ياقوم هلموا

[مخاوي منقاش]

اعود اليكم احبتي بعد ان عيدنا العيد ولبسنا الجديد وانتم ماحلفتوني انني اشتريت الدفة وشخصت به وكنت ناوي البسه في زيارتي للطائف لكي اعلمهم اصول الشياكة ولكن العيد سبق ومن سبق لبق وخيرها ياهل الطائف في غيرها وقد تكون غتفه(غترة) ومن عادتي انني البس ثوب عيد ورا عيد وقد صورت نفسي بالثوب الجديد بس تحميض الصورة لم يكن جيد على العموم هذه مقدمة لما اردت ان اشنف اسماعكم به هذه الليلة المجيدة000
انا اعرج كلما دلفت المنتدى على الشات الخاص بالمنتدى واحيانا افهم مايقال وغالبا لا افهم ولكن قرأت خبر على الطائر ان ابو عبد الرحمن سيترك المنتدى لانشغاله بالجمعية وقد حمدت الله وشكرته لا لذهابه فهذا لا يعنيني فما طاح من النجوم خف مابالسماء ولكن حمدي لله لانني علمت بالخبر قبل ان ارسل له الهديا السنويه فتكون ذهبت ادراج الرياح والان نتطلع الى المدير الجديد لنعقله بسنيتنا المعتادة التي اخرست الاسن واسالت اللعاب واعمت العين عن كل عيب (وعين الرضاء عن كل عيب كليلة ) وكنت اتمنى ان يكون الترشيح لعدد من الاخوة ويتم انتخاب واحد منهم ويعلم الله ليس لي هدف الا لكي نمارس الانتخاب قبل ان نموت ولا يقول ابناءنا رحم الله اباءنا ماتو مانتخبوا


نداء خاص :-
ارجو من جميع الاخوة رواد الاستراحة العودة الى عريتهم وترك الدشارة بين اقسام الفطرية وغيرها فهي الام الرؤم الحنون التي من خلالها اشتهرتم واوتكم عندما كنتم لا تفرقون بين الرقص المصري البلدي وبين الباليه الروسي

نحن في انتظاركم ولكم مني عشرة دجاجات ببيضهن وليمة تليق بكم ودمتم

[ابوسيفين]

الحمدلله على السلامه يامخاوي الشّيخ ، عوداً حميداً ولك وحشه وأنا أقترح على المدير الجديد أن يعيّنك مُشرفا للإستراحه لأن مُعرّفكم بحد ذاته جالب للإبتسامه والرّاحه0

لكن وش سالفة ظهورك الدائم في آخر الليل ؟؟ولي عوده في وقت أوسع وبعد أن أسمع منكم 0

[الحجاج بن يوسف الثقفي]

انت ضويت
والله انا قلت هذا راح مرواح نحل بن داخل لكن شكلك من اهل السبع ارواح

[مخاوي منقاش]

ابو سيفين
انا بعد رمضان اشتغلت عسة اي حراس الدكاكين بالليل وسمحولي الحكومة الله يطول اعمارهم باستخدام النت0
هلا قزوز
لك وحشة لان اكثر رواد الاستراحة عقلاء وانت برجتك توسع الصدر(كل مجتمع له خبول ونحن رضيناك خبلنا) واحترم نفسك ماني بس

[ABO TURKI]

حياك الله يا مخاوي المنحاش منقاش سؤال لو طلبوا منك تتبرع لمنقاش بهدية.اش الهدية
ثانيا / هديتك وصلت الدجاجات لنا لكن ما نبي نكلف عليك ترى البيض لك حلال زلال

[مخاوي منقاش]

حباك ابو تركي وانا متاسف اني اول مابدأت في المنتدي كنت قررت الاعتزال وكان الاعضاء يطالبونك بتغير رأيك وانا ماادري وش السالفة فكتبت فليذب فلا رحع ولا رجع حمار منقاش وقبل كم شهر تذكرت القصة واستغفرت الله لك فقط اما حمار منقاش فليذهب الى الجحيم
واما انك مستغني عن البيض فابو سيفين ومنقاش مدمني والعياذ بالله بيض
واما السؤال المحرج والذي ينم عن خبث يؤهلك لتحتل درجة متقدمة في معسكرنا كما يدل على انك تبخص منقاش اوي فهنيئا لك

[منقاش]

يا الله صباح خير , أصبحنا وأصبح الملك لله , ولا حول ولا قوة ألا بالله ..
يا الله أنك تحسن لنا وله الختام , وتهدينا وأياه وجميع ألأخوان لطريق الرشاد , وتصخره لنا وتدله على السكري المفتل نخب أول , آآآآمين .
أما أعطياتك السنويه فلا حرمنا الله منها , لكن أذا كانت مثل السنتين ألأخيره , رجايه , تعطيها لأي واحد من ربعك رعيان البعارين حتى يضرم بها حلاله , وان قدرت تمر على أقرب صيدليه في معوادك لبيتك وتاخذ لك حبتين سنافي يكون أحسن حتى ترغي مثل البعارين.
ونصيحه ,,, الرجال , أذا أهدى أما يهدي شي يبيض الوجه ويشرف , والا ينثبر لا قام , ولا يتبدى في ريع الفضيحه , ويخلي العقال مثلي أنا والمشرف العام الله يطول في أعمارنا ينتقدونه ويقولون , أن الهدايا على قدر مهديها , وعز الله أنك يالمخاوي سنافي ولا أنت وافي ..

[أبوخالد]

مخاوي منقاش ياهلا
وش بلاهم عليك
وش رايك تجاوب ابوتركي على السؤال وتريحه

[سنا الهجرة]

حياك الله يالمخاوي وحيا علومك والحمد لله على عودتك سالم

فالحيقة والواقع . إن الدفه يختلف عن الشياكه وانت خبصتها مع بعض .. وليتك مفصل عند الخياطين كان ازين لك

الحين ما عاد فيه فرق في الاسعار وانا اخوك

* المهم طال عمرك وعمر الشيخ منقاش خويك .. اني ابلغت الشيخ يبلغك إني كاتب فيك معلقه تقديراً لشخصك الكريم وللايام اللي قضيتها بيننا .. والِفْنَاك والفتنا .. ويوم انك غبت يشهد علي الله إني فقدتك .


