من عين لنا دكتورنا مشعان (ح) ؟.

[منقاش]

بسم الله الرحمن الرحيم
تعرفون غايبنا المنتظر حليفي ألأكبر , د / مشعان عجل الله فرجه , وتعرفون أن ما غيبه عنكم يا ثماله ألا تبحثاته عن الصبر (بكسر الصاد والباء) , الصبر اللي ذكر لكم أنه بسببه يبي يغيب عنكم غيبه صغرى حتى يتبحث لكم عنه , وحتى يدرس على الطبيعه كل سلالاته في مجاهل ومفازات جيزان الحبيب .


هذا غرض الرجل الظاهر والله أعلم بالسراير , لكني أرجح أن هذا الكلام من باب التقيه , أما هدفه الحقيقي اللي هاجر من أجله فهو على ما أتوقع محاوله من الدكتور لتحسين النسل والسلالات الثماليه بشوية تهجين عن طريق الزواج من هاك ألأصقاع اللي هام فيها و أثنى على جمال أهلها ثناء المغرمين في مسلسل رحلته لجيزان في مستهل ربيع هذا العام ,(الله يسامحك يبو حسام , كلها أسبابك) , الرحله اللي نشر وقايعها على صفحات كنفيوتر ثماله , والله يلوم من يلومه , لأن الرجل بعذره ما دام المحب أعمى كما يقولون أهل التجربه .
وكما تعرفون , ما في هالمنتدى التعبان دكاتره ألا أنا والدكتور مشعان , وله عندي مكانه عظيمه ما يدانيها مكانه الا مكانة الغايب الثاني النجم الساهر عجل الله في عودتهم جميعا , المكانه اللي دفعتني بعد طال غيابه وانقطعت أخباره أني أتجشمك يا سفر واكابدك يا متاعب وأتحملك يا نصب في سبيل أني القى لك ذمر أو طارف خبر يا حليف بدر الدجى وعرعرة المنتدى البكباشي فخامة الشيخ الدكتور منقاش قدس سره الشريف ودام ظله .
حزبت جزابة السفر من زاد وماء وراحله (حماري الشريف) , وتذكرت فيما تذكرت دروس وعبر من أسفاري السابقه حتى ما يتكرر لي مره ثانيه خطأ فيها, لأن المثل يقول كل صكه بتعليمه , وصكتين في الراس توجع , والثالثه تطرح راعيها .
من هالأخطاء اللي وقعت فيها وتعلمت منها دروس , وأخذت منها عبر , وسبق أني قصيتها عليكم , خطا العجله .
وحتى يلم بالقصه من يجهلها , أجملها لكم واقول أني في مره من المرات خرجت من قريتنا لقريه ثانيه لجيز معدي عنا , وحتى القبايل لا تنتقدني سرت أصلي في المسجد وأزيد في صلاتي عن صلاتهم حتى آخذ الزود عليهم , وابيض وجهي ووجيه ربعي من ورايه .
وهاك اليوم دخلت مسجدهم ووقفت خلف أمامهم وسدحت غليوني وبندقي واعرضتها قدامي وعليها كيس الدخان والزند وزهاب البندق , ثم كبرت وصليت ثلاث ركاع سنه أرفع فيها صوتي بالتكبير حتى يسمعني اللي برى المسجد قبل اللي داخل .
خلصت وسلمت بأعلا صوتي ثم جلست محتبي , واحيان أحك ظهري بعصى معي , وأحيان أنتف من بعض شعر لحيتي , وسارح في وساوس وهواجس تلم عليه بسبب مشاكل بيني وبين كثير من ربعي .
لكني على لده مني ألا والمخاوي قليل الخاتمه صدفه واقف جنبي ويكبر تكبيرة ألأحرام عن يساري , ضاق خاطري من شوفته وندمت على دخلتي للمسجد وتركي للصلاه في أرض الله الواسعه , لكني سرحت مره ثانيه في هواجسي وفي تذكر أيام شبابي وطغوتي , أيام العمايم والثياب المصبغه , وغرز البعيثران والدوش والنحيلي والريح الزين اللي كان يهفهف من يمنتي ويسرتي, وأيام العرضه والرصاص ونورزة البوارديه .
وعلى سرحه وغفله مني ألا وأنا أسمع المخاوي يقول , السلام عليكم ورحمة الله , حسبته يرد السلام عليه , واثره يسلم تسليمة السنه ....
هو قالها وأنا سمعتها ؟ , وأنا ناط عليه مثل نطة الفهد على الغزاله , وحاط ركبتي اليمنى في بطنه ومبتركه مثل البعير أهدر ولهوانتي تدلح , واردد , هو من سمح لك يا سويد الوجه تجي جنبي ؟, وليش ترد السلام عليه ؟, ما أنت عارف أني ما أبغي شوفتك ولا سمعة صوتك حتى في السكه السلطانيه ؟ .
أهميت أغيب أنفاس الرجال , ولا كنت أسمع منه شي ألا أحيان بغمته بالشهاده وطلب حسن الخاتمه , وكأني سمعته في بداية خنقته وهو يقول أعتقني وأعاهدك يا عمي يا بكباشي , ما عاد أطب المسجد لا راكب ولا ماشي , لكن الحاضرين أنتزعوه من تحتي وهم ما يدرون ويش السالفه ؟, ولا يدرون ويش سببك يا عدوه ؟ , تحلقوا عليه ورشوه بالماء حتى أفاق من الغيبوبه , ثم احتملوه على أكتافهم بين الحياه والموت وقلعوه لبيته.
باقي قصة القتله اللي أعطيتها للمخاوي ما تعنينا هالحين , لكن اللي يعنينا , هو الدرس اللي أخذته منها وهو أن الركاده زينه والعجله شينه , وأني فيما بعد أبتعد عن التسرع حتى لا أستاثم في الخلق , وآخذ الناس في طرف رجليه .
والى عند الركاده زينه والعجله شينه نتوقف , تابعوا معي في الحلقات الجايه قصة , (من عين لنا دكتورنا مشعان ؟ ), وترون هالعنوان شطر من بيت من ردحه تبي تعرفون سببها ومناسبتها في الحلقات الجايه , لكن بشرط , الشرط أني ألقى قراء واجد والقى ردود وتفاعل من ألأعضاء يليق بدكتورنا الغايب وبفخامة قاص القصه الدكتور منقاش دام ظله , وسلامتكم ....

