ابو دبا ينتظر الترحيب بفارغ البطاطا [الأرشيف]

ابو دبا

07-11-2006, 05:01 AM

هذا انا ابو دبا بحراشيفي وجلدي وطولي وعرضي أسلم عليكم يا بشر رغم انكم تلحوني وتقطعوني وصلة وصلة وتاكلوني وأحيانا تاكلوني بجلدي .
فأنا فجل بن خيار بن بقدونس البرشومي نعمة من نعم الله عليكم ما يجحدني الا بطران وانا تروني شايب تعديت السبعين سنة احبكم واحشم فيكم الله لا يحرمكم مني على المفطحات ولا جنب هاك السلطات وانا من قبيلة برشوم اللي تضرب بجذورها في قبيلة النباتات الشهيرة وقد دارت بيننا وبين قبيلة شجاري جبل حروب طاحنة استبسل فيها فارسنا بصل أمام فارسهم عرعر وانتصرنا عليهم ومات فارسهم وعيونه تدمع من ريحة البصل.
وانا يا عيالي ماتت قرينتي قوطة بنت فلفل حار وعقّبت منها كوسة وحماطة ودبا .
كوسة أخذت جزر بن كرنب وحماطة داخلها السمار إلى الآن لم يكتب لها نصيب والا دبا أنا افداه من ركيب في ركيب ورا الباميات يوم شفته داشر زوجته زهرة بنت ليمون وهذي قصيدتي في امه قوطة :

يقوله فجل يوم القدر حل = وامضى بقوطه من ثلاثين عاما
جابتلي الكوسه وحماطة تدلدل= والورع دبا مع خواته يتامى
ربيتهم في وقت لا عنه تسأل = لا ما ولا زرّاع وقتٍ عداما
ياما فجل يا ناس هل العبر هل = يبكي على قوطة من الشوق ياما
ما في القِوط قوطة جميله لها دل = مثلك يا قوطة ما لقينا حراما
بعدك فجل يا قوطتي كم تململ= بعدك يا قوطه ما تزوج وصاما

وسلامتكم

خلف بن عبدالعزيز الثمالي

07-11-2006, 05:33 AM

سالم وغانم يابو دبا وعسى الله يعطينا خيرك ويكفينا شرك

حاول انك تشوف لك قوطه ثانيه

اخيرا حياك الله

مصرقع

07-11-2006, 05:38 AM

هلا والله بالفجل

انا اقول شايفك فين البارح ناشب في حلقي

الله يرحم قوطتك

فيه عندنا صلصة مطلقة ان كان تبغاها علمني

ABO TURKI

07-11-2006, 03:26 PM

مرحبا بك ابو دبا انت وعيال عمك خضار كلهم

كنا في اثنين وصرنا في ثلاثة

رحم الله زوجتك قوطة ورزقك الله بغيرها

ليه ما تجرب تتزوج من عائلة الفواكه وتاخذ البرتقاله

عثمان الثمالي

07-11-2006, 04:43 PM

مرحبا بك ابو دبا انت وعيال عمك

الأمل

07-11-2006, 07:59 PM

هــــــــــــــــلا بك

مفيد ومستفيد بإذن الله ,,

حيَّـــــــــــــــــــــــــاك ,,

ابو دبا

07-13-2006, 01:17 AM

بيض الله وجيهكم يا من رحبتم بي خلف والمصرقع وابوتركي وعثمان والامل
وابقاكم الله
ياولدي يامصرقع انا كبير في السن شويه لو ابتزوج كان امديني تزوجت من يوم
ماماتت قوطه والا أنت ماقصرت يوم شفت لي صلصه لاكن ياولدي كيف تروح تقول للناس اني تزوجت وانا ما قلت لك تم عموماً ياولدي والكلام للجميع انا
شوفوني واقف بشوني على الباب ماجيت ابتسلى جاي في علم خطير
جدا جدا وابغيك وانا بوك ولا هانوا اخوياك تجيب لي اثنين وهم سلمان بن عباد وبن داخل قول لهم شي رجال اجنبي علينا ياثماله يبغيكم في علم خطير جدا والا ترون الوجه من الوجه ابيض
وسلامتكم

ابو عادل

07-13-2006, 03:03 AM

مرحبا بك يأبو دبا والله يحييك بين اخوتك .

ابو دبا

07-13-2006, 06:14 PM

البقا بك ياوليدي يابو عادل تكفى وانا ابوك ناد لي سلمان بن عباد وبن داخل
وانا والله لا أزعقر في اذنك انا ياوليدي واقف على العتبه ولا ابدخل حلالكم يا ثماله لين هذولا الاثنين تجيبونهم لي

مصرقع

07-14-2006, 05:09 AM

يا عم فجل كيف تقول ماتزوجت صلصة وانت متزوجها مسيار والا ما تبي احد يعرف. s65.gif s65.gif s65.gif

ما عليك من احد وولدك فول مدمس اللي جايبه منها وين يروح

ترى برفع عليك قضية في محكمة الفلج حتى تعترف بورعك .
s9.gif s9.gif s9.gif

بن داخل

07-15-2006, 04:36 PM

حياك الله يافجووووووووووول
ودنا كان نقوم بالواجب لك
نرحب بك ونكرم سبالك 0
ونخطب لك واحد من اللويزات ( كوسه )
لكن طلعت مبجر والظاهر انك كنت فالعضاده والا اش خلاك تكبر لين تصير بها الكبر 0
بعدين الكلام اللي وصلني عن المسيار صدق
اللي كماك يستحن ويدعي لنفسه بحسن الخاتمة وان الله يسهل له يماني جيعان يريحك من التعب النفسي اللي أنت عايش فيه
وحياك الله يابو دبا

ابو دبا

07-15-2006, 05:19 PM

ياولدي يابن داخل الله يوفقك والله انك من آل داخل الناس الطيبين أحسب انك ياولدي جيتني معك بسلمان بن عباد الله يطول عمر ابوه عباد اللي ماتجي منه الزاهقه وانا ياولدي يامحمد قالوا لي انكم من خيرة الرجال في ربعكم ابرسلكم على رجال عندكم عدليه ووجهيه هذا الرجال وانا بوك سوى جريمه
ماقول نقص وبس ابرسلكم عليه انكان عنده خاتمه ياعيالي فهو يبشرني بها
ونقعد للمذهب وانتم ثقيف اهل المذهب النظيف ابعلمكم بقصتي في وقتها اما تحكمون لي عليه والا احتكمت له وان كان شفتم ان المحاكم العرفيه حرام اصلحوا اللي انكسر وان كان قال لكم غريمي ماعنده خاتمه وفراش حق ونقا
لاكن اعطني معك مويه لاجيتني ياولدي انا ظامي ومعي سكر والشوف قليل
شوفني اتعزب عند الدكه زعلان ما بدخل وانا مضيوم لين اشوف هي ويش
تمطر به

بن داخل

07-16-2006, 02:41 PM

ابشر بالوفى من غير فتشة
خذ منا معدال سدة كيس ...................
وأنا حطيت لك صلحة محمد وعلي
كيسين كيماوي وكيس .............. وسطلين موية 0
وان شفتها قليلة زدناك أهم شي عندنا رضاك0

ابو دبا

07-16-2006, 05:09 PM

ياولدي يامحمد لاتخش وانا بوك في العميق وتتريق عليه انت لا سألت عن مشكلتي ولاعرفت الرّجال غريمي ولا قلت ابشر ياعم فجل انا وبن سلمان
نبي نروح للرجال ونشوف هو عنده خاتمه والا لاء حرام ياولدي عليكم انا اليوم لي اسبوع على عتابكم ياثماله ماقلتم ويش اللي مزعلك ياعم فجل ومخليك ماتقلط
خاف الله ياولدي واعطني المرّة الجايه معك صابون ابغسل ثوبي
الله يخليلك ورعانك ياوليدي

بن داخل

07-17-2006, 04:19 PM

الأوله ما شنيناك
حياك الله عند رفاقتك
وانت رجال طالب مذهب من اهل الديرة
والطارف منهم سداد
ان كان لك دعوة تخصها
سمها واحنا نقالت عاني ووجهية
وان كان لك شرهة على المنتدى واهله حطينا لك مسد شرهه
وانت لارضيت تقلط ولا رضيت تجيب العلوم اللي في صدرك
انماهو خذ معدال عن الطارف من الرفاقة
لكن لنا منبوبة ان كان ولينك معك شرهه ماهي مسعرة عند القبايل
وفرجت علينا العربان ترى مااحنا مخلينك لا تقول مانبيتوها عليه عند المعاديل

ابو دبا

07-17-2006, 09:45 PM

ياولدي يامحمد للعلوم مداخل ومخارج وانا بوك ان كنت منكور من غريمي فهو مايبي يبشرني بالحق وان كان يخبر ان فيه شي فهو يبي يبشرني هاك الساع ياولدي ان جات البشاره فانت حوّاش عقال بعد ماكنت وجهي ومن المرضويه ان كان حبيت لاكن ياولدي كيف تعقل عن غايب وتعطي عقال من راسك دون فتشه وليا فتشنا العلوم واصبحت فاضيه ابشروا بمحكمة فاهه ياثماله لاكن اول اعطني بشارة الحق من غريمي
عسى الله ياولدي يامحمد يوفقك ويصلح لك عيالك اعطني ياوليدي معك ناموسيه الصهيب اكلني

بن داخل

07-18-2006, 04:04 PM

أنت تخوض وتروض فالعلوم
ان كان لك دعوة نصها وعلمنا باللي دعوتك عليه
نبي نروح له أنا وبن عزاب
ان قر بها خير وياكرم الله
وان انكر أخذنا منه معدال وطلبنا منك معدال
وافرش فراشك وارضى وهو يرضى
والبينة على المدعي واليمين على من انكر
بس ترى لنا فاهه ومحكمتها على يدين ثقيف لن مابدى لك شي ولا تقول بعدين صادرة حق ماتعود الحق 0 انبها عليك من ذحين

بنك المعلومات

07-18-2006, 04:38 PM

ابو دبا
عاد وش تبي زود
هذا خامس الضباعين بن داخل
وخامس السواعدة بن عزاب
من قدك ياعم

