المصيف
05-01-2009, 03:58 PM
بسم الله الرحمن الرحيم
الأستاذ / سلطان محمد الثمالي الأستاذ / موسى غازي الزايدي
يوم 26/4/1430هـ
قالو تغزل قلت في سحر الأعيان= اللي ملك قلبي نسايم هواها
أديس ترحل لك ملايين الأبدان=واللي نزلها ما يدور سواها
فيها جمالن حطه الله وفتان=وبالغيث من مزن السحايب رواها
الطايره حطت بموسى وسلطان=في ليلتن مدري وش اللي وراها
جانا جمال ورحب أهلاً بلاخوان=أنتم ضيوفي قلت هذي نباها
شال الحمل عنَّا وشده بنيسان=وقمت أتباهاها والثمالي تباها
جتنابنيه بالغنايم والاسكان=محلا كلامن قالته في نباها
قلنا ترى لاقين سايق وعنوان=واللي لقي ذالنور ينسى كماها
رجال ماجربت مثله ولا إنسان=حطه على يمناك ساعة بلاها
دق السوشت وحرك إبجوف ميدان=وأخذ طريق العاصمه ماغواها
لف وتحرك واتصل قال حيران=اللي تبونه فُل واللي نباها
قلنا تصرف والبلد فيه خلان=قال أبشرو فالعين والا علاها
يرتاح خاطركم وترتاح الأبدان=لو كان في بيتي وتحكم علاها
بانت عزيب وكنها راس ثعبان=ليله قضيناها بلعنا دواها
وأصبح علانا يوم وأمسى على الشان=والنفس ذاقت مرها مع حلاها
لاكن نهار الجمعه أقول ماكان=غمه تلاشت يوم ربي جلاها
أقبل علانا نور والنور مابان=من بعد ما كُل التوانك ملاها
وارخى على الصالون ماهو بزعلان=لاكن في عينه مسافه نواها
قلنا عسى منته شقاوي وسهران=قال أهتنيت ونوم عيني كفاها
نبغى سولدري والمسابح والاكوان=والنهر فيها والخلايق ملاها
قلنا على الله خالق الإنس والجان=ساعات ولينا بصافي عذاها
غاباتها داجي ظلامه لياحان=أرضن تبا الرحمه وربي عطاها
أخذت لي كاسه من الشاي خدران=حتى زميلي والدريول خذاها
طاب النهار وفيه خوخن ورمان=لاكن والله ما ندور جناها
سواقنا شاطر وقايد وفهمان=والقافله غنى لها واحتماها
راسم خرايطها وتمشي بتقنان= تمشي تبا جبرين جاهز غداها
وبعد الغداء والنار تصلاه عجلان=إيقول لنقانو سقى الله رباها
إليا وصلناها وسلطان تعبان=ينسى التعب فاللي من الله حباها
الأرض خضراء والعصافير بالوان=والبحر صافي والنجوم إبسماها
حراسها ما ناموا الليل سلقان=كلن تعلق بندقه ما نساها
اصبح نهار السبت ماني بغلطان=وافطر معي ربعي وربي هداها
شدو لواسا لاكن الحظ خوان=المحفظه ماكن عيني تراها
فيها التذاكر كيف نرجع للأوطان=والا الدراهم راحت الله معاها
رحت المصارف قالو أظن سكران=حنا نبا الدولار واللي شراها
لا تشغل أصحاب التجاره والأثمان=ودارت بي الدنيا وشفنا عماها
قلت السفاره مرجعي كان حيران=والا الخطوط إتعيد لي محتواها
السبت راحه والأحد كل الأديان=ومن بعدها الإثنين يبدا شقاها
رحت الخطوط وقالو الرقم يفلان=إليا حصل والا تلقى خلاها
قلت الرقم عندي رعى الله سليمان=أرسلت له والحر بدري قراها
رد الرساله كنها فوق جنحان=جتني من الطايف وانا في حراها
أخذوه مني والصدر فوح بركان=يارب تستر وانتهي من غثاها
قال الموظف مكتب الحجز عطلان=روح المطار ولا تأخر عساها
تلقى المدير وقله أسف وغلطان=قلت آه يا روحي وش اللي رماها
رحنا لعبدالله لقيناه فرحان=قال إسترحيوا واتحمل عناها
أنتم رجال المملكه خير بلدان=نخدم ديار العز والله رعاها
قلنا عساك إبخير ياطير حوران=والله يعلي شان منهو بناها
طارت بنا اللي صوتها صوت حنان=ترجف لها البيدا وترقى فضاها
ولا إستقلت لين هزت بالأركان=ماكنها إلا من لجلنا تباها
جينا لياجده ويارب غفران=حنا بنعمه عالين مستواها
من لا شكرها قلت مليون خسران=أرض الأمان وطاعة الله غناها
ما شاف ناسن شفتها عود حرقان=الجوع طاويها ومظهر خفاها
يارب سلم من صواريف الأزمان=واحفظ بلاد العز غالي ثراها