[أبو عبدالرحمن]

والله زمان عن حكاويك يا البكاشي أقصد يا البكباشي.

ودكتورنا مشعان لا تخاف عليه ..هو قال كلمة ( وعد ) وأن شاء ينتهى من مما وعدنا به..ويكون معنا قريبا...

ولا أنس أنه وصاني بك فقط!!!

[منقاش]

ابو عبدالرحمن : الله يهديك لا تنسى الباء الثانيه في البكباشي مره ثانيه , أما الدكتور فلا ينخاف عليه , وقريب أن شاء الله يشرف هو والنجم الساهر , والبحث الغرض منه هو التعجيل بعودتهم لأن يوم أنتظار لهم بسنه لغيرهم ....

[مخاوي منقاش]

ابو عبد الرحمن /اسعد الله مساك واخونا الشيهان/ انا سمعت مشعان مرة يقولك وهو راكب الحمار ووجهه معكوس يقول اوصيك بالوغدان خيرا هم في ذمتك لين ارجع وانا من هاكالوقت وانا متحير منهو يعني؟ لين صرحت به ياابو عبد الرحمن وقلت ان مشعان موصيك فقط على منقاش0
اما انا والمعسكر بتاعي فلا يهمنا جاء مشعان او ذهب كما ذهب بوش الابن كلاهما بكاش وثالثهما البكاش على احسن وصف وصفته منقاش رحم الله والديك ووالديا والمسلمين

[حاكم الشوق]

والله ياخوي منقاش انت تصلح روائي

وش هالسوالف والعلوم اللي تشرح الصدر

ربنا يحفظك لورعانك

باين انك راعي قتال ولاعط وملعوط

الله يخارجنا

[أبو رامز]

