الطش... والرش

[النادر]

الاحبه من ابناء العمومه والاصدقاء ومتذوقي النادر
أياس... ابا هبه ...
كل من يطلب مني قصائد الغزل استميح ادارتنا الموقره العذر في ان انثر بعضا من العاطفه هنا....

............. ................ .................


هيض على القريض وهاض بي جشي=قمت ابني اجزل بيوت الشعر واركانه
من هاجس ٍ مع عسام الليل بي دش ِ=صوب على عين قلب الحب نيشانه
لي صاحب ٍ بالحشا ممسي ومتعشي=يحب ممسى الخفوق وشب نيرانه
العام انا خابره سارح بله طرشي=يحوفهم حوف الام لبعض ورعانه
وانا مع الطرش رجلي بالفلا تمشي=تبرا تراعي خطاها خطو كرعانه
كني خريش ٍ ندفها نادر ٍ نش ِ=نثر غلبها وخلى الظهر عريانه
تلوي على القشع مير القشع مغتشي=ماهو يتقي من الي صك جنحانه
البارحه جاتني ثم نثرت عفشي=وانا عيوني بحلوى النوم كحلانه
يامرحبا ياهلا يالطش يالرش ِ=يامنوة الي كبيده منك جربانه
تعال خل الحيا واجلس على فرشي=وعطني علوم الثمر خوخه ورمانه
وعطني علوم الفياض وزهر ماحش ِ=هم سرحوا فيه اهل الذود رعيانه
وعطني علوم السنا والبرق والطش ِ=اليا امطرت هي تروي جدب قيعانه
واعطيك انا عهد ياذا العلم لاخشي=واصك من دون سرك عشر بيبانه
قالت عساك العنا يانادر العش ِ=من عام الاول وانا بالحيل وجعانه
من عقب قلبي صخر اضحى لكم هشي=يلعب به السوس سوس الحب باردانه
والله لادمي فؤادك من سهم رمشي=الين حتى تجف عروق دمانه
تذكر..! جرحت الخفوق وقلت لي بامشي=مديون جابه زمانه ليد ديانه
لكم كل الود حد الرويه

النادر

[عثمان الثمالي]

يعطيك الله العافية على مجهوداتك الرائعة

دمت
دام قلمك
لاعدمناك

[السهلاوي]

[اتمنى من شاعرنا الكبير النادر

ان لا يغادر المنتدى

بعد استمتاعنا بشعره الجميل

واقول لا تلتفت للورا

اخيرا قصيدة جميلة وفقك الله

[خريص]

صح لسانك يالنادر
قصيده جميله

[الكشاف]

الاخ النادر صح لسانك
ولاكن ياليت يتسع صدرك لبعض الملاحظات
ولعلك تتفق معي فيها
الملاحظه الاولى
( الام لبعض ورعانه) الظمير هنا يعود على الام في كلمت ورعانه فمن المفروض ان تكون الكلمه الاخيره مؤنثه وعكسها
(الاب لبعض ورعانها ) ارى انها ماتجي ولعلك تتفق معي
الملاحظه الثانيه
(وخلى الظهر عريانه) اعتقد نفس الخطا السابق الظمير يعود على الظهر
والظهر مذكر وكان المفروض ان تكون الكلمه الاخيره غير مؤنثه وان تكون مذكره
الملاحظه الثالثه
( يامنوة الي كبيده منك جربانه ) لعه عند كتابت القصيده نسيت حرف
( يامنوة الي كبيدته منك جربانه ) اعتقد انها كان المفروض ان تكون هكذا حيث انها لاتؤثر على وزن القصيده
واخيلرا ارجوا المعذره فلابد ان نكون ايجابين ونتقبل النقد الذي يصب في مصلحة الجميع
ولعلك تتلافا تلك الملاحظات مستقبلا

[شموخ السويدي]

شكرا على القصيده
ولاكن فيه بعض الكلمات ماعرفت معناها ياليت توضح معناها
الله لايهينك
هيض على القريض وهاض بي جشـي مامعنا جشي ومامعنا القريض
كنـي خريـش ٍ ندفهـا نـادر ٍ نـش ِ مامعنا خريش
العام انا خابـره سـارح بلـه طرشـي مامعنا طرشي
وياليت مناسبتها مع الشطر او البيت
وشكرا

[النادر]

يعطيك الله العافية على مجهوداتك الرائعة

دمت
دام قلمك
لاعدمناك

عثمان

سررت لتواجدك هنا وهناك....

