من باكو احيكم

[مخاوي منقاش]

يسعدني ان انقل تحياتي لكم من دون غبار بل من خلال زخات المطر التي لم تتركنا منذ ان غادرت استانبول في طريقي لاذريبيجان والتي عاصمتها باكو هذه الدولة الفتية المنطلقة من اغلال الدب الروسي والمتوسدة بحر الخزر اناسها ومن خلال عدة ساعات (وصلت الساعة السادسة ليلا) وبعد ان سنسعت في ازقتها وعدت الى الفندق في الثانية عشر ليلا طيبين كرماء 0
وعندما فتحت المنتدى وجدت ابن سلمان وربعة ناس تدخل ناس السجن فحمدت الله على العافية والسلامة ولو كنت في السعودية لادخلت منقاش السجن واطلعت مروجي المخدرات وقطاع الطرق وسارقي السيارات لان العدالة تقتضي ذالك 0
احببت ان ادخلكم في نفس الجو الذي اعيش فيه ونتواصل غدا باذن الواحد احد ان شفنا شيء يستاهل اتحافكم به 0
تحياتي للجميع ماعدا الي يعرف نفسه

[أبو عبدالرحمن]

أسعد الله أوقاتك أيها السيد مخاوينتوش

سفرا سعيدا...وعودا حميدا...

ولا تنسانا من وصف المكان والناس ووووو

[مخاوي منقاش]

يابو عبد الرحمن يالله تخارجنا من بعض الناس عقب الحفلة تبينا نسولف بسوالف اللي توسع الخاطر 00لا والف وخمسمائه لا ان كان تبي الوناسة الحقني وجب قزوز بس

[مواطن]

المهم تجي بالسلامة ولا تخلينا
الله الله وأنت جاي
تجيب لنا معك حمبص

[منقاش]

يا الله صباح خير
الله يصلحك لو أنفقت قروشك في وطنك وتركت وسط أسيا في أمن وأمان كان أحسن .
على كل حال , تذكر وانت تسير في البلدان اللي تصلها أن أسلافك المسلمين وصلوا لأبعد منها أيام الفاروق , وقارن غرضك بغرضهم , واعطني جوابك ويش موديك لهم ؟....

[رويعي الغنم]

أخي صاحب التنباكو مخاوي منقاشكو : السلام عليكم ورحمة الله وبركاته , ورحلة سعيدة , وعودة حميدة أن شاء الله , وبعد :
لو تأخرت 15 يوما آخرى لوجدت ألأرض وقد أكتست أجمل حللها .
من ناحية أخرى أود منك ألأطلاع على أهداءاتي التي أخترت لك ولمنقاش منها ما تجده على المشاركة رقم 56 على هذا الرابط :
http://thomala.com/vb/showthread.php?t=38663&page=6
علما أنني أفضل لك ذوات الأرواح , وتقبل تحياتي , وشكرا ....

[منقاش]

أشوفك يا مخاوي الليله تصفح المنتدى
واقول الحمد لله على السلامه , وهات باقي علومك , وترى المقرن أتصل عليه يسعل عنك وعلمته بالديار اللي رحتها , لأجل كذه حاول تكثر من صدقك أذا قابلته الله يخلف عليه في عقله أن أخذ من كلامك شي .
وابغيك تمر على منتدى الحياه الفطريه حتى توسع ثكافتك , وتشوف القابي الجديده , والمجد اللي وصلت له بحمد الله , وعين الحسود فيها عود .
والختام , السلام عليكم ورحمة الله وبركاته , وليخسأ الخاسئون .....

[الحاج سلام]

اشتقنا لك يا مخاوي .
طولت الغيبة والخصوم استضعفوا ربعك , واخاف ان يفتنوهم ويتركون حلفك عجل لا تطول الغياب .
ولا تنس الهدايا , ومن عندنا نهديك غصن من شجرة الحقة (نعناع القطط).

