شاعر ثمالي
05-12-2006, 12:13 PM
اخوتي الأفاضل:
هذه خواطر رأيت فيها مانحن عليه اليوم وماينتظرنا غدا . أسأل الله لي ولكم
حسن الخاتمة والمنقلب (وان غدا لناظره قريب) واعذروني على تداخل الأفكار
فهي والله من هول الموقف:
يالله ياعالي على كل عالي=يااللي تميت العبد من بعدتحييه
ياسايق المافالسحاب الثقالي=حتى ليامرت على جدب تسقيه
أعطيتني صحة ومال وعيالي=كرمك يغمرني وانا سابح فيه
مديون من ربي على كل حالي=دين مضاعف والعمل مايساويه
قصّرت في حقك يارب الجلالي=والعمر ياقرب اوله من تواليه
ماخفت من غيرك ولاني مبالي=يامن لياضاقت على العبد يرجيه
تدرج بنا الايام درج المحالي=أحد(ن) تسرّح به والآخر تضويه
وتحين ساعة ماوراها مهالي=العمر يمضي والمقدّر نلاقيه
رجاي ترحمني وترفق بحالي=وتزيد في قبري سعة ليلة امسيه
اليوم لابس فوق راسي عقالي=وبكرة ظروف الوقت عني تنحّيه
اليوم انقّي اللبس من كل غالي=وبكره يجي للبس غيري ويرميه
اليوم راسي مرتفع في العلالي=وبكره وسادته الثرى لين تفنيه
الموت حلّ وحان وقت الزوالي=جاني وانا ماكنت عارف حراويه
أخذت حقي من سعادة ومالي=واليوم هذادرب ثاني ونمشيه
اليوم انا حليت قبري لحالي=مواجه اعمالي وحظي مواتيه
القبر ظلمه والصفايح طوالي=وين اللي منول يجينا وناتيه
اليوم مايلقون واحد بدالي=كل(ن) يبي يرجع لشغله وينهيه
هموم لمّت من يمين وشمالي=حالي على رب المخاليق شاكيه
اليوم نسأل عن حرام وحلالي=وكل(ن) يبي يلقى فعوله وماضيه
ياالله تثبتني نهار السؤالي= وترحم ذليل تحت حكمك وترضيه
ياالله دخيلك عن صروف الليالي=وعبدك على الطاعة تعينه وتهديه
والختم صلوا ياوجيه الرجالي=على محمد كل ماحل طاريه
هذه خواطر رأيت فيها مانحن عليه اليوم وماينتظرنا غدا . أسأل الله لي ولكم
حسن الخاتمة والمنقلب (وان غدا لناظره قريب) واعذروني على تداخل الأفكار
فهي والله من هول الموقف:
يالله ياعالي على كل عالي=يااللي تميت العبد من بعدتحييه
ياسايق المافالسحاب الثقالي=حتى ليامرت على جدب تسقيه
أعطيتني صحة ومال وعيالي=كرمك يغمرني وانا سابح فيه
مديون من ربي على كل حالي=دين مضاعف والعمل مايساويه
قصّرت في حقك يارب الجلالي=والعمر ياقرب اوله من تواليه
ماخفت من غيرك ولاني مبالي=يامن لياضاقت على العبد يرجيه
تدرج بنا الايام درج المحالي=أحد(ن) تسرّح به والآخر تضويه
وتحين ساعة ماوراها مهالي=العمر يمضي والمقدّر نلاقيه
رجاي ترحمني وترفق بحالي=وتزيد في قبري سعة ليلة امسيه
اليوم لابس فوق راسي عقالي=وبكرة ظروف الوقت عني تنحّيه
اليوم انقّي اللبس من كل غالي=وبكره يجي للبس غيري ويرميه
اليوم راسي مرتفع في العلالي=وبكره وسادته الثرى لين تفنيه
الموت حلّ وحان وقت الزوالي=جاني وانا ماكنت عارف حراويه
أخذت حقي من سعادة ومالي=واليوم هذادرب ثاني ونمشيه
اليوم انا حليت قبري لحالي=مواجه اعمالي وحظي مواتيه
القبر ظلمه والصفايح طوالي=وين اللي منول يجينا وناتيه
اليوم مايلقون واحد بدالي=كل(ن) يبي يرجع لشغله وينهيه
هموم لمّت من يمين وشمالي=حالي على رب المخاليق شاكيه
اليوم نسأل عن حرام وحلالي=وكل(ن) يبي يلقى فعوله وماضيه
ياالله تثبتني نهار السؤالي= وترحم ذليل تحت حكمك وترضيه
ياالله دخيلك عن صروف الليالي=وعبدك على الطاعة تعينه وتهديه
والختم صلوا ياوجيه الرجالي=على محمد كل ماحل طاريه