لكن الشيخ الله يهديه ، كأن هذا الامر أغضبه أو أثار عنده نوع من الغيره الحميده ولا يبي احد يمدحك وقام يصرفني يوم إني سألته عنك وقال والله ما تحصل من ورى هذا المخاوي نقطة زيت .. وتراني ما أرجي من ورا ما كتبته شي ولا أبيك الا سالم غانم. وخل تمرك وزيتك لمنقاش والمدير المستقيل .
الحمد لله التمر هذي السنه عبيت البيت منه لدرجة انه مسوي لي زحمه .. وانت تعرف خلاص الخرج الفاخر النوع الاشقرأشتري من السوق واكبس في المصانع .. ومعين خير وانا اخوك .. واذا ينقصك شي تامرني .
صحيح إن الزيت عندنا فيه عجز بسط لكن ما يوجب علي ان اتسول . بقصيدي

المهم مالك وكثرة السوالف . تابع موضوعك هذا لاني بنزل القصيده وبحط لك الرابط هنا ان شاء الله لاني عارف انك ما تمر علينا هناك في واحة شعراء المنتدى >> مدري كبر والا عمى بصيره. والا ما تعرف هذيك الديره

والا ان الشعر مايعجبك من كثر ما تسافر لبلاد الاعاجم

[صقر قريش]

http://up.arab-x.com/Sep09/BNr55275.gif (http://up.arab-x.com/)

[حاكم الشوق]

هلا يابو المناقيش

عيدك سعيد وعمرك مديد يارب

صاير راعي شرهات وخذ وهات لاكن ابنشدك عن العشر دجاجات كيف معاهم عشر بيضات وهم من دون ديك عايشات وألا ديك الجيران عمل حفلات وسكرهم لين الليل فات وطلع النور بان الديكو كوكو كوكو
ياجعلك بالجنه وجعل روحاتك ماعاد تبطي علينا

[أبو رامز]

حياك الله يالمخاوي....
عودا حميدا...

[المقداد]

صوره تذكاريه لدجاج المقداد أعتبرها هديه !!

.:.



http://www.al5haili.com/up/uploads/51e7235061.jpg (http://www.al5haili.com/up)

[مخاوي منقاش]

المقداد/ اضحكتني اضحك الله سنك وانا نادرا ما اضحك حفاضا على هيبتي اما رعاع الناس
منقاش /يقول المثل العربي القديم (اذا لم تستح فكن كمنقاش الثمالي) وانا اقول طرار ويتشرط
الا تكن برقي الشاعر والحليف سنا يطر باسلوب الوزراء وكبار المسؤلين
الاخ سناء /قصيدتك صارت مثل مصل انفلونزا الخنازير من لهم 6 اشهر وهم يواعدونا فيه وانت من الصيف توعدنا بالقصيدة اما الخلاص فبارك الله بثلاجاتكم وكراتينكم وافزع لربعك اما حنا فاهل التمر0
حاكم الشوق/اخي رعاك الله في هالزمان عيالك ماتقدر عليهم ماهم دجاج حتى السراويل مايلبسونها بس يقولون خبراء البيض كابو السيوف الخشبية يبخصون بيض الحلال من غيره اما منقاش لو تجيب له بيض يهود ماعافه والله المستعان0
ابو رامز /شكلك عاقل ماتصلح معنا

[مخاوي منقاش]

صقر قريش/شكرا لمرورك الغير مرغوب فيه لاني شاك بنواياك
ابو خالد/لا تعجب النجاح له اعداء كثر وانا مثل شجرة البرشومي مهما سبيتها فطعم ثمرتها حلو(لا ادري هل وفقت بالوصف )

[ABO TURKI]

اما جواب سوال ابو تركي فانني اري رواد الاستراحة من الجنس الناعم قد زاد فاخشي ان البخ في الرد تلبيخا فيلبخ بي ابو عبد الرحمن وهو شديد الصرعة في هذه الامور ولذا نراه يضع لذات الخدور مجلسا خاصا الا من تمردت على قانون ابا عبد الرحمن وردي هو ما تتوقعة انت وشرواك ممن يحب الشماتة بارك الله فيك

إجابتك وصلت وكفيت ووفيت وفيسك أبيض وان شاء الله منقاش يتعافى

[abonayf]

حي الله المخاوي

مرحبا الف فقدناك كثيرا فقد كنت ابحث عن مشاركاتك وممازحاتك انت والاخوه هنا وقد عدت والعود احمد

حياك الله ودعك من ابو تركي وابو خالد تراهم بيورطونك وقد سمعت ان منقاش كان حزينا لعدم وجودك ولست اعلم اهو اشتياق لك ام فقد لعطاياك

[ABO TURKI]

حي الله المخاوي


مرحبا الف فقدناك كثيرا فقد كنت ابحث عن مشاركاتك وممازحاتك انت والاخوه هنا وقد عدت والعود احمد


حياك الله ودعك من ابو تركي وابو خالد تراهم بيورطونك وقد سمعت ان منقاش كان حزينا لعدم وجودك ولست اعلم اهو اشتياق لك ام فقد لعطاياك


هلا والله بالمدير الجديد
يا مخاوي أجزل العطاء للمدير الجديد لعلنا نحتاجه في يوم من الأيام

[ABO TURKI]

صوره تذكاريه لدجاج المقداد أعتبرها هديه !!

