:15 PM
لوعد وعدته احدهم ان اعود طالما ان الامور تحسنت هنا
ها انا احقق له ولابن سلمان وعدي بالعوده ....آمل ان استطيع الاستمرار
..............................
على ماتبي ياصاحبي والوعد قبله=ليامن فهقنا القار عقب الدوام عصير
على خايع ٍ جاني خبر ماطره وبله=على الفاره الي لانهمته يحث السير
جديد ٍ شريته يوم بعض العرب خبله=تدور على الي سايقه عرضه تكسير
شريته اطري خاطري واتبع الربله=ولاني من اهل الذود يوم اكثر التدوير
ولاني من الي كل همّه شباع ابله=ولو كان ماهي عيب تبع الحيا والخير
ولابي غلا شما ولابي هوى عبله=ولو ان في قلبي من العام جمر الكير
غرامي اثر طرقا تخلي الحشا تبله=ليا شفت جرتها تغشاني التغيير
اقدم واوخر كن جوف الحشا نبله=رماني بها الرامي وهو همّه التعزير
واوقف واعشق وانتل القير وانشب له=تقول ان مابيني وبينه جرى تقدير
وافرع عن الي دايم الدوم زاهب له=لياجات في عينه يبشر بها تبشير
ينشر جناحه كنه يقوم يلعب له=يقول السما... لابارك الله فـ..حز السير
ويلعب معاها لعبة الجيش والسبله=يخلي غلبها يكسي القاع في تبذير
هذا الي يخليني اهوجس على القبله=ليامن فهقت القار عقب الدوام عصير
تحياتي لكم جميعا
عبدالله الثمالي
ها انا احقق له ولابن سلمان وعدي بالعوده ....آمل ان استطيع الاستمرار
..............................
على ماتبي ياصاحبي والوعد قبله=ليامن فهقنا القار عقب الدوام عصير
على خايع ٍ جاني خبر ماطره وبله=على الفاره الي لانهمته يحث السير
جديد ٍ شريته يوم بعض العرب خبله=تدور على الي سايقه عرضه تكسير
شريته اطري خاطري واتبع الربله=ولاني من اهل الذود يوم اكثر التدوير
ولاني من الي كل همّه شباع ابله=ولو كان ماهي عيب تبع الحيا والخير
ولابي غلا شما ولابي هوى عبله=ولو ان في قلبي من العام جمر الكير
غرامي اثر طرقا تخلي الحشا تبله=ليا شفت جرتها تغشاني التغيير
اقدم واوخر كن جوف الحشا نبله=رماني بها الرامي وهو همّه التعزير
واوقف واعشق وانتل القير وانشب له=تقول ان مابيني وبينه جرى تقدير
وافرع عن الي دايم الدوم زاهب له=لياجات في عينه يبشر بها تبشير
ينشر جناحه كنه يقوم يلعب له=يقول السما... لابارك الله فـ..حز السير
ويلعب معاها لعبة الجيش والسبله=يخلي غلبها يكسي القاع في تبذير
هذا الي يخليني اهوجس على القبله=ليامن فهقت القار عقب الدوام عصير
تحياتي لكم جميعا
عبدالله الثمالي