ما شاء الله عليك يامنقاش إيه هذه العلوم السنعة
وحديثك لا يمل طلع عندي اشهى من العسل والسمن البري والقرصان
طبعا منقاش في معترك هذه الحياة وبالذات في المسجد يحتاج مع تقدم الزمن إلى صحبة تعينه على الثبات فالزمان تغير و"لا يأتي زمان إلا والذي بعده أشر منه" مثل الشر والقتال اللي كان بالمسجد عند ذلك يتعين عليك أن تبحث عن من يعينك يا منقاش على الثبات
او تغير المسجد وتصلي في مسجد بعيد علشان تجيك طمأنينه وروحانية في الصلاة
وتترك الناس اللي يترصدون لك دايم وتربصون لك في كل مكان
واللي جاه يكفي يمكن تتوبه عن غيرها
على العموم ننتظر سوالفك القادمة مع الدختور مشعان
تحياتي وتقدري لك يا عرعرة المنتديات

[منقاش]

مخاوي منقاش : أصلا أنا ما أتنازل أرد عليك وعلى أمثالك , والشيهان أترك طاريه بعد سار رجال وعقل وترك الخرمطه والخباله اللي ما تجي ألا منك ومن أضرابك ومن هم على شاكلتك يا أبو تمر وزيوت ..
حاكم الشوق : مشكور على ردك , والحقيقه أني لاعط ولا أنا ملعوط , وأسأل مجرب ولا تسأل طبيب , أسأل المخاوي , وسر نجاحي أني أدور الجبناء وافتري فيهم حتى أخوف بهم الشجعان اللي مثلي .
ابو رامز : كلك ذوق يا شيخ , وانت العسل والشهد نفسه , وبعدين ترى معارك المسجد شهودها كثيرين وتسري بأخبارها الركبان , من أجل كذه دايم أتصيد خصومي في المساجد .
بخصوص تكملة السالفه , ظني أني رايح أتوقف لأن اللي ردوا عليه ثلاثه , طبعا المخاوي ما نحسبه لأن اللي مثله ما يحسب لهم حساب , ودون يجيني ردود من عشره أعضاء على ألأقل ماني رايح أتكلف وأكمل السالفه , وأرجيك أنت واللي ردوا أنكم لا تؤاخذوني على هذا القرار , وشكرا ...

[سنا الهجرة]

ما شاء الله عليك يا شيخ منقاش .. ما احد يجاريك في الاسلوب القصصي الفكاهي مهما حاول المحاولون وقلد المقلدون

ولكن السؤال اللي محيرني .. عن الدكتوراه اللي تتكلم عنها ,, ماني خابرها

هي وش سنعها

أنا اتوقع انها دكتوراه فخريه مثل اللي نسمع فيها بين الفيِّنه والأخرى والا الدراسه ماخبرت انك تعديت الصف السادس مكافحه ( يعني ليليه ) ههههههههه وش قلت ؟؟

والله الدكتور مشعان وحشنا .. الله يرده سالم غانم

وكذلك شاعرنا القدير .. النجم الساهر ,, صديقي اللدود

إعطونا أخبارهم ياللي عندكم علم .. تكفون

[منقاش]

حليفي الشاعر الكبير سنا الهجره : أشكرك على عبارات الثناء , وتراني ما أحب أحد يمدحني , ولا أحب أمدح نفسي , لأن أعمالي وأنجازاتي تحدث عن نفسها , ونفسها تحدث عني .
أما سعالك عن الدكتوراه فهذا سعال أستغربه منك , ولولا معرفتي بنيتك الطيبه كان لي معك شان واشوان ,,, يا سنا ابو نقشه وصل لدرجة البكباشي وأنت بعد تسأل عن الدكتوراه ؟.
يا سنا , الدكتوراه درستها في عوارش وعلق وكنفعر وقواسي , وكان عنوان رسالة الدكتره (حمى ثماله المحميه الطبيعيه لتربية حمير الوحش) , ورسالة الدكتور مشعان كانت عن حمير الوحش نفسها ...

[الحاج سلام]

الى البكباشي الشيخ منقاش .
من طرف سؤالك عن الحليف مشعان .
فالرجل انهزم ( انحاش ) ولا له وجه يعود من كثرة الشطحات التي جاء بها في حق الرجل الطيب مخاوي منقاش .

وبمختصر القول ما عاد له حس ولا رمس .

اما الشاعر المبدع النجم الساهر فقد رحل لمدح بني شرحبيل الذين تسامع الشعراء بعطاياهم بعد ان يأس من نوالكم .
هذه هي الحقائق ولو لم تكن شيخنا لما قلتها لكم .

