يامنسم ياحليلك===يامنسم يامصدي

[زهور الريف]

مرحبا يشله شفتوا معي على مر الايام الماضيه جوز الهبلان المنسم والمصرقع قاعدين يتحرشون بالشعار وهذا شي ما يخصني لاكن بدا الواحد تلو الاخر يتمادون على زهور الريف اللى ما تغفر لمن دعس لها على طرف وصبرنا وقلنا مجانين ولا كن اتضح ان الامر يوجب التدخل وكيهم عرقاه عسى الله ينفع بها خصوصا بعد ما تجرا المنسم بدعم لوجستي من المصرقع وقال اربعه ابيات سماها الصاعقه موجه لشخصنا الكريم مطلعها

يازهور الريف وينك = يازهور الريف ردي

فكانت هذه المتواضعه ردا عليه امل ان تؤتي ثمارها وتروا والله اني احبهم بس عاد التربيه طيبه ههههههههههههههههههههه


يامنسم ياحليلك=يامنسم يامصدي
يامنسم طار عقلك=لاتجيب ولا تودي
المصرقع لايرجك=المصرقع الشوردي
روح خلك في طريقك=قبل لأسويك مندي
أنت ومصرقع زميلك=مثل بنقالي وهندي
وينه المشتاق عنك=يرقعك حتى تردي
لأرض جدانك وربعك=مالكم مقعاد عندي
أنت يامشتاق حضك=حطك اليومه أفندي
المصرقع في يمينك=تأمره وتقول جلدي
والمنسم في شمالك =بالعصى تجلده جلدي
وان عصى واحد لأمرك=اربطه في رجل قردي
وخل ذاك القرد يفرك=فركة اللي به تحدي
حتى الأخر يمتثل لك=وعن كلامك مايصدي
المنسم لو بدالك=في علومه شي جدي
لأتعود عن مرادك=لين تصفع كل خدي
جالك المهبول جالك=حمله في حوض فردي
وقول للسايق بتاعك=وده لتشليح نهدي
وقول للنهدي فدالك=بيعته مامنه فودي
والمصرقع لايفوتك=أنت ضابط ذاك جندي
يامنسم وش جرالك=وش رمى حلقك بيدي
ياخبل ياماعبيلك=ياشبيه حمار جدي
يامنسم وش حصيلك=ماربحت بطول كدي
مزعج العالم بصوتك=لو تلحم مايسدي
مالك إلا الرقع مالك=رقع واحد مستشدي
روح للمشتاق حقك=يرقع الخرق المندي
يخرط الصوفه وراسك=رابطه باطراف زندي
والمصرقع لو يشوفك=قال جعلك للتردي
انخرط مما بدالك=قال ما اقصد كان قصدي
من زمان العام اقلك=روح عنى منت قدي
مير ماتوحي باذنك=حتى صابك صفرفردي
ومن نوى يمشي بنهجك=مثل ماجالك يعدي

[أبو علي]

الله يهديك يا مصرقع ويا منسم وش حدكم على هذا الكلام ، خلاص يازهور بتوبون ان كان هم عقال ما عاد بشوفين منهم اي حركة ..............

[بن عواض]

لا حول ولا قوة الا بالله ( الله يهديكم ويصلحكم )

[بن داخل]

ماللحب المسوس الا كيال أعور
تستاهلووووووووووووووووووون
دقه عسى s2.gif

[@ بن سلمان @]

كيال اعور!!!
ليش الانقلاب؟؟
ما تشوف الموت في غيرك

[المشتاق]

يا مرحبا يا زهور
سمي طال عمرك
وابشري بمن يرقعه رقع ما ينسم بعده للأبد
والمصرقع ما سك سرى عند الملحم ودنا نضبط الوزنية له ثم نرقعه لأنه يرج الآن وإذا وزنها ابشري بمن يرقعه مثل خوية

آمري وتدللي

عندي ملاحظة طال عمرك ممكن
أكيد تقلين تفضل
بن عزاب مارد خطير جداً تدرين ليه
أعتقد أن خروجه بهذه السرعة والرد السريع على المنسم وخويه يحتمل عدة معاني منها

يرغب في اثبات وجوده ويتجرأ على قصايدك بالتعليق بعد ما فرح بمغادرتك الأولى وكأنه يقول أنا موجود ما حسبت حساب زهور

الأمر الثاني يحاول تعاطف الآخرين معه وكأنه يرغب في ايجاد تحالف معه ليضرب ضربته

احذري يا زهور منه

وانتبهي لكلام بن سلمان تريها نصيحة تنشرى بالدراهم

بن عزاب والمبرد خذو العبرة تروكم على القائمة ظمن المطلوبين لزهور الريف

تحياتي للعموم دون استثناء

[المبرِّد]

اللهم حوالينا ولا علينا

[الحجاج بن يوسف الثقفي]