ابو دبا

07-18-2006, 06:12 PM

علومك زينه ياولدي يابن داخل ولاهان بنك المعلومات ولا بن عزاب
وبالنسبه للدعوه وانا بوك وتفتيش العلوم على الفراش وابشروا بالعقال اللي
على قد الدعوة ودام انك تزهلت وانا بوك انت وابن عزاب وتقول انك انت واياه
تبي تروحون لغريمي وجهيه ها ترون غريمي رويعي الغنم ان كان وانا ابوكم بشركم بالخاتمه فحنا طرحنا المعاديل وتباطينا بها وسط المجلس وان كان كما
قلت لكم رويعي الغنم عيّه وناحش عن المذهب فلا والله الا ماجا فجل وهو يبي يعود على ربعه الا بسدحة غريمه وسلامتكم على الله
هيه لا تحيرون عليه ياعيالي انا مابقعد منصب خيامي في هاذي التبجه اللي
قدام حلالكم يا اهل الوفا ولاينسى الطارف منكم يجيب لي معه حبوب السكر
وفقكم الله يا عيالي

بن داخل

07-19-2006, 04:19 PM

الأوله رويعي الغنم من شعب في شعب
والله يعينه على الشقى اللي هو فيه
لكن ماخبرت عنه عوجه والظاهر انك متحامل عليه وودك تنقص مقداره
واليوم انت مانصيت لنا علم نروح له به
ان كان عندك دعوى تنصها اعطنا اياها ونشوف رداده
وان كان تبي معدال يقعد معك في دعاوي مابتبديها الا على الفراش
اعطني معدال والمعاديل بيدين بن عزاب
وخلنا لن لقينا عنده ثمره أخذنا منه معدال ولن ماثمر لنا قبلنا عليه برفاقتنا
وان ماعود للمذهب شرفنا عليه بكبار ثقيف وعرافهم
وقطعناه 0

ابو عادل

07-19-2006, 06:26 PM

يابن داخل:
مساعيك بين العرب هذولي طيبة والله يثيبك عليها لكن ان سمحتوالي انت وابو دبا عندي وجهة نظر في الموضوع ولاتقولون هذا متعرض تروني فاعل خير وبنية خير.
وجهة نظري ياوجيه الخير انتم تعرفون افضال راعي السواني على ابو دبا وهو ان كان منصف ماينكرها وفي نفس الوقت هو(اعني راعي السواني ) له فضل كبير على رويعي الغنم خاصة يوم تحف الوقوت مايسقي غنمه الا من عند راعي السواني اللي يشد القتب وينحش ثيرانه ويسقي حلال الرويعي والأهم من هذا الكلام كله ترون راعي السواني هو عاقلهم الاثنين (رويعي الغنم
وابودبا) بودي تدخلون راعي السواني في الموضوع وترونه باب ويمكن تنحل الأمور بصلحة والشر مايمتنى وفكروا ان طاب لكم علمي خذوه وان ماعجبكم
انا مالي صلاح بس زي ماقلت لكم فاعل خير وودي العلوم ماتصل الجيز المعدي
ونفتضح بين القبايل والله يوفقكم .

ابو دبا

07-19-2006, 07:23 PM

ياعيالي إتقوا الله فيه انا اليوم لي أسبوع منصب خيامي قدام حلالكم ياثماله
رحّب بي الطارف لاكن مايدخل الخايف هذا غريمي عندكم سوى جريمه اوله
في صديق لي ولاهي غريبه يزيد يسويها في عمكم فجل اللي وصل عمره حوالي الثمانين شوفه قليل وسكره كثير أقول لكم اعطوني معكم مونه وانا ابعطيكم حقها ياعيالي وانتم بس تعاقبون على عمكم فجل وتسدحون في العلوم هذا بن داخل عسى الله يهديه يزكي فرويعي الغنم ويدس فيه بعد ماعلمت له باسمه لاجاب لي خاتمه من عند الرجال ونتفاتش العلوم على معاديل ولا خلاني اسكت ما اعلّم باسم غريمي ذالحين راح ينبهه
وهذا انت ياوليدي يا بوعادل جايب لي راعي السواني اللي أنا مالي علاقه به
انا ما اعرفه ما أعرف الا رويعي الغنم والله ما فرقته لين يقولون العرب بيض الله
وجهك يافجل اسمع الكلام يابن داخل والكلام للجميع ماعندي معدال الا بعد
بشارة حق من رويعي الغنم تجيني بها هي عجلوا أنا ورايه ورعه يتيمه حماطه انا افداها حاطها عند خالتها بقله بنت فلفل حار الله يوفقكم يا عيالي

بن داخل

07-19-2006, 07:38 PM

مادام هذي هروجك
اعطني نهارين والا ثلاثة ويجيك مني رداد
والمذهب عامر بيننا وابشر بعلم غانم
وانت يابو عادل تكفى تلمح لي رويعي الغنم
لن مرك والا شي خله يمر عليه
وقله بن داخل يبيك ضروري
قطفوا منه عاني ويبي يشوف وش عندك من ثمرة
وان تعذر فالمجي خذ لي معه موعد
ولا تعلمه بصاحب العاني بلكي يتشرد منا لا عرف العلم

بن داخل

07-19-2006, 07:46 PM

تدري مر على راعي السواني واقطف منه لزمه
وقله هذا عاني يزينك زينه ويشينك شينه
تجيب لنا رويعي الغنم للمذهب
بعد انهم صدقان ليش نروح لطوالها
وانت ياعم فجل عود بيتك ويجيك من وفى لين بابك
اما لقينا الرجال مستصيب وحطينا لك مذهب وواسيناك عليه
والا جبنا لك معدال
وروح خذ دويانك وريح بالك 0

بن داخل

07-20-2006, 12:02 AM

ابو دبا

07-20-2006, 03:17 AM

يالالالاله يالالاله يالالاله=يالالالاله يالالاله يالالاله
ماني معوّد ياابن داخل مع دُرَيبي=لين آخُذ الحق المصفّى من غريمي
وان ماحصل مذهب ينومس ياحبيبي=والله لاخُذ حقي بالسيف الصريمي

عجّل ياوليدي أنا مابقعد فها التبجه

الحجاج بن يوسف الثقفي

07-20-2006, 08:03 AM

صباح الليل يادبجه
قصدي يادبا
اسف يابودبا
اقول جيب معك دقيق فينو نص كيلو
ونص كيلو ثاني من دقيق دبي

راعي السواني

07-20-2006, 12:01 PM

سلام ياثماله =كلي خاتمه ومذهب وانا ابن شداد - لكن وش تدورون عندي - لانا كبير رويعي الغنم واختم لكم ولا انا والي امره - الرجال كان حليف لي وبيننا عيش وملح وعلوم زينه حتى تكلم عليه نهار بعد صكيت غنمه من طرف واديه وقال لي روح ياللي مرغك حمارك فليحان- الرجال ناقز رويع الله لا يختم للناس ولا يكف حلاله عن براشيمهم وخضرهم وقطرهم ولا حتى عن حمى ثماله - دوروا لكبيره واطلبوه يختم لكم - وانا قبلك يا رفيقي يا دبى منقوص منه - غنمه طبت واديه واكلت الدبى والخضره كلها - وانتم يا وجيه الرفاقه - يا ابو عادل يا ابن داخل لا تدورون للرجال روحوا لكبيره هو اللي يختم لكم عنه لكن قبل تروحون لا بد تعرفون النقص اللي جا على ابن عمنا دبا - ما يجوز تروحون للرجال وانتم ما تدرون وش النقص .

راعي السواني

07-20-2006, 02:49 PM

في خبر عاجل على قناة الجزيره تقول المذيعه جمانه نمور انه وصلهم هذا الخبر للتو = في هوس البحث الحثيث عن الناقص رويعي الغنم اعلنت وكال تاس ان الرويعي اخ للأرهابي اقزوز منسم فمن يطالب بالعداله من الرويعي فعليه بذلك ألأقزوز - انتهى الخبر .
وقد لفت نظري الكلمات- الخبر للتو - وكالة تاس = اي ان تاس هو تيس باحدى اللهجات- وتو هي الكلمة التى يطرد بها التيس .
فمن اراد تركيع الرويعي فعليه بالأقزوز وهو المصوراتي معه قبل فتره .

ابو عادل

07-20-2006, 03:40 PM

امس العصر رحت اتمشى وادور نحل واتصيد في الجبال اللي فتهامة وقابلني رويعي الغنم يدور له عنز والد قعدت ورا الغنم وعلمت للرجال بعلوم ابودبا وقلت الرجال طلاب خاتمة ويقول منقوص منك يارويعي وان فوضتني انا ابعقل عنك بس تجلس مجلس الحق قال لاتكلمني في هذا الموضوع الين اول شي تصفون لي حساباتي مع ابودبا وعياله ناس اخطوا عليه وراحت عندهم سمانة غنمي سنتين والله مااعطوني فيها لاكثير ولاقليل وراعي السواني شاهد ان كان عنده ذمة ولا يغل النور واسألوه ثم بعدها يجيكم مني جواب لفجل ودبا وعيالهم الآن وش رايك يابودبا تبي تحاسب الرجال ؟
بعدين لقيته زعلان مرة قال هذا لوفيه خير ماحطوه مخلل لكن يبيها شردة بعد اكل سمانة غنمي راح يتخبى في البرطمان وسط الملح لكن والله لاجيبه لومن بطن سندوتش الطعمية .
هذا العلم وسلامتك يابو دبا وش عندك للرجال؟.

بن داخل

07-20-2006, 04:11 PM

يالالالاله يالالاله يالالاله=يالالالاله يالالاله يالالاله
عود لدارك والعن ابليس يافجلي 8888 جايك من العراف علم يبا يجلي
أنا ليا مديت في طرقتي رجلي 8888 أورد الضميا وتروى من النجلي

ابو عادل

07-20-2006, 05:24 PM

يالاللاله ياللاله لاله=يالاللاله يللاله لاله
أنا لقيت الراعي اللي في مكانه
نصيت له علم ابن دبّا من لسانه
وقال مانقبل على المخطي حصانة
وانكان يشهد ماقبلناله شهادة

الظاهر ان المشكلة فجل ابن دبّا
اللي على الفلجان والنعمة تربى
واصبح مخلل في مواعين المربى
ولايسلم حق مشروبه وزاده

راعي السواني

07-20-2006, 07:54 PM

يالاجواد خافوا الله - قيمة السمانه عندي انا وحسابها عندي - اما دبى فانا اللي اعطيته السمانه هو وعياله حتى انتفخ - ثم جات غنم الرويعي واكلته عساها بالذيب. بعدها جاني الرويعي يطلب الحساب وقلت حاسبني في دبايه واحاسبك في سمانتك وابى قليل الخاتمه - وبقيت الدعوه معلقه.
خلاصتها يا رفيقي يادبى اترك الرويعي تراه سفله وقليل مذهب دور الحق عند غيره من اللي يعطون الحق وياخذونه مثل رفيقنا منسم .