.:.




http://www.al5haili.com/up/uploads/51e7235061.jpg (http://www.al5haili.com/up)


ونعم يالمقداد هذي العطايا مو دجاج المخاوي كله فراريج بعدين الدجاجة اللي في اليسار تقول نعامة عليها رقبة تتمزمز بعد الضغط

[مخاوي منقاش]

ابو نايف/اذا كنت تتطلع الى الامارة فهذه شروطنا
1-اتباع السنة (سنة ابي عبد الرحمن) بكتابة اسمك بالعربي وترك اللغات الدخيلة على المجتمعات القروية كمجتمع ثمالة
2- قبول الرشاوي فالمناصب لاتدوم
3- الحزم مع من يحسدونك على المنصب كمنقاش وحليفه ابو سيفين فهما متقاعدين وارسلا لي على الخاص كلام لم ولن اطلعك عليه كله قدح فيك وذم وان ابو ابو عبد الرحمن تعمد ترشيحك لكي تذكره الناس بالخير ولكن لا تحزن فقد رديت عليهم رد قاسي جدا وقلت لا تحكمون على الرجال لين نشوف وشو من لحية ولكل لحية مقص
4- العمل على اعادة من تمرد على الاستراحة كابن سلمان وابو عادل والشيهان وان تسوقهم بالعصاء سوقا يليق يقائد رحيم مثلك
5- اختيار شخص مثلي له القدرة على الجام كل ناعق حجرا
6- الابتعاد عن التشدد والسماح باقامة الحفلات بالمناسبات العامة كذكرى يوم انضمامي للمنتدى وعيد ميلادي وذكرى حصولي على رخصة القيادة وعيد الحب وغيرها من الاعياد
7- تبني المطالبة بعدم الضغط على الطلاب والزامهم ب138 يوما من الدراسة في السنة وعدم النظر الى اليابانين السفها الذين نزعت الرحمة من قلوبهم والزمو تلاميذهم ب266 يوما كل صبح سايقين اولادهم المساكين الى المدرسة

الظاهر اني سرحت: المعذرة ايها الرفاق

[سنا الهجرة]

المقداد/ اضحكتني اضحك الله سنك وانا نادرا ما اضحك حفاضا على هيبتي اما رعاع الناس
منقاش /يقول المثل العربي القديم (اذا لم تستح فكن كمنقاش الثمالي) وانا اقول طرار ويتشرط
الا تكن برقي الشاعر والحليف سنا يطر باسلوب الوزراء وكبار المسؤلين
الاخ سناء /قصيدتك صارت مثل مصل انفلونزا الخنازير من لهم 6 اشهر وهم يواعدونا فيه وانت من الصيف توعدنا بالقصيدة اما الخلاص فبارك الله بثلاجاتكم وكراتينكم وافزع لربعك اما حنا فاهل التمر0
حاكم الشوق/اخي رعاك الله في هالزمان عيالك ماتقدر عليهم ماهم دجاج حتى السراويل مايلبسونها بس يقولون خبراء البيض كابو السيوف الخشبية يبخصون بيض الحلال من غيره اما منقاش لو تجيب له بيض يهود ماعافه والله المستعان0
ابو رامز /شكلك عاقل ماتصلح معنا

بيض الله وجهك يا المخاوي
هذا الكلام كنت متوقعه .. وحاسب حسابه .. وقدمت الاحد قبل السبت ,,

لكني كنت متوقعه من أعدائك لا منك .. وهذا كما يقولون ( أتي من مأمن )
وبما أنك إبتدأتني بالعداء .. وأنا اللي أحاول أخفف عنك ضغط الشيخ المبجل منقاش الذي ليس لك به قدره .. فإنني لن أبرح عن موقفي .. وسأريك مني ما يسرك وسأحول مسار المديح لربعك وديارك .. لعل أحدهم يطلع على ما اقول ويرى كيف أننا نكم ضيوفنا ونحفظ قدرك

وأنا على يقين أنهم سوف ينصفوني منك وان ويدفعونك الى الاعتذار دفعا .. وساعتها تمورك وزيوتك كلها لن تفي بالغرض

[منقاش]

بيض الله وجهك يا حليفي يا شاعرنا الكبير يا سنا الهجره , بيض الله وجهك يوم صرفت النظر عن مديح المخاوي حتى لو كان مدح بمعنى الذم لأنه غبي ما يفهم أن المعنى في بطن الشاعر .
وبيض الله وجهك مرتين لو تترك مدح دياره اللي كلها صحاري غبارها يطرد , ومدح ربعه المتخلفين اللي ما يغسلون روسهم ألا ببول البعارين .
وبيض الله وجهك ثلاث مرات لو تحول مسار المديح لهجاء في المخاوي وربعه ودياره وكل من يتحالف معه وكل من يخاويه حتى لو كان الشيخ منقاش بجلالة قدره ..
يا سنا يا غالي , أمدح ابو جهل وابو لهب , وامدح السفله بوش , وامدح حسين اللي أنجب لنا هذا الولد الطيب أوباما , وامدح حتى الخمر بقدر ما ذمها مالك في المدينه ,,,ولا تمدح ابو الجهالات كلها المخاوي قليل الخاتمه , لا تمدح الزفت ولا الأرض اللي سفلتوها به , واستثمر يبن عمي نظم القوافي في مدح كل وافي من أمثال بدر الدجى وعرعرة المنتدى , وعساك سالم أنت وكل من يسمع .....

[مخاوي منقاش]

ياسنا مايشتك كود الرديين امثال منقاش وراع الخيانه
وليا عصرنا الزيت حقك جوالين ولا ترى الطييب وسيع بطانه

انني اراك كما ارى الشمس في خامسة النهار ظاهرك النفاق لمنقاش وباطنك معناوانا اختبر امثالك وقد وجدتك سريع الغضب ولكن لا حول ولا قوة الا بالله انا اسف وتراني في حقيقتي انسان بسيط تقودني الامة بيدي فاقضي لها حاجتها وترجعني الى مكاني واكرر اسفي ومنقاش لا يحرك شعرة من شنبي المبجل واسلوبه اسلوب قطاع الطرق امثال الشنفري وتابط شرا ولكن تنقصه الشجاعة فهو ككلب البدو طول الييل ينبح واليا جاء الصبح لمار نصف الغنم اكلهن الذيب فلا تتحيزم فيه فهو حزام من خوص سرعان ما ينقطع ولولا بقية احترام له لقلت فيه كلام اصعب مما قيل للشيخ اللي حذر من الاختلاط في الجامعة الجديدة
فيا اخي سنا (ولولا انك شاعر ماقلت لك ذالك واتقو لسان الشاعر ولو يشق تمرة) اعتذر عن كل مابدر مني تجاهك وهو من حسن نية ولا تدع للمنافقين فرصة للشماتة

[ABO TURKI]

سنا الهجرة والله لا منقاش ولامخاويه يستاهلون مدح كل الاثنين ما عندك أحد
لكن شوف وانا ولد عمك ان وكان ولا بد فعليك بمدح المبرجل الشيخ منقاش وأما المخاوي
واش تمدح فيه أكثر هدية جات منه دجاج وبيض والبيض ارتده وأكله

