الذل ماعمري بيوم(ن)تبعته [الأرشيف]

مشاهدة النسخة كاملة : الذل ماعمري بيوم(ن)تبعته

الشيهان

11-05-2008, 01:54 AM

السلام عليكم ورحمة الله وبركاته
اعترف بأنني من المقلين في المشاركات بهذا المنتدى برغم ما يحمله قلبي من حب له وللقائمين عليه إلا أنني مواظب على الاطلاع والمتابعة لما يدور في ردهاته المختلفة بصفه شبه يوميه تقريبا .
عموما لا أطيل عليكم فقد قراءت البيت الأول من هذه ألقصيده في موقع ما وأعجبني أيما إعجاب مبنى ومعنى فقمت بوضعه مطلع لقصيده اهديها لكم لاتحمل أي مغزى سوى ماوقع في نفسي من حب لهذا البيت الذي لا اعرف قائله ولاباقي قصيدته.

نفسي عزيزة وإفهم العلم لاهنت = الذل ماعمري بيوم(ن)تبعته
أشريك لو تشري وأبيعك إذا بعت = والله ما واحد شراني وبعته
ومن يعطي الدولار ماياخذ السنت = وأنا من أول قدركم قِد رفعته
وشلون تحسبها على كيف ماقلت = ضاعت حساباتك مع اللي جمعته
العام ندري بك وهذي السنه صرت = تمشي على رأيك وعلمي منعته
ماني مغفل وأعرفك لو تغيفلت = وافهم على همسك ولو ماسمعته
أشوف خمسك يالخوي عودت ست = وتقول حقي بالوفى ماشرعته
يومين وإلا مثلها ترمي البشت = وتروح يم اللي من أول قطعته
هذي خواطر من هجوسي على ألنت = ماني بزارع زرعها ولاقلعته
ماشي بحور الشعر في طارف اليخت = ويخت الشعر ماشي ولوما صنعته

وسلامتك أجمعين
أخوكم الصغير طبعا (( أبو أمجد ))

@ بن سلمان @

11-05-2008, 06:44 AM

صح لسانك يابو أمجد
الأشياء تأتي هكذا جميلة بدون موعد أو عناء إنتظار
أتحفتنا بعد غيبة طويلة وما فيه شك يستاهل أوباما متابعتك

أبو عبدالرحمن

11-05-2008, 12:39 PM

صح لسانك يا ابو أمجد

أحبك الله الذي أحببتنا فيه..

وأبيات لا تصدر إلا من : حكيم...وسياسي ...وضابط للأمور...

سنا الهجرة

11-05-2008, 08:44 PM

ما فيك حيله يابو أمجد

ولا هي بغريبه عليك >>> طالع لخالك

صح لسانك صدق والله أبيات جميله وذوق راقي

وبوح أرقى وأرقى

الشيهان

11-06-2008, 08:02 PM

صح لسانك يابو أمجد
الأشياء تأتي هكذا جميلة بدون موعد أو عناء إنتظار
أتحفتنا بعد غيبة طويلة وما فيه شك يستاهل أوباما متابعتك

صح بدنك يابو هبه وكلك ذوق يا راعي الذوق

الشيهان

11-06-2008, 08:04 PM

صح لسانك يا ابو أمجد

أحبك الله الذي أحببتنا فيه..

وأبيات لا تصدر إلا من : حكيم...وسياسي ...وضابط للأمور...

ابو عبدالرحمن حيا الله مديرنا الغالي

صح بدنك وجمل الله حالك على هذا الاطراء يا راعي الاوله

الشيهان

11-06-2008, 08:09 PM

ما فيك حيله يابو أمجد

ولا هي بغريبه عليك >>> طالع لخالك

صح لسانك صدق والله أبيات جميله وذوق راقي

وبوح أرقى وأرقى

فالك الطيب ياخالي
وصح بدنك ولو ما فيك الا انك خالي لكفاك ولكن عليها زياده انك شاعر كبير ومشرف المنتدى بعد هههه

وكل ماقلته من ذوقك الرفيع

المبرِّد

11-07-2008, 03:32 PM

سالم وغانم
فالك البيرق الجديد

الشيهان

11-08-2008, 01:09 AM

سالم وغانم
فالك البيرق الجديد

تسلم وفالك العز يالمبرد

مخاوي منقاش

11-08-2008, 01:49 AM

دورت عن ذيب المواقع ولا افلحت

حتى قليل العرف عنك سألته

بذني همس منقاش تنشد عن الزفت؟

شيها ن حاظر في كواليس نته

الشيهان

11-08-2008, 11:12 PM

دورت عن ذيب المواقع ولا افلحت

حتى قليل العرف عنك سألته

بذني همس منقاش تنشد عن الزفت؟

شيها ن حاظر في كواليس نته

صح لسانك يالحليف القديم المتجدد
وماعليك زود يالذيب
ولاتدور عليه الا عند واحد عارفه لان قليل العرف مايعرفني هههههههههههه

محمد بن حميدان

11-09-2008, 05:15 AM

صح لسانك يا ابوامجد...

