اسفنج.....

[النادر]

قصة ثقافتنا كما قطعة اسفنج=لاصارت الدنيا مطر.../لاتسولف
من وين ماحركتها شفت ذا الغنج=نصيحتي ياصاحبي لاتحورف
من ثقلها بعض العرب كن به بنج=ثقيل ../ رزه../ عارفه../ امتعورف
وليا صفا جو الفكر كلها تشنج=ادنى هبوب تطير اللي مطورف
مره لعبت مع اعقل الربع شطرنج=ياويش اقلك../صاحبك مايصورف
ركب حصانه واهلك الجند../والكنج=يعني على باله شجاع ٍ../معورف
واليا بغيت انصحه فاذانه../ الصنج=عوّدت الوم النفس وش ذا المصودف
من يوم قامت ثورة الخبز../والزنج=دريت في كنز العرب من يسورف
ترى البلا ياصاحبي قومة.../الرنج=فزة حمار وتاليتها.../يخولف
هذي ثقافتنا كما قطعة اسفنج=لا صارت الدنيا مطر.../لاتسولف

[آبن أدم]

واليا بغيت انصحـه فاذانـه../ الصنـج
عوّدت الوم النفس وش

[حسن عابد]

[glint النادر
ما ادري ما هو القول الوافي لهذه السنفونية الرائعة والارتقاء المتواصل0
تراكيب لغوية رائعة 000000000000000000000000000000000000000[/glint]

[ABO TURKI]

صح لسانك أخي النادر

[واقعي جدا]

النادر سلمت يمينك
ماراح امدحك لان الكلام يعجز بالمختصر انت مبدع

ولكن عندي ملاحظه وعندي عتب






الملاحظه ارتباطك الشديد بالشطرنج





والعتب عليك انك نقصت من قدر الرنج وهذا مالااحبه
الرنج موتر واذا عندك رنج ماتبيه ترا اقبل انه يكون هدية لي
وانا راضي انه يخولف معي

صح لسانك
عاشق الواقعيه واقعي جدا

[أبو عبدالرحمن]

صح لسانك ...ابا عماد

لا عدمناك..

[ابو فهد]

صح لسانك
مشكوووووووووووووووووووووووووووووووووووووووووووور

[نور الصباح]

تصوير فيه شيئ من الابداع

لكن في بعض الأبيات شيء من الركاكة وعدم الوزن، فحاول مرة أخرى أن تكون أكثر إبداعاً

[رحال]

النادر
انا جديد على المنتدى
ولكن تجولت في جنباته وقلبت كثير من صفحاته وخصوصا الأدبية

اقول ابداع بل مركز الابداع والى الأمام مجاراتك ستكون صعبة
لمن اراد ان يجاريك وستقذف بالركاكة , ولو تجولت قليلا في منتدانا لخاصت قدماك في الركاكة ومع ذلك ينهال الاطراء والمديح اقول الى الأمام لاتلفت فإنهم مغرقون .
وستضطر لحمل بعض اقول بعض وليس الكل من قطع الأسنفنج حتى ولو ابتلت بالماء وبلتك معها
صح لسانك

[abonayf]

النادر
هذا هو الارتقاء فعلا في مخاطبة العقول

اكمل فحري بمثلك ان لايتوقف

[النادر]

واليا بغيت انصحـه فاذانـه../ الصنـج
عوّدت الوم النفس وش

ابن آدم

شكرا لك التواصل

النادر

[النادر]

[glint النادر
ما ادري ما هو القول الوافي لهذه السنفونية الرائعة والارتقاء المتواصل0
تراكيب لغوية رائعة 000000000000000000000000000000000000000[/glint]

حسن عابد

اطراء من اخ وابن عم

اتمنى ان اكون اهلا له

النادر

[النادر]

صح لسانك أخي النادر

وصح بدنك اخوي ابو تركي

ولاهنت

النادر

[النادر]

النادر سلمت يمينك
ماراح امدحك لان الكلام يعجز بالمختصر انت مبدع

ولكن عندي ملاحظه وعندي عتب






الملاحظه ارتباطك الشديد بالشطرنج





والعتب عليك انك نقصت من قدر الرنج وهذا مالااحبه
الرنج موتر واذا عندك رنج ماتبيه ترا اقبل انه يكون هدية لي
وانا راضي انه يخولف معي

صح لسانك
عاشق الواقعيه واقعي جدا

واقعي جدا ً

والله ياخي مدري اللي تقوله مدح والا قدح

لكن اثق انك اجودي وابن اصل

راح اقبلها بشكلها الزين

اما الشطرنج فهي لعبة الاذكياء وانت منهم لذا لاتهتم من كثرة استخدامه

الما الرنج ماني بحبه ولو هو عندي سقته لك هديه عشانك غالي وعشان اتخلص منه

النادر

[السهلاوي]

وفقك الله
على هذا
التواصل
الجميل

نتمنى منك
الا تبخل علينا
بقصائدك
فما رأيتك
الا كريما
وابن كريم