حسن عابد
08-25-2009, 05:31 AM
أنا الليله على شط البحر هضـت بـي الافكـار=وقمت اشرح ظروفي فوق موج البحر وأشكي له
ألا ياليت صدري مثل وسع البحـر مـا يحتـار=تضيع به الهموم وكـل شعـبٍ ينحـدر سيلـه
وقال البحـر لـك ربٍ كريـم ومنـي المعـذار=ليا حسيت ضيقت صدر قـوم أذن وصلـي لـه
وأنا مؤمن بحكـم الله واعـرف أن لفلـك دوّار=ولا مالله عدلها من هـو اللـي يعـدل الميلـه
بغيت أكتم صوابي مير ضقت وباحت الاسـرار=وضاق الدرب فوقي ما على المضياق تحويلـه
وأنا عارف قسى الدنيا علـى لوعاتهـا صبـار=شربت الصبر والعلقـم شربتـه مـن فناجيلـه
ولا ياكثر هرج الناس في المسنـاد والمحـدار=كلامٍ في السعة وليا انحصر ضاعت محاصيلـه
أشوف سنونها تضحك وأنا أعرف ضحكت الغدار=أعرف الها هدف في ضحكها للضحـك تحليلـه
كثير من السلع عند العـوارف مالهـا مسعـار=وأنا داري بهـذا العلـم سيتـه وصاحـي لـه
طوتنا أيامنـا طـي الكتـب وتقافـت الاعمـار=ولو أنا بقينا في الجبـل وش عـاد نبـدي لـه
وأنا أعطيت اللي عندي للرجال اللي ثقه وأحرار=ولين باقـي عليـه شـيء عنـد الله تكميلـه
وختمناها بذكر الله وصلاة على النبي المختـار=عـدد ماحجـو الحجـاج بيـت الله تلبـي لـه
ألا ياليت صدري مثل وسع البحـر مـا يحتـار=تضيع به الهموم وكـل شعـبٍ ينحـدر سيلـه
وقال البحـر لـك ربٍ كريـم ومنـي المعـذار=ليا حسيت ضيقت صدر قـوم أذن وصلـي لـه
وأنا مؤمن بحكـم الله واعـرف أن لفلـك دوّار=ولا مالله عدلها من هـو اللـي يعـدل الميلـه
بغيت أكتم صوابي مير ضقت وباحت الاسـرار=وضاق الدرب فوقي ما على المضياق تحويلـه
وأنا عارف قسى الدنيا علـى لوعاتهـا صبـار=شربت الصبر والعلقـم شربتـه مـن فناجيلـه
ولا ياكثر هرج الناس في المسنـاد والمحـدار=كلامٍ في السعة وليا انحصر ضاعت محاصيلـه
أشوف سنونها تضحك وأنا أعرف ضحكت الغدار=أعرف الها هدف في ضحكها للضحـك تحليلـه
كثير من السلع عند العـوارف مالهـا مسعـار=وأنا داري بهـذا العلـم سيتـه وصاحـي لـه
طوتنا أيامنـا طـي الكتـب وتقافـت الاعمـار=ولو أنا بقينا في الجبـل وش عـاد نبـدي لـه
وأنا أعطيت اللي عندي للرجال اللي ثقه وأحرار=ولين باقـي عليـه شـيء عنـد الله تكميلـه
وختمناها بذكر الله وصلاة على النبي المختـار=عـدد ماحجـو الحجـاج بيـت الله تلبـي لـه