[ابوسيفين]

ذلحين ماتستحي على وجهك جالس تتمرقع في ((باكو )) ووغدانك فالبيت يت((باكو ))، عجّل قبل حلفك لاياكلون الدّنقه ويخلّونك 0

[مركب الهند]

رحله سعيده ورجعه حميده....**************

[منقاش]

يا الله صباح خير
يا أخواني أتركوه هو وعلومه , الرجل هالحين قواه خايره , ومفاصله ما واحد راكب على الثاني , وركبه تلفانه .
أتركوه , ترونكم أذا ترجيتوه كبرتم براسه وخربتوه على ماهو خربان , والحمد لله اللي بعد معلقاته الشعريه وحفلته الماجنه سلط الله عليه حلفايه أسير الصمت وعبد ربه ونتفوا ريشه بالمكينه وهو حي يقاقي.
بعدين يا شيخ سلام ترا الشيطان أعوذ بالله منه يبي يضحك عليك ويوم تدري يوم من ألأيام وانت في حلفه (الشيطان) وحلف المخاوي ,, ووقتها ما ينفعك الندم ولا ينفعك العويل على أيام العز اللي قضيتها في حماية بدر الدجى ابو نقشه وعميد الدكاتره الدكتور مشعان .

[أبو عبدالرحمن]

الله يعينك يا المخاوي إذا رجعت...
وترى منقاش سوى لك دعاية خارج المنتدى تجعل اللي ما يشتري يتفرج!!!

[مخاوي منقاش]

الاخوة الاعزاء /سلام من صباءاستنبول يسري
الى قوم وقد دفنو غبارا
كلمني منقاش هذا الصباح وانا توي اتمغط من النوم وفتحت الستارة على بحر مرمرة وقلت يالله صباح خير وش عندك قال الحمد لله على السلامة قلت لازلت في ديار قد رضي الله عليها فانعم عليهم بما لذ وطاب وتذكرت ابن سلمان والجعيد وهم يطاردون ثلاث اعشاب كساها الغبار ويتحلقون حولها في سعادة لا توصف وما ان يعود حتى ينشر تلك الصور لنشاركهم المتعة 0
فانا اقول تعالو الى مدينة لو جئتم بغباركم اسبوعين ونلقط الفقع من فوق رؤسكم 0
انا احيكم من استانبول لان حجزي دايركت من باكو الى استانبول فعمان فالرياض ولكن لما شفت ان الطيارة يالله نزلت من الامطار والغبار يغطي سماء المملكة قلت وش معجلن اجلس لك اسبوع بهالبراد والامطار والربيع بكافة انواعة (انا يابو عبد الرحمن كل يوم اذهب للسوق بس علشان لاشفت البنت الجميلة وما اكثرهن اقول سبحان الخالق العظيم واجلس ساعة واعود للفندق وقد سبحت الله الف تسبيحة واحمد الله على ان هدانا واياهم للاسلام 0
وانا الان في مطار استانبول وحجزي انتظار وجئت للمسؤل وقلت في نفسي ياليت منقاش يرى كيف انا مهم وعرفته على نفسي وقال خير فقلت حجزي انتظار قال انطق الين الساعة وحدة وتعال يمكن يتاخر احد فسحت الشنط وانا منطق بالمقهى واكتب لكم على شان الي يشوفني وانا كاشخ بالبدلة يقول هذا بيل مخاوي تحياتي للجميع وشكرا لمن سمع صوت صراخ اولادي واما الحلف فانا استبدلتهم بحلف( اذري تركي مخاوي ) والسلام

[السَّمْهريّ]

ما شاء الله تبارك الله
أما حنا على ما تقول على روسنا غبار ولو أصابها وابل أنبت فيها الفقع بصدق

[@ بن سلمان @]

قلت لازلت في ديار قد رضي الله عليها فانعم عليهم بما لذ وطاب وتذكرت ابن سلمان والجعيد وهم يطاردون ثلاث اعشاب كساها الغبار ويتحلقون حولها في سعادة لا توصف
يمهل ولا يهمل
مير إنطق لين تلقى لك ركوبه تجيبك
بس حلوة تلقى مطارات فيها واير لس تشتغل عليه
سلم لي على مطاراتنا أزين ما فيها الكابتشينو علشانه عبوات جاهزة بعد .