مصرقع

07-20-2006, 10:35 PM

وش العلم ياجماعة
انا زوجت ابو دبا صلصة ولا عاد ادري وش صار
لين جاتني صلصة تبكي تقول هذا الشيبة امتحني
ولا عنده ما عند جدتي
انما هو وانتم جايين اعطونا معكم سويق ومعروكة انا ذبحني الجوع على
ها الدجة مدري الدبجة
باي عمو فجولة اجريك ما وجعوك من الدبجة

أبو علي

07-21-2006, 12:40 AM

عالم منسمه ومنتهيه ، رياجيل راحو فيها والسبب هو اقزوز منسم

أبو علي

07-21-2006, 01:03 AM

يا مصرقع دعوتك اللي تدعي فيها وهي الخطاء اللي على اختك صلصه خله اخر شي لحيث ان الدعوة الاوله ما احد صدر منها بنتيجه نبي العلوم تصلح مع بن دبا وبعدين ناخذ الحق منه لخيتك صلصه .

يا رياجيل يا مرضويه حلو موضوع الرجال واحكمو له

بن داخل

07-21-2006, 04:10 AM

العلم وراه علوم وسد الشفا نقادة
اليوم جاتك علوم من ابو عادل وعلوم راعي السواني ماتسقي ضميان
والرجال على قيس علوم ابو عادل اللي جابها من عنده له حساب وله تكليم وله حق المماطلة
واليوم ان كان انك مقر ومستعرف انك اكلت أنت وعيالك سمانة غنمه سنتين ولا حاسبته عطنا الحساب ونبا نحط عليك لراعي الغنم طيبة خاطر فالمماطلة سنتين وبقية العلوم يمكن نسويها
وان كان انك منكر البينه عليه واليمين عليك 0
هاثم نحنا نبي نقعده معك مقعد الحق ولا نبي نسمع من علومك ولا شي لين نغلق البايت
وبعدين انت ياراعي السواني خلك محضر خير
الصلح ماينكره لا مع عاقل ولا جاهل
واماانك تقول ان قيمة السمانة عندك ليش ماحاسبت الرجال من وقتها لن كنت صادق والا شرفت عليه برفاقته وعيال عمه بن تايس والا بن عنيز والا بن طلي وقلت لهم الرجال له عندي حساب ولي حساب عند وخلو يجيني نتحاسب 0
اليوم علومك كلها ياراعي السواني ماتقضي لزوم الزم ماك في سماك 0

ابو دبا

07-21-2006, 04:12 AM

اهبوا اهباكم الله هي هذا وانا رحت بس اطير الماء سويتم البطيط اللي مايتسوى وانت يامزغور يامصرقع انت والمزغور الثاني اقزوز منسم ليه ماتقعدون حواليه يسير لابغيت ارسلكم تجيبون لي مقضاه ياعيالي انا تروني احبكم وابجاودكم والصبي منكم ابعطيه حماطه انا افداها ارب ان الله يرزقه منها
بالنبق الصالح
اما انت يابن داخل تراني داخل على الله ثم عليك انت وبن عزاب انكم تجيبون
لي الخاتمه من عند رويعي الغنم اللي يدري عنه ابو عادل بس انه يلحف عليه ويدري عنه راعي السواني طيب ليه ماتجيبه ياراعي السواني وانت منقوص منه زي والا تلحف عليه انت الثاني بهاذي المراوغه وتقول سفيه وجاهل وهو يرعى له في ميه من الغنم قتال قتلى كما هذا ليش تغطي عليه
وبعدين الدبا اللي انعدم عليك ماهو دبا ولدي الله يخليه
انا شوفني يابن داخل مزهب البندقه عجل عليه في العلوم والا ابسوي اللي
فراسي يكود اان امي فاصوليه مامرّرت راسي ولا دفلت في فمي تفاححه
ولاحلقني خالي جرجير ولاحنّكني عمي عنب
خذوها منّني وانا فجل
تكفى يابن داخل تراك ابن الحموله=وابن عزّاب الوفي مثلك أمين
جيبوا لي الراعي بعرضه ثم طوله=والله يوفقكم فدنياكم ودين

خذهامن فجل يابو عادل
حطيت للراعي يابو عادل عنانه
بالدعاوي من مخلّل لي سمانه
عندكم حقي ترونه اصبح امانه
لا تحط لدعوتي دعوه رداده

العباطه يابو عادل ماتكبا
خاف ربك في فجل من بعد طبا
والسمانه في ركيبي ماتعبا
مابسلّم في دمن مخطي العراده

دخيلكم ياعيالي لا تلعبون بي وانا شيبه مبجر والا انتم ياهذلاك روحوا حطوا سمانتكم في الركيب الثاني حتى تلقون الفجاجيل زينه

ابو دبا

07-21-2006, 04:38 AM

اسمع يابن داخل ترى رويعي الغنم الغنم ماعنده دعوه ولوكان عنده دعوه كان
امديه بدا ويلقى وفا لاكن الرجال اعطاها ابو عادل يبيها سداده وكيديه صفوا جنابي اول مايكون وابشروا بالوفا بعد صادرة حقي ومن حلالنا يا قبيلة برشوم

أبو عبدالرحمن

07-21-2006, 09:16 PM

ما شاء الله عليكم

ظننت الردود كلها ترحب بالضيف ـ أبو دبا ـ وقلت ستحصل مشكلة من الأعضاء الجدد!!!فنقلت الموضوع لمنتدى الاستراحة ..

زهور الريف

07-21-2006, 09:47 PM

السلام عليكم ياجماعه

ماعليش يابو دبا انت والاخوان انا والله ما دريت عن الهرجه كلها تعرفون مشغوله بالمطبخ والغسيل والكوي وشغل البيت اللى ما يخلص حتى جانا جدي اليوم من الديره وقلي تعالي يبنتي يازهور علميني الفجل وش فايدته وش يصلح فالطبخ والنفخ والله استغربت السؤال بس علمته بفوائده الصحيه وطرق الاستفاده منه سواء كان اخظر والا ناشف وبعدين سالته وقلت ياجدي ليه عسى ماشر

علمني السالفه كلها والحقيقه انها ما اثارة اهتمامي الا موضوع موت زوجتك قوطه والله بكيت من قلبي على الايتام وقلت ياجدي انت زراع كبير ومعروف فالديره كيف ما تت حرمة فجل قال

اسمعي يابنتي يازهور فيه نبته تجي في الوادي لها اسمين اسم زراعي واسم عامي قلت كيف قال اسمها الزراعي (الزنبخ ) واسمها العامي ما بقوله لك لانه مرعب قلت على كيفك يجدي

المهم قال شوفي يبنتي هذا الزنبخ ينبت فقعر القوطه ويتغذى عليها الين يذبحها وهذا سبب موت حرمة الفجل

عاد والله انا خفت بصراحه عليك يافجل انه يصيبك ما صاب حرمتك ويضيعون الايتام خصوصا حماطه المهم لاتسمع كلام بن داخل يبغى يرجعك للعضاده الين يجيك رد علم

لاترجع ينبت الزبخ في قعرك وتموت وانت ما خذت حقك من رويعي الغنم انتبه وانا معاك بعد الله الين تاخذ حقك وزياده وان كان للناس عندك حق رده لاتاكل السمانه حقت الناس ترى الحرام ما يتبارك

الحجاج بن يوسف الثقفي

07-22-2006, 12:29 AM

افا وش العلم ياابودبا
انا طالب الله ثم طالبك في حماطه ابغاهاحليله لي ان كان لك حق عند
رويعي تراني سداد وانكان ناقصك سمانه تلقاها عند بن داخل والحموله
خلوها على بن عزاب وانا ابرسلكم مشتاق الباكستاني يساعدكم
ومن يم بن سلمان خلوه يشيل القسس ورى الحراثه
وانتبه لعيالك اربهم يبجرون لا يروحون في قدور زهور الريف
على فكره ترى بن داخل وزهور وبن سلمان ومشتاق وبن عزاب بيني وبينهم
اخذ ورد والظاهر انه بيجي فالعلوم علوم
ومصرقع هذا تراه لا يجيب ولا يودي

ابو دبا

07-22-2006, 03:01 AM

حياك الله ياولدي يا اقزوز انا تراني ناديت عليك انت والمصرقع لانكم صبيان
وعمك فجل تراه شيبه اللي يخدمني منكم وانا بوكم عز الله اني ابعطيه حماطه انا ياولدي لي عشره ايام ادور رويعي الغنم وربعك يدسون فيه ويظلموني بدعاوي يبون ينسوني دعوتي وانا طلاب حق ياولدي ابشر ياولدي ان كان شفتك رجال كفوا وخدمتني انت والا المصرقع لين آخذ حقي فحماطه ان شاء الله انها من نصيب واحد منكم لاجيتني المره الثانيه اعطني معك قاز

يا هلا يازهور الريف انت ترينك من النباتات الجميله ومنا وفينا والريف حقنا
وانا ابوك احسن من الريف اللي كنت فيه انت ياوليدي جيت في فصل
الزهور تتفتح فيه ويجيها النحل عندنا ويمتص رحيقها لاكن ان كان انك آبيه
وانا ابوك شوفي حق الوادي مترز روحي اقعدي عليه لين يطيب صفاك
وان شاء الله انك ماتعودين الا وبالك مرتاح

اسمعوا يارياجيل اللي نقلني وجابني هذا المحل يقولون لي انه ابو عبدالرحمن الله يطول في عمره لاكن انا رايح عليه فلوس ماهي سهله
المسؤول عنها اببو عبدالرحمن خابرها في الضبيه هرجوا ابو عبدالرحمن
يجيبها بالطيب قدام الله الله

وسلامتكم

مصرقع

07-22-2006, 03:31 AM

ابو دبا انا رجال زوجتك صلصة ووعدتني بحماطة
وانا معك في اللي تبغاه وبعدين اقزوز هذا تراه منسم
ما تامنه على ثنتين من الضان كيف تعطيه بنتك s70.gif
اتق الله في بنتك ولا ترميها وتزوجها المنسم
تراه ما عنده ما عند جدتي وداشر وحق سيارات اتركه
ومادام زهور دخلت في الموضوع ابشر بتاخذ حقك مدبل s71.gif s71.gif
وبن داخل وبن سلمان ما عندك احد s70.gif
وابو نسافه مشتاق باكستاني ما يدري عن الحق من وين يعطي s70.gif

الخنساء

07-22-2006, 03:45 AM

حياك الله يا ابو دبا بين ربعك

واشكر الاخت زهور اللي يهما مصلحت الجميع يوم حذرتك من الزمبخ
( اللي ما يتسمى )

لكن انا عندي لك خبر خطير اخطر من اللي جابته زهور

والعهده على الراوي

سمعت سمعا ان جعرور الدبا شان حملة عليك

ويقول انه رايح يمهد الطريق للي ما بيتسماش

علشان يقضي عليك .

