فمان الله

[جيدو]

فمـان الله ياحـب السنيـن وخنجرالمقـتـول
فمـان الله ياجـرح الضميـر وروح وجدانـه
فمان الحلم وطيوف الدجى والقـادم المآمـول
فمان الصمت وحروف الهجاء والشعر وأوزانـه
أبرحل مابقى للرجـل حاجـه تتبـع المجهـول
تعبت أركض ورى حلم اللقاء وأزعجت بيبانـه
أبرحل مابقى للورد حاجه فـي ثـرى الغرمـول
مادام الغيـم جنـب عقـب براقـه وهتانـه
تجرعت الحزن عقبك حبيبـي والليـال فصـول
سرقت الوقت لكني صدمـت بقيـد سجانـه
هقيت الحب يجمعنا أنـا دانـه وأنـت اللـول
جمعنا بـس مابيـن القصيـد العـذب وألحانـه
تفرقنـا تفاهـات الزمـان الفايـت المسـدول
على ويش العتب لاصـار كلـن بيـح لسانـه
زعلت إلا زعل بيت القصيدالخايـف المقفـول
بفكه يشرب أوراق الكتـاب وبآكـل ألوانـه
يموت الذل مايفنى وطن مـن خلقتـه معمـول
يموت الحزن مايبكي وطن من مـوت شجعانـه
وأنا للحين في أرضي علم وسيوف وركض خيول
وأنـا للحيـن مـع كثرالعناءواليـآس إنسانـه
بغيتك للعيـون السـود سودورمشتيـن وزول
بغيتك تشبه أحـلام القصيدونشـوة أشجانـه
بغيتك للعمر عمرن يطول ويندبـل لـه حـول
بغيتك بس وش يرجع حبيبك عقـب هجرانـه
عقب ماذقت من كآس الألم علقم عذاب وهول
عقـب ماشفتـك بعينـي تردالوردلأغصـانـه
أفاوش حلل طعونك بصـدرن مرتمـي مقتـول
أفا من علمك تطعن خفـوق الحـب وأعيانـه
أفـا لـو تكثرحـروف الأفاماتنتقـم بالقـول
لزوم الفعـل يسبـق كلمتـي ويفـك ميدانـه
أبرحل مابقى للرجـل حاجـه تتبـع المجهـول
تعبت أركض ورى حلم اللقاء وأزعجت بيبانـه

[أبو عبدالرحمن]

يعطيك العافية أخي جيدو

[صقر قريش]

روعة صح لسانك

[@ بن سلمان @]

يعطيك العافيه على النقل الذائق

[ساعدي وافتخر]

ماشاء الله تبارك الله أجيزك وبكل فخر

[سنا الهجرة]

يعطيك العافيه على النقل الحلووووووووووووووووو

[جيدو]

{أبو عبد الرحمن}{صقر قريش}{بن سلمان}{ساعدي وأفتخر}{سنا الهجه}
أشكركم على تفاعلكم