[مخاوي منقاش]

ابو تركي/ كن مغلاقا للشر مفتاحا لخزائن سنا الشعرية لعل الحواشي ترشقك بمديح انت اهل له وتراني شاعر ولك مني كم بيت اذا اتضحت ميولك وحذاري ان نتحد انا ومنقاش عليك ومن احذر فقد انذر ولك عبرة بابو سيفين وابن سلمان والذي جادلته سنتين لم اطلع معه بنتيجة الا انني اعتبرة من اهل الجدال علما انه الوحيد الذي ارشقة بالتهاني عند كل مناسبة واقذفه احيانا ببعض مايفيض به جوالي من النكت اما منقاش فقد القمته حجر الزاويه الذي تابعها في رمضان ويبدو كما اسر لابي عبد الرحمن قبل اعتزاله انه نادم على مابدر منه تجاهي وان ضميره لم يجعله يعيد زي البشر لولا تدخل بعض المغرضين كالعنكبوت وابو سيفين وغسلو دماغه والبوه وقالو له اذا اردت ان تنهيه فدعنا نعزمه بالطايف ونلغمك وتنسفه في وادي عورش نسفا وليتهم يفعلون

[ABO TURKI]

ابو تركي/ كن مغلاقا للشر مفتاحا لخزائن سنا الشعرية لعل الحواشي ترشقك بمديح انت اهل له وتراني شاعر ولك مني كم بيت اذا اتضحت ميولك وحذاري ان نتحد انا ومنقاش عليك ومن احذر فقد انذر ولك عبرة بابو سيفين وابن سلمان والذي جادلته سنتين لم اطلع معه بنتيجة الا انني اعتبرة من اهل الجدال علما انه الوحيد الذي ارشقة بالتهاني عند كل مناسبة واقذفه احيانا ببعض مايفيض به جوالي من النكت اما منقاش فقد القمته حجر الزاويه الذي تابعها في رمضان ويبدو كما اسر لابي عبد الرحمن قبل اعتزاله انه نادم على مابدر منه تجاهي وان ضميره لم يجعله يعيد زي البشر لولا تدخل بعض المغرضين كالعنكبوت وابو سيفين وغسلو دماغه والبوه وقالو له اذا اردت ان تنهيه فدعنا نعزمه بالطايف ونلغمك في وادي عورش نسفا وليتهم يفعلون

انت ومنقاش المنحاش مشاكل بينكم كيف تتحدون وحتى لو اتحدتوا لن تهزوا شعرة من رأسي << يا قوي
اسأل منقاش المنحاش عن حرب المكنسة وكيف رفع راية الاستسلام مبكرا بعد أن عادت على رأسه

[سنا الهجرة]

ههههههههههههههههههههههههههه

والله من كثر ما ضحكت من علومك يا طويل العمر يا شيخ الشيوخ وفارس الفرسان يا من لا يشق له غبره
ولا تلحق به كفره
اقول اني من الضحك ما قدرت أكتب الا هالخرابيش اللي انت تقراها الحين لكن القصيده قد تمت كتابها ..
وتعرف الحديث . المشهور ( إنما الاعمال بالنيات ، وإنما لكل امرئ ما نوى )
وترى هذا الحيث قيل عنه انه ثلث العلم ..

فــ خل بالك وانا ابن عمك .. اني عزمت على طرحها قريباً ليس تزلفا ولا تقربا .. لزيوت المخاوي .. المحروقه

لكن هذا الرجل والحق يقال أرى انه يصارع فرسان ما تردهم الاعاصير .. أمثالك طال عمرك .. وامثال الشيهان الله يرده علينا سالما غانما
وأبو عبدالرحمن المدير سابقا .. وغيرهم كثير
ومع ذلك لا زال يقاوم

فــ لزم على شاعر مثلي ان يقول الحق ..

ولا تلومني وانا خيك

[سنا الهجرة]

ياسنا مايشتك كود الرديين امثال منقاش وراع الخيانه
وليا عصرنا الزيت حقك جوالين ولا ترى الطييب وسيع بطانه

انني اراك كما ارى الشمس في خامسة النهار ظاهرك النفاق لمنقاش وباطنك معناوانا اختبر امثالك وقد وجدتك سريع الغضب ولكن لا حول ولا قوة الا بالله انا اسف وتراني في حقيقتي انسان بسيط تقودني الامة بيدي فاقضي لها حاجتها وترجعني الى مكاني واكرر اسفي ومنقاش لا يحرك شعرة من شنبي المبجل واسلوبه اسلوب قطاع الطرق امثال الشنفري وتابط شرا ولكن تنقصه الشجاعة فهو ككلب البدو طول الييل ينبح واليا جاء الصبح لمار نصف الغنم اكلهن الذيب فلا تتحيزم فيه فهو حزام من خوص سرعان ما ينقطع ولولا بقية احترام له لقلت فيه كلام اصعب مما قيل للشيخ اللي حذر من الاختلاط في الجامعة الجديدة
فيا اخي سنا (ولولا انك شاعر ماقلت لك ذالك واتقو لسان الشاعر ولو يشق تمرة) اعتذر عن كل مابدر مني تجاهك وهو من حسن نية ولا تدع للمنافقين فرصة للشماتة



ليتك خليتها على الاوله يالمخاوي .. كانت أهون
أنت مثل اللي جا يكحل عينه وعماها

لكن ويش اقول بس .. الله لا يلوم الشيخ منقاش وأبو تركي الصاحب القديم الجديد فيك .