بصراحة انا خايفة عليك اكثر من زهور لاجل كذا

احتز نفسك من بدري

وتحياتي لك با بو دبا

ولا تنساني من الحفلة اللي مسويها بمناسبة وفاة المرحومة باذن الله قوطة

تكفى تعزمني علشان افرح معاك با بو دبا

زهور الريف

07-22-2006, 04:28 AM

الله الله اشبك ياوالد

شكلك زعلت لا تعصب تراك راعي سكر هذا جزاي على شان اني خايفه عليك من هذا اللى يقوله جدي نسيت اسمه

بس ما راح اشره عليك انت رجال كبير ويمكن انك دخلك الخرف وانا طيبه وراح اساعدك الين حتى يوفونك الرياجيل

بس الحقيقه بيني وبينك (عسى ما احد يسمعنا) انت شكلك مغالط وتاكل حق الرياجيل

هي عاد لاتفهم هذي غلط كمان

ابو دبا

07-22-2006, 07:55 AM

ياولدي يامصرقع عساك ماتعود عند حبة قوطه مصقع انا ابنشد عن صلصه هاذي لايكون انها كما زهور اللي جات بروائحها الطيبه وتهيا لها حق الوادي ونحله وامتصوا رحيقها شوفها ذالحين عندي في راس شهرها ان شاء الله
ماتعود لريفها الا والبجاجير طريقها يتساعون وانا ماودي ان الخنساء تكون بعيده عنها ارب انها تقوم بها لا توهنت حواليه
خل الرياجيل ياولدي يعطوني حقي انا ماكلت حقوقهم انا عاف وكاف تحت الارض
هي جيب لي معك وانا جدك حبوب السكر وبريال عيش والله مارفع السكر
عندي الا زهور عسى الله يهديها وكان لاكن انا بعطيها زبدة الكلام وهي
اظنها كُستريكية الذكاء انها تفكني من شرها لين آخذ حقي وامشي
جدكم فجل

أبو عبدالرحمن

07-22-2006, 09:54 AM

أنا طال عمرك ...
وصلت لي عدة شكاوى من الأعضاء الجدد...يقولون مواضيعنا لا تتجاوز صفحة واحدة..وهذا الشايب أبو دبا وصل الترحيب به 5 صفحات...
فاتضح أن الموضوع ليس ترحيب..بل دعاوى ومعاديل..

بس إن شاء الله ماراح عليك من الفلوس الكثير...وتأكد متى راحت عليك....وأول شوف العيال وأمهم!!!

ابو دبا

07-22-2006, 03:43 PM

ياولدي ياابو عبدالرحمن انا من قبيلة النباتات وانا عمك جيت ادوّر لي حق عند رويعي الغنم ثم دسوه جماعتك وقعدت عند الباب عشرة ايام طبعا ياولدي ما بدخل وانا منقوص وخايف من رويعي الغنم ها ثم ياطويل العمر جوني عيالكم
ياثماله وغيرهم ثم تكلموا عليه بالكلام اللي مايرضي الله ولايرضي خلقه
حتى انت ماسلمت منك خليتني لين أروح أطير الماء وعقبتني وجبت الخيمه
في هذا المحل اللي كله شوك وحصى ولا عليه من هذي العلوم لاكن انا خابر
لي ظبيه في الخيمه فيها فلوس لي حوالي خمسين الف ريال اعطنيها وانا
عمّك فجل وعطيك منها عشره الاف هاذي حاجه والحاجه الثانيه المحل هذا ماهو زين شوف لي محل ثاني وانا عمك ولا تنسى تجيب لي معك وزنين
وكشنه ودوّر لي معك بن داخل هو اللي عاد يبي يستظهر لي الحق
هي عجل وانبوك ورعتي حماطه مدري هي ويش تسوي في الوادي

بن داخل

07-22-2006, 04:06 PM

الله يسعد مساك
ياعم فجل
أنا جيتك بعلوم من عندرويعي الغنم
الرجال اعطاني معدال مشروط وحفلني وكفلني انه ليندر معك للحق ان صدرته من الأوله 0
وانت هداك الله لاو اللي أقريت بسمانة الرجال وحاسبته ولا ولي أنكرت وطلبنا منه بينه والا أخذنا منك يمين جزمية عنك وخبرية عن عيالك 0
وان كان انك على قول القايل تبي تلوى على حق الرياجيل وتاكله الله ربن وربك 0
هذا من قيس علوم الرويعي واما من قيس علوم الباقين .
الظاهر انك ضيعت مدي كبر والا ذله
شي عرب جوك معزية زهور والخنساء
وكلهم يوصونك انت رجال كبير ويمكن الشوف عندك قليل مع السكر
وخايفين عليك من الزنبخ اللي مايجي الا في العضادة
وزهور ماتجي الا في الصعدان ولا عليها خوف
وانا مااشوف جا منهم خطية لا تمد لسانك ويكثرون طلابة المذهب
ياعم فجل لايدخلك ابليس وتاذي الناس وانت رجال يالله حسن الخاتمة

ابو عادل

07-22-2006, 07:32 PM

هيه خذ العلم اللي يجمد على الشارب:
هذا بن داخل ماقصر جاك بالمعدال الرزين ويمكن يتبعه من الرويعي يمين
ان كنت رجال تبي حق ومستحق اقعد مع الرجال ونصفي مابينكم تراك اتعبت الوجهية اللي مالهم علاقة وان طعت شوري نخليها سماحات دامت انك لاحبك
من بطنك منثور ولاجرمك مكسور ويسير خلاف غنم الرويعي مقابل سمانة غنمه ويحب على راسك وانت (تحب على راسه)
وهذي نصيحة لك قبل مايكثر الزنبخ حواليك والا تطلع لك الديدان وهذي ترى أيامها
فكر في علمي والصلح خير وعوذ الشيطان مالك مصلحة فالمشاكل وانت في آخر عمرك روح سجل في الضمان ودور عيشة ورعانك وولد حياة برشومي تراه
يبي بنتك حماطة ان كان ماعندك مانع وترى قربه طيب ورحيم يسد وزيادة.
هيه وش قلت؟.

الحجاج بن يوسف الثقفي

07-22-2006, 09:14 PM

ياعم فجل انا جبت القاز اصبه في الفانوس ؟
وجبت لك العلوم اللي تبيض الوجه ماهو المكياج حق زهور
ترى بن داخل ماغير يكتب على الشاشه لا شار ولا استشار
العلوم كلها من راسه
شوف رويعي عيا لا يهرج احد والرجال مستعرف بالحق ويقول
خل عمك يصبر عليه ايلين ابيع من الغنم. وابو عبدالرحمن تراه سافر واخذ الفلوس معه ويبي يفك منتدى ثاني على حساب ورث خطيبتي حماطه
بعد عمر طويل انشالله لكن لاتخاف انا وراه وراه
وابو عادل رجال اجودي وماودي اقول انه متواصي مع بن داخل عليك
وعلى فكره ترى ابوعبدالرحمن هدم العشه حقتي اللي في عرض الركيب الاعلى وانا زعلان منه

بن داخل

07-22-2006, 11:27 PM

يابو عادل انا طحت لي في عية
كل مافكيت له درب معرفه عياني
بجاهك عليه اما يمشي مع المرضوية والا يفكنا من النقد
انا كبيت النحال والعيال وماغير اتصكك ورى الرويعي وابو دبا

بن داخل

07-22-2006, 11:34 PM

أنت وش جابك في الركيب والا متعدي في حقوق الناس
أنا خابر زهور ودتك تشليح النهدي
وجالس تمتحنا من رفوف التشليح
لكن قول الا يالله ان الله يسهل لك عمود كردان يطيح عليك لين تهجد
وتكب ابو دبا رجل نياوي لا تخلف ضنه فالاجاويد اللي تعبو معه ابو عادل
اخذ له نهارين في جبال التهم يدور لرويعي الغنم وبعد ما جاب العلم من عند قمت تغير فالعلوم
يااقزوز عذبل ابليس وعود بلكي ربي ينشبك فماطور دينه مبوشه تكتم نسمك وتهجد

ابو عادل

07-23-2006, 02:52 AM

يابن داخل :
والله بعد اللي سويناه ماعاد يلحقنا ملامة ان وافق ابودبا على علومنا الخير واهله وان عيا لاعاد نعبطه ولانشبطه يروح يعتني على خصمه من دعوجية مايملون النقد وانا ترى هذا حدي مع اني بغيت العلوم تقارب عسى الله يكتب لولد حياة برشومي نصيب والولد الظاهر انه يحب حماطة بنت ابودبا واما انت يابن داخل علومك غانمة وماقصرت ان ماتهادى معك ابو دبا رجع معدال الرويعي واغسل يدك من العرب لاتنقد مع احد وانااخوك وبيض الله وجهك.

