المشتاق
06-29-2006, 03:55 AM
عثى فينا جهاز الدش .. بث وعرض وإستقبال =محاقين الردى لا بارك الله في محاقـنها
بدأ وقت الفتن يطلع عسى الله يصلح الأحوال =ولا نقدر نقول إلا عسى ربي يزينها
طلع جيل يشيـّب بالرضيع ويذهل العقــّـــال =بعض ناس ذكرها المصطفى شفنا عواينها
لقينا الكاسيات العاريات الوصف والأشكال =عليها لبس .. لكن لبسها يبرز مفاتـنها
تميل عن الطريق المستقيم ومن تبعها مال =خبيثة شكل .. ظاهرها يمثل خبث باطنها
ترحـّـلها إبليس وإنجلى عنها الحياء وإنجال =ولو قامت تلملم .. من يصدقها ويآمنها
تستر لين تدخل رأسها في المشغل الشغــال =وعلى الشغال بالمشغل مذارعها تبيـّــنها
غدت ماعاد تجفل من عيال الهند والبنغال =تغنـّــج له إلين يهزّ رأسه ثم يديـّــنها
على ذا الحال يمكن تفتن الصاحي مع البطـّـال =مادام إنها تغنـّــج له وكلمتها تليـــنها
تجرد عن لباس المسلمين وتلبس البنطـــال =مع قل الحلا .. تلبس لها لبس يشينها
يقولون الرجال " إن الفرس في دبرة الخيال =ورى الخايب يخلي الخايبة تبرز محاسنها
ولا يؤدب ولا ينصح ولا ينظر لها في حال =يعاملها بهيمة ... بس مابه إلا يسمـّـــنها
وبعضهم لو يبي يؤدب وينصح زوجته ما أحتال =ولا ينكر عليها شيء وإن زعلت يســاكنها
خذت منه القوامة وأصبح الحرمة وهي رجال =تخلي الثوب نصف الساق وثيابه يطمـّـــنها
ولا جاء الليل .. كل راح له سائق وله جوال =إلى من جات .. ما تلقاه ... وإن جاء ما يعيـّــنها
تحدد نسلها تبغى الرشاقة .. ما تريد عيال =مع عدوان دين الحق .. معلنة تضامنها
وظيفتها عساها البعد بين الناس ــ قيل وقال =تجيب الهرج وتودّيه .. والفتنة تكوّنها
ولا أعمم لأن الخير في بعض البشر لازال =وكم مصيونة في بيتها والرب صــاينها
ولا يمكن يضحـّــي بالشرف والدين بنت رجال =لأن الطيبة .. يحمي شرفها .. طيب معدنها
عطاها الرب عقل ودين .. مافيها جهل وخبال =نتيجة قوة التيار ما تخلف توازنها
على زلة زوجها .. لو يكررها وسيعة بــــال =تحدث في المحاسن ... والعلوم القشر تدفنها
لها في مهجته منزل .. وله في قلبها منزال =تبادله الغلاء .. ماهيب خاينته وخاينها
ولا ننسى شباب إبتلن به طيبات الفال =تبي العفــّــة وستر الحال والداشر يجننها
مريض وناقص عقله .. خفيف وتشعفه الأزوال= ومنيحه من ردى حظه .. ومن خبثه يحينها
نهاره نوم .. وإن جاء الليل يسهر في ردى وهبال= ولا جاء الفجر جاك يسحـّــب رجيله مطيـّـــنها
من آثار المخدّر .. كنّ في جوفه مرض سلال =من التدخين كنّ شفاه .. بالنيلة يلوّنـــــها
ومنهم من تميــّـــز بالنعمومة .. والظفور طوال =وذيك القذلة اللي من دهون أخته يدهنها
تحلى بالإنوثة مابقى إلا يلبس الخلخال =يشوف إخته تجـمــّـل للعريس وغاير منها
إلى منه هرج في المجتمع .. جات الهروج هزااااال =يدوّر للرخـــامة ... والمراجل ما يواطنها
يضايقه الآذان ... ويطرب الداشر مع الموّال =قضى ليلة مع الشلـّــة .. وبنت الناس هاينها
ولا أعمم لأن المجتمع لازال فيه أبطـــال =وترى الدنيا من أهل الطيب ماخليت مخازنها
رجال تلتزم نهج الرسول وللحمول جمال =ولا يخرج حديهم كلمته .. يا كود وازنها
ولا ننسى قضية من مسكها لأجل حب المال =لأجل المال .. وصلت بنته الخمسين راهنها
