من يجهل الثملان لايلبس عقال

[سلطان الثبيتي]

سلام في حلّه لها صيت ورجال=سلام ياهل الكيف واهل السمينه
من بعد غيبه جيت ابنشد عن الحال=مادام قلبي حي ياساكنينه
ياكيف ابنسى اللي لهم قدر لازال=يبقى على مر الزمان وسنينه
ونعم بطاريكم ليا جات الامثال=بين القبايل كاسبين الثمينه
ياهل الوفا والطيب في كل الاحوال=ماضي وحاضر والعرب خابرينه
من نسل حجاج البطل بعده ابطال=منهجه في التاريخ يادارسينه
واليا اعتدى عادي وغازي ومحتال=يلقى سيوف احداد قدام عينه
من يجهل الثملان لا يلبس عقال=معذور مايعرف يسار ويمينه
يقولها شاعر ليا قالها طال=هاضت به ابياته وخافي كنينه

[الشيهان]

صح لسانك ياسلطان الشعر

والنعم بك وبربعك ومايجي الطيب الا من اهله

[واقعي جدا]

شاعر فحل
وتواصل رائع

[أبو عبدالرحمن]

نعم ما يجي الطيب إلا من أهله..

قصيدة جميلة ورائعة...ونفتخر بها ..

صح لسانك ..وسلم بنانك..ولا عدمناك..

بيض الله وجهك يا سلطان..

[محمد بن حميدان]

صح لسانك يا شاعرنا سلطان وبيض الله وجهك على القصيده....

من يجهل الثملان لايلبس عقال...

[سنا الهجرة]

ياهلا بك ويا مرحبا يا سلطان

وينك يارجل فقدناك ؟


صح لسانك وعلا شانك قصيدة نفخر بها ومن شاعر نعتز فيه

والنعم بك وبربعك .. والطيب مثل ما قالوا .. ما يجي الا من أهله

لا عدمناك يالغالي

[سلطان الثبيتي]

حياك الله يالشيهان وصح بدنك والعين ماتعلى على الحاجب

[سلطان الثبيتي]

واقعي جدً اشكرك على مرورك وردك الجميل

[سلطان الثبيتي]

ابو عبدالرحمن مرورك شرف حياك الله والفخر لي طال عمرك وانتم خوالي

[سلطان الثبيتي]

بن حميدان ماعليك زود وحياك الله

[سلطان الثبيتي]

مشرفنا الخلوق وشاعرنا الكبير سنا الهجره شرفتني يالغالي وتسال عنك العافيه انشا ءلله اعذروني انا ماقطعتكم متابع قصائد انت والاخوان ولكن اعذروني على عدم الرد لانشغالي

[صقر قريش]

بيض الله وجهك
ما فيك حيلة
تسلم على هذه القصيدة
تفخر منتديات ثمالة بك وبقصائدك انت في قلوبنا

[ابو عدي]

انت كريم وثمالة تستاهل
ونعم فيك يالثبيتي كفيت ووفيت
وصح لسانك