ابو دبا

07-23-2006, 04:46 AM

صلوا على النبي ياعيالي وزيدوا النبي صلاه جاني علم ذالحين نكد عليه
خاطري من ديار عمكم فجل الاجنبي هاذي بنتي حماطه لعطتها مرة ولدي دبا
على شان اني حاط اليتيمه عندهم وقام ولدي دبا وطلق الحرمه حقته
وشي لعط ماهو سهل في حماطه يقولون انها بين الحياه والموت
وانا ماشي بعد ماجيتكم أدوّر لحقي اللي اكلتموه وذاكم راكبين على عمكم
فجل تكلم اللي تكلم وسب اللي سب ودسيتم رويعي الغنم اللي لو جاء واستمثل للحق كان الامور امديها هينه لاكن مشراده دل على انه صاحب العلوم ثم ادعيتم بعلوم على لسانه امكن انها ماهي جد ومن كلام النقيليه
ودعوتي عليه لين ذالحين انتم ماتدرون عنها وتطلبون عقل قدام البشاره
ثم قلتم سمانه ماسمانه بس هاذي السمانه ماتظهر من على افمامكم
دوده مادوده ان كان ابوعادل اشترى له باميه ضاربتها الدوده وكل منها وصار بطنه يمشي دود هذا ماهو ذنبي ياعيالي وهذا اللي حاز في نفس ابو عادل
اللي ترونه ماذبحه حب رويعي الغنم ولا تعب ابن داخل الله يوفقه اللي كلما
جاء يزين العلوم لفته عنها ابو عادل انا ابمشي وابتقعد لرويعي الغنم وانا
رايح لحماطه ودبا واعرف كيف آخذ حقي بيدي واريح نفسي واظنكم تبون
تقولون عداك العيب يافجل بس علمنا ويش سوى رويعي الغنم بعد قتلته
هذاك الساع اقولكم والا حتى ما ارد لكم بعارفه وانت يا اقزوز وانا عمك
ذالحين ابحمّل لك المسواط عيش وأبُلُه لك في السمن حيث انك خدمتني
وجبت لي القاز وان كتب لك الله ياولدي فحماطه نصيب تبي تاخذه كامل
واترك ابو عادل اللي يقول ان حياة ولد برشومي يحبها والا المصرقع
رحيمي تعلمت عن اخته صلصه وقالوا ونعم ابا خذها وابعطيه رمانه بنت اخويه لفت وهي احلا من حماطه
بقي حاجتين يااهل الوفا وحسن النبا الاوله زهور اظنها زعلت عليه وانا والله
اني اشوفها كما حماطه والا كمختك يامصرقع قولوا لزهور جدك فجل يقولك
سامحيني ياوليدي رغم انك انت اللي بديت بالخطا عليه فوقت السكر حقي
مرتفع
والثانيه الثانيه فلوسي يجيبها ابو عبدالرحمن الله يوفقه ماراحت عليه
الا يوم نقلني من اهلابكم لين منتدى الستراحه فلوسي خابرها فظبيه في الخيمه وشاهد على هذا الكلام رحيمي اقزوز
اعطوني اياها حتى انقلع عنكم واصلا مااقدر امشي الا بفلوس
وسامحوني انا شوفوني مسامحكم ورويعي الغنم على دربي ان شاء الله
اني مبتل علومه وليش نقعد نتطالب ونظيع شطوننا في مذهب ضايع
وسلامتكم
عجلوا لي بالقروش انا مشي

المبرِّد

07-23-2006, 12:31 PM

تراكم يا شيبة محكوم عليك بالسجن
http://www.thomala.com/vb/show.php?main=1&id=350&start=100&page=11#107

راعي السواني

07-23-2006, 06:28 PM

يا وجيه الرفاقه والعواني روعي الغنم هلامه وقاطع مذهب - اليوم نزل ابن شداد الماقفه ويطيح وجهي في وجه الرويعي جاي يبيع جلب- قلت يارويعي ليش ماتبدي وتختم لربعك مثل الرجاجيل ان كان لك حق تاخذه واللي عليك تعطيه - ناظر فيه على جنب وقال = خاتمتي وصلت مع الوجيه السفره ما هو انت ياللي مرغه فليحان - رديت عليه = اسكت يا رمه فليحان يسوى من مثلك عشره .
رد الرويعي وانثنى على عدة جمله اللي كان بارك واستظهر منها قداحي قد مزهبه وصوبها يمي - واندس بين جمال باركه للجلابه ويثورها وتقتل جملين _ اخذت فليحان بخطامه واشرد والحقني انا وياه داخن لكن الله لطف - واظن انه ما يبي يخطى من عدوة اهل الجمال اللي ذبحها .

بن داخل

07-23-2006, 07:53 PM

قبح الله وجه بليسك ياراعي السواني
لا أحد قطف منك لزمة والا أحد دورك فاخذ وعطا
أنت تراك من مدورة الشر والقشر
ذحين رويعي الغنم حاز العلوم عند فجل
وبهروجك هذي ورطت الرجال تحمل له جملين ويتبعها مذاهب
ولنتحمل له رقبة ولانا بعدين ياثماله مطلوبين فمخلاص والله ماننقى للرياجيل الا بك ياراعي السواني 0
كب رويعي الغنم ماقعد عنده قصور العيه فجل الله يهديه والا يخارجنا منه

راعي السواني

07-24-2006, 12:50 AM

هذا حدي يا ابن داخل - لا اعبطه ولا اشبطه بعد اليوم - فتنه وبغيت اطفيها وبغت تولع اكثر - انت وابو عادل فيكم الكفايه ولا مهونه بباقي الرفاقه ولا بأخونا وتاج روسنا اقزوز منسم .

ابو عادل

07-24-2006, 01:56 AM

لاحول ولاقوة الابالله
قال ياكثر هرج البدو قال من كثر مايعيدونه0
يوم انا اقلك ياراعي السواني أنت عاقل ابودبا ونبيك تروح له عييت ويوم شفت العلوم قربت جيت تطشها وش لك وش للرويعي؟
أنا اشهد ان الرويعي عدل وهوعدالة ربعه ولامنه خطا بعد اعطاكم القادي
وانت يابودبا دام الرجال في اليد الحق نفسك وعان المعدال مع بن داخل
وان تحيرت والله مانلقاك قتات الخريف الا على العقمان يابس وتجلجل وانت
لاخذت حق ولا اعطيت وانا من يمي ترون هذا حدي وصحيح يوم يقول
دمار غلب مية عمار 0

ابو دبا

07-24-2006, 02:51 AM

تعال يا اقزوز تعال وانا عمك عسى الله يكتب حماطه من نصيبك
اسمع ياولدي ابيك تعلمني بمحلات الرعي اللي يرعى فيها رويعي الغنم غنمه ومن وين تشرب وبيك تدلني على ماقففة الغنم ترى مصرقع يقول
انك داشر قلت له لا بس انه جاهل ويبي يعود ان شاء الله وزاد قال انك ماتقنى العار ولا تجوز الحماطات بس انا ادري عنه انه مايبيك تاخذ حماطه
وانا ما اقدر اسافله ياولدي على شان اخته صلصه ابا خذها لاتنس اني كبير
في السن وانا ادري عنه انه يبي يمتحني على حماطه يبيها بديله فصلصه
لاكن انا ابحاول رمانه بنت اخويه لفت تنزرب فنحره
هي على بال ماتجيني قروشي من عند ابو عبدالرحمن روح جبلي وانا عمك
مقضاه معوادي على ربعي والاغاني اتركها هاذي تراني سمعتك وانت مشغل
البرتقاله ترى حماطه ماتحب العلوم هاذي لانها حرام ياولدي واعطني معك
خمسين دسته ابيها زهاب وانا عمك لعطية الله واعطني معك نيفيا عمك
فجل معه حفه من هاالهبوب هي حتى اتوصا بك وانا عمك

زهور الريف

07-24-2006, 03:43 AM

اشبك يابو دبا الين ذلحين ما احد اعطاك حق

اقلك وش رايك ارجد لك رويعي الغنم بقصيده هجائيه عيار 21 وتشوف كيف يتناقلونها القبايل في كل شعب ووادي وبعدها يصبح دمه مهدور بين القبايل وويقلون هذا رجال لامنه ولا عليه منبوذ من ربعه وجماعته ولا يلقى له مراح لغنمه عند قبيله من قبايل الجزيره ويعود يهاجر السودان يربي سواكن

ان قلت تم ابغيك تعاهدني على يدين الرياجيل وخصوا بن داخل وابو عادل ان ما قلته من كلام صحيح وان ما قاله روعي الغنم زور وبهتان وابشر

ومنه الين ذاك الحين انتبه من الافات اليوم كثرت وخصوصا اللى قاله جدي

الخنساء

07-24-2006, 05:01 AM

يابو دبا مساك الله بالخير

ولو اني زعلانه عليك عشانك ما عزمتني لكن

افراحك دوم انشاء الله

المهم ان كان ما احد راضي يوفيك بالحق

ابشربي

ما راح يجيب لك الحق من ذا الراعي ومن بن داخل ولو ان محكمته ما هي عادلة الا اني اثق في بن داخل

انماهو ابشر يبو دبا

ودي اعرض مدعاتك على برنامج ( كلام نواعم )

لان هذا البرناج هو اللي بيجيب الحق لك

لان معظم حقوقنا جات بسبته

وانا كلمت لك رانيا برغوث وقالت لي يبشر ابو دبا

ما يجينا اعز منه

لكنها طلبت مني اكلمك تجيب معاك بعض الطلبات وهي :

1 / صورة من صك وفاة الزوجة ( قوطة ) مصدقة

2 / اثبات ورثة يحصر ورثة المرحومة مصدقة

3 / مبلغ خمسة آلاف ريال شامله ( معدال سدة ومعدال فتشة )

ملاحظة الموعد يوم الاحد القادم في مفش ركيب الشيبان .

وان شاء الله نوفيلك حقك

واعلم يا بودبا لو ما احبك ما اتعب واسعى معاك

وسلامتك .

الحجاج بن يوسف الثقفي

07-24-2006, 05:31 AM

ياعمي لاتسمع هرج النسوان
انا قال لي جدي شكمان بن كنداسه الله يرحمه ياولدي اقزوز الحرمه شاورها وخالف رايها
اسمع العلم
من يم الدستات تراها موجوده عندي ورويعي الغنم تراه دايم يرعى في الحبقه ويستقي من الفضيه ويطب تهامه ايام الربيع والماقفه يقولون نقلوها من ام السباع وودوهاجهة وادي وقدان ومن يم بقية المقاضي بعدين اشتريها لك اذا جيت اهبطك السوق
اقول وش رايك تاخذ فكس اربه يفك حلقك من السعله تراك احيان تزهمني ولا اسمعك لكن سامحني ياعمي على ماسوو رفاقتي فيك
لكن ابشر انت تراك مزوج شيخ ولد شيخ هذا اقزوز يوم يمشي يهز الارض
ومن يم بن داخل ترى ماعنده الا الفنتش هو وابوعادل لكن خذ العلم من راعي السواني تراه اجودي ومايكذب كثير
المهم ياعمي انا تأخرت ابا اروح لامي تزهم وابعود عليك قايله
وتراني ماسمع اغاني مااسمع الا قصيد غزلي مثل الاماكن كلها مشتاقه لك
واهديها الى الخطيبه الغاليه حمطمط احبك يامروحه

أبو عبدالرحمن

07-24-2006, 09:51 AM

يا عم أبو دبا
طيب ننقلك لمنتدى المجلس الأدبي.
أشوفه أزين لك..ونغير العنوان إلى ـ أبو دبا وطلابة الحق ـ
واش رأيك.
ممكن أثناء النقل تحصل الخمسين الألف (تحت مخدة ـ أو في طاقية...