يبيع ويشتري فيها .. كما السلعة مع الدلال =يبي ينظر من اللي يدفع أكثر من زباينها
ترى هذا ومثله في المجالس عدّه الفنجال =جزى اللي علشان الطمع .. بنته يخزّنها
إلى جوه رجال طيبين الدين والأفعـــال =يحوّلهم على أم البنت والخايب ملقـّــنها
تقول : أبغى المهر اللحين نقد ريال فوق ريال= نبي فوق الـميـة من غير حاجات تأمنها
تحته لين يبقى رأس ماله غترة وعقال =يدوّر الدداسن في المعارض ويتدينها
ألا وآشيب رأسي شاخت النسوان والأنذال =ولا يعتـزّ جيل .. شيـّــخ الحرمة ومكـّــنها
أنا مانيب شامت .. بس أبيـّـن وأضرب الأمثال= لعل أهل العقول الطيبة .. تردع مجننها
أبحاول علاج عصر الدش والأهوال =وناس ماتبي تسمع كلامي ما عليّ منها
يقوله واحد يخطي مع التفريط والإهمال =ولكن في رجاء الرحمن لا صعبت يهوّنها
إلى منا هوينا في المقابر والحمول ثقال =وبدينا في حياة الآخرة وأول مساكنها
وجاء يوم عبوس قمطرير يشيب الأطفال =نهار فيه ناس يفرحون وناس يحزنها
ورود النار هذا شيء ثابت ماعليه إشكال =ولكن النجاة اللي تبي .. ما أحد بضامنها
تسمـّــع يا وسيع العرف لاتجهل مع الجهـّال= أبعرض النصيحة وإنت ياجعلك تثمنها
تخيل يوم ينقطع النفس وتضيـّـع الآمال =ونفسك عن هجوم الموت ما تقدر تحصـّــنها
ولا ينفع ولدك ولا ولد عمك ولا إبن الخال= مسجـّــى والمكفن عند جثمانك يكفنها
ألا يا الله يا اللي بيدك الأرزاق و الآجال =ولا للناس غيرك .. رب يرحمها ويأمنها
تجاوز عن خطايانا إلى من عرضت الأعمال =نهار فيه نفس العبد ما يجدي تغابنها
عراة ما علينا لبس .. وحفاة بدون نعال =نهار فيه يجمع ظالم الأمة ومحسنها
بدأ وقت الفتن يطلع عسى الله يصلح الأحوال =ولا نقدر نقول إلا عسى ربي يزينها
طلع جيل يشيـّب بالرضيع ويذهل العقــّـــال =بعض ناس ذكرها المصطفى شفنا عواينها
لقينا الكاسيات العاريات الوصف والأشكال =عليها لبس .. لكن لبسها يبرز مفاتـنها
تميل عن الطريق المستقيم ومن تبعها مال =خبيثة شكل .. ظاهرها يمثل خبث باطنها
ترحـّـلها إبليس وإنجلى عنها الحياء وإنجال =ولو قامت تلملم .. من يصدقها ويآمنها
تستر لين تدخل رأسها في المشغل الشغــال =وعلى الشغال بالمشغل مذارعها تبيـّــنها
غدت ماعاد تجفل من عيال الهند والبنغال =تغنـّــج له إلين يهزّ رأسه ثم يديـّــنها
على ذا الحال يمكن تفتن الصاحي مع البطـّـال =مادام إنها تغنـّــج له وكلمتها تليـــنها
تجرد عن لباس المسلمين وتلبس البنطـــال =مع قل الحلا .. تلبس لها لبس يشينها
يقولون الرجال " إن الفرس في دبرة الخيال =ورى الخايب يخلي الخايبة تبرز محاسنها
ولا يؤدب ولا ينصح ولا ينظر لها في حال =يعاملها بهيمة ... بس مابه إلا يسمـّـــنها
وبعضهم لو يبي يؤدب وينصح زوجته ما أحتال =ولا ينكر عليها شيء وإن زعلت يســاكنها
خذت منه القوامة وأصبح الحرمة وهي رجال =تخلي الثوب نصف الساق وثيابه يطمـّـــنها
ولا جاء الليل .. كل راح له سائق وله جوال =إلى من جات .. ما تلقاه ... وإن جاء ما يعيـّــنها
تحدد نسلها تبغى الرشاقة .. ما تريد عيال =مع عدوان دين الحق .. معلنة تضامنها
وظيفتها عساها البعد بين الناس ــ قيل وقال =تجيب الهرج وتودّيه .. والفتنة تكوّنها
