اطرف شاعـــــــــــــر

[سلطان الثبيتي]

سلام يامنتدى فيه العجب والعجوب=من حبنا فيه مانبغا الشقر في عصاه
ياشينها حرب لن قامت مابين الشعوب=بعض المشاكل تجي من تحت كم العباه

[سنا الهجرة]

صح لسانك يا سلطان

المنتدى بأعضائه طال عمرك ,, ولا بتشوف شقور ا شاء الله كلنا حزمه متكامله

[أبو عبدالرحمن]

حياك الله يا سلطان...

ونشكر لك هذه المحبة...

[صقر قريش]

صح لسانك
سلام يامنتدى فيه العجب والعجـوب
من حبنا فيه مانبغا الشقر في عصـاه
ياشينها حرب لن قامت مابين الشعوب
بعض المشاكل تجي من تحت كم العباه



والمعنى في بطن الشاعر

[مشاكس]

حياك الله ياسلطان وحيا كل من شارك
البارح كان النت عطلان لكن لن صار لنا وقت نكمل اليوم
يا مرحبا ياثبيتي وانت رجل امحبوب = ترحيب لو تتبعه مانته بلاحق مداه
سلطان يضحك لنا والله عليم القلوب = لكن الايام تب تظهر لنا وش وراه

[أبو عبدالرحمن]

يا سلام عليك يا مشاكس..

[سنا الهجرة]

سلام يامنتدى فيه العجب والعجوب=من حبنا فيه مانبغا الشقر في عصاه
ياشينها حرب لن قامت مابين الشعوب=بعض المشاكل تجي من تحت كم العباه


يا مرحبا ياثبيتي وانت رجل امحبوب = ترحيب لو تتبعه مانته بلاحق مداه
سلطان يضحك لنا والله عليم القلوب = لكن الايام تب تظهر لنا وش وراه


يا سلام عليكم .. سلطان ومشاكس مبدعين دايم

يا سلام عليك يا مشاكس .. كذا خلي سلطان يظهر لنا وش وراه
هههههههههههههههههههههههههههههههههههههههههههههههه

[ابو عدي]

الله الله ياسلام على البدع الرائع
وعلى الرد من شاعرنا الكبير المشاكس

واصلوا يالربع

[سلطان الثبيتي]

دام البقا ياخوالي والمعذره على التاخير لظروف خارجه عن الاراده وكل واحد له تحيه


دام البقا يامشاكس وانت مانت امغصوب=ياللي تجي بين عودان السدر واللحاه
انا على نيتي وامشي واعرف الوجوب=اضحك وضحكي على وضح النقا من نباه

[مشاكس]

أنا على ماقفي وانته تليم جلوب = لكن سرحان يدري ان الجلايب عشاه
يا راعي البل لا تاصل ديار الحروب = دونك ديار العتوب ان كان تبغي النجاة

[المبرِّد]

شكل المحاورة هذه بالحركة البطئية
بس انصحكم لا احد يبيع عباته.علشان يدفي فيها خصوصا الشاعر سلطان

[مسامح]

يا اخوان ترو المحاورة المتقطعــــــة ممله ولا لها طعم وبعدين وش يحوج الواحد يعطيني بيت ويجلس له ثلاثه ايام ويجيني ببيت ثاني ، اللي في راسه محاوره وقدها يطلب صاحبه ان جاوبه كان وبها وان لم لا يدوره بعد كذه الا بتنسيق من قبل المختصين ، صراحه احنا نتابع ويوم يقول الشاعر نبي له رد سريع والا يعتذر في الحال . اكون لكما شاكر .

[سنا الهجرة]

سلام يامنتدى فيه العجب والعجوب=من حبنا فيه مانبغا الشقر في عصاه
ياشينها حرب لن قامت مابين الشعوب=بعض المشاكل تجي من تحت كم العباه


يا مرحبا ياثبيتي وانت رجل امحبوب = ترحيب لو تتبعه مانته بلاحق مداه
سلطان يضحك لنا والله عليم القلوب = لكن الايام تب تظهر لنا وش وراه


دام البقا يامشاكس وانت مانت امغصوب=ياللي تجي بين عودان السدر واللحاه
انا على نيتي وامشي واعرف الوجوب=اضحك وضحكي على وضح النقا من نباه

أنا على ماقفي وانته تليم جلوب = لكن سرحان يدري ان الجلايب عشاه
يا راعي البل لا تاصل ديار الحروب = دونك ديار العتوب ان كان تبغي النجاة



الله الله ... المحاوره جميله جداً ,, ما يعيبها الا التأخير فنحن فعلا ننساها من طول المده ولا نشوفها الا بالصدفه

[ابو مشاري]

بيض الله وجيهكم وخصوصا مشاكس رجال معروف وشاعر متمكن دون قصور في الثبيتي ويامسامح ترى هذي تسليه وانا اخوك ......ومشاكس الله الله يامشاكس لا تحرمنا من هالمحاورات وتراك رجال معروف عندي.

[جيدو]

صح لسانكم كان ودنا ما توقفتوا