يا ملتقى السمار ياعين الظبي [الأرشيف]

مشاهدة النسخة كاملة : يا ملتقى السمار ياعين الظبي

النجم الساهر

04-06-2009, 07:16 PM

بسم الله الرحمن الرحيم

ياشمس نورك سر هذا الكوكبي
منك الدفا في يوم برده حسنا

ياملتقى السمار ياعين الظبي
ياواحة الشعار من غيرك لنا

الكل ينظر لك ولا يستغربي
ملكتي قلوب البشر واقلوبنا

باسباب مشرفها سنا نعم الصبي
اللي رسم خطواتها ولها عنا

كتابها جميعهم من يعربي
اصل وفصل وعلوم تستاهل ثنا

حتى البنات ام النفانف والعبي
جوها وزاروها وزادوها بنا

ياواحة الشعار غني واطربي
دام ان زوارك تغنوا بك غنى

على مناكبنا تعلي واركبي
ارقي سما مادام نورك قد سنا

خاوي النجوم السارية في مركبي
ياللي نثرنا في مدارك شعرنا

ياواحة الشعار هذا اللي نبي
تبقين دايم بالقلوب وفكرنا

واللي انتكس حظه ودايم يندبي
سومي عنه ان كان ماجا مثلنا

والشمس ون تشرق تعود تغربي
والحق ون مابان من له قلنا

فسر على ماكان قلي ماتبي
انا فهمتك زين والله ياسنا

اما تجيب العلم وهذا مطلبي
والا عليك الصمت واحفظ سرنا

معروفكم والله مغطي منكبي
والمنتدى فيه السماحة والهنا

احيان احس اني معك متغربي
واحيان الاقي الصد منكم خصنا

ان كان باقي في نظركم اجنبي
قلي ولو خالف هوايه والمنى

انت الخوي في ذا الزمان الاشهبي
وانت المؤمل لاقسى الوقت وشنا

وانت الذي ماعنك والله مهربي
وشلون نهرب عنك وانت عزنا

ياراعي الوقفات يالحر الأبي
اسرج فرسك وشل سيفك والقنا

وخلك معي وانا معك في واجبي
ولاتضيق يالشاعر علينا من لنا

وسلامتكم

النجم الساهر

أبو عبدالرحمن

04-06-2009, 08:44 PM

سالم وغانم أيها النجم الساهر

ما شاء الله تبارك الله على هذا النبع المدفق ...عسلا

بيض الله وجهك...وصح لسانك

حسن عابد

04-06-2009, 10:02 PM

اما تجيب العلم وهذا مطلبي
والا عليك الصمت واحفظ سرنا

عندك ياسناالهجرة وصح لسانك يانجم المنتدى

ابو عادل

04-06-2009, 10:04 PM

اسباب مشرفها سنا نعم الصبي
اللي رسم خطواتها ولها عنا

يستاهل سنا هذا الثناء وزود
صح لسانك شاعرنا الكبير
ماشاء الله على هاالغزارة
زادك الله وبارك خطاك .

سنا الهجرة

04-06-2009, 10:07 PM

فسر على ماكان قلي ماتبي
انا فهمتك زين والله ياسنا

ما اتوقع

اما تجيب العلم وهذا مطلبي
والا عليك الصمت واحفظ سرنا

هو وين السر على شان أحفظه؟؟

معروفكم والله مغطي منكبي
والمنتدى فيه السماحة والهنا

ما سويت الا الواجب .. >

احيان احس اني معك متغربي
واحيان الاقي الصد منكم خصنا

هذا دليل على انك منت فاهمني صح

ان كان باقي في نظركم اجنبي
قلي ولو خالف هوايه والمنى

مابيننا اجناب ولا غرباء .. كلنا اخوان هنا

انت الخوي في ذا الزمان الاشهبي
وانت المؤمل لاقسى الوقت وشنا

ابشر بعزك

وانت الذي ماعنك والله مهربي
وشلون نهرب عنك وانت عزنا

الله يعز مقدارك

ياراعي الوقفات يالحر الأبي
اسرج فرسك وشل سيفك والقنا

ما عليك زود

وخلك معي وانا معك في واجبي

تـــــــــــــــــــــــــــــــم

ولاتضيق يالشاعر علينا من لنا
لو قلت >>> وان ضقت يالشاعر علينا من لنا ... كان استقام الوزن

الله لا يجيب ضيقه .. لكن لو قلت وش تبي بوضوح كان يمكن اقدر اخدمك
على العموم لنا الله جميعاً ..

وصح لسانك مليون ولا يكفون

ابوسيفين

04-06-2009, 10:12 PM

سنا الهجرة

04-06-2009, 10:13 PM

اسباب مشرفها سنا نعم الصبي

اللي رسم خطواتها ولها عنا

يستاهل سنا هذا الثناء وزود
صح لسانك شاعرنا الكبير
ماشاء الله على هاالغزارة

زادك الله وبارك خطاك .

يابو عادل .. لا تحاول ترقعها .. هذا الشطر بالذات يحتمل عدة وجوه !!! بس انا أعتقد ان النجم جابها بحسن نيه .. ويقصد الجانب المشرق ..