حمار القايلة

07-24-2006, 10:55 PM

ياكبرها عليكم يا ثماله الكمبيوتر " عز الله ان اهلكم الاولين كانوا ماهم هتول " ما لقيتم الا هالاسامي اللي تفشل " حماطه بصله ابو دبى فجل كنداثه برشوميه كوسه وغيفه اقزوز منسم مصرقع اقشر "بسم الله عليكم " المكتوب ينفهم من عنوانه " بسلامتكم وسلامة المذهب عنكم مانتم اهله وهذي اساميكم . فهمتم انتم والمرضويه مدري وجهيه .

بن داخل

07-24-2006, 11:01 PM

أبو عبدالرحمن لايجرك
فجل في طرقته تراه قليل بصر
والظاهر اللي بدالي ان ولد عمه لفت هو اللي جالس
يحشى فيه على ربعه
ولفت يقلون من زمان انه قاطع مذهب وكل اهل الوادي مايقارونه السلام
لكن كبهم دربهم على ابو مسحاه هو اللي رايح يهجدهم

بن داخل

07-24-2006, 11:29 PM

ياحمار القايلة
ماجابك الا الحض
المسكين ابو دبا طايح في طرف الوادي له نهارين مايقدر يمشي
السكر مثر عليه
أجل يابو مسحاه خذ حمار القايلة وروح ركب ابو دبا على ظهره ووده الوادي
وسمعت ان رويعي الغنم عنده دمنه بهذلته بالقذان جنب العشة ويدور
له اسبوع حمار بينزل الدمنه الوادي
يابو مسحاه لا وديت عمك خذ حمار القايلة وركب عليه البردعة وناد اثنين من عيال ابو دبا خلهم ينزلون السمانه عليه 0
ولا غلقو منه لا يفكونه أبو عضاده عنده دياس ودوه اياه خلوه يديس عليه
وزكنو عليه لايفكه يمكن راعي السواني يحتاجه والا يجي أحد بيهبط يشد عليه
سمعتو ياعيال لا اوصيكم

حمار القايلة

07-24-2006, 11:57 PM

قال راعي السواني " عدمتك انت وياه يابن داخل" ماهو قال لكم بالفم المليان ان حماره فليحان مرغه في التبن وسط الجرن وىلا نسيتو .

ابو دبا

07-25-2006, 01:28 AM

اعطوني قروشي من عند ابو عبدالرحمن خلوني أذلف ماعاد ابغى حقي الا بذراعي خلاص ماعاد في الدنيا خير لاكان ابن داخل اللي يشهدون له بالخير
وقالو لي العراف انشد عنه ويبتل لك العلوم ولياه اصبح يسب فيه ويجيب ناس يسبون فيه وعوّد عدو لي ويجيب دعاوي عن رويعي الغنم يبي ينسيني دعوتي اللي لين ذالحين ماتدرون عنها وكلما جا واحد يبي يعلم عن رويعي
الغنم قال اقلب وجهك ماسمعتم ويش قال لراعي السواني الطيب ويزيد
يروح يتكلم على حمار القايله اللي من جده يوم قال المذهب مات
بس انا ماادري هي ليش النفس حقته محشوره عليه خلاص كبوه والله
لسدح به مع رويعي الغنم والا ماكون فجل بن خيار بن بقدونس البرشومي
والا انت يازهور الله ياولدي يوفقك لا تسوين قصيده فواحد يابنتي يبي يموت
والشعر وانا بوك مطلاة جربا تحسبين انك تب تدركين صاحبك وهو اللي يبي
يدرك واما انت ياخنساء ماقصرت النواعم يبي لهم واحد خشن وجدك فجل
ماهو اللي على خبرك ياوليدي يقع عاد بفياقرا وكبوت عن البرد الخطير
هي ياوليدي لاتنسين تجيبين لي معك مقص على شان الشنتوره لاتمتحن
النواععم

ياولدي يا اقزوز انا مريض وراح بي الكبر ابروح احل موضوع عيالي اللي تقاتلوا

لاتنسى تجيب لي معك دسته ابيها لرجال ثاني واعطني معك دوف دوف
هي عجّل وانا عمك

ورايه وان شاء الله ان حماطه من نصيبك ولاتنسى

بن داخل

07-25-2006, 01:45 AM

هذا وانا ياعم فجل حشت لك الحمار علشان تركب عليه
واخرتها ترميني بهروج ماني راعيها لكن عليه الملازيم لو ماشيبة فراسك
بدت من جور السنين لاربطك فرجل حمار القايلة واخليه يسحبك لين يحدر بك مع الاصيفر 0
أنت قاطع مذهب ماغير تحرج على بنتك حماطة اللي علمتنا زهور عنها ايام هي فالمدرسة تقول انهم فصلوها علشان عندها تخلف عقلي
وتبلابها المسكين المنسم (عمنا ماهو خير وطاح عليه المنخل وكسره )
يامنسم والله ان البيض الفاسد يتليم على بعضه
الشرهه ماهي عليكم على اللي يقعد في مقاعدكم
فمان الله اعطوني المشلح ياعيال
قوام وقربو لي حمار القايلة خلوني احدر

زهور الريف

07-25-2006, 01:50 AM

لحظه لحظه هييييييييه يابن داخل مقروع
انت واللى معاكم اشفيكم الله اكبر عليكم من يوم شفتوا الحمار طرتوا من الفرح وحجزتوه للعمل

خافوالله ترى يابن داخل ابوك كان الله يرحمه على ما نسمع انه رجال حقاني وانت وشبك تاخذ الحمار لاوبعد تتجمل به على عيال عمك

تروا هذا حمار جدي فاقده له اسبوع والسبب من مشتاق الباكستاني لابارك الله فيه تركه وراح للقرود عند البرشومي والحمار ماصدق بالفرصه ونكع وحط رجله

وتذمرنا عنه وقالوا انهم شافوه عند فضية الاعرج والحمد لله ان الله عقله

المهم هذا حمار جدي ولا تقلون كلام فاضي انا عندي مايثبت

لو رجعتوا لقصيدتي اللى سويتها في اقزوز الخبل تلاقون البيت التالي

ياخبل ياما عبيلك=ياشبيه حمار جدي
وهذا الدليل على ان الحمار لجدي وانا ذاكرته في قصائدي من زمان

المهم كلا يلزم ماه في سماه وانا ابدق على المصرقع هو صاحبنا وبرسله يجيب مشتاق يستلم الحمار يرجعه لجدي

وانت يابو عبد الرحمن هذي امانه معك تربط هذا الحمار عندك هنا الين يجيك مشتاق وتسلمه له ولا يقربه بن داخل ولا غيره

حمار القايلة

07-25-2006, 02:04 AM

كلكم اهل بكش واولكم ابو عادل وبن داخل والمنسم وابو دبى وراعي السواني " الا زهور " زهور هي القايله " والحمار حمار القايله .

زهور الريف

07-25-2006, 02:09 AM

واسمع يابو عبد الرحمن

الحمد لله بعد ظهر الحق

خل طعام ابو يمن هذا الفجل يتوكل على الله اصلا ماهو وجه نعمه الرياجيل تعلمه الدرب وحتى البنات يعدلون عليه وهو الضاهر انه نفس حالت بنته حماطه عنده صعوبات تعلم

خله يذلف على قوله وان قلك فلوس قله عان الحكومه قدامك وترى عمي عميد في الشرطه وانا سالته وقالي زي هذولي اذا جونا يشتكون على طول نحولهم شهار يعدون عنهم تقرير قبل كل شي والنتيجه معروفه بس كبه خله يتوكل على الله

بن داخل

07-25-2006, 02:11 AM

زهور بيض الله وجهك بعد رديت حمار جدك له

أبو عبدالرحمن

07-25-2006, 03:12 AM

وتذمرنا عنه وقالوا انهم شافوه عند فضية الاعرج والحمد لله ان الله عقله

وانت يابو عبد الرحمن هذي امانه معك تربط هذا الحمار عندك هنا الين يجيك مشتاق وتسلمه له ولا يقربه بن داخل ولا غيره

ما أظنه ينتظر لأخر الأسبوع...لكن أوصي أصحاب الويتات ..ما يقصرون...

مصرقع

07-25-2006, 04:24 AM

يا عمي يا ابو دبا انا جيت ومعي هريسه
ابغاك تاكل وتتغذى
وترانا جايينك انا وبن داخل وزهور بعد يومين ابخطب رمانه
ما عاد اقدر اصبر عنها
وانت يا ابو عبدالرحمن رجع فلوس عمي فجل لا اروح
اشكيك في الشرطة ترى عمي معه رياجيل
واعطوني حمار القايلة خلوني اعطيه المشتاق
يحمل البرشومي عليه لكن قبل لا يجي
اعطوه من التبن اللي عند رويعي الغنم لين يشبع
حتى يجينا شبعان ويتحمل يوم نشد عليه
وترى يا عمي فجل انا نفسي عافت حماطة بعد نقبتها الكعتان
ولا عاد ابغى الا حبيبتي رمانه انا افداها

ABO TURKI

07-25-2006, 04:38 AM

يا بن داخل طول الله عمرك
انت ليه ما تخلي راعي السواني يجيب رويعي الغنم
ويعلم بمحله اللي بغا يذبحه فيه بعد الجمال
وليه ما تخاف الله في ها الشيبه اللي قاعد عندنا لا يموت علينا ونتورط فيه
جيبوا رويعي الغنم والمشكلة يمكن بسيييطة وتنحل ونفتك من الشيبه
وسيرته .
انا خايف عليك بعد يقتل رويعي الغنم يعود عليك
وحمار القايلة اظنه يعرف رويعي الغنم ويقدر يجيبه اذا ضغطتم عليه

ابن ابي محمد

07-25-2006, 11:34 AM

يا ابو دبى : ابو عادل وبن داخل هم اللي ضيعوك وتوهوا دعوتك , نصيحتي سنعهم وريح المنتدى والبلاد والعباد منهم وبعدهم سنع الرويعي وخلف وبقية الشلة , تراك ماجور ومشكور .

