إلى من يهمه الأمر مع التحية

[المشتاق]

الجيب عند الباب والعفش مشدود=نبي نسير يم ضبي البلادي
واللي طلبته يا رمش العين ماجود=أمشي على هوني واحب الركادي
من كثر حبك سرت أنا اليوم مقرود= من حبكم يا زين أنا عفت زادي
لأجل العيون اللي بها السحر معهود=حرق اشجوني والتهب في فؤادي
والشعر الأسود خلفها اليوم مكدود=والنهد يرفع ثوبها بإزديادي
وعندي على هذا براهين وشهود=ريحة جسدها كنه اليوم كادي
والثوب الأحمر بين الأرداف مشدود=فيها الجمال مبين(ن) غير عادي
أسهر أنا ليلي ولا ارتاح برقود=كلما ذكرتك يا ضبي البلادي

[@ بن سلمان @]

المشتاق /
صح لسانك
وش في القوم عليك
كأني لمحت قصيدة لك البارح نزلت وما مداها واشتلوها واخفوها
وين مدري

[المشتاق]

باييييييييييييييييييييييي ياييييييييييييييييييييييي
مع السلامة لهذا المنتدى
يكفيني شاهد في هذا المنتدى يعتبر الورقة الذهبية للمنتدى وهو زهور الريف
أقول مع السلامة نراكم على خير وعافية
عسى بس قلبي يساعدني على فراقك يازهور

[زهور الريف]

لالالالالالالالالالالالالالالالالالالالالالالا وان طاوعك قلبك قلوبنا ما تطاوعنا


المشتاق تكفى خليك معنا عسى ما شر ان كان احد زعلك قلي بس وابشر بالحق وان كان قصدك تتركنا بكيفك ترى والله ما نسمح لك وان كان لضروف خاصه والله حنشتاق لك يالمشتاق


والحقيقه انك احرجتني بالحيل بكلامك كلك ذوق واخلاق منك نتعلم الا ليت قومي يعلمون

[المشتاق]

من أجلك يا زهور تريني موجود

لا تخافين

طلب وحيد فقط

الأقزوز المنسم يبغاله مثل ما قال بن داخل

[بن داخل]

أخي المشتاق الظاهر انك هاليومين مسقي
البيوت وافية والمعنى غزير
والا تلعب على الحبلين ترى ................ من دونها الموت الحمر
مو الملابس الحمراء
قر يامال الضو

[المشتاق]

يا بن سلمان

المعذرة تراني زعلت وحمقت من بعض المشرفين مدري وشبهم علي مثل ما قلت مع العلم إني ما أسأت الأدب مع أحد الظاهر يبون اللي يحد موسه عليهم

مشكور على التعاطف معي وجبر خاطري الله يجبر خاطرك


وأنت يا بن داخل تراني مجهز لك علوم زينه