أهداء لأخوي النادر

[شقران]

أهداء لأخوي النادر لأعجابي الشديد بما يطرح من روائع القصايد

النفس عندي على حدود السماترقا
تتعـب يديـن العـــــــــــواذل ماتولاهـا

اطرق حروف القــــوافي وابدع الطرقا
واشيل قافٍ تعـلا فـــــــــوق مرقاهـا

ياكبر فرق العرب عن بعضــــهم فرقا
احدٍ تعزك حروفـــــــــــه يـوم تقراهـا

واحدٍ تعود على الهــــرجات والقرقـا
ماعَد نفسـه عزيـزه يـــــــــوم دناهـا

الطيب بحرٍ نغوصه والســــــما زرقـا
ماهين انا خطــوتي ماافَرح اعداهـا

ادري سرقت الكرى من عينهم سرقا
واشعلت نارٍ تنصت مـن تنصــــــاهـا

والعاذل اللي يبيــــها يحتـرق حرقـا
والله مايهتنـــــــي والحـق مبـداهـا

العــــــز في ربعنــــــا والزود له ترقـا
ثوبٍ كساها واشوف الثوب يزهاها

الطيب ســــاسٍ لنا عرقٍ ورى عرقـا
ربي يديمـه علينـــــــا ليـن نفناهـا

[النادر]

اخي شقران

مهما كان الرد فلن اطال هذه الشامخه

دمت بكل الود

النادر

[خلف بن عبدالعزيز الثمالي]

يستاهل النادر ياشقران وبيض الله وجهك
اخوك خلف

[المبرِّد]

صح لسانك يا الحبيب

[واقعي جدا]

شقران صح لسانك وعساك على القوه

ووافينا بجديدك اولا بأول


فوجودك يسعدنا

دمت سالما

[ابو عادل]

شقران:
هديتك تليق بمقام النادر
صح لسانك ولاتحرمنا من قصائدك وابداعك.

[الكايد]

شقران
حياك الله يا (صاحبي)

وصح لسانك وسلم بنانك

ابداع لا يحتاج الى شهادتي

فقط حضوري لأثبات تشرفي بالاطلاع

تحياتي

[القناص]

صح لسانك
أيضا فقدناك يا الغالي