ســـؤال لم أطرحه ؟؟((الحلقه الرابعه ))

[ابوسيفين]

السلام عليكم ورحمه الله وبركاته ومساكم الله بالخير
آسف على التأخر في إنزال هذه الحلقه بسبب مقاشره الشايب اللي أنتم خابرين وبعدها تلفّالنا إبن عزاب باستشاره قانونيه يظهر إنه اشغلنا بها ونسيها 0

المهم انكم تذكرون جلستي أنا وخويّي على الفطور الّلي خلاّ لعاب بعض الناس يسيل ولايعرف وجه القرص من قفاه ، لا وهذا كوم والشاهي الحندقوقي كوم اللي شرب منه صاحبنا إلين صار بطنه مثل القربه وذكّرني ابيات كان يرددها أحد الشياب الله يرحمه

في وصف انسان هور (بفتح الهاء وكسر الواو )ومنها :ابو راس مثل الدبّاه 000 صمخ البندق مايوحيها

وابو بطن مثل العيبه 000 ياخذ عامين يملا فيها
وابو عين مثل البركه 000 اللي طاحت جمعه فيها
=========== 000 ============

الى أن يقووووووووول

واختم قافي بالمغرافي 000 عند الشربه مدّنيها

عموما بعد عيّن خويّي خير قام يتمشى فالوادي ويشرح لي عن الاشجار الموجوده فيه وانا أكيل له فالمديح -- مثل مدح ابو عبدالرحمن للحاج -- وهو كلما له ينتفخ حتى إني خفت إنه ينفجر وفجأه لقيت لي ثوب حنش ويوم ورّيته إياه شرد ولاوقّف الاّ فغماره الددسن وهو يصيح اركب اركب قلت له هذا ثوب حنش قال هذا من الانواع السامّه ابعدنا عن هالديره وسوق تراني ماعاد تقلني رجليه ، ويوم شفته يخاف منه دسيته في جيبي وسقت السياره وبعد مشينا حوالي ثلاثين كيلو صاح فيّه وقف وقف
ويوم قربت توقف السياره نقز منها وراح لتله صغيره وانبطح له جنب شجيره صغيره وناداني تعال ولينّه يوريني بيضه صغيره قريبه من بيض الحمام ، قال لي تعرف هذي قلت يمكن بيض حمام ولاّ قماري قال الحمام يا 00 00( وسبّني) مايبيض على الارض
هذا بيض ام سالم 0 تعرف أم سالم قلت جارتنا وطالع فيّه وضحك وقال الله يعوض أهلك فيك !! أم سالم يا 0000طاير بري صحراوي له صوت جميل تغنى فيه الشعّار ماسمعت الشاعر اللي يقول :


[SIZE=5]لادجت ساعه في الفياض وتمشيت 000 والله ما غبط منصبين البلادي

[COLOR=#990066]صوت ام سالم يوم ترسل زغاريت 000 عندي يفوق منوعات الروادي

وشوف الضعون تسير واللي رعت هيت 000 واللي فحلها ما يعرف القيادي

واللي عويل نجورهم له تصاويت 000 واللي سناها من بعيد ينادي

وشوف البيوت مشيدات بتثبيت 000 ومطارد الحيران عقب الرقادي

اخير مما ينتج النفط والزيت 000 واخير من كيل الذهب والحصادي

http://www.thomala.net/up/m/4c16ffb252.jpg


ثم قال انشاء الله بكره أسمّعك صوتها ويوم شفته طوّلها اخرجت ثوب الحنش ورميته في الارض وقلت له شوف اللي وراك ومن غبائه ماعرف إنه اللي شفناه من أول وهجّ لسيّاره وشلت الثوب ولحقته وبعد مشينا شويّه وصلنا لام رقيبه وفي بدايتها معرض للسيارات القديمه استهوى صاحبي وإليكم بعض صوره وإن كان سبقني السمهري بصور أجمل منها :


http://www.thomala.net/up/m/e6df70c7f1.jpg

وصوره أخرى
http://www.thomala.net/up/m/c1c7aa95b1.jpg

وصوره أخيره

http://www.thomala.net/up/m/d6526e2f47.jpg

وبعد أخذ جوله على السيارات دخلنا الى موقع المهرجان والاسواق المرافقه له أحدثكم عنها في الحلقه القادمه ان شاء الله فانتظروني 0

[أبو عبدالرحمن]

أقول والله يا زين علومك..

