بن عواد
08-19-2009, 12:43 AM
السلام عليكم ورحمة الله وبركاته
الله يجعلني ويجعلكم من صوام الشهر وقوامه
هذه قصيده أخرى تعبر عن نفسها
بغيت انا حِصن المعزّه وشديت=خايف من اصحاب النفوس الدنيه
وعاهدت ربي يالحصن فيك ما امسيت=بين الذي يمشي بمليون نيه
أهل القلوب اللي توضا من الزيت=سهم الحسد فعيونهم سم حيه
ولولا الملامه ماتورى ولا جيت=ولا بديت ال من تحاموا عليه
ضربة عصى ماهي لهم كان رديت=بيده عصاة الغير مثل الوليه
والحكم لآل سعود وأنا تمنيت=يرجع قديم الوقت وحي القضيه
حتى الرّخم صارت صقور ولها صيت=والحُر صار غراب حمّال اسيه
يانعنبو دنيا الغدر هدت البيت=وامسى العسر مثل الديار الوطيه
واستغفر الله ياعرب كان زليت=تبحث عن احقوق وتحمّل خطيه
ويادار لو بك خير مااقفوا ولا اقفيت=قبلي رجال قروم خلّوا الهويه
واليوم ماضني لحبك تعنيت=من بعد ماشفت الجفا والرديه
وانا بعيد ولا اخبر اني تعديت=اعرف دروب الحق حاسب وطيه
وسلامتكم
الله يجعلني ويجعلكم من صوام الشهر وقوامه
هذه قصيده أخرى تعبر عن نفسها
بغيت انا حِصن المعزّه وشديت=خايف من اصحاب النفوس الدنيه
وعاهدت ربي يالحصن فيك ما امسيت=بين الذي يمشي بمليون نيه
أهل القلوب اللي توضا من الزيت=سهم الحسد فعيونهم سم حيه
ولولا الملامه ماتورى ولا جيت=ولا بديت ال من تحاموا عليه
ضربة عصى ماهي لهم كان رديت=بيده عصاة الغير مثل الوليه
والحكم لآل سعود وأنا تمنيت=يرجع قديم الوقت وحي القضيه
حتى الرّخم صارت صقور ولها صيت=والحُر صار غراب حمّال اسيه
يانعنبو دنيا الغدر هدت البيت=وامسى العسر مثل الديار الوطيه
واستغفر الله ياعرب كان زليت=تبحث عن احقوق وتحمّل خطيه
ويادار لو بك خير مااقفوا ولا اقفيت=قبلي رجال قروم خلّوا الهويه
واليوم ماضني لحبك تعنيت=من بعد ماشفت الجفا والرديه
وانا بعيد ولا اخبر اني تعديت=اعرف دروب الحق حاسب وطيه
وسلامتكم