سنا الهجرة

04-06-2009, 10:20 PM

اما تجيب العلم وهذا مطلبي 000 والا عليك الصمت واحفظ سرنا

ياهلا والله يالحليف ، وصح لسانك ، وعلا شأنك ، وابو عبدالله ماأضنُّه يخفاه معناك وكأنني أراه يُردّد (( ماكُل مايُعلم يُقال )) وقد قيل :ــ

ليس الغبي بسيّد في قومه 000 لكن سيّد قومه المُّتغابي

أنت شايف المعنى واضح يا د.مشعان

ما شاء الله عليك .. النجم يبيله عمليه على شان نطلع المعنى من بطنه

وانت الدكتور .. شوف شغلك

ابوسيفين

04-06-2009, 10:38 PM

أنت شايف المعنى واضح يا د.مشعان

ما شاء الله عليك .. النجم يبيله عمليه على شان نطلع المعنى من بطنه

وانت الدكتور .. شوف شغلك

أنا ماني شاعر ، لكن شاعر بحاجه ــ على مايقولون ــ تتردد في مُجمل القصائد ، وأعتقد مع الترداد أنّ الأمر ليس بمقدوركم ، وليسمح لي النّجم أشوفه ألحّ بزياده ولعلّه من كُثر العشم وثقته في صائب فهمك ألا تراه يقول :ــ

وانت الذي ماعنك والله مهربي 000 وشلون نهرب عنك وانت عزنا

النجم الساهر

04-06-2009, 10:59 PM

اخي المشرف العام
ابي عبد الرحمن
هلا وغلا فيك
اسعدني مرورك
وسعادتي اكبر بماسطرته من كلمات وعبارات اثلجت صدري
فشكرا لك من الاعماق

النجم الساهر

04-06-2009, 11:01 PM

اخي حسن عابد
الله يحييك ايها الشاعر
اسعدني مرورك
وسنا يستاهل كل خير
شكرا لحضورك المميز

النجم الساهر

04-06-2009, 11:06 PM

اخي ابا عادل
هلا وغلا ايها الشاعر الكبير
ولا عليك زووووود
وما انا الا تلميذ في مدرستك الشعريه
ولا يهمك ماقاله سنا
فأنت لم تحاول ترقعها 00انما سطرت مايمليه واجبك ومكانتك التي تعلو فوق كل اتهام اوشبهه
فمنك نتعلم واليك نحتكم فيما خلط علينا من امور الشعر لفظا ومعنى
اشكر لك وبقوووووه مرورك اخي وتعقيبك الذي ازداد به شرفا
فلك من كل الحب والتقدير

النجم الساهر

04-06-2009, 11:44 PM

اخي سنا
ادعو الله لي ولك حسن الظن وحسن الخاتمة
لايذهب بك تأويلك بعيدا
كنت تتهمني بالحساسية المفرطة ويبدوا نك شريك لي في ذلك
انا هدفي امتداح زاوية الشعر وكان تعقيبي ببعض الابيات ردا على ما عقيت به في قصيدتي السابقه

00000000( الله يرفع من رفع مستوانا) وما ورد حول فهم الامور وتفسيرها
انت تعرف مكانتك عند اخيك
فلا يبحر بك الهاجوس بعيدا ويكون ردك قاسيا
اعدك اني لن اتجاوز مرة اخرى الغرض الذي تكتب من اجله القصيده
كما اعتذر لك شخصيا اني لا اقصد الا الاثاره وبحث بعض المعاني والتي لاتشكل على شاعر بقامتك
واعدك اني سألتزم بأدبيات هذا المنتدى ولن ترى منى لاحقا الا مايسرك
وتقبل احترامي وتقديري
اخوك النجم

النجم الساهر

04-06-2009, 11:49 PM

اخي د0 مشعان
ايها الحليف والصديق
يبدو انه لابد من تدخلك بعملية ولكن مع من واين ومتى وكيف
هذا متروك اخي لك
لأنك تفهم كثيرا مما ارمي اليه
فان عزي الامر لك فأشعرني فلعنا نخرج بحل يرضي جميع الاطراف
ولا ارى ان تبحر كثيرا في هذا الامر
الاخ سنا فقط هو يريد الاثاره والا لكتفى بما ظهر والعلم عند الله
شكرا لك اخي مرورك وتعقيبك
وتقبل تحياتي

النجم الساهر

04-06-2009, 11:59 PM

اخي سنا
اشكرك على تعديل الجزئيه في عجز البيت الاخير
وهي حقيقة ماتفوت على اخوك لكن فاتت
وذلك لان لدي تعديل في هذا البيت فعدل الصدر ولم يعدل العجز
اشكرك على اهتمامك
وليتك تتركون لي تعديلها بالنص الاساس
شاكر لك ومقدر

الساكن

04-07-2009, 12:56 PM

الله الله الله الله الله بييييضضض الله وجهك يا الابداع الساهر مشكور على القصيدة السحرية
تقبل مروري

أبو علي

04-08-2009, 06:55 AM

كان ودي بما انكم شعراء سواءً المعني بالقصيدة او المعلقين من شعراء كان ردودكم وحواركم يكون شعرا بدل الحديث العادي لأن الله من عليكم بموهبة الشعر ، وبدلاً من ان يدخل امثالي وبعض الاخوة الاخرين الذين ليس لهم في الشعر الا اسمه ان يكونوا خارج الحوار .