شكلي أبطرد ـ رويعي الغنم ـ من رحلاتي الأسبوعية معاه..وتكون رفيقي ..

وزين شفتم ام سالم..وما جاتكم ام عامر

[السَّمْهريّ]

قال الحمام يا 00 00( وسبّني) مايبيض على الارض
هذا بيض ام سالم 0

هههههههه
عاد الحمام ما يبيض على الأرض
فكيف أم سالم تبيض

بصراحة حلقتك هذه بالحلقات الأولة كلها وكله كوم وثوب الحنش كوم
http://www.thomala.com/swr/dar/15.jpg

شكله هذا ..... لا تقول من وين جايبه ؟

[منقاش]

باقي تعليق لي.اروح وبرجع ثاني

[منقاش]

تبارك الله عليك يا دكتور مشعان , أشوفك تبي تغلب على أبو هشيم .
والحقيقه أني أفتخر بك يا دكتور وبالدكتور سلام والدكتاتور ابو عبدالرحمن لأنكم حلفايه على ما في حلف بعضكم من هنات وونات , ولأنكم ضيعتوا المساكين من باقي ألأعضاء واصبحتم تفرون في المنتدى فري.
ولا أخفيكم أني البارح فتحت الكنفيوتر بعد منتصف الليل , ويوم شفت مخاوي من ألأعضاء المتواجدين خبصت بكلام لمت نفسي فيه وعودت سارعت وطلبت من أبو عبدالرحمن يحذفه , ولا قصر حذفه وحط بداله الكلام اللي قريتوه في المداخله الرابعه.

[رويعي الغنم]

أخي الفاضل د/ مشعان : مشكور على هذا الجهد الذي تبتغي من ورائه أبهاجنا وأدخال البسمة على شفاهنا .

[الحاج سلام]

حطيت ثوب الحنش في جيبك ؟؟؟
ما شاء الله على الشجاعة المنقطعة النظير .
من قال ان ثوب الحنش يمكن يوضع في الجيب ؟ وهو هباء يتفتت من اول لمسة . لا وبعد رميته في الارض ,,,
دور غيرها يا دكتور .
وحسب خبرتي في البراري فالمهتمين بها والمتعاملين معها ممن اوصافهم مثل اوصاف خويك يألفون الحشرات والثعابين ولا يخافون منها وكذلك حسب خبرتي في التعامل مع الخوافين . انهم يدعون بطولات وهمية من جنس الامور التي يخافون منها , وبناء على هذه المعطيات فصحة الرواية كما يلي :
مرافقك الاقشر هو الذي اكتشف خوفك من الثعابين والحشرات ,وهو الذي امسك شيئا منها وروعك به .
أليس الامر كذلك يا مخاوي منقاش ؟؟؟

[ابوسيفين]

أقول والله يا زين علومك..

شكلي أبطرد ـ رويعي الغنم ـ من رحلاتي الأسبوعية معاه..وتكون رفيقي ..

وزين شفتم ام سالم..وما جاتكم ام عامر

ومن قل لك اني ابوافق انك تخاويني ، الله من الموانه الزايده ، أنا ماصدّع بي الاّ انتم ياربع الحياه الفطريه والعلّه اللي طحت فيه هو وحندقوقه وبلاوي ثانيه أجيكم بعلومها إنشاء الله0
المهم لاتظن عشانك مدير ان ماحد يقلّك لا 0
وبعدين ترانا حصّلنا أم صالح 0 هل تعرفها ؟؟؟؟

[ابوسيفين]

هههههههه
عاد الحمام ما يبيض على الأرض
فكيف أم سالم تبيض

بصراحة حلقتك هذه بالحلقات الأولة كلها وكله كوم وثوب الحنش كوم
http://www.thomala.com/swr/dar/15.jpg

شكله هذا ..... لا تقول من وين جايبه ؟

انت قاعد لي تلقط فحاجاتي ، حسبي الله على بليسك 0

أشكر لك مرورك الجميل 0

[ابوسيفين]

تبارك الله عليك يا دكتور مشعان , أشوفك تبي تغلب على أبو هشيم .
والحقيقه أني أفتخر بك يا دكتور وبالدكتور سلام والدكتاتور ابو عبدالرحمن لأنكم حلفايه على ما في حلف بعضكم من هنات وونات , ولأنكم ضيعتوا المساكين من باقي ألأعضاء واصبحتم تفرون في المنتدى فري.
ولا أخفيكم أني البارح فتحت الكنفيوتر بعد منتصف الليل , ويوم شفت مخاوي من ألأعضاء المتواجدين خبصت بكلام لمت نفسي فيه وعودت سارعت وطلبت من أبو عبدالرحمن يحذفه , ولا قصر حذفه وحط بداله الكلام اللي قريتوه في المداخله الرابعه.

