جيت يالنادر تندر بعد ماطفو لهبها

[زهور الريف]

مرحبا باللى حظر بعد ما صفر حكمها=ساقته خطوته في يدين العبقريه
مرحبا بابيات شعر جاتني واللى كتبها=مستوي لي ماهقيته من رجالٍ صيرميه
يازهور الريف غني والحمول الها جملها=ضني الرجال غايب في حراج المزغديه
جيت يالنادر تندر بعد ماطفوا لهبها=وين ندراتك فالايام الخوالي ياهبيه
يوم جات المعمعه والصواعق مع بردها=وانت قاعد فالمدرج والظلال الوارفيه
واحسوفي يالبنات اللى على الطالات نبها=خير من بعض الرجال للمناقز بقبقيه
مايعيب البنت قولك وما يشرف من غلبها=الشرف لاخلت البنت الشوارب شقلبيه
لاتعدى فالحدود ولاتعلى في قرنها=ولاتهيا للمشاكل والبنات المشكليه
لا تحرف ولاتصرف قبل تعرف وش خبرها =واحسب الطلعات واحسب قبلها للمنزليه
انت شجره مثمره مير مايوكل ثمرها=مثل نبت الحنظله فالصحاري المقفريه
لو تريح ياوليدي وتترك الجابه لاهلها=خير من لطمه تجيلك فالعيون العسليه
ياحليله يوم جانا يحسب انه من سماها=لابس الجنز المحزق والعيون مكحليه
ياحليل ابات شعره وياحليله من نظمها=وياحليله يوم غنى بالعلوم المهزليه
ياحليله المزين صلح القصه وفردها =يامدور للعشا والعشا في ظهر المطيه
وواوجودي يابن داخل وينه الصاروخ عنها=لين يعرف للمراجل والعلوم المرجليه
منت قد ابيات شعري ومنت عارف وش هدفها=بس خلك ياصغير للقوافي منقليه

[النادر]

جيت لك يابنت غازي واعرف الي قدكحلها=عينك الي في رمدها يامدورة الاذيه
استريحي في ظلالي قبل مانذكر فحلها=خبز رفلا عارفينه استريحي ياحويه
لو ابا اطوّل قصيدي صار هالعنوان ملهى=جبتها لك باختصار كان تبغين الوصيه
ناقة البدوان جربا مابرى منها جربها=مات دحموس وعلاجه...ياعلاج الصيد ليه
وسمها معروف عندي واعرف الي قد وسمها=تاج راسك ان بغيتي وان جحدتي بالعصيه
واستحي لا اعد واوصف شيئ انا خابره عنها=مير خليك بظلالي واستريحي يا اجوديه

......

لن اكتب بيتا اخر بعد هذا معك لانني شــــــــــــــــــــاعر