وعندي لك نصيحة ان كان تريد عودتهما .
اما مشعان فشن عليه هجوم غاشم مثل الذي تشنه على المخاوي وكيل له على قفا الصاع , وتراه يخرج من عزلته لانه يسخن من هذه المواقف واذا عاد فلها حلال .
اما الشاعر النجم الساهر فلا بد تحط عند ابو عبد الرحمن مبلغ مجرز له قيمة وتعلن انه يصرف لافضل قصيدة تقال فيكم ولابد انه يخرج هو الاخر لان الشعراء هذه الايام يتكسبون من المشاهير امثالكم وامثال المخاوي غفر الله له ..

[منقاش]

من فخامة البكباشي
الى الشيخ سلام الله يسلمه
السلام عليكم ورحمة الله وبركاته , وبعد :
الرجل ما أنهزم ولا أنكزم ولا أنخزم ولا أنلزم , وكلامك يفوح بالتشفي والشماته على الدكتور وحلفاه , والرد عليك أتركه للدكتور عند عودته مظفر , العوده اللي أظنها أصبحت وشيكه .
وخذ في حسابك أن وصفك للمخاوي بالطيب تسبب بقرار حذف أسمك من قايمة الترشيح لحلفي حتى تثبت ولاءك لبو نقشه وتعادي من يعاديه , وتفهم النظرية البوشيه المبوشه , (اللي ماهو معنا يعتبر ضدنا) .
أما الشاعر فهو أسم على مسمى ونجم ساهر ما يختفي أبدا , وكل ما في ألأمر أن شي من الدمام وسحابة صيف حجبته عنا , وكلها ليالي معدوده وتشوفه من جديد يتلالا في قبة السما مع ابو نقشه ومع بقية حلفاه .
.................................................. ..................
أنذار للجميع : باقي خمس مداخلات من أعضاء جدد حتى يواصل ابو نقشه حلقاته , (حسب المرسوم اللي سبق أني أصدرته) .

[سحاب الصيف]

السلام عليكم ياشيخ منقاش
ماشاء الله عليك ياشيخ منقاش تصول وتجول في النتدي ولك شنه ورنه وماعن تحوف في خلق الله حوف وتحردفيهم ونا اعتقد انك ما خذ مقولة الحجاج اذا اردت ان اتسود فأقتل مشاء الله ياشخ منقاش تنفع اتكون راوي وان اقترح ان تضيف الى اسمك الراوي منقاش تقبل احترامي منقاش

[مخاوي منقاش]

سحاب صيف /اسم على مسمى اي تسمع قعقعة ولا ترى طحنا وهذا هو ديدن حلف النفاق تربت ايديكم

[منقاش]

تبارك الله عليك يا سحاب الصيف , بالرغم من صغر سنك ألا أن عقلك أرجح من عقل المخاوي , والدليل كلامك اللي يوزن بالذهب وعقالك اللي باين من كبره أنه عقال جمل .
مشكور على الرد , واللقب مقبول مع أضافة شيخ عليه , حتى يصبح شيخ الرواه .
.................................................. .................................................. ......................
تنبيه : اللي ردوا حتى هالحين سته أعضاء , وباقي عليكم أربعه جدد حتى تكملون العشره ونعطيكم الحلقه الثانيه , هذا اللي عليه والباقي عليكم ......

[عناد]

والله اني ابي ادخل وياكم ولو ماكنت ادل وش السالفه
وانا لي رغبه اعرف نهاية مخاوي
واتوقع انها بالحلقه الثانيه
اتوقع ان الحلقه الثانيه شر عليك يامخاوي000اقول انحاش ازين لك
بيضه ماتداقش حجر اذا انت تفهم بالعسكريه
والا لا يا الراوي المبجل

[مخاوي منقاش]

ان صلينا بالمسجد ابلشونا اليمانية بالشحاذة وان جينا بالاستراحة نبي الوناسة غثنا منقاش بالشحاذة (ردو علي ولا مارايح اكمل القصة ) افزعو خلو نجيب محفوظ يكمل القصة او فيكتور هيجو00
يامنقاش /يابني ماهكذا تورد الابل هل تركت لغيرك القاب يشخصون بها انت والقذافي كوشتوا على القاب افريقيا بالنسبة له وانت سيطرت على القاب غرب اسياء وانا اقترح عليك تزرق لليابانين وتشحن ددسن القاب
تبا لك من لص