اعتبرنا ماشفنا شيئ ، وأنا ماهمّني الاّ شماته بعض الناس 0امّا أنت فقد أعلنت بأن لك عليّ فضل يمسح أي شيئ على الاطلاق 0

إلاّ أقلّك ماتفضّل علينا بشرح غريب المفردات في قصيده أبو بطن ؟

[ابوسيفين]

أخي الفاضل د/ مشعان : مشكور على هذا الجهد الذي تبتغي من ورائه أبهاجنا وأدخال البسمة على شفاهنا .

قليل من كثيركم، لكن همّتك معي أنا والشيخ أريد ان أرى ذلك اليوم المماثل ليوم الصحابي الذي أسماه رأس الكفر (( رويعي الغنم ))بعد أن نسقط القناع عنهم واحدا تلو الآخر0

[نسايم]

يعطيك ألف عافية يادكتور:26:لكن الحلقة المره ذي تقلصت كثير والسيارات ماخذة مسااااااااااااااحة!!:19:

[* أسير الصمت *]

يعطيك العافية على الحلقة الرائعة .....

[@ بن سلمان @]

حياك الله يا مشعان وحي علومك
مررت أكثر من مرة على الموضوع وتأبى الحروف على الخروج بمفيد
أجريت إتصالاتي حول قصيدة أبو بطن

[ابوسيفين]

حطيت ثوب الحنش في جيبك ؟؟؟
ما شاء الله على الشجاعة المنقطعة النظير .
من قال ان ثوب الحنش يمكن يوضع في الجيب ؟ وهو هباء يتفتت من اول لمسة . لا وبعد رميته في الارض ,,,
دور غيرها يا دكتور .
وحسب خبرتي في البراري فالمهتمين بها والمتعاملين معها ممن اوصافهم مثل اوصاف خويك يألفون الحشرات والثعابين ولا يخافون منها وكذلك حسب خبرتي في التعامل مع الخوافين . انهم يدعون بطولات وهمية من جنس الامور التي يخافون منها , وبناء على هذه المعطيات فصحة الرواية كما يلي :
مرافقك الاقشر هو الذي اكتشف خوفك من الثعابين والحشرات ,وهو الذي امسك شيئا منها وروعك به .
أليس الامر كذلك يا مخاوي منقاش ؟؟؟

ترى ماكل مرّه يصدّقونك الناس ، وبعدين ماملت عينك صوره الثوب اللي جابها السّمهري مشكور وهو ممدّد بين الأغصان الشائكه ولاتفتّت، اما تخشى أن تفقد مصداقيتك وأنت تفتي في اللي تعرف واللي ماتعرف

وحتى ازيدك من الشّعر بيت خذ هذي الصوره

http://www.thomala.net/up/m/976d37a338.jpg (http://www.thomala.net/up/)

طازه وش رايك

[المشتاق]

السلام على من إتبع الهدى
موضوعك هذا يا دكتور يذكرني بحصار غزة
هذا خويك في يدك ما غير تصرف فيه زي ماتبي بها الثوب وهو لو يدري إنه ثوب أم صالح كان إلتفت لك

[ابوسيفين]

يعطيك ألف عافية يادكتور:26:لكن الحلقة المره ذي تقلصت كثير والسيارات ماخذة مسااااااااااااااحة!!:19:

انشاء الله نعوضها فالحلقه الجايه 0
بس قولي لي وش معاني الكلمات الغريبه في وصف أبو بطن ؟ والسؤال للجميع؟؟؟؟؟؟؟؟؟

[ابوسيفين]

يعطيك العافية على الحلقة الرائعة .....

ويعافيك ويفكك من الصمت اللي آسرك لين تظلّي هذرتك يسمعها الّلي في جرجه!!