ومع قبح الاعتذار هذا فانا قابل اعتذارك شريطة أن تحذف منه السطر الاول .
والا ترى طلب الشيخ منقاش ليس مني ببعيد .. ولا تلومن الا شيطانك


سنا الهجرة والله لا منقاش ولامخاويه يستاهلون مدح كل الاثنين ما عندك أحد

لكن شوف وانا ولد عمك ان وكان ولا بد فعليك بمدح المبرجل الشيخ منقاش وأما المخاوي

واش تمدح فيه أكثر هدية جات منه دجاج وبيض والبيض ارتده وأكله



أبو تركي يا صديقي البعيد القريب.. أنا فداك وفدا صداقتك .. يقولون لابد مما ليس منه بد
وطالما ان المخاوي لابد هنا فيذا فـ بدِّنا نبادئه الكرم قبل أن يبادينا العداء وذ اننا في ملابد ..
وجزر ومد قووووووووووووووول تم

[حاكم الشوق]

احتدم اللقاء الجياد بالمنعطف الاخير ولازالت رابحة بالمقدمه

والله لامنقاش ولا المخاوي علومهم تسر الخاطر كلها هذره بالفاضي لاكن ادعي الله يدلهم على طريق الحق وخاصة راعي الدجاج ابو بيض بيض الله وجوهكم على ماهي عليه

لاكن يابن عمي ياسنا الهجره حاول تقول القصيده لاكن غير الصيغه من المدح الى الرثاء والا الهجاء لاكن مدح ماشوف احد يستاهل المدح من المذكورين أانفا

ودمتم سالمين

[سنا الهجرة]

احتدم اللقاء الجياد بالمنعطف الاخير ولازالت رابحة بالمقدمه

والله لامنقاش ولا المخاوي علومهم تسر الخاطر كلها هذره بالفاضي لاكن ادعي الله يدلهم على طريق الحق وخاصة راعي الدجاج ابو بيض بيض الله وجوهكم على ماهي عليه

لاكن يابن عمي ياسنا الهجره حاول تقول القصيده لاكن غير الصيغه من المدح الى الرثاء والا الهجاء لاكن مدح ماشوف احد يستاهل المدح من المذكورين أانفا

ودمتم سالمين


الله الله الله

وش هذا الكلام يا حاكم الشوق
أنصحك نصيحه ان تبي السلامه خلك بصف الشيخ الشريف والقائد الفذ والمسئول الاوحد عن الحزب المبجل .. الشيخ منقاش .. وقول يالله السلامه .. تراك بعلومك هذي تفتح عليك نيران كثيفه لا قبل لمضاداتك الارضيه والجويه بها ..


ومع هذي النصيحه الثمينه المجانيه .. ما اقدر اقول لك الا .. سبق السيف العذل
ونزلت القصيده خلاص .. لكن في القصيده الثانيه ان شاء الله أوعدك اني آخذ رايك بعين الاعتبار


تفضل يا طويل العمر يا المخاوي هذا ما وعدتك به .. والوجه من الوجه أبيض .. بس أبي منك طلب بسيط وانا حليفك اذا سمحت لي

البريد المزيت لاعاد اسمع انه راح للطائف .. ان كان ولابد خليه في الرياض تراني قريب منك انا وبن سلمان .

وخذ بقول الشاعر اللي يقول
عز الله اني كنت مرتاح *** لكن انا عنيت روحي

والا قول الشاعر سنا الهجره اللي استقال من منصبه بناءً على طلبه غصبا عنه
اللي يقول

يا مدور للمراجل راس مالك لا يروح ** قالها واحد مجرب واتخذناها مثل
إكتسبناها مثايل وافتقدناها وضوح ** أو جهلناها معاني واكتسبناها جٌمَل


وش لك وللمشاوير اللي ما كسبت من وراها الا العنا والتعب .. ويا ليتك تلقى كلمة شكراً على الاقل

شوف من يشكرك ويثني عليك من دون تزييت ولا تتمير ولا تناظر في نصف الكاس الفاضي هااااااه

[سنا الهجرة]

ياسنا مايشتك كود الرديين امثال منقاش وراع الخيانه
وليا عصرنا الزيت حقك جوالين ولا ترى الطييب وسيع بطانه


عز الله انك يالمخاوي على الدين ... صدرك وسيع وزت سقت الميانه
إعصر زيوتك يا يارجل لقريبن ... للفارس اللي جاك مطلق حصانه

[مخاوي منقاش]

سنأ /يافارس الشعار رايك تره زين ؛؛؛؛؛؛ ماهو بمثل اللي كثير اروغانه


والقلب مايصلح بليا شرايين ؛؛؛؛؛ وانت كما التاجي سريع جريانه

[أبوخالد]

والله وصرت شاعر يالخوي
وبعدين لا تتعرض للمدير الجديد خل اللغات الدخيله وغيرها وامسك ارضك
لا والله نرسلك اقزوز
وهو اللي يعرف دواك
اسأل منقاش عنه

[سنا الهجرة]

ياللي سرق من قصر برزان بيتين=لابن رشيد الشمري من لسانه
كلٍ عرف من قال ( ياحسين ياحسين=يوم ان حرَّق في الضمير اهكعانه

[سنا الهجرة]

نسيت احط لك الرابط يالمخاوي .. وعز الله ان ليك ليل .. ان عزمت تكمل المحاوره ههههه


http://www.thomala.com/vb/showthread.php?p=334567#post334567

[مخاوي منقاش]

حليفي سنأ /انت شاعر وانا ملقوف /// وشتان بين الثرا والثريا
نعم بيننا حقل مليء بالاشواق تعبره بخفي حنين واعبره حافي القدمين انت تتمخطر خيلاء تحفك كوكبة من الشعراء يأتمرون بامرك كابن سلمان والرجة قزوز وابو عادل وابن داخل 000 الخ ولكن تعلمنا عندما كنا نحارب كمرتزقة مع الفيتنامين اسلوب غمض عيونك واضرب واهرب فخذ هذه المداعبة الخفيفة =-

الي يكيل بصاع نعطيه صاعين ___________ والي يزيد الهرج نقطع لسانه

اسمع سنأ ترني اطقلك بصبعين_________ واترك تصدح يالا دانه لدانه

[سنا الهجرة]

الحين من قصيده واحد خليتني حليفك
شوف الشيخ منقاش طول بقاه على الطاعه .. كم كتبت فيه قصيده ولكنه لم يتمكن الى الان من محالفتي لسبب واحد بس .. الا وهو اني لو دخلت في حلف واحد منكم لقلبت الطاوه على الاخر .. وهذي رجاحة عقل مني على شان تبقى الكفتين متقاربه لحد ما .. ولو ان الميل عليك لكنك لازلت فيك بقايا رمق


ماني حليفك يا مخاوي الشياطين ** ولا لمثلك عند مثلي مكانه

خلك على حد الحما يالمسيكين ** مادام شعر الشمري من بنانه

[مخاوي منقاش]

