صلصه

[ابو دبا]

ياصلصه انا لي فيك نظره ونظره=ويش عاد لي يابنت عندك من انظار
كان استوينا بالنظر ليش بكره=الليله انا وانتي مع الحب سُمّار
قيس انهبل من حب ليلى وحره=والعنتره عاشق لعبله ودمّار
وهاذي ديانا اللي تردّت بحفره=كانت مع الفايد على حب واسرار
واعطيت انا كلنتون من العشر عشره=في البيت الابيض حب موني على نار
واليوم ابو دبا تولى بحسره=لا الحق جاه ولا حصلتي له احتار
لاكن ابقتل ابن داخل بصفره=والثانيه فراس الرويعي وهي الثار
انا فجل قلته والاعيان حمره=مادون حقي دون قاله بن خيار

اعطوني معكم ياعيالي كشنه وانتم خذوا لكم كبتشينو والا سلحب

[admin]

صح لسانك
واسلم تسلم

[النشمية]

امرح يهذا الشيبة وارقد هم وش يبغون من ذنبك في اتلى عمرك يمتحنونك ويقلشونك وانا ماأشوف إلا الغيض والذنب اترك بس من صلصة اني اظن انهم يبون يعذبونك بس انت ماتحيط

[مصرقع]

يا عمي يا ابو دبا ما سمحلك تقعد تتغزل في اختي صلصة
صلصة من بنات الحمايل ولا نعطيها الا رجال شرواك
مو زيك رامي بنتك حماطة ومعطيها الدايخ المنسم
وبعدين كاتب القصيدة ولا مدحتني ولا ببيت واحد
الله يسامحك يا عمي وبعدين ترى طولت
متى تعطيني رمانه
انا خايف انها تسير فقش وتخرب وتنقبها الكعتان
زي خطيبة الخبل المنسم حماطة
وش رايك نعقد صلصة قصدي صفقة
صلصة مقابل رمانه وتزيدني كرتونين بامية
انتظر جوابك يا عمي وانا رايح ابشرب
كابتشينو وابجيبلك معي يانسون

[الخنساء]

ابو دبا الله يسعدك

انا خابرتك شاد من الديرة

وش اللي رجعك

الظاهر انك منت حامد الله على العافية

والا جاي تاخذ لك وزعة من حمار القايلة

وبعدين العرب يتفرجون عليك انت والمصرقع وانتم تتبادلون










لا تفهم غلط تتبادلون بالزيجة


لكن لا يضحك عليك ترى اخته صلصة مخمجة لانها كانت بالشمس

ولك مني نصيحة لا تشرب السحلب

خلك على الشربه ازين تتخفف شوي

وسلامتك ......

[أبو عبدالرحمن]

تم نقل الموضوع..وإن شاء الله ما فقدت شيء...

سيتم نقل جميع المواضيع التي تتميز بالمرح هنا في المجلس

[الحجاج بن يوسف الثقفي]

ياعمي شفت ابوعبدالرحمن وش سوى
اخذ العشرين دسته اللي جبتها امس لك اللي كانت في القتره
وماعليك من المرجوج المطرقع
انتي ياالخنساء والنشميه وش رايكم نخطبكم انا وعمي فجل
s5.gif
ادري بتفرحون لكن بدري عليكم انا احب حماطه
وهويحب صلصه المروحه اخت المطرقع