[ابوسيفين]

حياك الله يا مشعان وحي علومك
مررت أكثر من مرة على الموضوع وتأبى الحروف على الخروج بمفيد
أجريت إتصالاتي حول قصيدة أبو بطن

مرورك شرف ولاقطعنا الأمل منك0 وبعدين ماهو عاجبك الدال بكبره اللي مارضيتوا تودونه لراعيه

[ابوسيفين]

السلام على من إتبع الهدى
موضوعك هذا يا دكتور يذكرني بحصار غزة
هذا خويك في يدك ما غير تصرف فيه زي ماتبي بها الثوب وهو لو يدري إنه ثوب أم صالح كان إلتفت لك

يعني مانت متأكد من إسلامنا يوم تسلّم بها الطريقه 0
لكن وش تقول فرجّال بالنهار مع الورعان وفالليل مع النسوان 0

[المشتاق]

لكن وش تقول فرجّال بالنهار مع الورعان وفالليل مع النسوان 0
يا بعد رميك يا بعيد المرامي

[مخاوي منقاش]

الحاج المحترم/اهنئك على بسالتك التي تذكرني ببسالة الشيهان ايام زمان يوم الواحد ياطأ الحنش وهو حافي ويرجع عنده ويقول حسبي الله على البلدية اللي مايشيلون هالحشرات عن دربنا0 ولولا انني موقف قنوتي على اهلنا في غزة لدعوت لك ضد المرتزقة في هذا المنتدي 0 فالله الله لانؤتى من قبلك شد المئزر رزقك الله الشهادة
اما انت يابو عبد الرحمن لو فتشت رجال الكرة الارضية لن ولم تجد خوي مثلي بس مشكلتي اني خارجي النجعة واسأل ابن سلمان عن رحلاتنا السرية والذي حلفني على المصحف ان لا ابوح بها ولكن عاداتي التي لم استطع الفكاك منها (زلات اللسان)
اما انت يامن تتسمى بالدكتور فيحان قصدي مشعان هل وصلت بك الحال ان تستجدي منقاش ان يحالفك وهو معروف انه حامل لواء الغدر تبا لك وله

[@ بن سلمان @]

اما انت يابو عبد الرحمن لو فتشت رجال الكرة الارضية لن ولم تجد خوي مثلي بس مشكلتي اني خارجي النجعة واسأل ابن سلمان عن رحلاتنا السرية والذي حلفني على المصحف ان لا ابوح بها ولكن عاداتي التي لم استطع الفكاك منها (زلات اللسان)


أول شيء يا المخاوي تحضر الفتشة وخاصة للرجال والا الحريم فتش زي ما تبي
وثاني شيء إنتبه لزلات لسانك رحلاتنا كلها عمرة في عمرة الله يهديك بس

[ابوسيفين]

يا بعد رميك يا بعيد المرامي

الزول واضح والفشك من حزامي

[ابوسيفين]

الحاج المحترم/اهنئك على بسالتك التي تذكرني ببسالة الشيهان ايام زمان يوم الواحد ياطأ الحنش وهو حافي ويرجع عنده ويقول حسبي الله على البلدية اللي مايشيلون هالحشرات عن دربنا0 ولولا انني موقف قنوتي على اهلنا في غزة لدعوت لك ضد المرتزقة في هذا المنتدي 0 فالله الله لانؤتى من قبلك شد المئزر رزقك الله الشهادة
اما انت يابو عبد الرحمن لو فتشت رجال الكرة الارضية لن ولم تجد خوي مثلي بس مشكلتي اني خارجي النجعة واسأل ابن سلمان عن رحلاتنا السرية والذي حلفني على المصحف ان لا ابوح بها ولكن عاداتي التي لم استطع الفكاك منها (زلات اللسان)
اما انت يامن تتسمى بالدكتور فيحان قصدي مشعان هل وصلت بك الحال ان تستجدي منقاش ان يحالفك وهو معروف انه حامل لواء الغدر تبا لك وله

رجعنا لسالفه العمره والقنوت ، تدري إن اهم ماعاجبني في الشيخ إنه عارف قدرك تمام ، والدليل إنك مجرد ماتشوفه محضّر فالمنتدى تنسحب على طول وتقفل كمبيوترك تظن انه يخرج عليك منه0
أمّا الحاج فقرّبت الغرفان حقته ==على قول الشيخ==تنتهي وساعتها يبغدي مغدى دعدع وخويه 0أنصحك عد لرشدك ونبي نطلب لك العفو من الشيخ 0

[ابوسيفين]

أول شيء يا المخاوي تحضر الفتشة وخاصة للرجال والا الحريم فتش زي ما تبي
وثاني شيء إنتبه لزلات لسانك رحلاتنا كلها عمرة في عمرة الله يهديك بس

الله من الدبلوماسيّه يابن سلمان ، ليش ماتقول الصراحه وان رحلات المخاوي السرّيه كلها للبطحا يوم الجمعه0