انا اعرفك بالماي تغرق بشبرين :::::: ولاجاء حزم كلاب مامن تكانه
الحلف مع مثلك يجي فيه قولين ؛؛؛؛؛؛يشمت بي الشيهان وهو لك قرابة


اعذرني على التاخير لاني كنت بالشبة وانشد عني ابن سلمان

[@ بن سلمان @]

انا اعرفك بالماي تغرق بشبرين :::::: ولاجاء حزم كلاب مامن تكانه
الحلف مع مثلك يجي فيه قولين ؛؛؛؛؛؛يشمت بي الشيهان وهو لك قرابة


اعذرني على التاخير لاني كنت بالشبة وانشد عني ابن سلمان
شبة صيف !!
خذ وخل يا بو عبدالله

[مخاوي منقاش]

هالحين يوم انك يابن سلمان تزعجني تالي الليل برسايل القصيد وانا متلطم على شحم وتاليتها يوم اسند عليك تتمطعزبي قدام ولد عمك ترى الدعوى ماهي فزعات

[@ بن سلمان @]

ما هي مطعزة بك يا مخاوي
قاعد أختبر نفسي لو أبي أشب فتن أعرف وإلا ما أعرف
لقيت نفسي أحتاج لدورة تأهيل من جديد

[سنا الهجرة]

انا اعرفك بالماي تغرق بشبرين :::::: ولاجاء حزم كلاب مامن تكانه
الحلف مع مثلك يجي فيه قولين ؛؛؛؛؛؛يشمت بي الشيهان وهو لك قرابة


اعذرني على التاخير لاني كنت بالشبة وانشد عني ابن سلمان

هههههههههههه

هذا ابن سلمان خذلك ., قدام اتكلم

مع اني ما ادري وش هي الشبة

لكنك معذور .. أكيد تأخروا عنك أصحاب الفزعات .. بس انهم في النهايه عطوك دفه ما قصروا

المهم الرد في تقراه لا ما تشوفه أيها الشاعر المتشيعر .. وتدري عاد
لو اني في مكانك بعد البيتين اللي في الخلفيه السوداء ما عاد اتكلم لمدة سنه حوليه
لكن وش اقول .. ما صبر على منقاش واحد هين والا منقاش من يصبر عليه

[سنا الهجرة]

المخاوي

ياسنا مايشتك كود الرديين *** امثال منقاش وراع الخيانه
وليا عصرنا الزيت حقك جوالين *** ولا ترى الطييب وسيع بطانه


سنالهجرة

عز الله انك يالمخاوي على الدين *** صدرك وسيع وزت سقت الميانه
إعصر زيوتك يا يارجل للقريبن *** للفارس اللي جاك مطلق حصانه


المخاوي
سنأ /يافارس الشعار رايك تره زين *** ماهو بمثل اللي كثير اروغانه
والقلب مايصلح بليا شرايين *** وانت كما التاجي سريع جريانه


سنالهجرة

ياللي سرق من قصر برزان بيتين=لابن رشيد الشمري من لسانه
كلٍ عرف من قال ( ياحسين ياحسين=يوم ان حرَّق في الضمير اهكعانه


المخاوي

الي يكيل بصاع نعطيه صاعين *** والي يزيد الهرج نقطع لسانه
اسمع سنأ ترني اطقلك بصبعين *** واترك تصدح يالا دانه لدانه


سنالهجرة

ماني حليفك يا مخاوي الشياطين **8 ولا لمثلك عند مثلي مكانه
خلك على حد الحما يالمسيكين ** مادام شعر الشمري من بنانه


المخاوي

انا اعرفك بالماي تغرق بشبرين *** ولاجاء حزم كلاب مامن تكانه
الحلف مع مثلك يجي فيه قولين *** يشمت بي الشيهان وهو لك قرابة




هذا التنسيق .. ما جا الا كذالو ماني مشغول الليله ما كان ريحتك لكن يجيك العلم وأمر الله من سعه

[سنا الهجرة]

أنا سبحت بحور يابو الجوالين *** وش لك وحزم كلاب خله مكانه
تخشى من الشيهان ، لا ياحمر العين *** وانا احسب انك مثل عنتر زمانه

[حاكم الشوق]

ماشاء الله يابو عبدالله

هفك الشوق على المحاوره طيب طيب

لاكن لاوصيك على المخاوي اجلده جلد

[مخاوي منقاش]

سنا حليفي القوي/
يبدو انك مستعجل والدليل عجز البيت الاول ماهو موزون(واترك حزم كلاب خله مكانه)
وصدر البيت الثاني لوحذفت الاف والام في حمر عين لاستقام الوزن
والشبه هي الاجتماع او الدورية او الاستراحة وكان العرب من يشب النار ويدق النجر يجتمعون حوله الجيران يسولفون وهم متحلقين حول النار وانا هالحين ابي اروح الشبه واشوف منقاش منثبر مادري وش علامة

[مجنونها]

أجل يا لمخاوي ترى عندي حملة ددسن حطب كمبودي ما تسفطه لغيرك

[منقاش]

هذي قصيده أذم فيها سويد الوجه مخاوي منقاش
وكما تعرفون , أبو نقشه رجال ما يحب المدح اللي معناه ذم , مثل معلقة الشاعر الكبير حليفي سنا الهجره اللي سب فيها المخاوي بأسلوب المدح اللي بمعنى الذم.
وبدون أطاله , هاكم هالأبيات اللي جادت بها قريحتي , وسبيت فيها المخاوي المروح , اللي ما كان ودي أزفر لساني فيه , لكن الماخوذ أوجبني أني أكشف المستور .
ملاحظه : القصيده كتبتها باللغه الحايليه حتى يفهم الغبي معانيها ...
يقول بدر الدجى صح لسانه :
قال الذي حده على نظم الأشعار@@@@ كلمة ردي(ن) ما يفتش جيوبه..


اللي سب ابو نقشه سيد الاخيار@@@@سيد الرجال اللي تقوم بوجوبه..


عسى ربي يحده على الشور(1)@@@@اللي يكشف عن عورة الجسم ثوبه..
(1) الشور : كلمه أنكليزيه تعني البيتش بالانكليزيه .

اوزاني الخايب بسبه للاخيار@@@@الخايب اللي بكثرة زيوته يدهن جنوبه..