شعر / موسى الزايدي
الأستاذ / سلطان محمد الثمالي الأستاذ / موسى غازي الزايدي
يوم 26/4/1430هـ
قالو تغزل قلت في سحر الأعيان= اللي ملك قلبي نسايم هواها
أديس ترحل لك ملايين الأبدان=واللي نزلها ما يدور سواها
فيها جمالن حطه الله وفتان=وبالغيث من مزن السحايب رواها
الطايره حطت بموسى وسلطان=في ليلتن مدري وش اللي وراها
جانا جمال ورحب أهلاً بلاخوان=أنتم ضيوفي قلت هذي نباها
شال الحمل عنَّا وشده بنيسان=وقمت أتباهاها والثمالي تباها
جتنابنيه بالغنايم والاسكان=محلا كلامن قالته في نباها
قلنا ترى لاقين سايق وعنوان=واللي لقي ذالنور ينسى كماها
رجال ماجربت مثله ولا إنسان=حطه على يمناك ساعة بلاها
دق السوشت وحرك إبجوف ميدان=وأخذ طريق العاصمه ماغواها
لف وتحرك واتصل قال حيران=اللي تبونه فُل واللي نباها
قلنا تصرف والبلد فيه خلان=قال أبشرو فالعين والا علاها
يرتاح خاطركم وترتاح الأبدان=لو كان في بيتي وتحكم علاها
بانت عزيب وكنها راس ثعبان=ليله قضيناها بلعنا دواها
وأصبح علانا يوم وأمسى على الشان=والنفس ذاقت مرها مع حلاها
لاكن نهار الجمعه أقول ماكان=غمه تلاشت يوم ربي جلاها
أقبل علانا نور والنور مابان=من بعد ما كُل التوانك ملاها
وارخى على الصالون ماهو بزعلان=لاكن في عينه مسافه نواها
قلنا عسى منته شقاوي وسهران=قال أهتنيت ونوم عيني كفاها
نبغى سولدري والمسابح والاكوان=والنهر فيها والخلايق ملاها
قلنا على الله خالق الإنس والجان=ساعات ولينا بصافي عذاها
غاباتها داجي ظلامه لياحان=أرضن تبا الرحمه وربي عطاها
أخذت لي كاسه من الشاي خدران=حتى زميلي والدريول خذاها
طاب النهار وفيه خوخن ورمان=لاكن والله ما ندور جناها
سواقنا شاطر وقايد وفهمان=والقافله غنى لها واحتماها
راسم خرايطها وتمشي بتقنان= تمشي تبا جبرين جاهز غداها
وبعد الغداء والنار تصلاه عجلان=إيقول لنقانو سقى الله رباها
إليا وصلناها وسلطان تعبان=ينسى التعب فاللي من الله حباها
الأرض خضراء والعصافير بالوان=والبحر صافي والنجوم إبسماها
حراسها ما ناموا الليل سلقان=كلن تعلق بندقه ما نساها
اصبح نهار السبت ماني بغلطان=وافطر معي ربعي وربي هداها
شدو لواسا لاكن الحظ خوان=المحفظه ماكن عيني تراها
فيها التذاكر كيف نرجع للأوطان=والا الدراهم راحت الله معاها
رحت المصارف قالو أظن سكران=حنا نبا الدولار واللي شراها
لا تشغل أصحاب التجاره والأثمان=ودارت بي الدنيا وشفنا عماها
قلت السفاره مرجعي كان حيران=والا الخطوط إتعيد لي محتواها
السبت راحه والأحد كل الأديان=ومن بعدها الإثنين يبدا شقاها
رحت الخطوط وقالو الرقم يفلان=إليا حصل والا تلقى خلاها
قلت الرقم عندي رعى الله سليمان=أرسلت له والحر بدري قراها
رد الرساله كنها فوق جنحان=جتني من الطايف وانا في حراها
أخذوه مني والصدر فوح بركان=يارب تستر وانتهي من غثاها
قال الموظف مكتب الحجز عطلان=روح المطار ولا تأخر عساها
تلقى المدير وقله أسف وغلطان=قلت آه يا روحي وش اللي رماها
رحنا لعبدالله لقيناه فرحان=قال إسترحيوا واتحمل عناها
أنتم رجال المملكه خير بلدان=نخدم ديار العز والله رعاها
قلنا عساك إبخير ياطير حوران=والله يعلي شان منهو بناها
طارت بنا اللي صوتها صوت حنان=ترجف لها البيدا وترقى فضاها
ولا إستقلت لين هزت بالأركان=ماكنها إلا من لجلنا تباها
جينا لياجده ويارب غفران=حنا بنعمه عالين مستواها
من لا شكرها قلت مليون خسران=أرض الأمان وطاعة الله غناها
ما شاف ناسن شفتها عود حرقان=الجوع طاويها ومظهر خفاها
يارب سلم من صواريف الأزمان=واحفظ بلاد العز غالي ثراها
شعر / موسى الزايدي