[جداوي]

بصراحة انا من المتابعين والمعجبين بأسلوبك وطرحك للقصص لكن يوم شفت انك حددت عدد معين لتكتمل الحلقة الثانية قلت لازم اسجل حضوري الشيخ منقاش رجال يستاهل وقلت اكيد ان خلاصة السالفة في الحلقة الجاية
لازم لزوم عليك تكمل الحلقة الرائعة
والله شكلك مبدع
تحياتي للشيخ منقاش

[منقاش]

أخويه عناد : أشكرك على ردك , وأحسنت واصبت يوم وصفت المخاوي بالبيضه ووصفتني بالصخره , وهذا يدل على أنك من طياب الرجال (شروايه) اللي يعرفون معادنها .
ومن هاليوم رايح أطلق على المخاوي لقب البيضه ...
وودي أسألك يا اخوي يا عناد عن ابن عم لي من أهل الخرج أبوه الله يرحمه هاجر قبل أكثر من مية عام وتزوج واستقر في هاك الديار , واسمه عناد بن عيد , أن كنت تعرفه بلغه سلام وتحيات ابن عمه ابو نقشه .
البيضه مخاوي منقاش : ما تستاهل أني أتنازل وأنزل لمستواك وأرد عليك لأن البيضه ما تداقش الحجر ....
أخويه الجداوي : ما عليك زود , وبيض الله وجهك , وأنا أتشرف أنك تقرا كتاباتي وقصصي , والقراية والمتابعه من أمثالك هي الذخيره اللي تشجعني وتدفعني حتى أكتب لكم .
وودي أسعلك عن البحر اللي يقولون عندكم , ويش سده من قبايل ؟, وكم قامه طوله ؟, ويجي عليه أمطار والا دهر كما دهرنا ؟, والقروش اللي يقولون أنها موجوده فيه , هي من ذهب والا فضه , وان كانت من ورق كيف ما يخربها الماء؟ , وشكرا.

تنبيه : باقي عليكم ردين من عضوين جدد حتى الحلقه الثانيه نفرج عنها وتشوف النور , وسلامتكم .

[جداوي]

دحين يا هوه إنتو لسة لحد دحين شايفين إنو الأشياء هادي حلوة ومقنعة ؟؟
الناس برا أتحضرت وأتطورت وإحنا لحد دحين بنقول إنتو بدو وإنتو حضر وإنت قبيلي وانت مو قبيلي وإنتو طروش إلى آخره
وباين من كلامك وش من سده قبايل يا منقاش انك بتسألني انا قبيلي والا موقبيلي
انا مو طرشي انا قبيلي بس متحضر في جدة وسرت جداوي قبيلي من عندكم
وقبل فترة مش طويلة بدأو شباب من حواليكم وتلفضوا علي وقالوا لي (انت طرش بحر ) وقصدهم انهم يهينوني وقالوا كلام مرررررة كتير
وبعدها نزلت لهم كلام يجمد على الشارب وبعدها ماردو علي عرفو ان معايه حق
وترى خلاص هادي أشياء المفروض نبطلها .. وأصلا الإسلام جا وشال وحرم العنصرية هادي
فياريت يعني لو في منتدانا هادا نبعد عن حكاية العنصرية يا منقاش عشان يكون منتدانا أفضل وأحسن ويستمر سمعتو نضيفة وكويسة
والكنز مافي البحر ولا كنز ما فيه إلا سمكمك
وبقول وان الكنز عندكم تحت سد السملقي بس يبغاله اشياء تسويها علشان يطلع الكنز
وإلا وش رااااااااااااايك يا شيخ منقاش

وبخصوص الردين اعتبر ردي عن عضوين وكمل الحلقة الله يخليك وسلام عليكم

[منقاش]

أعرف يا جداوي أنك تمزح , لكن عذر لغيرك من اللي ربما يوم من ألأيام يقرون ما كتبت .
والله أن العنصريه البغيضه ماجات لي على بال , وأني أبغضها وأحترم من يبغضها , وأني أبيعها (العنصريه) في سوق النخاسه بأبخس ألأثمان وأشتري أخوة ألأيمان بأغلا ألأثمان .
يا جداوي , أخوة ألأيمان في المرتبه ألأولى , والقبيله مجرد ثقافه ونسب وموطن وتاريخ وعيش مشترك وصلة رحم , وتقي شهم ماهو قبيلي أغلى عندي وأحب لقلبي من مية قبيلي عاصي حتى لو كانوا من أقرب ربعي لي .
وأفضلهم معدن عندي أكثرهم تخلق بأخلاق ألأسلام , وسلامتك ........

