البقى ياللي ترحب بعلم ما اسمنه

[@ بن سلمان @]

العزيز بن داخل احسن ضيافتي ووفادتي الى الطائف بابيات جميلة طريفة وان كنت اعتب عليه انه عازمني للعشاء و من دون ما ينادي احد ..



عدما تصدح به الطير في وقت الشروق = البقى ياللي ترحب بعلم ما اسمنه
قمت بالواجب ووفيت واغليت الطروق = ياعسى حظي مع اهل العلوم المثمنه
جيتكم من نجد وانا على الخطوة شفوق = جيتكم والنفس تهوى الديار اللي هنه
ليت بن داخل جمعها ولا سوى فروق = مير قولو له دخيلك تكب الوجهنه

[زهور الريف]

يعني حل وقت عيد شم النسيم حسب المواعيد السابقه الاان كان تبغون تروحون عشيره والله بعيده ويمكن الجوال مايرسل هناك حتى نتابع الاحداث لايف

[الصاروخ]

بن سلمان:
الله يحييك وانت صاحب محل في الطائف ولاأنت غريب
وان عزمك بن داخل لوحدك ترى ضيف الأجواد عزام وانته بس تأشر تلقانا معك
وهو تراه مارايح يكرهنا والنعم بك وبه.

[@ بن سلمان @]

زهور /
اوه نسيت ان بيني وبينك اخذ وعطا
مدري ليش ظنيت الاواصر بيننا ( فضلا اعد المحاولة مرة اخرى )
ياوجدي على رفقتك

[زهور الريف]

ايوه كذا والا بلاش ياسلمان بديت تفهمني والا انا من زمان فاهمتك بس الله يهديك منت مريعها قريب على ما يقلون عموما لازلنا على وعدنا ونحتري المقارعه اللى بينك انت و بن داخل بس طبعا راح يصلني الارسال عن طريق مندوب يعتبر المحرم تبعي يعني لاتفرح بالحيل هههههههههه

[واقعي جدا]

صح لسانك يابن سلمان

وانا بعد والله ماعزمني بن داخل

الحل عزيمه جديده تشمل اعضاء المنتدى جميعا
وبن داخل قدها راعي كرم وضيافه

وش رايك يابن داخل

[بن داخل]

ياحبكم فالمفاطيح يارفاقة
الغنم غليت
والدعوة منا سبات وش رايكم نخليها عزيمة في واحد من زواجات الرفاقة
وتصير حج وبيع سبح نتعشى ونسولف من دون خسارة
قولو تم يارفاقة وان عزمتو مره حياكم الله حددو الموعد0

[@ بن سلمان @]

الصاروخ /
البقى يك ويكل من رحب
يسعدني مرورك

[بنك المعلومات]

بن سلمان
وين الذبايح
مانبي تراحيب

[@ بن سلمان @]

الواقعي /
لا تكثر اللوم على بن داخل
ان خطيت العشاء ما تخطى الادام