الحجاج بن يوسف الثقفي

07-25-2006, 01:20 PM

ياعمي
حماطه وين راحت ماشفتها اليوم
عمي اسمع
زهوز ماهي جايبتها البر والله صارت تخرط وتنظم واحيان تخيط بكحلي
لكن شوفوا اذا كتبت فيها مرثيه لا تلوموني
لانها تدور على حتفها من رفسه تجيها من حمار القايله تقطع قصبانها
تعال معي ازين لك وابوعبدالرحمن هذا تراه مفصول من ادارة المنتدى خلاص انا قررت ماعادفيها كلام وبن داخل الله يرجه زياده على ماهو مرجوج
زهور بتضلي تسرحه وتضويه بكيفها
لكن مدها ياعم فجل
والله لاخذ حقك لوكان من صاحب ابوعبدالرحمن ابو اسم انجليزي
وماتعود الاوخاطرك طيب وتقول قالها اقزوز بن شكمان
شايفين الحب وعمايله
احبك ياحماطه ياحمطمط
وتهنى بزهور يابن داخل انت والمصرقع

بن داخل

07-25-2006, 03:11 PM

يا ابو تركي ترى ابو دبا امتحنا جحاد
وتبي نصيحتي لا تسوي فيه معروف
وراعي السواني بيني وبينك مدور فتن
ورويعي الغنم مايقدر يسوي شي بهذلته الغنم
وانت ياابو دبا لايرجك ولد ابو اخت محمد تراه قلب الطاسه عندي باسم جدابوولد محمد اللي مدري وش اسم والد ام ابوه
يامنننننننننننننسسسسسسسسسسسسسسم
ابشرك ان الله بيعوضني فيك بصرقوعي ياحليله يوم يتكلم وازقينه صوته يهبل يهبل
وترى معاهدة المقرح والله اني كنت ودي بس ماقدرت اتكلم خايف ان زهور ومشتاق ضيع حمار القايلة حق جد زهور وبعدين لقيناه عند الفضية
وراح ابو عبد الرحمن بيلزمه ونهق ولقا لين العويجاء ولقيه بن عزاب ووداه لزهور لأنه البارح يوم جيت وهو جالس يتحرى مشتاق يجي ياخذ الحمار قلت له منوين قال البارح كنا جالسين في الصخيرة ومرنا ابو دبا ومعه
راعي السواني وبعدين خرجنا من السوق ورحنا لابو عبد الرحمن
بس خلاص زهور ماتحب خنيسه راعية التيسة

ابن ابي محمد

07-25-2006, 04:44 PM

يابو دبى اترك من الشله الهراجين كلهم , تراهم ما يعطون حق ولا ياخذونه , لكن انا ابصلحلك بمنصوبه :
خذ انت يا ابو عادل ومعك بن داخل وبن عزاب وعارفتكم زهور ومستشاركم المنسم والمصرقع والمدعى عليه الرويعي واضووا على رفيقكم بحمار القايله منصوبه وتعشوه معه ولا تنسون تهيضون بعد العشا بقافين .
وانت يا بو دبى اذا هنهنوا ولا ضووك المنصوبه سنع الثلابه الأوائل اعلاه وقيمة الزهبه عليه يجيك بها المنسم واذا خلصت منهم عليك بالرويعي وراعي السواني وخلف عبدالعزيز زيد سنعهم . ريح القبيله منهم . عدمتك وعدمتهم .

بنك المعلومات

07-25-2006, 06:39 PM

يابو دبا
قوم غسل وجهك باسفنج
مبلووول مو ناشف

مصرقع

07-25-2006, 09:10 PM

يا عمي ابو دبا
انا جيت وجايبلك معي فكس سمعت ان
معك جنبه الله يشفيك
وترانا جايينك على موعدنا انا وبن داخل وزهور
طالبين يد بنت اخوك رمانه
حبييييييييييييييبتي يا رمانه
وحقك ان كان تحتري المنسم يجيبه
انسى ما انت شايف حاجة لكن ابشر
نحط حمار القايلة عقال ونفتش العلوم ونشوف
واجيبلك حقك من عيون البدوي رويعي الغنم
عموما على ماعدنا ترانا جايينك
بااااااااااي يا انكل فجل
s7.gif s7.gif

الحجاج بن يوسف الثقفي

07-25-2006, 11:06 PM

عم فجل ترمطرقع فاضي وعلومه خيطي بيطي
لكن رمانه لاتروح لاحد غريب نبي نخطبها لاخوي بوجي تراه رجال اجودي
زيك
وسلملي على حماطه حبيبتي
وتراني جبت اربعين دسته عشان تخلص عليهم ومعهم ابواسم انجليزي
صاحب ابوعبدالرحمن
وزهور لاتلتفتلها ترى ديتها فشكه هي والمطرقع حقها s57.gif

بن داخل

07-26-2006, 12:11 AM

يامنسم أول مره اعرف انك مجرم حرب
اربعين دسته دسته تكفيك في المصقع وحمار القايله
وبعدين انا مسكين تحمل ذنبي
ياويلك من الله أهههههههههههههه أههههههههههههههههه
ترى ودي اقلك حاجة ترى زواجك على حماطه على حسابي بس تسامحني
الله يرحم والديك
قرب اذنك ترى ابو دبا قلي انه مايشوف احد زيك بس يبي المصقع
يتورط فقتل حمار القايله ويدخله السجن ويفتك
لا تعلم احد ماعاد اجيب لك علوم

ابن ابي محمد

07-26-2006, 03:04 PM

اشكر رفيقنا اقزوز منسم اللي نقل لي صبيحة اليوم الخبر التالي :
يقول المنسم حفظه الله ان ليلة البارحة كانت ليلة تاريخيه فقد التم شمل القبيله وقطع دابر الفرقه وانطفأت نار الفتنه فقد ذهب بالامس عصرا الرجال الكمال , ابو عادل وابن داخل وابن عزاب وزهور وراعي السواني واقزوز والمصرقع يقودون في حمار القايله وعلى ظهره شوية برسيم ومد شعير مضاييع الطريق , ومعهم المدعى عليه رويعي الغنم وضووا على رفيقهم ابو دبى الذي هش لهم وبكى من الفرحة عند رؤيتهم مضوين عليه حمار القايله.
علموا للمدعي وقالوا ها نحن ضويناك بمنصوبه حسب ما حكم به شيخ المشايخ وكبيرنا كافه ابن ابي محمد منصوبه ما هي مغصوبه ولا وراها فتشه وكان المتحدث عنهم زهور , الا ان بن داخل تداخل ونبس بكلمه وقال قوموا تحابوا الروس ففعل المدعي والمدعى عليه وردت عليه زهور وقالت لا عاد تكلم وفي المجلس اعقل منك .
ويقول المنسم ان الجماعه تعشوا حمار القايله وتمششوه حتى ذنبه وقبلها شربوا مرقته حتى ظلى عرق الرجاجيل يتقاطر وبعد شبعوا تهيظوا وتقاصدوا حتى سمعوهم في الوديان المجاوره وازعجوا الناس.

والخبر صحيح 100/ واكده لي ناس ثانين حضروا واكلوا معهم حتى شبعوا .

بنك المعلومات

07-26-2006, 07:06 PM

اما انا اللي سمعته غير كذه
وانا اقول ان هرجك على متمة يا ابن ابي محمد

ابو دبا

07-26-2006, 07:34 PM

ياولدي يابنك المعلومات
ابيك تشوف لي سلفه انا فلوسي سرقها ابو عبدالرحمن وكيف ارجع ياولدي
على حماطه انا افداها وانا مامعي فلوس
هي دبرني وانا عمك والقى عندك شامبو وليفه

admin

07-27-2006, 12:18 AM

ابو دبا
اسلم تسلم

مصرقع

07-27-2006, 03:14 AM

يا منسم والله ما عندك الا الدجة
s2.gif s2.gif s2.gif
يا بن داخل جهز نفسك انت وزهووور
ترانا رايحيين لابو دبا نخطب رمانه
جبييييييتي يا رماااانه
خلي بعض الناس يموتون بغيضهم

الخنساء

07-27-2006, 05:19 AM

دائما ما تتركون العالم بحالها

لا للحســــــــــــــــــــــــــــــــــــــــــــــ د

abonayf

07-28-2006, 06:03 AM

بسم الله الرحمن الرحيم

علومكم غانمه وطيبه ان شاء الله
انما اردة فقط ان تعلمون بأن ابنائنا ومعارفنا واخواننا واصدقائنا يقرؤون ماتكتبون .
ارفعو البندق فوق ...............
تحياتي لكم جميعا .

الحجاج بن يوسف الثقفي

07-28-2006, 06:39 AM

يابونايف ابودبا رفع البندق وطخ رويعي
ويوم جيت قال لي لا تعلم احد

ابو دبا

07-28-2006, 07:58 PM

ياولدي يا اقزوز عجّل وانا ابوك جاني الموت حصل عليه مصيبه البارح تعال
ابوصيك بعلوم تبسطك
بس مو هنه في محل ثاني قريب من هذا ولا أحد يدري ان كان تقدر تجيب معك المصرقع ياسلام
واعطني معك فتوت
وزرّر ثوبك

مصرقع

07-29-2006, 04:13 AM

انا جيت يا عمي وجبتلك معي معصوب
ومفروكة لينة عشان سنونك

ابو نايف وصل
اش رايك تصييير صديقي
انت الوكيل حق المنتدى
عشان يصييير عندي واسطة
بس اي واحد أقوى انت والا ابو اسم انجليزي
وبعدين البندق رفعه عمي ابو دبا
وبيحطه في راس رويعي الفنم
وترى اللي جاب الرصاص له المنسم ابو فتنه
اللي بياخذ حماطة ويا كل مقلب فيها

