من يفزع لي بحل

[بحربن الفرات]

ياجماعه اصبحت مطارد واشغالي توقفت بسبب قسايم المرور تركمت حتى انتهت استمارة سيارتي فزاد التركم سرت اخذ قسايم على تطويف الاستماره الرخصه انتهت سرت اخذ قسايم على نهايتها وصلت لدرجة ان بعض العسكر يشك في صورتي من ماهي قديمه وبيني وبينها فرق اروح للحوال المدنيه يقلون سدد القسايم وكل يوم تزيد ووصلت لحد لن تصدقوني اذا قلته وش الحل مقدر اسددها

يبو عبد الرحمن طلب خاص منك ومن الباقين شوفو لي حل

[أبو عبدالرحمن]

أخي بحر \
الله يكون في عونك...

ودي أساعدك!!! لو كنت أنت الوحيد!

ومساعدتي نصيحة ....
خلك ماسك الخط اليمين...ووقف عند إشارة المرور ...ولا تتجاوز خطوط المشاه

وعساك سالم وغانم,,,

[بحربن الفرات]

اخويه ابو عبد الرحمن والله لم اخذ قسيمة في حياتي لقطع اشاره او الوقوف على خط المشاه او السرعة اوعكس السير او المشي في الجانب الايمن ومن ثم الانحراف الى الجانب الايسر ودايما ماشي باليمين لان سيارتي على قد حالها لا استطيع تجاوز احدا بها ولهذا تجدني بالجانب الايمن ونصايحك على راسي من فوق ولكن املي فيك كبير وفي بقية الاخوان بعد الله سبحانه وتعالى فلا تبخل وتاخذ الموضوع على انه ليس جدي وتبالغ بالنصايح التي ارى انها لم تسر في الجانب الايمن

[زيد الخير]

انا حزين على الشباب اللي فكر كيف يتكسب بالحلال.واخذ سيارته الخاصة في نقل الركاب .ويجي المرور ويأخد عليه قسيمه. والله قهر

[سنا الهجرة]

ياخي المرور هذا تسلط على العالم .. وبعدين سبحان الله المفحطين والمتهورين ما يقولون لهم شي

أما يقول لك ليش التضلييل .. والا انت واقف خطا ( وكل الناس واقفين ) بس.. والا شارع كل العالم تعكسه ولا يشوف الا انت
وهذا ما حصل معاي انا شخصياً بس العمليه عمليه مزاج ونفسيه رجل المرور اذا كان مزاجه متعكر يعطيك قسيمه لو ما سويت شي

الله يصلحهم وبس

انا ابي اجدد الرخصه والاستمار من سنه عجزت .. كل ما سددت المخالفات ورحت بجدد .. اخذت قسيمه وهونت

وعلى هذا الحال

[أبو عبدالرحمن]

اخويه ابو عبد الرحمن والله لم اخذ قسيمة في حياتي لقطع اشاره او الوقوف على خط المشاه او السرعة اوعكس السير او المشي في الجانب الايمن ومن ثم الانحراف الى الجانب الايسر ودايما ماشي باليمين لان سيارتي على قد حالها لا استطيع تجاوز احدا بها ولهذا تجدني بالجانب الايمن ونصايحك على راسي من فوق ولكن املي فيك كبير وفي بقية الاخوان بعد الله سبحانه وتعالى فلا تبخل وتاخذ الموضوع على انه ليس جدي وتبالغ بالنصايح التي ارى انها لم تسر في الجانب الايمن

عاد السموحة أن كثرت عليك:D..ونصائحي كانت من باب المحبة والخوف عليك,,
أهم شيء أبعد عنك اليأس..وستجد من يهتم

[بحربن الفرات]

زيد الخير الله يزيدك من الخير ولا يحرم منك الغير شكرا لمواساتك في القول ويبقى الفعل

[بحربن الفرات]

سنا اهجره طاح صردان على بردان ويا اللي كمانا تعالوا عندنا والحال مستور

[بحربن الفرات]

عاد السموحة أن كثرت عليك..ونصائحي كانت من باب المحبة والخوف عليك,,
أهم شيء أبعد عنك اليأس..وستجد من يهتم



اخويه ابو عبد الرحمن مازلت عاتب عليك فانت الماسك بزمام امور المنتدى وكنت اتوقع ان يكون ردك ايجابي وليس من الباب الخلفي للمحبه سامحك الله:29::29::29:

اخويه هذا المنتدى منتدى المجتمع الواحد اتمنى ان يكون كذلك وان يكون هناك معطيات تثبت ذلك

[@ بن سلمان @]

أهل مكة أعرف الناس بشعابها وأنت دليلتي في الطائف

اخويه هذا المنتدى منتدى المجتمع الواحد اتمنى ان يكون كذلك وان يكون هناك معطيات تثبت ذلك

أجل الحل في إنشاء صندوق للجماعة يخصص منه جزء لسداد مخالفات الجماعة وقسايمهم

[بحربن الفرات]

اخويه بن سلمان لا تختلط عليك الامور فتخلط الاذواد مجاهيم ووضح ماتجي في مراعي ليست مراعيها

وبعدين حمام الحرم مايدل الوحشي

والصندوق خطوة مباركة وانا اول واحد يساهم واول واحد يقترض فكرة جيدة اتمنى ان ترى النور قريبا

[الفين]

اول شي انا لي ملاحظه على اسمك فكيف يكون البحر ابن النهر الا اذا انقلبت الموازين فهذه خارجه عن القاعده

نرجع لموضوع ((الترفد )) حقك في المنتدى نقول حياك الله وانت بحر ولكن ان شاء الله منت غدار والبحر خيره وفير وباطنه ملي بالخير فلن تعدم الوسيله لقضاء دينك وفك عسرك ما عليك سوى الصبر والتفكير بعقلانيه متجرده ولاتجعل الضغوط تغير مجرى تفكيرك وعند ذلك ستجد الحل امامك عند اطراف اناملك ياابن الفرات وليتك تستفيد من خبرة ولد عمك ابن النيل

[سنا الهجرة]

اخويه بن سلمان لا تختلط عليك الامور فتخلط الاذواد مجاهيم ووضح ماتجي في مراعي ليست مراعيها

وبعدين حمام الحرم مايدل الوحشي

والصندوق خطوة مباركة وانا اول واحد يساهم واول واحد يقترض فكرة جيدة اتمنى ان ترى النور قريبا


اسلوبك يذكرني بصاحب موضوع النقد .. لا يكون انت هو؟؟

[بحربن الفرات]

اسلوبك يذكرني بصاحب موضوع النقد .. لا يكون انت هو؟؟

اخويه دخيلك لا تغير الموضوع بالعربي عندك فزعة جزاك الله ماعندك هم جزاك الله خير

كنت اامل فيك بعد الله ولاكن لا اعطيتني ولا سلمت هرجك. الله لايوقفك مواقف حرجه

واقول اللي عنده فزعة لي يحطها في حساب التبرعات حق ابو عبد الرحمن هرجه للجميع

وابو عبد الرحمن يوصلها لي الله يجزاه ويجزاكم بالخير وعساه في ميزان حسناتكم .من

فرج عن مسلم كربة فرج الله عنه كربة من كرب يوم القيامة

[بحربن الفرات]

اول شي انا لي ملاحظه على اسمك فكيف يكون البحر ابن النهر الا اذا انقلبت الموازين فهذه خارجه عن القاعده

نرجع لموضوع ((الترفد )) حقك في المنتدى نقول حياك الله وانت بحر ولكن ان شاء الله منت غدار والبحر خيره وفير وباطنه ملي بالخير فلن تعدم الوسيله لقضاء دينك وفك عسرك ما عليك سوى الصبر والتفكير بعقلانيه متجرده ولاتجعل الضغوط تغير مجرى تفكيرك وعند ذلك ستجد الحل امامك عند اطراف اناملك ياابن الفرات وليتك تستفيد من خبرة ولد عمك ابن النيل

بحر وجار الزمن والصيد الجاير. وجزاك الله خير والعين بصيرة لاكن الايد قصيره

اخويه انا ماطلبت تفسر اسمي وانت خبرك عتيق نحنا ذلحين بعام 2009 وانته من عام

التو

الدنيا تغيرت والعيال كبرت

[مدهش]

أخونا بحر
خذها من قاصر فأنت عائل مستكبر وبمعنى آخر طرار ومتشرط
إذا كنت صاحب حاجة للقسايم أو حتى لتستر عورتك عرف بنفسك عبر الخاص لأبي عبدالرحمن أو للمشرف سنا الهجرة بعيداً عن أسلوب الوقوف على أبواب المساجد .