[منقاش]

أخويه الدكتور مشعان , أنت كبير والكبير مثلي ومثلك ومثل الشيخ سلام وابو عبدالرحمن ما يحط عقله بالصغار أو بالأحرى الخنافس (ابو دربيه) أمثال المخاوي .
ولعلمك أن أقتران أسم هالماخوذ بأسمي سبب لي حرج عند شرواك من الرجال , وسبق أني طلبت من المشرفين يحولون معرفه لمخاوي ساده بدون ذكر لعملاق ثماله فخامة الشريف منقاش .
لكن السمكه راسها فاسد والرجال مرقد المشرفين برشاوي التمر والكليجه وزيت الزيتون , والأموريبدو لي أنها ما تبي تصلح حتى ننزع الشرافه من أبو عبدالرحمن وتسلم لي حتى أقود السفينه لبر ألأمان , والا قول الخلف على الله في المنتدى واللي فيه من الهشيم حق سلام والسعالات حقتك اللي ما طرحتها وغيرك سدح بها ..

[ابوسيفين]

أخويه الدكتور مشعان , أنت كبير والكبير مثلي ومثلك ومثل الشيخ سلام وابو عبدالرحمن ما يحط عقله بالصغار أو بالأحرى الخنافس (ابو دربيه) أمثال المخاوي .
ولعلمك أن أقتران أسم هالماخوذ بأسمي سبب لي حرج عند شرواك من الرجال , وسبق أني طلبت من المشرفين يحولون معرفه لمخاوي ساده بدون ذكر لعملاق ثماله فخامة الشريف منقاش .
لكن السمكه راسها فاسد والرجال مرقد المشرفين برشاوي التمر والكليجه وزيت الزيتون , والأموريبدو لي أنها ما تبي تصلح حتى ننزع الشرافه من أبو عبدالرحمن وتسلم لي حتى أقود السفينه لبر ألأمان , والا قول الخلف على الله في المنتدى واللي فيه من الهشيم حق سلام والسعالات حقتك اللي ما طرحتها وغيرك سدح بها ..

لاياشيخ العجله مالها داعي 0والرجّال ماربط إسمه بك إلاّ وهو يحبّك ، وانا جاني علوم إنه يبذل جهد لإصلاح الأمور والكتابات اللي تشوفها تراها مزوّره عليه من ناس يسعون لإذلاله من ناحيه وإضعافكم من ناحيه أخرى وأنا ماأستبعد إن أبو عبدالرحمن له يد، وهو اللي ورى عدم إضافه هديتي لكم الى لقبكم 0
أنته هدّي اللعب شويه مع أبو عبدالرحمن وتوسط عنده برويعي الغنم والأمور تصلح إنشاء الله وأنا بصفتي إني بديت أهمّش الحاج مما دفع أبو عبدالرحمن للتقرب مني لأخذه في رحلاتي سأبذل بعض الجهود واسأل الله التوفيق0

[منقاش]

أرجوك يا دكتور مشعان لا تحسن ظنك بالرويبضه (المخاوي) , واسأل عنه حليفه سابقا المسمى بالشيهان اللي باع المخاوي ببصله مزرعه وندم على كل دقيقه حالفه فيها .
واسأل عنه ابن فنحاص , هذا البطل المتفنحص اللي أذا شافه المخاوي هرب وغير الديره بغيرها .
الزبده : ما للمخاوي عندي الا حد السيف هو وكل جبان يقف في صفه , ولو أعرف هاللحظه المكان اللي منجحر فيه كان طرت من الطايف حالا وكتفته وجبته يرفل في ألأغلال وحبسته في واحده من خربان الديره حتى يجتمعون خماس ثماله ويصدرون فيه الحكم اللايق بأمثاله , ويا ويل وسواد ليل من يسمي عليه ....

[مخاوي منقاش]

الاخ الدختور/مشعان اود ان اسالك سؤال بيني وبيتك وش معجبك بالشايب العايب منيقيش او شغلة لعانة تتمسكن لين تتمكن وبعدين تشوته شوته ياسر في مرمى الامارات فان كنت الثاني فامض بلا هواده واذا انجزت مهمتك فانت من احلف حلافائي وعبائتي تتسع لكل ماكر اشر 0
منقاش /انني من اسمك لقرفان ولكن المشط نشب باللحية 0
ابن سلمان/سرنا تواجدك بعد اشاعة المرض من طابور خامس واسمحلي اذا افشيت سرك ولكني دائما واضح جايز لك والا اشرب من ماء الحنفية
ابو عبد الرحمن/صبرا اخونا فلا زال منقاش ومن تحالف معة من شياطين المنتدى يمطرونك بوابل من مكائدهم ليلقوا بك من على كرسي الريادة وانت صامد صمود الاشاوس فثق بان حليفك القوي سياخذ الراية فور سقوطها من يدكم الكريمه لكي اخليهم يترحمون عليك(الله يحم الحجاج عند ولده)