[مخاوي منقاش]

الهم اكثر من امثال الجداوي ومن يزرع الرعب في قلب السفيه 0
منقاش /ابن عمك الضائع علومه عندي وسمعت انكم ياعصبته اكلتم حلاله وهرب وتبراء منكم والا تقتلون الميت وتمشون في جنازته؟

[الحاج سلام]

السيد الشريف الدكتور منقاش شيخ شيوخ المنتديات بدر الدجى وعرعرة كل منتدى .
جئتك من سبأ بنبأ يقين .
حيث احضر لي ولدي الصغير ظرف اليوم العصر وقال ان شخصا طويل القامة يلبس ترنقة خضراء اللون اصلع الرأس اعطاه المظروف وقال له سلمه لابوك ثم ركب سيارة ونيت داتسون وانصرف والعهدة على الراوي .
المهم انني فتحت الظرف ووجدته مرسل لي من الدكتور مشعان وفيه كلام كثير ليس هذا مكانه ولكن الذي يهمكم انه طلب مني اشعاركم بانه على العهد وعند الوعد وانه يتابع المنتدى ومستاء جدا مما يكتبه المخاوي ولولا ظروفه كان خلاه يمسك الجادة (حسب تعبيره ) ويقول انك يا منقاش ابديت لينا في مواقفك من المخاوى وهو لا يزال يبدي تصلبا نحوك .
وذكر انه مسح حوالي الف حشرة ولم يجد من بينها الصبر المشؤوم الذي بلشته بالبحث عن معلومات عنه ويقول لن اعود خالي الوفاض (لا ادري ما هو الوفاض )ويا انا يا هذا الصبر حسبي الله على منقاش ان كان بلشني بهذا البحث .
وبقية الرسالة ما ارى نشرها لان فيها ما يكدر الخاطر من ناحية المخاوي .
والسلام

[منقاش]

الشيح سلام الله يسلمه من كل مكروه : أشكرك على تبليغك لأبو نقشه بمضمون الرساله اللي تزعم أنها وصلتك , وأقول لك الرساله وصلت وتبلغ بها ابو نقشه , لكني ما أخفي عليك أن الفار أبتدا يلعب في سروالي فرب مبلغ أوعى من سامع .
وطالما أن الموضوع فيه سبأ ونبأ ويقين فلي على هالبلاغ عدة ملاحظات :
ألأوله , أن الهدهد يوم بلغ سليمان عليه السلام ما قال له في البلاغ أن ألأصلع أعطى للولد الصغير ظرف صغير وركب الددسن وفرك والعهده على الراوي,, لو قالها بهالشكل كان ابن داود نتف ريشه وقطع عرفه , لا, وانما قال أني وجدت .
شفت أخواننا الهداهد كيف يجيبون الخبر اليقين ؟.
الثانيه , تقول أن الرساله حاملها أصلع نسأل الله العفو , وأنا أقول مع أحترامي للصلعان , أنا عندي عقده منهم , وعمري ما لقيت أصلع يوثق فيه أو يعتمد عليه , لأن الشعر ما يحت من الراس ألا نتيجة نشفان في الدماغ , وهذا كلام علمي مبني على نتايج تبحثات سويتها على مجموعه من الصلعان قبل أسوي أبحاث البسيسات والحقه اللي تعرفونها .
الثالثه , ليش ما أفترضت أن الرساله مزوره من جهات عميله أو متصهينه ؟, وليش ما سعلت نفسك , ليش الدكتور مشعان يترك الدكتور منقاش اللي ما يجهله أحد , ويرسل الرساله على غير عنوانها , ويسلمها لغير راعيها؟.
الرابعه , أنا سبق وقلت لكم أن حكاية الصبر حكايه مفبركه من أجل التمويه وعباره عن غطا , والرجل أعلنها من باب التقيه , وقلت لكم أن الدكتور أحاسيسه مرهفه أو كما تقولون رومنسي أو هواوي , وسبق أنه وقع في حب جيزانيه خطفت قلبه وبسببها قرر يترك المنتدى والحلف والحلفاء لفتره كم أسبوع لبينما يروح يطيح على عتبة دار أهل محبوبته حتى يعطونه يدها وياخذها برجلها , ويبدو أنه أحتاج لشوية وقت حتى يتعلم اللهجه الجيزانيه قبل يطلب الحسب والنسب .
(والزبده , فصول هالمأساه المتسبب فيها من بدايتها ابو حسام الله يحفظه ويهديه , لأنه كان يبي يسوق المزرعه بعد طفش منها , لكن الزبون المرشح أنخطف قلبه وأخشى أنه ينخطف كله ويقعد ابو نقشه يحارب على عدة جبهات لوحده).