يامرحبا يازهور اخيرا نطقتي
لكن انتي اللي بديتي
انا كان قصدي اورط ناس
لكن من حفر حفرة لاخيه وقع جنبها s2.gif
تصدقين والله اول ماشفت القصيده
قلت لا ياشيخ العنوان بس زناوه
طلعت من جد
لكن الخمس الميه والله ماتركها لوكان يجون خوامس ثماله كلها
انا علقت عاني عند بن داخل وحطيت مشتاق عقال
والمبرد منصوبه مافيها فتشه
وبن عزاب نمس ماينقدر
وبن سلمان لاتخافين من يوم عمه ماسك اذنه
وعلى فكره اليوم شفته في الحلقه
يكد على عربيه يجمع المهر الله يرج خشمك المنصنفر
خذي هذي
يازهور الريف كفي =يازهور الريف خمي
يازهورالريف خلاص= يازهور الريف خمي
اه من الكد وسنينه=ضيع زهور الحزينه
وهيييييييييييييييييييييه
ومصرقع التعبان=قاعد عندالبيبان
وهييييييييييييييييييييه
اقولكم بصراحه ان مصرقع يوم قرا القصيده
صقعته ام الركب وصابته النفاضه
ادعوله فإنه تعبان
اقول يازهور لوبس طالعتي في صورتي في التوقيع
كان تعرفين اني خطير
اخطر من الكهرب

[أبو انس]

الله يستر يا جماعة
يقلون المنتدى الأدبي يحترق
فعلا دخولي للمنتدى وقت النار تشتعل
سامحك الله يا سلمان
ومشكور يا ابوعبدالرحمن على القبول بعضوية في المنتدى
وكثر الله خيرك مرة ثانية انت وسلمان

[واقعي جدا]

ههههههههههههههههههههههههههههههههه

بصراحه يستاهلون
بس وش ذنب القرد المسكين ينربطون في رجله
وبصراحه البيت رقم 25 هو الكويه للحين ياقلبي حاز في خاطره

[مصرقع]

كل هذا يا زهووور عشان ماتعطين منسم خمسمية
بس اعجبتيني يوم رديتي كذه صرتي ند لنا s71.gif s71.gif
خذي هذي
يا زهور الريف اهجدي == يا زهور الريف روقي
يازهور الريف بس == يا زهور الريف روقي
والأماكن كلها نفس الأماكن
وهيييييييييييييييييييييييييييييييييييييه
s2.gif s2.gif s2.gif s2.gif
وانت يا بن عزاب جنب لا نرجدك بمعلقة s9.gif s9.gif
وبن عواض شكلك غلطان في العنوان

فرحان يا بن داخل طيب بسيييييييطة رجدتك قريبة
بن سلمان اذا ما اشتكيك على عمك عوض طيب

وانت يا صديق بكرة على الترحييل وكراتين البرشومي اللي ضيعتها تردها

والمبرد هذا ما ادري خالي من انفلونزا الطيور والا نبلغ فيه لكن اذا وطنيه ماعليه غير كذه بيعدينا

ابو أنس انت جديد وحياك الله وما تدري اش الهرجة خلك بعيد والا تعال معنا انا والمنسم وابشر بعزك

واقعي مرحبا انت لو واقعي من جد ما كان دخلت على الموضوع وبعدين مو عشان احنا خبلان تتشمت فينا بعدين ربي يبتليك s2.gif s2.gif

[الحجاج بن يوسف الثقفي]

افا والله من وين جايين هالعالم
والله وصرنا على كل لسان
ابو انس خلك على جنب ايلين يجيك تكسي
وكمان تكسي اصفر مولموزين
يابن داخل وينك والله ماعندك ماعند جدتي
وين العاني
راحوبي ياولد العم على سنة الله ورسوله

[بن داخل]

الحبه العايرة تطيح الا فالرمادة يا منسم
نصحناك من زمان بس مارضيت
حاول تغير بواجي المصرقع يمكن يسلك معك
والا أنت خلاص في يدين المشتاق ان صلبت بيوديك المخرطة
والا ناوي يرقعك بعد صار كفيلك s71.gif

[المشتاق]

يا بن داخل خلك على شحم المنسم أصبح ملكي الرجاء ما تكلمونه لين تستأذنون مني
والمصرقع تحت الميزان مسكين ما تحمل الضربة هو ما خير وزاد حاله

تراني احبهم من كل قلبي

[زهور الريف]

هههههههههههههههههههههه

والله اني احبهم جميعا بس نحب الوناسه والضحك وكل ما قلته لا يتعدى شاشة النت وممكن ارجع امدحهم باحسن منها بس اذا عقلوا وزكاهم المشتا ق

[بن داخل]

تكفى يالمشتاق
زكيهم ارحم من في الأرض يرحمك من في السماء
وانا متأكد ان المنسم أول ماراح ياخذ الخمس مية رايح يحاسبك

[الحجاج بن يوسف الثقفي]

يابن داخل اهجد لا تذكرني
تراني مقهور من الباكستاني اللي بدا يتفلسف
بس صبرك عليه

[المشتاق]

يا بن داخل يقلون ما درى الذيب عن .......
اترك المنسم والله ما درى عنه المشتاق ولا حسب له حساب
تدري وشد ديته رقعة لحام في تنسيمه وانتهى الأمر