[مخاوي منقاش]

منقاش/انا بالرياض وابن سلمان يعرف بيتي وانا اجهز لرحلة باكو عاصمة اذريبيجان وان كنت بطل وشجاع خاوني بعد ثلاث اسابيع باذن الله وسوف اوافيكم بتقرير كامل عن الرحلة 0 وابن فنحاص من يكون؟

[ابوسيفين]

أرجوك يا دكتور مشعان لا تحسن ظنك بالرويبضه (المخاوي) , واسأل عنه حليفه سابقا المسمى بالشيهان اللي باع المخاوي ببصله مزرعه وندم على كل دقيقه حالفه فيها .
واسأل عنه ابن فنحاص , هذا البطل المتفنحص اللي أذا شافه المخاوي هرب وغير الديره بغيرها .
الزبده : ما للمخاوي عندي الا حد السيف هو وكل جبان يقف في صفه , ولو أعرف هاللحظه المكان اللي منجحر فيه كان طرت من الطايف حالا وكتفته وجبته يرفل في ألأغلال وحبسته في واحده من خربان الديره حتى يجتمعون خماس ثماله ويصدرون فيه الحكم اللايق بأمثاله , ويا ويل وسواد ليل من يسمي عليه ....

ماش مانت على خبري ، الموضوع يبغى له إجتماع مثل الاجتماع اللي بدا يزلزل عرش الحاج حتى من أثره نصى المخاوي يستنجد به ونسي الأصل ، ولاّ معقول واحد ينصى التابع ويترك المتبوع 0
امّا الشيهان صار قرناس وخلّه فحاله 0

[ابوسيفين]

الاخ الدختور/مشعان اود ان اسالك سؤال بيني وبيتك وش معجبك بالشايب العايب منيقيش او شغلة لعانة تتمسكن لين تتمكن وبعدين تشوته شوته ياسر في مرمى الامارات فان كنت الثاني فامض بلا هواده واذا انجزت مهمتك فانت من احلف حلافائي وعبائتي تتسع لكل ماكر اشر 0
منقاش /انني من اسمك لقرفان ولكن المشط نشب باللحية 0
ابن سلمان/سرنا تواجدك بعد اشاعة المرض من طابور خامس واسمحلي اذا افشيت سرك ولكني دائما واضح جايز لك والا اشرب من ماء الحنفية
ابو عبد الرحمن/صبرا اخونا فلا زال منقاش ومن تحالف معة من شياطين المنتدى يمطرونك بوابل من مكائدهم ليلقوا بك من على كرسي الريادة وانت صامد صمود الاشاوس فثق بان حليفك القوي سياخذ الراية فور سقوطها من يدكم الكريمه لكي اخليهم يترحمون عليك(الله يحم الحجاج عند ولده)

يقولون اللي مايعرف الصقر يشويه 0 ولايغرّك الهمز واللّمز حق بعض النّاس ترى مالك الاّ عمّك وليا جا ء الجد تراه مايسفط فيك والدليل إنه ماربط بشخصيته الاّ إثنين واحد بالاسم والثاني بالصوره 0
أقول عذبل الشيطان 0

[@ بن سلمان @]

منقاش/انا بالرياض وابن سلمان يعرف بيتي وانا اجهز لرحلة باكو عاصمة اذريبيجان وان كنت بطل وشجاع خاوني بعد ثلاث اسابيع باذن الله وسوف اوافيكم بتقرير كامل عن الرحلة 0 وابن فنحاص من يكون؟

اقول الجو هناك يقولون حر ودرجة الحرارة حول 40 درجة يعني يالله نمشي بشورتات فلو تصبر لين الجو يبرد شوي على الاقل الواحد يتستر شوي قدام الناس حتى أخاويك

[ابوسيفين]

هواه التعشير أصحاب القداديح ألأصليّه غدا انشاء الله موعدكم مع الحلقه الخامسه

[انا ثمالي وفتخر]

http://www.thomala.net/up/m/078fb08571.gif (http://www.thomala.net/up/)