قيدوم ربعه ياخذ العلم ويجيب

[بن داخل]

ياماحلا نوٍ مزونه مهاديب = يسقي الديار اللي على الله شكاها
تمسي ثعوله كاسيات الأشاعيب = وسيول وديانه تلاطم غثاها
تروى منه ذيك القلوب المغاليب = اللي عسى الله مايخيب رجاها
دار تعلتها رجال مناصيب = تحمي عوارشها وتحمي حماها
ربعي ثماله كلها مابها ريب = الاانها سم العدو لارماها
تنزله منزال الدنا بالمشاعيب = وتسقيه من حوض المنايا يديها
كم صبحت شبان وامسوا بها شيب = وامست خلا بعد المغازي قراها
حماية الماقف زعامة وترتيب = لطامة خشوم العدا في لقاها
مايرجم الشيطان غير المشاهيب = ولاينفع العراف غير شوراها
والضيف تبدي له بشاشة وترحيب = وتعز مبدى ضيفها في لقاها
يامرحبا من هاجس مده يصيب = باللي لفى يم الرجال ونصاها
ترحيبة تنشر فمبدى الأصاحيب = اللي يشرف منتدانا بقاها
منهم عريب الجد راعي المكاتيب = اللي يدرج خطوته في سراها
قيدوم ربعه ياخذ العلم ويجيب = جزل المعاني والضعيفه عصاها
بنى حصون وحط فيها دواليب = واقفى وخلاها عزيز بناها
أقولها ماني بعلام للغيب = لكن ابو عادل يدير فرحاها
وختامها لاتكثرون التحاسيب = راعي الوفية مايعدم جزاها

[حسن عابد]

راعي الاولة يا حليفي

[بنك المعلومات]

صح لسانك يابن داخل
وفيت وماقصرت

[@ بن سلمان @]

قـيـدوم ربـعـه يـاخـذ العـلـم ويجـيـب= جـزل المعانـي والضعيـفـه عصـاهـا

بـنـى حـصـون وحــط فيـهـا دوالـيـب= واقــفــى وخــلاهــا عــزيــز بـنــاهــا

أقـولـهــا مــانـــي بــعـــلام لـلـغـيــب =لـكــن ابـــو عـــادل يـديــر فـرحـاهــا صح قولك
واضحة وما عليها غباش

[ABO TURKI]

صح لسانك اخي بن داخل

[ابو مهند]

بـنـى حـصـون وحــط فيـهـا دوالـيـب .....واقـفــى وخــلاهــا عــزيــز بـنـاهــا

أقـولـهــا مــانــي بــعــلام لـلـغـيــب ...لـكــن ابـــو عـــادل يـديــر فـرحـاهـا

هذين البيتين فيها طعم السندويش ابو شطيطة باردة

[خلف بن عبدالعزيز الثمالي]

أخي بن داخل أنت رجلٌ فاضل ومتألق دوماً وأبا عادل رجلٌ يستاهل وفقكما الله ورعاكما

[المشتاق]

اخي بن داخل أعلم تمام العلم أنك شاعر بلى شك

أجبني جزاك الله خير على هذا البيت بكل صدق وصراحة

ترحيـبـة تنـشـر فمـبـدى الأصاحـيـب =الــلــي يــشــرف مـنـتـدانـا بـقــاهــا



ما الذي تقصده تكفى عبر الخاص

[بن داخل]

ماعليك زود أنت راعي الطيبات
ياحليفي حسن

[بن داخل]

ماعليك زود أنت راعي الطيبات
ياحليفي حسن

[بن داخل]

صح بدنك أخي بنك المعلومات

[بن داخل]

خابر نظرك زين
بس بعض الأوقات يجي في عيونك زغلله
شوف لك راعي نظارات ولا غبشت البسها ويروح الغباش
مشكور على مرورك

[بن داخل]

صح بدنك يابو تركي

[بن داخل]

بـنـى حـصـون وحــط فيـهـا دوالـيـب .....واقـفــى وخــلاهــا عــزيــز بـنـاهــا



أقـولـهــا مــانــي بــعــلام لـلـغـيــب ...لـكــن ابـــو عـــادل يـديــر فـرحـاهـا



هذين البيتين فيها طعم السندويش ابو شطيطة باردة
لا توهقنا مع الأجواد يابو مهند

[بن داخل]

أنت راعي الوافية ياخلف أول وتالي
والله يجملنا مع شرواك من الرياجيل

[بن داخل]

أصلحك الله يامشتاق البيت ظاهره باطنه
وليس فيه مايدعو للريبة ولكن
أنت تحمل رواسب فكرية وربما عقائدية لاأعلمها
وعلى شاكلتك نفر في المنتدى يهمزون ويلمزون ويحملون الكلام مالا يحتمل
وليس لدي ماأبعثه لك على الخاص

[ابو مهند]

افا يابو عبد الله ماني راعي التواهيق وإنته كمان منت براعيها عداك العيب

لكن البيتين ذكرتني بقصيدة رثاء قالها احد التجار في صنف من صنوف تجارته

واهل مكه ادرى بشعابها ..اقصر الخير على حدي وحدك مانبي خشرا

[بن داخل]

يابو مهند مالنا وللخشرا
بيتهم انهد ولا باقي غير سيسانه تبينا نغلق عليها
أقول ياولدعمي لا شر ولا قشر بس لاعاد تحط لنافالرز بصل

[واقعي جدا]

ياحبيب البي يابن داخل تصدق انك شقردي

وابن بلد على قولة اخواننا الفنزوليين

بالمختصر انت شاعر ينعنش مثل براد الشاي حزة العصر

صح لسانك والله انك لزووووووووووووووز

ولزوز هذي مدحه ترا ماهي مذمه تكفى لاتصفقنا بقصيده تراي من انصارك

[بن داخل]

اما لزوز قبلناها بس وش معك يابعد قلبي
في (شقردي) يبي ترقعها بس انتبه لا تعميها
عموما لك في قلبي مكانة خاصة
وتسلم على ذوقك الراقي ياواقعي

[حسن عابد]

حليفي قصيدة عن النحل الله يرضى عليك دنيا واخرة

[سلطان الثبيتي]

بيض الله وجهك يابن داخل راعي الاوله دائما
وانا بقائي في هذا المنتدى لمعزتك عندي وودي
استفيد منك يا شاعر ثماله تقبل تحياتي