سنا الهجرة

04-08-2009, 09:48 PM

اخي سنا

ادعو الله لي ولك حسن الظن وحسن الخاتمة
لايذهب بك تأويلك بعيدا
كنت تتهمني بالحساسية المفرطة ويبدوا نك شريك لي في ذلك
انا هدفي امتداح زاوية الشعر وكان تعقيبي ببعض الابيات ردا على ما عقيت به في قصيدتي السابقه

00000000( الله يرفع من رفع مستوانا) وما ورد حول فهم الامور وتفسيرها
انت تعرف مكانتك عند اخيك
فلا يبحر بك الهاجوس بعيدا ويكون ردك قاسيا
اعدك اني لن اتجاوز مرة اخرى الغرض الذي تكتب من اجله القصيده
كما اعتذر لك شخصيا اني لا اقصد الا الاثاره وبحث بعض المعاني والتي لاتشكل على شاعر بقامتك
واعدك اني سألتزم بأدبيات هذا المنتدى ولن ترى منى لاحقا الا مايسرك
وتقبل احترامي وتقديري
اخوك النجم

لا وانا اخوك ..الامور كلها مزوح تجي وتروح .. خذ راحتك
وترى لو ما اقتباس ابو عادل ما كان دققت في الموضوع بس لفت نظري اقتباس هذا البيت بالذات

والا كان الامور بتمشي مثل ما مشت اللي قبلها .. ولا من شاف ولا من دري ههههههههه

سنا الهجرة

04-08-2009, 09:49 PM

النجم الساهر

04-08-2009, 10:49 PM

هلا وغلاااااااااااااااااااا ايها الساكن في سويداء القلب
احترمك بقدر كلماتك واعجابك اخي بل وزياااااااااااااده
واسعدني مرورك وتعقيبك
واشكرك من الاعماق ايها الغالي
وتقبل تحياتي اخيك النجم

النجم الساهر

04-08-2009, 10:52 PM

اخي بن عزاااااااااااااااااااااااااب
اسعدني مرورك وتعقيبك

ومرورك هنا قصيده
وكلماتك قصيده
وما بينته من شعور تجاهنا قصيده
بل تعتبر انت قصيده واجمل قصيدة بمرورك اخي
شكرا لمرورك
وتقبل تحياتي

النجم الساهر

04-08-2009, 11:00 PM

لا وانا اخوك ..الامور كلها مزوح تجي وتروح .. خذ راحتك
وترى لو ما اقتباس ابو عادل ما كان دققت في الموضوع بس لفت نظري اقتباس هذا البيت بالذات

والا كان الامور بتمشي مثل ما مشت اللي قبلها .. ولا من شاف ولا من دري ههههههههه

اخي مشرف الواحة

وش تقصد بأنها تمشي مثل اللي مشت قبلها

رجعنا على طير ياللي
والا مثل ماقال بن سلمان
ردد ياليل مااطولك

والنهايه

اقول النهايه عندي

ابشر بسعدك

انا اللي ماني بتاركها تمشي هالمره

مايشوف ويدري الا انت ماشاء الله عليك

وراك تتركها تمشي وانت تشوف وتدري
تصبح على خير

سنا الهجرة

04-08-2009, 11:26 PM

اخي مشرف الواحة

وش تقصد بأنها تمشي مثل اللي مشت قبلها

رجعنا على طير ياللي
والا مثل ماقال بن سلمان
ردد ياليل مااطولك

والنهايه

اقول النهايه عندي

ابشر بسعدك

انا اللي ماني بتاركها تمشي هالمره

مايشوف ويدري الا انت ماشاء الله عليك

وراك تتركها تمشي وانت تشوف وتدري
تصبح على خير

بسم الله عليك اما انته

وانت من أهله

ابوسيفين

04-10-2009, 10:26 PM

وش هالعلم ، بسم الله عليكم كُلّكم ليتني ماشفت شيئ 0

الذيب

04-10-2009, 10:57 PM

صح لسانك

النجم الساهر

04-11-2009, 12:52 AM

اخي د مشعان
اسعدني مرورك
وكأنك ماشفت شي
وانا بعد مثلك
تقبل تحياتي

النجم الساهر

04-11-2009, 12:53 AM

اخي الذيب
هلا وغلا
مرورك اسعدني
ولا عدمناك يالغالي

المبرِّد

04-12-2009, 10:06 AM

شرح د مشعان
واقول صح لسانك على القصيدة

النجم الساهر

04-12-2009, 03:13 PM

ابشر باللي تبي يالمبرد
واسعدني مرورك
لاعدمناك

الثمالي KG2

04-13-2009, 02:11 PM

صح لسانك يا ملتقي السمار

النجم الساهر

04-13-2009, 06:02 PM

هلا وغلا
مرورك اسعدني
ولايطيب السمر الابكم ومعكم
وتقبل تحياتي