أخونا البحر
يبدو لي بأنك جئت للتسلية والطقطقة والتي لا تليق بعاقل والحساب الذي تتهكم به هو مشاركة من إخوة لهذا الصرح الذي يبدو لي أنه يقتلك بنجاحه .

[سنا الهجرة]

اخويه دخيلك لا تغير الموضوع بالعربي عندك فزعة جزاك الله ماعندك هم جزاك الله خير

كنت اامل فيك بعد الله ولاكن لا اعطيتني ولا سلمت هرجك. الله لايوقفك مواقف حرجه

واقول اللي عنده فزعة لي يحطها في حساب التبرعات حق ابو عبد الرحمن هرجه للجميع

وابو عبد الرحمن يوصلها لي الله يجزاه ويجزاكم بالخير وعساه في ميزان حسناتكم .من

فرج عن مسلم كربة فرج الله عنه كربة من كرب يوم القيامة

ترى الحساب مجرد فكره ما بعد تم .. أنت من الحين حطيته حساب ,, وحق ابو عبدالرحمن بعد

الله المستعان.

أقول أنت شكلك من جد جاي تتسلى .. لكن تدري الله يعطينا ويعطيك

[بحربن الفرات]

ما اقول الا الله يجزاكم خير والله هو الرزاق ربنا يفرجها ونا اسف اذا احرجتكم

اخويه مدهش الله يسامحك انا طريت لاكني ما تشرطت كلن وجوده مالي شرط على احد ولو اعرف

بيتك كان جيتك وطريت عنده والله انك تستاهل العنوه لبيتك . شكرا حبيبي لا تزعل وتزعلني معك

تراني مقوى زعلك وهم انت مثلي ماتقوي زعلي وخل الرحمن بيننا لا يدخل بيني وبينك غيره

[بحربن الفرات]

ترى الحساب مجرد فكره ما بعد تم .. أنت من الحين حطيته حساب ,, وحق ابو عبدالرحمن بعد

الله المستعان.

أقول أنت شكلك من جد جاي تتسلى .. لكن تدري الله يعطينا ويعطيك

اخويه سنا الهجرة الله يجزاك خير انت هميت بالخير وان لم تفعل فلك اجره عسى الله

يصلح احوالك وتذكرني وما كان ذلحين مره ثانيه مازلت اطمع فيك

[أبو عبدالرحمن]

سامحك الله يا بحر..طلع موضوعك كله مزوج...وأنا كنت مصدقك!!!

أجل ننقله هنا ..لعل شيوخ الاستراحة يقدموا لك مساعدات أخرى...

[بحربن الفرات]

سامحك الله يا بحر..طلع موضوعك كله مزوج...وأنا كنت مصدقك!!!

أجل ننقله هنا ..لعل شيوخ الاستراحة يقدموا لك مساعدات أخرى...

يابوعبد الرحمن كنت اظن انك اول واحد يصدقني لاكن من اول رد لك عرفت انك اول واحد

ماهو مصدقني وذلحين جاي تقلي كنت مصدقك يعني اثروا عليك الجماعة وانت ماصدقت

تدور الفكه ياحيف كنت اظنك تقسم الكسرة بيني وبينك وذلحين كوشت على الكيكة كلها

يبو عبد ارحمن تبيني اعطيك رقم حسابي لاثبت لك صدق النوايا انظرني بعين طبعك

تشوفني صادق في كل شئ راجع نفسك:29:

عودة لبن سلمان انت احد شيوخ المنتدى وابو عبدالرحمن رمى الكورة في ملعبكم

ولاكني هذي المرة ماني جايك ادور سلف ولا طرار جايك بعلم انته قده متوجه بك على

مدهش يكفيني خيره انا ادري انك تمون عليه وعصاك اللي ماتعصاك وقلمه بيدك تراه

وصلها معيه مواصيل الزرى وانا على قولك لا هشته ولا نشته طلبت من الكل طلبة

معروف ان اعطوا جزاهم الله خير وان ما اعطوا فلا ينهروا وطلبتي لا نويت بها شر ولا

حديته على القشر قله يرفع البندق اما هفت وغبرت علينا ميقاعها والا زمت خله يركد

برميه :5::26:

سنا الهجرة انت من عقال المنتدى ماظنيت غير ذالك والعاقل شوره من زوره خل وحدة

صنجا والثانيه ماتوحي:26:

وتروني باقي على علمي ماغيرته:5:

[أبو عبدالرحمن]

ودي الكسرة أوزعها بالعسل الصافي
أي مايخلط السم فيها

[سنا الهجرة]

سنا الهجرة انت من عقال المنتدى ماظنيت غير ذالك والعاقل شوره من زوره خل وحدة

صنجا والثانيه ماتوحي:26:

وتروني باقي على علمي ماغيرته:5:


طيب ليش كل هذا المشوار >> انا صراحه مستغرب كل هذي اللفه اللي ما لها داعي
تصدق اني عرفتك .. من ثاني او ثالث رد لك

لكن اللي ما عرفته وش هدفك بالضبط

يعني .. وش تبي

هل تريد ان يصبح موضوعك من اكثر المواضيع ردود
او تريد الشهره >> ان كان تريد هذا فهي تحققت لك في الموضوع الاول ..
أما هذا ان ما اساء لك ما فادك

اخي الحبيب

واضح انك تمتلك قلم جميل .. لكن اتمنى ان تستخدمه في أمور تعود لك بالخير

[@ بن سلمان @]

عودة لبن سلمان انت احد شيوخ المنتدى وابو عبدالرحمن رمى الكورة في ملعبكم
ولاكني هذي المرة ماني جايك ادور سلف ولا طرار جايك بعلم انته قده متوجه بك على
مدهش يكفيني خيره انا ادري انك تمون عليه وعصاك اللي ماتعصاك وقلمه بيدك تراه
وصلها معيه مواصيل الزرى وانا على قولك لا هشته ولا نشته طلبت من الكل طلبة
معروف ان اعطوا جزاهم الله خير وان ما اعطوا فلا ينهروا وطلبتي لا نويت بها شر ولا
حديته على القشر قله يرفع البندق اما هفت وغبرت علينا ميقاعها والا زمت خله يركد
برميه

الله يصلح النية يا بحر
كل شاة معلقه من عرقوبها وأنا لاني شيخ ولاني كفيل مدهش
والمنتدى له مشرفين والكلمة اللي ما تعجبك وتشوفها زاهقة تلقى على يمين المشاركة يوقونة للتبليغ عن المشاركات المخالفة إضغط عليها يطلع لك مربع إكتب فيه التبليغ اللي تبي
أما أنا فأنا عضو مثلك أسعى لأن أكون عضو فاعل ولا أدري وش السلف والطرارة اللي تقول عليها
عندي وعندك خير واللي له حاجة يأتي البيوت مع أبوابها .

[أبو علي]

مو لحالك يا بحر الفرات تحسب ما قسايم الا عليك ولا بهذله الا لك ////

اخويه رخصتي والله منذ تسع سنوات ما جددت ، وما يجبرني على تسديد القسايم دئما الا هذلي العمال ولا اخفيك كل ما جاني عامل قال : عمي تجديد :
قلت : ما اقدر اجدد لك عليه قسايم
قال عمي : ما فيه مشكلة انا اسدد .

استمارات ما زالت دفاتر الناس معهم بطاقات وان اشيل في هذي الدفاتر القديمه لأن اللوحات قديمه , الحال يعلم به الله يا صاحبي .

مير على كل الاحوال أن لقيت من يساعدك مرو عليه تلقوني على الخط وساعدوني بتجديد والا نقل ملكية والا تسديد فواتير كهرباء ولا تسديد كهرباء ماء .

وبعد معي فواتير مطاعم وبقالات والله يكون في عون المسلم ما كان المسلم في عون اخيه ......

