عسكري أو عندك عيال العذر والسموحة

[ثماله الوجد]

السلام عليكم ورحمة الله وبركاته

قد يكون منّا المالك ومنّا المستأجر

لكن ماذا يحدث في هذه الأيام وغيرها

حالياً وسابقاً

نعيش فعلاً حالة مزرية مع السكن

تروح لمكتب العقار




ويستقبلك ماشاءالله أستقبال حار

هلا وغلا ويالله حيّه

من الكلام اللي يقطّر عسل




صاحب المكتب


آمر وش بغيت ياأخوي؟؟

كيف أقدر أخدمك؟؟؟

الزبون

بغينا شقة للإيجار

صاحب المكتب

الأخ وين يعمل؟؟

الزبون

في

العسكريه

صاحب المكتب

للأسف صاحب الحلال مايأجّر عسكري

الزبون

وشلون يعني

صاحب المكتب

تعال بكرة ونشوف لك حلّ

جاء زبون ثاني

نفس الحالة يبي شقة للإيجار

بس الأخ مايشتغل عسكري

قال له :

صاحب المكتب

كم عدد عيالك؟؟

الزبون 8

ليه؟؟؟

صاحب المكتب

لأن صاحب الحلال مايبي إلا زوج وزوجته ومعهم طفل أوطفلين بالكثير



الأخوة والأخوات

مارأيكم فيما يحدث هذه الأيام من أصحاب العقارات

يعني الناس مايشتغلون لخدمة وطنهم هذا وهم حماة الوطن

وطاردينهم شرّ طردة ليه؟؟؟

لا ومايبون السعوديين يجيبون عيال لازم الظاهر يقطعون النسل

عشان يقبلهم صاحب العقار

حاااااااااااااااالة

وين تروح العوائل التي على نفس وضع ماذكرت؟؟؟

ماهوالدافع وراء هذه التصرفات التي يتصرفها أصحاب العقار؟؟؟

نسأل الله أن يرزقنا وإياكم من واسع فضله

آآآآآآآآآآآآآآآآآآآمين

[ذملوق]

والله اصحاب العقار مفكرين ان البيوت اللي يأجرونها مصنوعة من ذهب والا هي من سمنت وبطحى استغفر الله بس خلنا ساكتين

مشكور على الموضوع الرائع

[صقر قريش]

اولا - عرف عن العسكري انه لايسدد الايجار وما يبي الا ايجار رخيص لايتجاوز اثنا عشر الف لخمس او اربع غرف
ثانيا صاحب العيال يجيبون الازعاج سواء للمستاجرين او صاحب المنزل ان كان ساكن به
ثالثا - عدم تربية الابناء تربية صحيحة هات ياتكسير في ممتلكات البيت وربما البعض منهم سكرجي او مدخن
رابعا _ العمارة الي سكنها قليل العدد تكون اكثر هدوء
خامسا - ان تبون الايجارات ترخص وراعي البيت هو الي يدور المستاجر كل من تقدم لصندوق التنمية يعطونه على طول قرضه
سادسا على وزارة الدفاع اعطائ كل عسكري منزل ويستقطع من راتبه
سابعا اسكت ساكت سوف تبقى الايجارات وازمة السكن سنوات طويلة والسبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