ابوفهد الحشيشي حياك الله مطلوب [الأرشيف]

بن داخل

01-21-2009, 08:43 PM

الحشيشي لو تنشدته وجبت اخباره = يمكن ان الصبح يصبح ما تهنت عينه
عام الاول قالو انه عمدت اهل الحاره =والعشيه قام يومي للعرب بيدينه

أبو علي

01-21-2009, 11:15 PM

وينك يا حشيشي لك ساعتين ما شفنا ردك ياعسى ما شر ، الغايب عذره معه يابن داخل عليك الصبر والتأني .................................بيجيك الرجل .

بن داخل

01-22-2009, 03:51 PM

الغايب عذره معه
وابو فهد ماغيبه الا انه بعيد عن المنتدى
ويب يجي بعون الله وهوسالم

ابو فهد الحشيشي

01-22-2009, 03:55 PM

مرحبابك يبن داخل

والله دوب شفت البدع لكن السموحه

استلم00لاهنت

مانبا نقض البعير الا على الجزاره=انت وينك والكلام اللي تقوله وينه

انتبه للدرب الايسر لاتلف الطاره=لاتلف يسار حتى لو يسارك عينه

صقر قريش

01-22-2009, 03:57 PM

الحشيشي لو تنشدته وجبت اخبـاره
يمكن ان الصبح يصبح ما تهنت عينه
عام الاول قالو انه عمدت اهل الحاره
والعشيه قام يومـي للعـرب بيدينـه

مافيك حيله فالك البيرق

أبو عبدالرحمن

01-22-2009, 07:41 PM

ربي وربكم...

واش خليتم ...إذا هذه البداية!!!

أبو عبدالرحمن

01-22-2009, 07:47 PM

الحشيشي لو تنشدته وجبت اخباره = يمكن ان الصبح يصبح ما تهنت عينه
عام الاول قالو انه عمدت اهل الحاره =والعشيه قام يومي للعرب بيدينه

مانبا نقض البعير الا على الجزاره=انت وينك والكلام اللي تقوله وينه

انتبه للدرب الايسر لاتلف الطاره=لاتلف يسار حتى لو يسارك عينه

فالكم التوفيق

بن داخل

01-22-2009, 08:38 PM

البعير اليا هدر جلى العرب بهداره =كيف لو تسمع صريفه ترمي السكينه
أنت ما عنك خبر عن سايق الطياره = الهدف في وسط غزه والرمي في سينه

حياك الله يابو فهد
نلتقلي إذا ما عندك ارتباط الساعه تسعه ونص

ابو فهد الحشيشي

01-22-2009, 09:52 PM

البعير اليا هدر فالساعه الغداره=يعرف الجزاره اللي تقصبه من حينه

علمنا بالصراحه لاتجيب الباره=لو تودي الحبه الصمه تجيك طحينه

بن داخل

01-22-2009, 10:07 PM

أدري ان الطير الاخضر مشبعه منقاره = بس يا قاري الكتاب ادرى عليه بصينه
لا تطب الوادي اللي ما تطفى ناره = ان سلمت من اللهايب ما سلمت دخينه

سنا الهجرة

01-22-2009, 10:40 PM

الله الله الله .. وش ذا العلم .. وش ذا العلم

الليله الليله الملعبه لها طعم ورائحه فايحه

ابن داخل ... الحشيشي .. يا طيبكم ويوم الله يجيبكم

متابعين باستمتاع

بن داخل

01-22-2009, 10:49 PM

سنا الهجرة
الطيب بو جودك ووجود ابو فهد

ابو فهد الحشيشي

01-22-2009, 11:15 PM

النحل في جوف عوده لاتطش ثياره=والعسل في السوق غالي مرتفع تثمينه

ماتعلمت العرب ومنفذين الغاره=كاتم الاسرار من قبل امس لاهالحينه

ابو فهد الحشيشي

01-22-2009, 11:18 PM

العواني الطيبين والمشاهدين الاعزاء

كل باسمه وحضوركم وتواجدكم يهمنا

تواجدكم راقي وحضوركم يشرف

الارسال عندي ماهو باللي ولاودي كل منكم له تحيه خاصه ولكن اعذروني

بن داخل

01-22-2009, 11:37 PM

الجيوش تقودها الفرسان وسط غباره = والبديوي مايعذر في معزه وضينه
سد مارب يتهمون انه بسبة فاره = وابن داخل مايصدق هرج ماله بينه

بن داخل

01-22-2009, 11:39 PM

يابو فهد حياك الله تحية لمطر
أنت أخ وعزيز والاتصالات هذا شغلها مع كل الناس

ابو فهد الحشيشي

01-23-2009, 12:08 AM

اثر ابن داخل سوات اجحا على مسماره=عنقله مسماره وطاري الرجل ياشينه

علم في خاطرك يابوزيد دور غاره=والله ليصبح علاك الصبح وانت دوينه

بن داخل

01-23-2009, 12:26 AM

الونيت اللي تسوقه لا تطفي انواره =تنقلب فالدرب وتعلم عليك جهينه
لا تعنى فالزمان اللي بلتك اقداره = ما خبرت ان المصلي يب يغير دينه

أبو فهد بيض الله وجهك
وصح لسانك
ودنا نتعلم منك والهدف التسلية
الختام عندك وتصبح على خير حال

أبو عبدالرحمن

01-23-2009, 12:41 AM

ما عندي جهاز ..ولا اتصال!
اتصفح من الجوال؟
اعذرونا على التقصير

ابو فهد الحشيشي

01-23-2009, 12:50 AM

لد في خط الحويه كم معه سياره=كل سواقٍ يحرف طارته بيمينه

وانت مع خط المشاه تباري المراره=الخطر يهون للي ماشي برجلينه

بيض الله وجهك ياصاحبي بن داخل والله ما علاك زود ياراعي العلوم الوافيه

ونتشرف بالمحاوره معك والرجال الطيبيين امثالك العراف والشكر للمتابعين والسلام

سلطان الثبيتي

01-23-2009, 12:56 AM

صحت السنتكم يامبدعين شعار معنى ومبنى ولا هي غريبه على امثالكم وياليتني متابع من اول المحاوره لكن لحقنا خير بن داخل شاعر كفوا والحشيشي ماقصر ومعذور يابو عبدالرحمن والا حظورك شرف كبير ويضفي على المحاوره الشي الكثير