[أبو علي]

حليلك يا مخاوي عادك في (باكو) والله ما شاء الله عليك رحال هيه لا تتأخر علينا بالصور والتقارير الزينة وعلوم الرجاجيل وما عليك من منقاش والله ما عنده ما عند جدتي .............

[أبو عبدالرحمن]

ترى اسمك مذكور في هذا الموضوع
http://www.thomala.com/vb/showthread.php?t=39759

[مخاوي منقاش]

السلام عليكم /مت قهر يابن سلمان فقد لطف بنا ربنا ويسر لنا امرنا وها انا احدثكم من مطار المدينة المنورة شرفها الله وفي صالة الفرسان (فيها واير لس) استعد للعودة الي ارض الوطن الرياض وفعلا لم اركب الطائرة الا بشق الانفس والتهديد والوعيد وبعد ان قلت لا تعتقدون اني مواطن سعودي عادي والله ياللي سويتوه معي مايردني الا باب الملك واقفيت وانا اتظاهر بلاتصال وكاني زعلان وانا فعلا اتصل بالفندق اقول ابي ارجع لان عندي حجز لجدة يوم الجمعة وانا الخسهم من بعيد واذا بالسوبر فايزر يدعوني ويقول وهو يشتمني بالتركي حط قشك قلت سم واعطاني البوردنق والحمد لله0
ابو عبد الرحمن/قرات موضوع الدكتور مشعان عن زيارة جازان ولا استطيع وانا حديث عهد بديار (لاينقصها الا ان يجعلوني اختار من الشعب السعودي لي مليونين وارحل بهم على تخوم القوقاز واخلي ابن سلمان يفلها صق) الا ان اقول يامشعان ويابا عبد الرحمن لكم دينكم ولي دين وعلى شان مايزعل علي بعض الاخوان فقصدي سياحيا 0
منقاش /تبي الصراحة الفلوس الي التي تنفقها هناك ماهي خسارة والله واعلم رعاك الله ان منهم احفاد للصحابه رضي الله عنهم الذين وصلو ا لهذه الديار فلله در ابيهم0
ابن سلمان لاتياس فالامور لاتاتيء بسنة ولا ثلاث واحيانا ولا عشر واما الاتراك المتخلفين فالنت في عبارة بين استامبول ويلوا وفي الصيف رايتهم في سواحل يلوا كل الناس تستخدم النت وانا ارى انه ماله داعي وهذا اسراف والمفروض يخزنونه لليوم الاسود0

[منقاش]

مخاوي منقاش : أتركنا من الهزل ونبغي الجد وعلوم الرحله , أما أنا لو ما أمي شفتني في محلات أبعد من اللي رحت لها , وأن كان لي هوايه(بالرغم أني ما أكتشفت هوايتي الى الآن , ربما بسبب صغر سني) فهي الطبيعه والسير في جنبات ألأرض والتدبر .........

[سنا الهجرة]

آخر زمن تناظر في البنات وتسبح ... والله هزلت من جد .. اسمع يا مخاوي الشيخ

الله سبحانه يقول ..أفلا ينظرون الى الابل كيف خلقت >> ما قال النساء كيف خلقن

اتقي الله يارجل .. وخل عنك هذي العلوم اللي مالها سنع وعود لديارنا ام غبري أحسن لك وترى اليوم دنيا وبكره آخره

وترى الدكتور مشعان راح لجيزان وجاب لنا العلوم اللي ما جبتها .

وسلامتك والسامعين

ويارب تكون رجعت بالسلامه