الحجاج بن يوسف الثقفي

07-29-2006, 01:04 PM

تدمدم يامصرقع
ياحليلك انت وخشمك اللي تقول صفارة حكم

ابو دبا

08-01-2006, 03:04 AM

أبشركم إني بخير ياعيالي جاني مرض أحسب انه مرض الموت لاكن الله عافاني وانا خلاص ياعيالي ماعاد لي جدا في السفاهه ورويعي الغنم ماقتلته
لين ذالحين لاتكذبون عليه لاكن جايبه الله جايبه
وانا ذالحين عندي عيالي جوني من الوادي هاذي حماطه معها الثنويه وتبغي
تصير دمرجيه وهاذي رمانه بنت أخويه لفت الله يرحمه تروني انا اللي ربيتها
وعلمتها وعندي وكاله عليها من اخويه لفت الله يرحمه معها الثنويه وجايبه منتاز وتقول انها تبي الطب والا دبا انا افداه مامعه الا خامسه ان كان قدرتم تشوفون له حارس والا فرّاش في مدرسه جزاكم الله خير
هيه تعال ياقزوز انته ومصرقع دربكم واحد على شان تاخذون معكم دبا وتعلمونه
على البندر والا انا ماعاد اقدر اروح عن حماطه ورمانه واخليهم يقعدون في ها الخيمه لحالهم هيا عجلوا على شان تجيبون لنا مقاضي انا افداكم وشوفوا
لنا معكم تيس القراره هاتوه ابذبحه ضيفه لكم ولعيالي

مصرقع

08-01-2006, 03:32 AM

الحمدلله على السلامة يا عمي
s71.gif s71.gif s71.gif
خوفتنا عليك لكن مادام انك
صرت طيب ابجيك انا وزهووور
وابو مهند لأن بن داخل مسافر
وبعدين ماني جاي مع المنسم
لأنه ما يشرف وبعدين من ذحين
بعد الزواج لا أشوفه يوطوط ناحية
بيتي مسويلي فيها عديل هو والحماطة
حقته ترى أكسر رجله وحماطة الدمرجية افك
عليها الكعتان هيا شوفني
علمتك وبعدين مركزي الاجتماعي
ما يسمح اني أعطي المنسم وجه
انا الآن المتحدث باسم صاحبة السمو
زهوووووووور الريف والمنسم من المطلوبين عندنا
خله يرجع لصوابه بالطيب لا يقضي شهر العسل في السجن
حبيبتي يا رمااااااانه يا دكتورة مو زي بعض الناس دمرجية
قريب انشالله ونسير مع بعض
هيا وداعة الله يا عمي وترى عند الباب طحين فينو خل حماطة
تطلعه لك البيت ورحيمي دبا امرك بعدين واخذه معي

ابو دبا

08-14-2006, 02:53 AM

ها ها ها ااااااا
أنا ابو دبا فهاذا المكان ومثله تحسبوني مت
والله يارويعي الغنم انك ميت ميت لو تندس بالذي

خلاص انا ماعاد ابتلابش مع الناس لاكن رويعي الغنم مافرقته لين أبرد كبدي منه

ابن ابي محمد

08-14-2006, 04:22 AM

يا بو دبا عذبل الشيطان وسم بالرحمن,, الرويعي صيدك على تيدك ,,, صحيح انه قليل خاتمه وعديم مذهب لكن الايام تبي تجيبه لو على ميراد غنمه .... بس بلاك من جنبك ... ترى هذا اللي يلولس حواليك اعني اقزوز منسم هو اللي ينذره منك وينسم كل الاخبار له عنك اول باول ,, ولا انت صايده حتى تخلص من هالسارفه المنسم ...

الحجاج بن يوسف الثقفي

08-14-2006, 06:40 AM

انت يا ابن ابي جدة محمد
وشبك
خش في حثلي لا اقعد في طرفي اشوف الدعوه ميانه
تبي تفتن بيني وبين ابوحماطه الله يرجه ترى اعرفه شايب ويصدق بسرعه
انا السارفه يامضيع الخاتمه s65.gif

ابو دبا

08-14-2006, 10:39 AM

تعال تعال ياولدي يا ابن ابي محمد والله انك رجالاً طيب وانا ابعلمك بعلوم بس لايدري عنها المصرقع
هاذي رمانه بنت اخويه لفت سمعت بعلومك الزينه هاذي يوم انت تقول ماسببنا الا اقزوز اللي يدسدس في رويعي الغنم وقالت لي ياعمي هذا الرجال الصاحي اللي كما انه ماهو كاره طرحة رويعي الغنم في يديك
تقول لي دخيلك ياعمي لا تطرحني في المصرقع انا مابي الا هذا الرجال الطيب قلت ياوليدي انا ما اعرف الرجال الا من بعيد قالت ياعمي انا اباخذ الرجال هذا متزوج والا ماهو متزوج كبير والا صغير لاكن ابيه يذلف الصرقع عني
قلت يابنتي بلكي الرجال هذا مانيته من الزواج وبعدين تبيني اروح اناديه لك
عيب قالت ياعمي يقولون اخطب لبنتك الرجال العاقل ولا تخطب لولدك
المهم انت ياولدي يابن ابي محمد مدري عنك ويش انت من الرياجيل
وسلامتك على الله

أووووه ياوليدي يا اقزوز انت مادريت ويش حصل لي البارح وانت تمذرح بالثمانيه وسبعين حقك الله يجعله ينكفت لك في خريق وانت تسلم ياوليدي
اسمع السالفه اللي مضت عليه البارح
قمت ياولدي نصيف الليل ابطير الماء الله يكرمك ويكرم من يقرا اتوكا على شوني ها ياولدي يوم ابتعدت عن الخيمه وعمدت فهاك الجرف ومناحرني هاك
الجبل قباله ولين فيه كعرشّه من وراها زول يتحرك مرّه كما انه يبي يبدي
ومرّه كما انه يندرق عني كنت بس أسحب على ظهري لين وصلت الخيمه
والتقط لك البندقه ياولدي وبس من عندي من على فم الخيمه وانا أرسلها
على هاك الزول اللي ورا الكعرشه وليا جلدته من وراها عز الله اني أخذت كشافي وسريت وتلقيت الجبل لين وصلت الكعرشه وانا اقول لا والله الا جابك
الله يارويعي الغنم يوم وصلت ياولدي عند الكعرشه واتحقق ولينه ياولدي
جلد نعجه قد اثرهم يوم ذبحوها رموا بالجلد عليها
هاثم اني جيتك منصفق عرض الجبل يوم هميت على الخيمه وانا أسمع ثورة
البندقه اللي جايتني ذالحين من ورا ظهري هاثم اقول عن رصاصتها ولينها
ياولدي لاقطت لي شحمة الإذن ها ياولدي يوم اونست الحرارة وانا التفت
لفتة عمك فجل اللي انت تعرفها ها وبس ما يمدي الرصاصة تعدا الا وهي
لاقطة لي زبيبة الخشم هاثم الله لا ياثمني اني ماريت بارقاً أسرع من
كراعين عمك فجل يوم تكثلب في خيمته المهم ياولدي لا عاد تغيّب عني
هاذي وانا ابوك دروس رويعي الغنم ان ماكذب ظني لاكن انا شوفي ماهو اللي انت تخبره والا ماني مفجوع من الذروق وانا ابودبا

هي اعطني معك وانا ابوك كُبب زرقاء وحمراء وسوداء وصفرا ومبرم وكرداش
ومنشزه والا كب االمنشزه بس هات اللي قلت لك عليها على شان
حماطه انا افداها تبي تطرح لها شمله
هي عجّل وانا عمك عساك بالمتينه انا افداك

ابن ابي محمد

08-14-2006, 02:55 PM

الحمد لله على سلامتك يا ابو دبا ,,, بلاك من قلال الخاتمه ابن داخل وقزوزي ابو ثوب دالع هم اللي دلوا عليك السفله رويعي الغنم هذا غير التحريش والتبريش واللي ياخذونه منه من اللبن والجبن والمظير والبخشيش والحشيش ( طبعا من حشيش ديارنا)....
اما الجواز فلي الشرف اني اراحمك ومن هو اللي ما يحرص على قربك ؟ لكن يا حسره رفيقك ابن ابي محمد متزوج باربع ثنتين كتابيات وثنتين مسلمات وثمانين امه تسريت بهم في الحروب الله يرحم قتلايه... لكن وش رايك في تيس القراره تراه من طياب التيوس ومتيس حتى النهايه ولا فيه الا عيب واحد وهو انه يشخ على لحيته كرمت انت ومن يقرى,, شاور البنت ورد مني وبعد عن الدنافسه قزوزي والثاني...

ابن ابي محمد

08-15-2006, 01:56 AM

نسيت لا اعلمك يا رفيقي بنسواني ألأربع واليك أسماؤهن :
1- شالومه بنت شارون بن مردخاي .... يهوديه.
2- داينا بنت دبل يو بوش الصغير بن المبوش الكبير ....مسيحية متصهينه .
3- ثريا بنت احمدي بن نجاد ....مسلمه.
4- ليلى بنت الحجاج بن يوسف الثقفي ....مسلمه.

الحجاج بن يوسف الثقفي

08-16-2006, 05:24 AM

هب الله يهولك يالسرفه
ثمانين أمه الله يرج شيطانك وانا ماحصلت الاحماطه الله يجعلها بكعيت
ياعمي البارح وانا جايك بالثمانيه والسبعين تعرضلي طياره حربيه وانا مصدر الوادي وخش قدامي واشرت له بالعالي وابا يوخر مالك في الطويلات المهم
اني تحاديت انا وياه هاثم حدني على حفرة الصليمي وانا خلاص قربت من اللفه المهم قلت يالله الواقي من هالخبل وانا ادعس لصاجه واطرده ايلين لفيت عليه قبل المفرق حق بني سالم وهو يعود في الجناب ويتلقى السماء لف يوم الله حط له سعه والا نويت ادخله في اللوحه حقت بني سالم
هاثم والله لخليه يتهجا حروفها
المهم اني صدرت الوادي ورميت الهواري عند البير عشان كان عندنا حطيط
كوسه ولقط فاصوليه وعنب
وكراتين ماحصلت لقيت الحوش مقفل لكن بكره اذا وديت البضاعه اجيب لك
اللي تامربه حماطة القلب
هات اذنك ابعلم لك علم عن ابن ابي محمد
يقولون الرجال شارد عن ابوعبدالرحمن اخذ منه قروش يشغلها في الاسهم ويقول خسرت واظنها قروشك اللي انسرقت انت تحايل عليه برمانه ايلين تصيده والرجال يدورله ابوعبدالرحمن ان كان قدرت تشاغله بالهرج ايلين اهرج ابوعبدالرحمن واجيبه يمسكه وتكفشهم الاثنين
شفت اني اعرف افكر
المهم عمتي تقول تبغى زيت زيتون ودقيق من حق دبي
وتبغى قماش عشان بتسوي بقشه هات فلوس