ما مشت عريا وداجت بالبقاله=العقل والدين هو غاية طلبها

[المشتاق]

ألى من يهمه الأمر مع التحية



غركم مظهر جمال البرتقاله=ماعرفتوا وش حسبها من نسبها
لو بها حشمه وتخضع للعداله=كان بين الناس ما هزت كعبها
هافي(ن) لسانه ثم طبعه وماله=همها ترقص وتلها في طربها
البنات الحور في عرف الاصاله=الحياء والسترمن ربي وهبها
الفخر بالدين ما هو بالخماله=والنحاس انحاس يفرق عن ذهبها
شف بالي وحد ما ابغى بداله=عرضها مصيون مازول سلبها
ما مشت عريا وداجت بالبقاله=العقل والدين هو غاية طلبها
والله إني كل ماشفت الرذاله=كن جوفي يصهره حامي لهبها
حالة (ن)صرنا بها ماهي بحاله=العقائب لا تجينا من سببها
النمل لا طار ينذر في زواله=كم ديار منعمة ربي نكبها

[أبو عبدالرحمن]

السلام عليكم

صح لسانك أخي الكريم : المشتاق..

نعم ...أنعم وأكرم بجمال الدين والحياء..

[بن داخل]

كل هذا المدح لصالح مين
اعترف تراك مراقب بالرادار
بس هذا من طبع البهاليل
اقول وش رايك والا بلاش نزعل احد
عتسلم يامشتاقنا

[زهور الريف]

مـــا مـشــت عـريــا وداجـــت بالبـقـالـه =الـعـقـل والـديــن هــــو غــايــة طـلـبـهـا

صح لسانك يالمشتاق قصيده جميله

ملاحضه / احذر من اللى يمهدون لك لاتوقع مثل ما وقع غيرك تروح شربه انتبه للطريق زين وان حسيت الجو عتمه قلي اعطيك كشاف

[واقعي جدا]

المشتاق يسلمو
على قول اخواننا الفنزوليين جبتها على الجرح وكنك مادريت


فعلا شئ يحرق الكبد

[النادر]

المشتاق

بالرغم من جمالها الا اني اعتب عليك اخي اذ لم تنسبها لشاعرها ولم تورد كلمة منقول للامانه الادبيه

اخي هذا الصرح يمثل اخلاقنا ومرور مثل هذه الغلطات تسيئ لكل من به من الكتاب

اعرف تماما طيبة قلبك واعلم انك لم تقصد سرقتها لكن الخطاء وقع

تحياتي

النادر

[@ بن سلمان @]

المشتاق /
اختيار موفق
ننتظر اخرى عن التفاحة
وان حصل بقية الفواكه يكون ازين وياليت عن التين
........
العتبى مرفوعة بضمة مقدرة على الاخر
المجلس الادبي مخصص لكل ما هو منقووووووووووووووول

[المبرِّد]

نسأل الله الستر والعافية

[المشتاق]

يا قوم

لكم التحيه عموماً
أبو عبد الرحمن
زهور الريف
النادر
واقعي جداً
بن داخل
بن سلمان
المبرد

أما بخصوص القصيدة فليعذرني العموم لعدم نسبها لصاحبها لعدة أسباب

ون/ رفع عن أمتي الخطأ والنسيان
تو/ قصيدة معروفة ومشهورة حتى في وسائل الإعلام ولا تحتاج لتعريف
ثري/ دخل عليها بعض التعديل حفاظاً على سلامة الأعضاء




ولعلي أعتب عليك أخي النادر في اختيار لفظة السرقة
لأن السرقة لا تكون إلا من حرز وبعدين تراني مسامحك عرض الدنيا والآخرة ما نبي منك إلا خالص الدعاء

[الحجاج بن يوسف الثقفي]

والله ونعم يامشتاق

[المشتاق]

والنعمين بك يا منسم ما فيك إلا عيب التنسييييييييييم وإلا باقي علومك تمام