او زيتني يا الهيس يا الفار يالكور@@@@ورديت قافن وانت ما انت محسوبه..


بسبك لعصمان الشوارب هل النار@@@@رجال تهدي من يضيع صوابه..


لهم شرف والطيب من ماضي الأدوار@@@@أهل البيوت اللي ما تسكر بيوبه..


منقاش هو ساس الرجوله والأفخار@@@@غصب(ن) على الخايب ردي المثوبه


عرضت نفسك يالمخاوي للاخطار@@@@ ومن شاف عيب الناس شافوا عيوبه..


أعدك لكرك على حامي النار@@@@واصيرلك باخر زمانك عقوبه.



هذي نصيحة ورسله يمك انذار@@@@وان عدت ياالخايب تبي تدعسك رجل الركوبه(2)..

(2) الركوبه : حمار أبو نقشه ...
ولاا فك رجلك لو تقدم لي اعذار@@@@ولا ارضى لو تتوب تسعين توبه..


كان انت ملزوم بتحديث الأشرار@@@@عطنا اسمك الكامل ووضح كتوبه..


وتم الكلام اللي مثل قطف الأزهار@@@@والقاف ما يملاه عندي صعوبه

[مخاوي منقاش]

ابو نقشة لن ارد على هذه القصيدة المفككة والتى من ردائتها تساوي رداءة من كتبها لك فتبا لك


سنا/

ماتعرف الشيهان تره اقشر شين ؛؛؛؛؛؛؛؛؛ لا من زعل ماحدن بينطح لسانه

حلفه صخر ماهو بمثلك بوجهين ؛؛؛؛؛؛؛؛؛ لامن نخيته جاك عسر وليانه

[المقداد]

تلك عادات الشيوخ شعرهم جزل وعوايدهم مليحه , وبظني أن المخاوي قد يخرب بعد هذه المعلقه , والتي لها جو ارستقراطي وطابع مميز ..
أبشر ياشيخ منقاش فلأن اجتمع عليك اكثر من شاعر فهناك شاعر مجيد وحليف ثقيل جداً سينظم قصيدة بالفصحى وليشهد تارخ المنتدى اني سأبدأها ببيان فضلك واحسانك وأنتي بذم شانؤك وحاسديك يالمخاوي على وعد مع المعلقة الكبرى وليتسع صدرك لها .

المقداد

[سنا الهجرة]

سنا حليفي القوي/
يبدو انك مستعجل والدليل عجز البيت الاول ماهو موزون(واترك حزم كلاب خله مكانه)


إن كنت تقصد ( حَزْمْ كِلابْ ) فالبيت ميتقيم .. وان كان لها لهجة ثانيه .. مدري عنكم انتم ولهجاتكم الملتويه .. ولو اني سامع الشطر منك .. كان سمعت جوابي زين


وصدر البيت الثاني لوحذفت الاف والام في حمر عين لاستقام الوزن

تخشى من الشيهان ، لا ياحمر العين

أما هذا البيت ماعندك فيه كلام مره الا ان كان انه افحمك وحبيت تلفت انظار المتابعين عنه وهذي عوايدك والالف اللي بالاحمر تكتب ولا تنطق

ولاحظ معي .. ان الــ ( لا ) نافيه وما بعدها هو يا أحمر العين .. بس انا كتبتها كذا لاني اعرف قرائتك على قد حالك وحبيت اسهلها لك

والشبه هي الاجتماع او الدورية او الاستراحة وكان العرب من يشب النار ويدق النجر يجتمعون حوله الجيران يسولفون وهم متحلقين حول النار وانا هالحين ابي اروح الشبه واشوف منقاش منثبر مادري وش علامة

والشبه .. كنت كاتبها بالتاء المربوطه .. وش فيك رديتها بالهاء الله لا يبلانا

وبعدين الا ترى ان التوفيق جانبك .. عندما لم تضيف لها كلمة ( النار ) على شان نفهم عليك

ابو نقشة لن ارد على هذه القصيدة المفككة والتى من ردائتها تساوي رداءة من كتبها لك فتبا لك


يبدو ان قصيدة الشيخ منقاش .. أثرت فيك تأثير غير طبيعي ولذلك .. فضلت أن تتجه للنقد لعله أسهل لك من الننظم والبدع والمتاهات اللي مالك فيها هههههههههههه


سنا/

ماتعرف الشيهان تره اقشر شين ؛؛؛؛؛؛؛؛؛ لا من زعل ماحدن بينطح لسانه

حلفه صخر ماهو بمثلك بوجهين ؛؛؛؛؛؛؛؛؛ لامن نخيته جاك عسر وليانه

وبعدين انت مثل الجمل اللي ما يشوف عوجة رقبته

والا وش تقول في هذا الشطر اللي أراك قد عجزت في قافيته

يشمت بي الشيهان وهو لك قرابة ( قرابه كما تشاهد شاذه عن قافية العجز في كل المحاوره لان القافيه تنتهي بالنون والهاء

[سنا الهجرة]

استلم طال عمرك يامخاويل

أنعم به الشيهان شيخ الشياهين *** يكفيك بن داخل ترى من خَوَانُه

طالع على اخواله رجالٍ سلاطين *** لولا انضمامه لك وذيك البطانه

[مخاوي منقاش]

نعم صدقت فيما به نطقت ووالله لم انتقدك لالفت الانتباه عن العجز والصدر ولكني اريدك تغلبني فانني اعرف الشاعر الحقيقي بزعل اذا حس انه اقل مقدرة من خصمة وانا ما يهمني لانني والله لست شاعرا ولا لك بند وانني افصخ عقالي واقترب منك لا لكي ادبغك به كما افعل بابي سيفين وسيده منقاش ولكن لارميه في شليلك معتذرا لما سببته لك من بهتان 0
اما القافيه التي قلبت فيها النون بالباء فقد اخطأت فيها وسوف اصلحها باذن المولى 0
واما بيانك حول ملاحظاتي على بيتي شعرك فاقول الان اتضحت الرؤيا وياليت تبين الهمزة ثاني مرة
اما قلب التاء الى ها فهي لغتنا وغالبا نقلبها ي فسيارات ننطقها سياراي جايز لك والا كل برشومي بدون تقشير ولا حماط
المقداد/ صبحت بالخير ولو حسبنا حساب العصافير مازرعنا زيتونا ولا نخلا بارك الله فيك