كن بخير

النادر

[النادر]

[اتمنى من شاعرنا الكبير النادر

ان لا يغادر المنتدى

بعد استمتاعنا بشعره الجميل

واقول لا تلتفت للورا

اخيرا قصيدة جميلة وفقك الله

إياس

لن اغادر وهذا ليس بوعد انما أمل
شكرا لك كل هذا الثناء
اخي القافله لايضيرها نباح الكلاب ولايرمى بالحجر الا الشجر المثمر

تحياتي

النادر

[النادر]

صح لسانك يالنادر
قصيده جميله

خريص

صح بدنك يالقرم

تحياتي

النادر

[النادر]

الكشاف
ياحبني لك لولا ان البطاريه على وشك غلاق
لكن مايصير خاطرك الاطيب

الملاحظه الاولى
القصيده كتبت بالنبط والنبط يؤمن باللهجات وهناك لغه دارجه تقبل التأنيث بهذا الشكل
الملاحظه الثانيه
الظهر كلمه تقبل التذكير والتأنيث لذا لا ارى ما يسترعي الوقوف والتفحيط
الملاحظه الثالثه
كبيده ياكبيدي تصغير لكلمة كبد ولا زاد الحرف لاصبح هناك ثقل في الوزن

واخيرا ً لاتعتذر لانك ماسويت شيئ
اقدر لك سعيك للرقي

تحياتي

النادر

[النادر]

الاخت الفاضله شموخ
شكرا لك المرور اخيه وابشري بالترجمه

اولا اود ايضاح نقطه لكل من يتابع ما اكتب
نظرا لتنقلي لاكثر من مجتمع وعلى مدار عشرين سنه فقد اصيبت لهجتي ببعض عوامل التعريه الاجتماعيه ...

نعود الى المفردات المشكله

هيض: اصلها الجذر الثلاثي هاض واعتقد انها الآن اصبحت واضحه
القريض:بعد ياوخيتي ياشموخ هذي سهله معناها الشعر .
كني خريش ٍ ندفها نادر ٍ نشي .....هذي والله معك حق فيها وهذي مصطلحات الهوايه اقصد هواية الصيد بالصقور والنادر اسم لاميز هذه الفئه من الصقور والندف تأتي بمعنى الضرب في الارض والخريش من الخرش ومعناها طائر الحبارى المرتبك عندما يهاجمه ذلك النادر . ونشي من النش وهي عملية ارتخاء الصقر لضرب الحبارى في الارض ثم الصعود عاليا ً .....اعتقد انها الحين واضحه .
والطرش بلغة اهل الشمال هي رعية الغنم .

اعذريني ياوخيتي شموخ على القصور

كوني بخير

النادر

[أبوخالد]

النادر والله زمان
تحياتي لك
وصح لسانك
ابوخالد

[@ بن سلمان @]

النادر /
أشوى لقيت اللي يسأل بالنيابه عني
اذكر مره جاوبتني ولد البطن يعرف الرطن

حطينا لك واجب والضيوف قالطين وتقول صائم !!!

[النادر]

ابو هبه

انت ماعليك قاصر عارف الي فالقدر قبله تحتاج الملاس

شووووووووف عاد لاتسألني عن الملاس

تحياتي لمرورك العطر

النادر

[النادر]

ابا خالد

آآآآآآف والله اني نسيتك يامودمي

لك العتبى حتى ترضى


النادر