[بحربن الفرات]

ودي الكسرة أوزعها بالعسل الصافي
أي مايخلط السم فيها

ابو عبد الرحمن لقد قريت ردك من اخره فعافته نفسي وقريته من اوله فلك ماوددت من

عسل الشرم الشفاف ولكن عليك توزيع الكسرة بالتساوي

[بحربن الفرات]

طيب ليش كل هذا المشوار >> انا صراحه مستغرب كل هذي اللفه اللي ما لها داعي
تصدق اني عرفتك .. من ثاني او ثالث رد لك

لكن اللي ما عرفته وش هدفك بالضبط

يعني .. وش تبي

هل تريد ان يصبح موضوعك من اكثر المواضيع ردود
او تريد الشهره >> ان كان تريد هذا فهي تحققت لك في الموضوع الاول ..
أما هذا ان ما اساء لك ما فادك

اخي الحبيب

واضح انك تمتلك قلم جميل .. لكن اتمنى ان تستخدمه في أمور تعود لك بالخير

اخي سنا الهجرة والله انك لم تفهمني وظننت بي الظنون وان كانت ردودي تحمل شئ من المداعبات التي اريد بها اضفاء نوع من الابتسامة في زمن شحت فيه فصرنا ننهبها من وجه الفرح ونحاول ان يشاركنا فيه الغير فعذرا اخي الحبيب فقد كنت اريد إدرار ابتسامة منكم ولكنكم واجهتموني بجفوة لم اعهدها في منتدى المجتمع الواحد اكرر اعتذاري ودع معرفتك او ما ظننته بعيدا عني ولا تؤاخذني بجريرة غيري

[بحربن الفرات]

الله يصلح النية يا بحر
كل شاة معلقه من عرقوبها وأنا لاني شيخ ولاني كفيل مدهش
والمنتدى له مشرفين والكلمة اللي ما تعجبك وتشوفها زاهقة تلقى على يمين المشاركة يوقونة للتبليغ عن المشاركات المخالفة إضغط عليها يطلع لك مربع إكتب فيه التبليغ اللي تبي
أما أنا فأنا عضو مثلك أسعى لأن أكون عضو فاعل ولا أدري وش السلف والطرارة اللي تقول عليها
عندي وعندك خير واللي له حاجة يأتي البيوت مع أبوابها .

بن سلمان خف من حدة توترك فلم اطلب منك المستحيل ودعني اعيش على بارقة امل من سحابة اردت منك استمطارها فلا تبخل فالبخيل ليس من بخل بماله انما من بخل بجاهه فلا تكن كذلك حيث لم اعهدك

[بحربن الفرات]

مو لحالك يا بحر الفرات تحسب ما قسايم الا عليك ولا بهذله الا لك ////

اخويه رخصتي والله منذ تسع سنوات ما جددت ، وما يجبرني على تسديد القسايم دئما الا هذلي العمال ولا اخفيك كل ما جاني عامل قال : عمي تجديد :
قلت : ما اقدر اجدد لك عليه قسايم
قال عمي : ما فيه مشكلة انا اسدد .

استمارات ما زالت دفاتر الناس معهم بطاقات وان اشيل في هذي الدفاتر القديمه لأن اللوحات قديمه , الحال يعلم به الله يا صاحبي .

مير على كل الاحوال أن لقيت من يساعدك مرو عليه تلقوني على الخط وساعدوني بتجديد والا نقل ملكية والا تسديد فواتير كهرباء ولا تسديد كهرباء ماء .

وبعد معي فواتير مطاعم وبقالات والله يكون في عون المسلم ما كان المسلم في عون اخيه ......


بن عزاب ما عليك خلاف دام عندك عمال يعني عندك دخل ثاني لكن اللي مثلي على هذا الرويتب اللي مثل موية النافوره مايمديه يطلع منها الا ورجع فيها: شكرا لمواساتك ياصقيقي

[أبو علي]

على كل الاحوال خلني على بالك العرب ما بتقصر معك وانت الا تنساني ....................

[بحربن الفرات]

على كل الاحوال خلني على بالك العرب ما بتقصر معك وانت الا تنساني ....................


ولا يهمك يبن عزاب لي ثلثين ولك ثلث ناصفه مافيه انا اللي تعبت وناحلتهم يطردوني من الباب اطق الشباك وابشرك العلوم فيها بوارق توحي بخير كان سلمنا بعض زناقير الحصا
ابشر بسعدك وانا قبلك ماني بعدك

[أبو علي]

ليه يا مدهش ما ني راعي النقد معك ........................... ولا تشمت الدنيا دواره ، اللي مار علينا يمكن يمر عليك قريب ان كان يدك في الدسم غيرك اكلته الحفه والله يعين .


صاحبي بحر بن الفرات : اللي تقوله ماني راده .................