خفافيش الظلام

[سنا الهجرة]

خـفـــافـيــش الظـــــلام




كنت في حالي لو اني في زحام=ما يأثر بي ضجيج العابثين
واضح المقصد وخطواتي نظام=لا تلفت لا شمال ولا يمين
حالتي حالة كثير من الانام=وراس مالي ستر رب العالمين
من صلاة الفجر إلى وقت القيام=ما مشيت الا طريق الغانمين
العمل والبيت والمسجد وانام=جامع الثنتين من دنيا ودين
أعشق الحكمة وترتيب الكلام=وآخذ امن المرجله سمن وسمين
وآتعوذ من خفافيش الظلام=وماخذٍ حذري من ابليس اللعين
باختصار أول على أحسن ما يرام=مثل ما قد قيل (سيد العارفين)
لين جاني الضرب من تحت الحزام=من يدين اللي على روحي أمين
بعدها ... ماني بهذاك الغلام=حالتي حاله ومكنوني دفين
صرت انام ولاتهنا بالمنام=وآتظاهر بالفرح وانا حزين
كل ساطع ضو بعيوني عسام=وكل زين في عيوني ما يزين
يستثير الشوق نوحات الحمام=واسبل الدمعه وقلبي مايلين
وش على مثلي بعد هذا ملام=لو فعل مهما فعل ماهو مدين
من يشوف الغدر بهدوم السلام=واليمين يسار واليسرى يمين
قال ياعالم (على الدنيا السلام)=كيف من تأمن يسوي لك كمين

[@ بن سلمان @]

صح لسانك يا بو عبدالله
إذا كان الغياب بيجيب لنا مثل هذه القصيدة فلا والله إلا كثر منه
في البيت الثالث رب العاملين وإلا العالمين

[أبو عبدالرحمن]

الله الله يا أبا عبدالله..

حكيم ...مافيه كلام ولا نقاش..

وأما الشاعرية ..فلك فيها القدح المعلى..

صح لسانك ..وسلم بنانك ..وصدح صوتك..

[خلف بن عبدالعزيز الثمالي]

شاعرنا,ومشرفنا/سنا الهجرة

أثر قلبك خضر
صح الله لسانك
والله جزلة من راس جزل

دمت بخيروعافية

[سنا الهجرة]

صح لسانك يا بو عبدالله
إذا كان الغياب بيجيب لنا مثل هذه القصيدة فلا والله إلا كثر منه
في البيت الثالث رب العاملين وإلا العالمين



صح بدنك يابو هبه

أنا ماني بغايب طال عمرك بس أنشغلت شوي والا قلبي معاكم
على طول


بالنسبه للخطا تم تعديله
* ماشاء الله عليك وانا كل شوي أمر عليها ولا شفته

فيه قاعدة عند الكتاب يقولون إذا كتبت لا تصحح لنفسك . خل غيرك يصحح لك لانك غالباً ما تشوف أخطائك لانك كاتبها وأنت معتقد بصحتها .. وهذا اللي حصل معاي

[سنا الهجرة]

الله الله يا أبا عبدالله..

حكيم ...مافيه كلام ولا نقاش..

وأما الشاعرية ..فلك فيها القدح المعلى..

صح لسانك ..وسلم بنانك ..وصدح صوتك..

ما عليك زود يابو عبدالرحمن

صح بدنك وسلم راسك يا مدير


ومشكور على هذا الاطراء الفذ

[سنا الهجرة]

شاعرنا,ومشرفنا/سنا الهجرة



أثر قلبك خضر
صح الله لسانك
والله جزلة من راس جزل

دمت بخيروعافية




ههههههههههههههههههه

أبو وليد
أيت أقوى هذي والا ( ول عليها ... )


وانت تدري طال عمرك إن قلوب البشر كلها خضر .. لكن الحدود يجب الا تنتهك
وأخوك سنا يعرف حدوده . ما يتعداها .