قصيده جزلة يا راعي الجزاله...

واقعي جدا

11-09-2008, 05:53 AM

تواصل روعة

الشيهان

11-10-2008, 01:01 AM

صح لسانك يا ابوامجد...

قصيده جزلة يا راعي الجزاله...

صح بدنك يابن حميدان

شرفني مرورك ومشاركتك هنا يالوافي

مخاوي منقاش

11-10-2008, 01:48 AM

الا ياحليف ما شكلي نواة شاعرمستقبلي؟

الشيهان

11-11-2008, 12:20 AM

تواصل روعة

الاخ واقعي جدا مروك على هذا المتصفح اروع من كل القصائد والكلمات

الشيهان

11-11-2008, 12:24 AM

الا ياحليف ما شكلي نواة شاعرمستقبلي؟

ههههههههههههههههه

لالا والله انك صاحب مشاعر قبل ما تكون شاعر وانت ( نانو )الشعر مو بس نواته ولو منت شاعر ماحالفتك والا انت تتوقع اني سهل في اختيار الحلفاء
الشيهان ما يبات الا في روس المراقيب

مخاوي منقاش

11-13-2008, 02:34 AM

اهب ياحليف ما اروعك شاعر ومادح مانت مثل ابن سلمان اشيله فوق ورده مثل وجه مدهش00 اه ياعشرين مثلك نتعب الجن والانس00 الا وش رايك اسمي نفسي مخاوي الشيهان؟

صقر قريش

11-13-2008, 07:38 AM

يعطيكم العافية
ودي اصير شاعر
انتظوني قريبا

الشيهان

11-13-2008, 06:40 PM

اهب ياحليف ما اروعك شاعر ومادح مانت مثل ابن سلمان اشيله فوق ورده مثل وجه مدهش00 اه ياعشرين مثلك نتعب الجن والانس00 الا وش رايك اسمي نفسي مخاوي الشيهان؟

هههههههههه
مازلنا تلاميذ في مدرستك بكل توجهاتها الفكريه شعرا اونثرا فلاتبخل علينا بالمزيد من افكارك النيره خصوصا اذا كنت مسافر حول الشام وما جاورها والله انك تجيب درر مدري وش السالفه اتوقع انها نتيجة ابتعادك عن منقاش واقترابك من المناقيش هههههههههههههههه

اما حكاية التسميه مالها داعي لانك خوي الشيهان من غير تسميه الافضل انك تبقى مخاوي منقاش حتى تكشف لنا اسراره عند الحاجه

الشيهان

11-13-2008, 06:45 PM

يعطيكم العافية
ودي اصير شاعر
انتظوني قريبا

حياك الله ياصقر قريش وعافاك الله

واحنا في انتظار شاعريتك حتى ناخذ معاك شوط من السجال الشعري

مخاوي منقاش

11-14-2008, 02:21 AM

كلمني جابر قبل ثلاث ايام وكذلك عدنان ويتشرهون علي لان منقاش اشتكاني عليهم وقال لهم انا جبته للمنتدى طرب وصارت نشب وزعلان من جد يبدوا اني اصبت منه مقتل علما اني ماقلت لكم انه يوم فاز اوباما ورجع للرياض فقدت فروتي على قدوم القيلات(الكشتات) ويوم سالته قال ايوالله نسيتها على ظهري ما انتبهت الا يوم قالت الوالده الرياض برد ؟ قلت بالعكس حر ويشغلون المكيفات قالت اجل ليه لابس هالفروه؟

الفين

11-16-2008, 01:15 AM

انت تخضرط وش تقول يامخاوي اوباما الثمالي

منهو جابر ومنهو عدنان احنا عرفناك انت ومخاويك حتى نعرف هذولي وش جاب جابر لعدنان واحد ثمالي وواحد شامي

ابو عدي

11-20-2008, 09:14 PM

ابو امجد صح لسانك واعتلا شانك
ماهي غريبه منك الجزله
تحياتي لك