الحقيقة ياسنا هي مطلبي

[النجم الساهر]

ارض بن سلمان تاخذ ماتبي
وارض غيره يمكن انك ماتخيب

مذهبه لو كان ماهو مذهبي
الوكاد اني منه جدا قريب

علمووه اني ذكي ماني غبي
وعلموه اني على المعني لبيب

احمس الفكرة ولا اخذها سبي
واكتب المضمون وامضيبه واصيب

المثل يقول انا ابوك ياصبي
عزوتي دايم وانا راسي صليب

والله ان الشمس لو ماتغربي
كان ماسميت مغربها مغيب

اكتبي ياكف يمناي اكتبي
اكتبي للي اظن انه يصيب

الحقيقة ياسنا هي مطلبي
كيف غابت وانت عندك ماتغيب

اعتبي يانفس لا 00 لا00 تعتبي
العتب مرفوع والعاتب غريب

واشربي مماصنعتيه اشربي
لويكون السم ماعندك طبيب

والختام اقول صلو اعالنبي
النبي المصطفى اغلى حبيب

[الفين]

ودي اقول صح لسانك بس اخاف استعجل وتطلع مثل سابقتها
على كل حال ماقصرت لن كانت من قولك والا فزعه من الطيبين في كل الاحوال قرينا شعر بغض النظر عن المصدر

[@ بن سلمان @]

هههههه
صح لسانك
وحياك الله يالنجم الساهر
خلك قريب وتبشر بسعدك وترى ما يبي لك وسيط
ولا تذهب بك الأوهام بعيد

[أبو عبدالرحمن]

يعطيك العافية أخي النجم الساهر

وصح لسانك..
وتراني معاك ..وفي صفك..

[سنا الهجرة]

الحقيقة ياسنا هي مطلبي
كيف غابت وانت عندك ماتغيب

الحقيقه ما تغيب الا على اللي ما يبحث عنها
لو اني مدري وش تقصد لكن يمكن ابن سلمان يجيب العلم


صح لسانك يالنجم الساهر >>>>>>>>

[النجم الساهر]

شكرا لمرورك ولاتروح بعيد اخي الفين
واللي قبلها ترى مانسبتها لي علشان تقول اللي تقوله
اما هذه فسأل بن سلمان عنها

[النجم الساهر]

شكرا لك يابن سلمان

الحمدلله اني اصبحت الان احد اهتماماتك
لو كنت ادري سويتها من بدري

المهم مثل ماقال المثل الميدان يابن سلمان (ياحميدان )
اعلم انك شاعر كبير فلعلها البداية لعقد اتفاق تعاون مشترك

[النجم الساهر]

اقدر لك مرورك اخي المشرف العام ابا عبد الرحمن

ومادام انت بصفي ماعلي خلاف ابد
تعقيبك اسعدني واشعرني بوجودي بين اخواني

[@ بن سلمان @]

شكرا لك يابن سلمان

الحمدلله اني اصبحت الان احد اهتماماتك
لو كنت ادري سويتها من بدري

المهم مثل ماقال المثل الميدان يابن سلمان (ياحميدان )

اعلم انك شاعر كبير فلعلها البداية لعقد اتفاق تعاون مشترك


حميدان حاط برطم على برطم
والشعر تهمة أنا براء منها براءة الذئب من دم يوسف عليه السلام
والتعاون هو غايتنا هنا فمرحباً بك

[النجم الساهر]

اخي ابا عبد الله

هلا وغلا ومليووووووووووووووووووووووووون ولا تكفي
هذا انت تقول مافهمت ما اتوقع 00انت تفهمها وهي طايره
الوكاد انك قريب بعيد000000000طارد وشارد واحيانا اخرى حاضر وغايب
اعلم ويعلم الجميع انك صاحب بدع ورد ونقض وفتل فلا تبخل

[سنا الهجرة]

اخي ابا عبد الله


هلا وغلا ومليووووووووووووووووووووووووون ولا تكفي
هذا انت تقول مافهمت ما اتوقع 00انت تفهمها وهي طايره
الوكاد انك قريب بعيد000000000طارد وشارد واحيانا اخرى حاضر وغايب

اعلم ويعلم الجميع انك صاحب بدع ورد ونقض وفتل فلا تبخل




هههههههههههههههههههه
الله يحييك أخي النجم الساهر

الوكاد انك تجيب العلم ... لكن النقض والفتل خليه لشعراء المحاوره
انا اعتزلت المحاوره قبل ابداها

بس ودي أعرف هذه القصيده لك والا لا >>> اذا ما فيه احراج

[النجم الساهر]

اخي سنا000000000000000000سامحك الله

اتوقع انك تعلم انها لي والامر اصبح واضحا للقصائد المنقوله وكذلك المقوله
وماتراااه من مقولي وليس من منقولي
ولها سبب او كما يسميها اللغويون موقف كان وراء خروجها بما رأيت
وختاما اشكرك على حسن ظنك بي وجزاك الله خيرا