صح بدنك يالغالي وماعليك زوووووووود

[صقر قريش]

العمل والبيـت والمسجـد وانـام
جامع الثنتين مـن دنيـا وديـن
هذا حال كثير من الناس اليوم
يعطيك العافية تفخر منتديات ثمالة بك

[سنا الهجرة]

العمل والبيـت والمسجـد وانـام
جامع الثنتين مـن دنيـا وديـن
هذا حال كثير من الناس اليوم
يعطيك العافية تفخر منتديات ثمالة بك
أخي صقر قريش

أشكرك كل الشكر على مرورك وتعقيبك


لا عدمتك يالغالي

[الشيهان]

صح لسانك ياخالي

والله كلام عليه الكلام وحكمة بالغه

تصدق لي اسبوع وانا ادخل المنتدى متصفح واخرج من حيث دخلت واليوم شفت ما يستحيل المرور عليه دون اطراء

[سنا الهجرة]

صح لسانك ياخالي

والله كلام عليه الكلام وحكمة بالغه

تصدق لي اسبوع وانا ادخل المنتدى متصفح واخرج من حيث دخلت واليوم شفت ما يستحيل المرور عليه دون اطراء


الله يسعدك يابو أمجد

هذا بس من حلاوة عيونك >>>>> تشوف كل شي حلو

الله لا يحرمني من تواجدك اللي دائم ما تكمل مواضيعي الا بوضع بصماتك الحوه عليها

إطرائك يرفع كل موضوع فوق مهما كان متواضع ..

عساني ما أنحرم منه

[المختصر]

يعطيك العافية

[سنا الهجرة]

يعطيك العافية

الله يعافيك أخوي المختصر
وشاكرلك مرورك

[المبرِّد]

روح يا شيخ .الله يوفقك
وصح لسانك

[عبدالرحمن الغريب]

الأخ الشاعر ســنا الهـجــــــرة :

أقول شعـر . . ولا يقولة إلا شاعر مشهود له ، والسهم هذا ما يتعداك يا ســـنا . . صحيح انك ســــنا

أبيات سهلة ومعاني قريبة لفهم القارئ العادي . . لكن فيها عذوبة وجمال وصدق ومن خلالها تحترم صاحبها ، ولا يدل ذلك إلا على كفاءته .

هذا ما قدرت أعبر به واسمح لي يالشاعر

تقبل مروري وســـلامي
=

[جميل كردي]

كفانا الله شر الظلام وشر خفافيشه
يعطيكم العافية وصح لسانك

[سنا الهجرة]

روح يا شيخ .الله يوفقك
وصح لسانك


أخي عابر سبيل

نعم عبرت من خلال متصفحي .. ولكنك تركت بصماتك التي أسعدت بها قلبي

أسعد الله قلبك ونور دربك يا ذوووووووووق

[سنا الهجرة]

الأخ الشاعر ســنا الهـجــــــرة :

أقول شعـر . . ولا يقولة إلا شاعر مشهود له ، والسهم هذا ما يتعداك يا ســـنا . . صحيح انك ســــنا

أبيات سهلة ومعاني قريبة لفهم القارئ العادي . . لكن فيها عذوبة وجمال وصدق ومن خلالها تحترم صاحبها ، ولا يدل ذلك إلا على كفاءته .

هذا ما قدرت أعبر به واسمح لي يالشاعر

تقبل مروري وســـلامي
=


أخووووووووي عبدالرحمن الغريب

مشكور على كلامك الحلوووووووو الله يسعدك يالغالي

كلامك هذا وسام يفخر به أي شاعر

وشهادة أعتز بها من رجل وشاعر مثلك

لا عدمتك يالغالي

تشريفك عسل

[طبيب ج ـرآح]

صح لسآنك
قصيدهـ جزله

[محمد بن حميدان]

صح لسانك يا ابوعبدالله .. وهذا العشم فيك انك تخرج لنا بابيات نستمتع بقرائتها ..

[* أسير الصمت *]

صـح لسـانكــ ,,,

[النجم الساهر]

بيض الله وجهك وصح السانك
قطعت جهيزة قول كل خطيب
شاعر وايما شاعر لايشق له غبار

[سنا الهجرة]

بيض الله وجهك وصح السانك

قطعت جهيزة قول كل خطيب

شاعر وايما شاعر لايشق له غبار




ما عليك زووووود يالغالي

انا شاعر وانت نجم .. ويفيني فخر ان يقرأ لي شرواك