أما المخاوي فهو آخر واحد أحسب له حساب هو ومعه كل حلفاه التعبانين , وكما يقولون , لو حسبنا حساب العصافير ما ذرينا الدخن , وكل ما في ألأمر أني متبع معه سياسة العصا والجزره , يعني أعطيه بالعصا 99 مغطه , ومره واحده أشممه راس الجزره .

[مخاوي منقاش]

الحاج سلام/ انا افترض انك على قدر من الفهم ففي رد منقاش دليل على استهجانه لشخصك واطلعك كذاب اشر امام الجميع وان كنت لبيبا فهو لايريدك مهما تملقت له (نحن في معسكرنا نقيم برامج علاجية لعلاج الكذب والنفاق ويخضع الان الدكتور مشعان لدورة مكثفة منذ اسبوعين بعد ان توسط له ابو عبد الرحمن ولكن المشرفين على الدورة اخبروني قيل يومين ان المرض مستشري فيه ومن الصعوبة شفاه وامرت بتمديد فترة العلاج من باب لعل وعسى والا رميناه على منقاش )0

اما انت ياسلام فحدد ميولك والا سوف اعمل فيك ماعملت بمنقاش واساله وش سويت فيه؟
وبصراحة لو كنت مكانك بعد رده ما احوم حول النت لمده 7 أشهر

[ابوسيفين]

السلام عليكم ورحمة الله وبركاته أيها الشيخ المُبجّل بدر الدّجى وعرعرة المنتدى آكل المرار راكب الحمار وحامي الديّار وبعد :
رغبت أن تكون زيارتي الأولى أثناء إجازتي القصيره واللتي سأواصل بعدها بمشيئة الله ماكلّفتموني به من أبحاث من خلال متصفّحكم شاكرا لكم ما أبديتموه من وُدْ ومحبّه جسّدتموها في هذا النّداء الذي ساهم في قطعي لرحلتي العلميه لأيّام أسعد فيها بالإطمئنان على صحتكم وأعضاء حلفنا المظفّر وليخيب ظن أُولئك المرجفون أصحاب الرسائل المأجوره ، صُلع الرؤوس ، فاقدي الضُّروس 0
أستأذنكم فقط قبل العوده الى السفر أن أُقدم لكم البحث المفاجأه 0


لي عوده بمشيئة الله

[الحاج سلام]

الحمد لله على السلامة .

يادكتور مشعان والله وحشتنا غيبتكم وافرحتنا اوبتكم .

ومبروك لكم ياشيخ منقاش عودة الحليف المنافح عن جنابكم .

وان شاء الله نبارك لكم عودة الشاعر الفحل النجم الساهر .

ومبروك اللقب الجديد الذي خلعه عليكم الحليف ...

[منقاش]

عليكم السلام ورحمة الله وبركاته
وأسفرت وأنورت
يا مرحبا ترحيبة الصفطان @@@ باللي لفانا من جهة جيزان
يا مرحبا بدكتورنا مشعان @@@ يا مرحبا يا قاهر الصلعان
هات الجواب اللي عن الصبران @@@ من العلوم اللي تنبه الوسنان
يا مرحبا ترحيبة السفطان @@@ يا مرحبا بدكتورنا مشعان
وبعد :
شفتم يالمرجفين كيف خاب ظنكم وعاد الدكتور ؟, شفتم كيف قطع رحلته العلميه أستجابه لنداء حليفه بدر الدجى؟.
حياك الله يا عميد الدكاتره ,حللت أهلا ونزلت سهلا , وهات العلوم لا هنت .....

