جتني علوم معرّب الجد تعريف

[ابو عادل]

يازينها يوم اتصلنا على الويب = لجل آصل الشعار في منتداها
لقيت ردّ (ن) فيه حكمة وتصويب = من عند ابن داخل عميد النباهى
كلف نجيب ومن عيال النجاجيب = اليا بدى بعلوم ربعه كفاها
أبو هبه نعمين ما به ذواريب =وليا تكفل بالصعيبة قضاها
يقصر عن اللي تاليتها التعاصيب = وليا تهقوى فالمنيفة رقاها
ما يسبق المرسول غير الحواسيب = اللي تباشر بالخبر من دعاها
من غير ما ترسل مراسيل وتنيب = جات الرسالة واضح محتواها
جتني علوم معرّب الجد تعريب = اللي من طياب العلوم انتقاها
ما رد هاجوسه على القلّ والخيب = ولا غيّره لين الظروف وقساها
جمّه غزير ولا روى من نضاضيب = وليا نوى طرقة بعيدة مشاها
مرباه ما بين امهات المحاريب = ونفسه على ظلم الخوي ما حداها
نحّال ما غرّه طنين الكذاذيب = اللي تطنّ ولا تجود بجناها
يخرج ولو صكت عليه النشاشيب = ودليّ عرفه ما تقطّع عراها
قبلت ما جاني على غير تنقيب = موثوق فيما قلت والا سواها
ومسموح من قلبي بحشمة وتهذيب = واهل النّبا ما نستهين بنباها
دعيتكم بالطيب ماهي تغاصيب = تكفى طلبتك لاتطفّي ضياها
انته وبن سلمان ما انتم باجانيب = ودّ وغلا ماهـو عشان نتباهى

[حسن عابد]

نبغى المفيد يابو عادل ويابن داخل ولا 15كيلو عسل من عسل الصيف .

[بن داخل]

لقد سعدت بمجاراتك في مامضى من أيام
ومدعات سروري أنك تتحلى بروح قل مانجدها في مجتمع تأثر كثيرا بمغريات الدنيا الزائلة 0000000
من هذا المنبر الشامخ الذي تعودنا فيه الترحيب بكل قادم إليه بما هو أهله
أتقدم إلى إدارة المنتدى ومشرفيه بترشيح أبو عادل ليكون اللسان المتحدث باسم المنتدى ليتسنى له متابعة كل قادم لما يملكه من ملكة شعرية تعينه على هذ التكليف 0
والله من وراء القصد

[المشتاق]

صح لسانك يا ابو عادل وافي ومتعافي ما شاء الله عليك

تكفون يا الربع اشرحوا لنا البيت التالي

ومسموح من قلبـي بحشمـة وتهذيـب =واهـــل الـنّـبـا مـــا نستـهـيـن بنـبـاهـا

أشعر إن البيت يحمل معنى كبير مدري كيف فات على بن داخل

تحياتي

[ابو عادل]

حسن عابد:
والله طماع من جد (15) كيلو ماتحصلها حتى في الدكاكين اللي تبيع العسل.
شكرا لمرورك.

[ابو عادل]

بن داخل:
الله يجزيك بالخير والله انها ساعة مباركة اللي تعرفنا عليك لكن الترشيح
ماني معك لأن المنتدى به شعراء كبار ولهم القدمة أمثالك أنت وابوشرف
الله يمده بالصحة والعافية وربما غيركم آخرون لاأعرفهم وأنا على هامش الشعر
حتى الآن وهذه مسئولية أكبر مني .
شكرا لمرورك ومانعدمك.

[ابو عادل]

المشتاق:
صح بدنك وشكرا لمرورك.

[@ بن سلمان @]

ابا عادل /
والنعم بحالك يالقرم
الجميع هنا فيهم الخير والبركة
وان لحقكم زود انتم اهله

[ابو مهند]

لا ابرئ نفسي من الخطاء ولكني اتبراء ان اكون مخفة طالع نازل في كل كبيرة

وصغيرة ومصدق كل ماقيل عني وانا اعرف بنفسي..

تواضع منك في تخليك عما رشحت له انت اهل لذلك على الاقل تفكنا من

بعض الغثا..اكرر شكري لما قدمته وماسوف تقدمه من رقي بالكلمة انت ومن

جاراك وترى مايستاهل المدح الا اهله نثرا وبالقافية

[ابو عادل]

الأخوين العزيزين/بن سلمان - أبو مهند:
انتما وبن داخل أوليتموني مالاأرى انني اهل له ويعلم الله انني اتكلم من قلبي فأنا أعرف نفسي يااخوان والله اني مجرد هاوي وليس لي في مجال الشعر باع طويل وخبرة تؤهلني لأن أمثل منتداكم الراقي والكبير بشعرائه
الكبار بقيادة شاعرنا الكبير أبوشرف صاحب الخبرة الطويلة ومن كان لسانا للقبيلة لعدة عقود من الزمن فليس كبيرا عليه ان يكون لسانا للمنتدى أما
أنا فلم اصل الى درجته اوحتى ربعها . واذاكان هنالك من ترشيح فهو أولى من
غيره ولا اعتبر نفسي الا تلميذا في مدارس شعرائنا الكبار وماازال اتعلم
منهم ابجديات الشعر حتى وان كانت لدي الموهبة الاانها تحتاج لصقل ومراس وكل مارايتم هي تسلية مع اخي بن داخل لاكتساب المزيد من الخبرة علاوة على ان الشعر ليس في مقدمة اهتماماتي وسأحاول
ان شاء الله تجربة الكتابة في المنتديات الأخرى كالإسلامي والعام فهي اقرب
الى ميولي من الشعر والله يوفق الجميع لما فيه الصلاح والفائدة واشكركم
جزيل الشكر.

[واقعي جدا]

ابو عادل صح لسانك ولاهنت يالذيب يابن الذيابه

ان اشهد انك كفو

معرفتي فيك ماهي يومين والا شهرين


تستاهل كل خير وماقد وطيت الدنافيس

[واقعي جدا]

ابو مهند ترا محد درابك ولا حد يمك ولا حد حسبك

لمحت او حاولت التلميح او حتى صرحت

يعني وفر مجهودك للبقاء على قيد الحياه

[ابو عادل]

واقعي جدا:
صح بدنك وماتهون ولاعليك زود
وعساها معرفة خير وتفضي الى خير وحقيقة يمكن اني أعرفك لكن من خلال
هذا الإسم والله ماعرفتك ياالأجودي.
شكرا لمرورك ومانعدمك.

[محمود عادل]

صح لسانك