ولا أعمم لأن الخير في بعض البشر لازال =وكم مصيونة في بيتها والرب صــاينها
ولا يمكن يضحـّــي بالشرف والدين بنت رجال =لأن الطيبة .. يحمي شرفها .. طيب معدنها
عطاها الرب عقل ودين .. مافيها جهل وخبال =نتيجة قوة التيار ما تخلف توازنها
على زلة زوجها .. لو يكررها وسيعة بــــال =تحدث في المحاسن ... والعلوم القشر تدفنها
لها في مهجته منزل .. وله في قلبها منزال =تبادله الغلاء .. ماهيب خاينته وخاينها
ولا ننسى شباب إبتلن به طيبات الفال =تبي العفــّــة وستر الحال والداشر يجننها
مريض وناقص عقله .. خفيف وتشعفه الأزوال= ومنيحه من ردى حظه .. ومن خبثه يحينها
نهاره نوم .. وإن جاء الليل يسهر في ردى وهبال= ولا جاء الفجر جاك يسحـّــب رجيله مطيـّـــنها
من آثار المخدّر .. كنّ في جوفه مرض سلال =من التدخين كنّ شفاه .. بالنيلة يلوّنـــــها
ومنهم من تميــّـــز بالنعمومة .. والظفور طوال =وذيك القذلة اللي من دهون أخته يدهنها
تحلى بالإنوثة مابقى إلا يلبس الخلخال =يشوف إخته تجـمــّـل للعريس وغاير منها
إلى منه هرج في المجتمع .. جات الهروج هزااااال =يدوّر للرخـــامة ... والمراجل ما يواطنها
يضايقه الآذان ... ويطرب الداشر مع الموّال =قضى ليلة مع الشلـّــة .. وبنت الناس هاينها
ولا أعمم لأن المجتمع لازال فيه أبطـــال =وترى الدنيا من أهل الطيب ماخليت مخازنها
رجال تلتزم نهج الرسول وللحمول جمال =ولا يخرج حديهم كلمته .. يا كود وازنها
ولا ننسى قضية من مسكها لأجل حب المال =لأجل المال .. وصلت بنته الخمسين راهنها
يبيع ويشتري فيها .. كما السلعة مع الدلال =يبي ينظر من اللي يدفع أكثر من زباينها
ترى هذا ومثله في المجالس عدّه الفنجال =جزى اللي علشان الطمع .. بنته يخزّنها
إلى جوه رجال طيبين الدين والأفعـــال =يحوّلهم على أم البنت والخايب ملقـّــنها
تقول : أبغى المهر اللحين نقد ريال فوق ريال= نبي فوق الـميـة من غير حاجات تأمنها
تحته لين يبقى رأس ماله غترة وعقال =يدوّر الدداسن في المعارض ويتدينها
ألا وآشيب رأسي شاخت النسوان والأنذال =ولا يعتـزّ جيل .. شيـّــخ الحرمة ومكـّــنها
أنا مانيب شامت .. بس أبيـّـن وأضرب الأمثال= لعل أهل العقول الطيبة .. تردع مجننها
أبحاول علاج عصر الدش والأهوال =وناس ماتبي تسمع كلامي ما عليّ منها
يقوله واحد يخطي مع التفريط والإهمال =ولكن في رجاء الرحمن لا صعبت يهوّنها
إلى منا هوينا في المقابر والحمول ثقال =وبدينا في حياة الآخرة وأول مساكنها
وجاء يوم عبوس قمطرير يشيب الأطفال =نهار فيه ناس يفرحون وناس يحزنها
ورود النار هذا شيء ثابت ماعليه إشكال =ولكن النجاة اللي تبي .. ما أحد بضامنها
تسمـّــع يا وسيع العرف لاتجهل مع الجهـّال= أبعرض النصيحة وإنت ياجعلك تثمنها
تخيل يوم ينقطع النفس وتضيـّـع الآمال =ونفسك عن هجوم الموت ما تقدر تحصـّــنها
ولا ينفع ولدك ولا ولد عمك ولا إبن الخال= مسجـّــى والمكفن عند جثمانك يكفنها
ألا يا الله يا اللي بيدك الأرزاق و الآجال =ولا للناس غيرك .. رب يرحمها ويأمنها
تجاوز عن خطايانا إلى من عرضت الأعمال =نهار فيه نفس العبد ما يجدي تغابنها
عراة ما علينا لبس .. وحفاة بدون نعال =نهار فيه يجمع ظالم الأمة ومحسنها