[أبو عبدالرحمن]

وين القداحي يا شيخ منقاش...ما شفتها تثور

[أبو رامز]

عودا حميدا يادكتور مشعان ومن طول الغيبات جاب الغنايم
واكيد جايب غنيمة لـ( آكل المرار )

[النجم الساهر]

مااراه هنا احتفاء بعودتك يادكتور
هو قليل مماتحمله قلوب محبيك
اتمنى ان تكون عودتك دائمة وليست متقطعه لما يتطلبه الوضع القائم في الساحه
وارى ان شيخنا وزعيم حلفنا الشريف منقاش ابو نقشة عرعرة المنتدى وبدر الدجى
هو بحاجة تواجدك الى جنبه من خلال النداءات التي اطلقها وكذلك مما بطلقه المرجفون واصحاب الاقلام المسمومة
فلا تذهب بعيدا مهما كانت الابحاث ضرورية فهي لن تكون باية حال من الاحوال اهم من وقوفك في هذه اللحظة الحاسمة الى جنب شيخنا امد الله في عمره واهلك من يضره

[ابوسيفين]

الحمد لله على السلامة .

يادكتور مشعان والله وحشتنا غيبتكم وافرحتنا اوبتكم .

ومبروك لكم ياشيخ منقاش عودة الحليف المنافح عن جنابكم .

وان شاء الله نبارك لكم عودة الشاعر الفحل النجم الساهر .

ومبروك اللقب الجديد الذي خلعه عليكم الحليف ...

ماتفش وِحِش ، أنا أيضا مشتاق لكم لكن طاعة الشّيخ واجبه وإن كنت شفت من كتب على لسانه بعض الكلام في موضوع الأدمن لكنه حفظه الله سارع الى نفيه وأجبرهم على شطبه 0 أمّا النجم السّاهر فقد صدقت توقعاتكم وهاهو أطل علينا بمقطوعه حميميّه ما أراها إلا في الشيخ


http://www.thomala.com/vb/showthread.php?p=275977#post275977

[ابوسيفين]

عليكم السلام ورحمة الله وبركاته
وأسفرت وأنورت
يا مرحبا ترحيبة الصفطان @@@ باللي لفانا من جهة جيزان
يا مرحبا بدكتورنا مشعان @@@ يا مرحبا يا قاهر الصلعان
هات الجواب اللي عن الصبران @@@ من العلوم اللي تنبه الوسنان
يا مرحبا ترحيبة السفطان @@@ يا مرحبا بدكتورنا مشعان
وبعد :
شفتم يالمرجفين كيف خاب ظنكم وعاد الدكتور ؟, شفتم كيف قطع رحلته العلميه أستجابه لنداء حليفه بدر الدجى؟.
حياك الله يا عميد الدكاتره ,حللت أهلا ونزلت سهلا , وهات العلوم لا هنت .....

شيخنا الله يبقيكم ، إبنكم وبين إيديكم ، إن أمرتونا بمواصلة البحث واصلنا ، وإن كان رايكم غير هذا إمتثلنا 0

[منقاش]

دكتورنا العظيم
السلام عليكم ورحمة الله وبركاته , وبعد :
بخصوص الكتابه اللي شفتها مكتوبه على لساني في موضوع ألآدمن , تراني شفتها مثلك وأتصلت بأبو عبدالرحمن وتهددته هو وكل المشرفين وعمدتهم أنهم يشيلونها حالا ويعلموني بالخاين اللي كتبها , وبعد تشاوروا ردوا عليه وقالوا خلنا نتفاوض ونتقابل في منتصف الطريق , يعني خلنا نحذفها وعذرنا في كشف الكاتب لها وهو واحد من كبار الخونه المشرفين .
وبعد وافقت حذفوها خوف مني .
وبخصوص البحث , رايي أنك تدفن كل تبحثاتك لا بعثت , يعني أنساها وخلك معنا , أنا رجال كبرت وتعبت وابتديت أفكر أنصب خليفه لي أسلمه زعامة الحلف بشرط أني أرأسه حتى يسير أعطيه بعض ألأرشادات وأبربص قدام الناس ما دام فيه حيل , وأنت خير خلف لخير سلف , وسلامتك .