(بنات الرياض) قصيدة للشاعر عبد الواحد الزهراني

[أبو عبدالعزيز]

البنات من الرياض اللـي حكايتهـن حكايـة=أهدروا لي دم قلبي وأشعلوا في الرأس شيبي
-
البداية فـي النهايـة والنهايـة فـي البدايـة=تشرق الشمس وتغيب وتشرق الشمس وتغيبي
-
جمعت فحشا علـى منكـر وسمتهـا روايـة=تصنع من الذيب حمل وتصنع من الحمل ذيبي
-
ون حد الاحتـراف ودونهـا حـد الهوايـة=بأبعد من ابعد بعيد وبأقرب من اقرب قريبـي
-
في شريعتها زواج بـدون مهـر ولا ولايـة=ذيك عداها القطار وذيك ما جاهـا ألنصيبي
-
وذي تقول أرضى بكاين من يكن يطلع معايـه=احتفل به واكتفل به شرط ما يطلـع خطيبـي
-
وذي تقول أهتك شرف نفسي وأشهر به نكاية=في أبوي وأمي وعمي وأخوي وفي خطيبـي
-
صورت هـذا البلـد للعالـم الغربـي مرايـه=الثمامة تعكس الصورة من البحـر الكاريبـي
-
ما دري ليش تفوح من صفحاتها ريحه وشاية=خبث صهيوني مغلـف مرتيـن بحقـد ليبـي
-
أنشهرتي يا رجا الصانع بمـا فيـه الكفايـة=إنما ظنـك وظـن اكبـر شياطينـك يخيبـي
-
الرياض الراية الخضـرا تحـدت كـل رايـة=واقفـة بالنـد والمرصـاد للغـزو الصليبـي
-
دار أبو متعب وأبو متعـب تسلمهـا وصايـة=من فهد من سالف أخوانه من الجد العريبـي
-
أصبح أول من رماك اللـي تعلمـه الرمايـة=وأصبح أول من طعنك أخوك ماهوب الغريبـي
-
يمكـن الإرهابـي التقليـدي يفجـر بنـايـة=وإلا يطلق في الهوا طلقة تصيب أو ما تصيبي
-
لكن إرهاب العقول أحـق وأولـى بالرعايـة=والسهام اللي تصيب الفكر مضربها عطيبـي
-
هو صحيـح إن الروايـة رجعتنـا للقرايـة=مير جرح سوته في القلب لا يمكـن يطيبـي
-
وفرت بأسلوبهـا المقـذع تكاليـف الدعايـة=ولبستك البشت بالمقلوب يا غازي القصيبـي
-

[بن داخل]

تسلم على هذا النقل المفيد
سلمت يداك

[@ بن سلمان @]

ابا عبدالعزيز /
اختيار موفق للغاية وفصيدة هادفة
رواية(بنات الرياض)اقل مايمكن قوله عنها انها خطيئة أدبية
تحياتي لك

[واقعي جدا]

سلمت وماقصرت على هذا الاختيار الرائع


كم انت مبدع ياعبدالواحد وياحبي لغيرتك على بلدك
دائما مهتم بقضايا الوطن

وصاحبة هذه الروايه يجب ان تعاقب وتحاسب

[أبو عبدالرحمن]

مشكور أبو عبدالعزيز على هذه المشاركة والنقل الموفق

وفقكم الله