[حاكم الشوق]

منقاش قل للمخاوي يركب العير===ماله ومال الطويلات يقـربها

سنا شاعر قبيله ويسابق الطير ===وانت بنحر المخاوي لايخربها

[مخاوي منقاش]

الحلف مع مثلك يجي فيه قولين ؛؛؛؛؛؛ يشمت بي الشيهان ويكسر سنانه
ارجو تعديلها بعد اجازتها من سماحتكم
اما حزم كلاب فتنطق بتشديد الام ومعناها وقت اللزوم وطلب الفزعات والاوقات التي تبان فيها البطولات
حاكم الشوق/ يا انت متواسي لي بس انت ومنقاش ابي التفت لكم لاخلصت الذبيحه اللي بيدي وياليتك اقتديت بابو سيفين جالس له بربعه ويتفرج وهو يتنافض من الخوف

[مسامح]

صبحك الله بالخير يا المخاوي والله انك عودت علينا في المنتدى مثل السراج اللي ينور لكن نورك ما يتعدى متر فقط . وصاحبك منقاش علومه ما تبيض الوجه لقيته اليوم في سوق الدجاج متلطم ومعه خمس دجاجات ببيضهن وحاطهم في كرتون ويحرج عليهن وكنه مغير لهجته مسوي هندي ويكسر في الكلام ، وسويت نفسي ما اعرفه وقلت بكم الدجاج يا دجاج قال الحبه بخمسين والبيض الحبه بخمسة ريال ، قلت سبحان الله وش لون ارتفع سعر الدجاج قال لا الدجاج هذا مستورد من وين يا منقاش قال هذا دجاج ( هايل ) يعني من حائل يا سبحان الله حائل يجي منه دجاج قال ايوه ذلحين هايل كله دجاج انت ما فيه معلوم قلت اخس يا الخبل حايل ما يجي منه الا عنب وتمر وعلوم رجال واني اطسه بذاك الكف على بصره واشيل اللطمه والياه منقاش اخس يا الخبل تزل على الرجاجيل وتقول ها الكلام . وتركته عند بيعته لا رحمه الله .

[@ بن سلمان @]

تهناك الذبيحة اللي بين أديك
وبعدين أكتب الشعر اللي تبي وكسر للحاجات الشعرية
ما سمعت الشاعر اللي يقول :
بلسانك الشعر لوتكسر يمتعنتـــي = كسر يابخت البيوت اللي تكسرها
ولا يغرك ما فتن به سناء الهجرة حين مدح الشيهان وخواله وهو بعذره

[ابوسيفين]

سنا الله يبيض وجهك الآن إتّضحت الصوره
الشيخ منقاش دوماً أنت عند حُسن الظن والله إنك كلّفت نفسك على شيٍ مايستاهل منك كل هذا التفكير
المخاوي اللهم لاشماته ليتك مخلّيها على مبنى الشّايب

[منقاش]

العمده المقداد بن الأسود : صح لسانك وكثر الله من أمثالك , ولو أني أشوف المخاوي صعلوك ما كان يستحق أنك تعني نفسك وتكلف بهجاه .
لكن طالما أن القصيده محلاه بمدايح الشيخ منقاش فلا مانع من باب أن الشي بالشي يذكر , وسلامتك أنت وكل من مدحني , وسلامة كل حلفايه في البر والبندر وحتى الجو والبحر , وفي مقدمتهم الشيخ سبع السباع ابو سيفين ...

[مخاوي منقاش]

الاخ ابن سلمان/الذبايح ماسكة سراء وانا مااذبح بسكين اذبحهم بظفوري على شان يعرفون ان المخاوي حق /وانا لا اكسر الا الضلوع اما الشعر فلا وما زاغ منها نعدله
ابوسيفين/ليه ماتورينا شطارتك وتتحرر من ربق عبودية منقاش تراه مثل الاستعمار الياباني يمص دمك حتى لغته مايخليك تتقنها
مسامح/اسال الله ان يجلي ما غشى عينيك لكي ترى نورى من مسافة قصر ومنقاش ماتلطم الا انه سارق الدجاج وقد حكى لي قصة يوم العلاقات معه جيدة كيف يسرق دجاج جيرانه بالليل ويوم قلت له اذا قمزت بالحوش ما يقاقي الدجاج قال لا قلت كيف قال (الله يكرمكم) ابول عليها وتحسبه مطر واجي امسكها (هذا شيخهم)
حاكم الشوق/سنأ شاعر قبيلتكم يعني لا يعنيني بشي ولو ماهو شاعر كان ماكثرو المنافقين من حوله

[سنا الهجرة]

المخاوي .. أنت الحين مثل اللي يقول .. الان حصحص الحق
وانا اقول وش اللي مصبر الشيخ منقاش عليك .. أثاريك اذا غلبت على طول ترمي عقالك .
لكني لا ارى هذا عيباً فيك بل هو من محاسنك التي لم اطلع على شيئ منها سوا هذاااااا

أما بيتك بعد التعديل فهو مجاز ولو انك اخليت بالمعنى لكن المهم الوزن والقافيه .
أما البرشومي .. احنا اهله ونعرف كيف ناكله .. المشكله اللي ما يعرف له الله يكون بعونه.
واما الهمزه مدري وش تقصد فيها .. انا دورت في البتين كلها لم اجد همزه لأشرحها لك.
واشكرك على توضيح المعنى في قولك ( حزم كلاب ) .

حاكم الشوق ..
انا طال عمرك ابترك المحاوره بينك وبين المخاوي .. وانا ادري انك كفو بس تراني طالبك لا تشد عليه تراه حرك الاستراحه ولا نبيه يحط اسفل ثوبه تحت آخر ضروسه ولا عاد نشوفه


ابن سلمان
لا يغرك ان الشيهان ما له اثر في المنتدى .. تراه قريب ويشوف ويسمع .. خلي بالك !!!


ابو سيفين .. وجهك ابيض طال عمرك .. ولكني ودي الفت نظرك لعدم الافراط في مدح الشيخ منقاش تراه ما يحب المديح .. وهو مثل اللي يحب يعمل في الخفاء .. والا ما كان تلطم في سوق الطيور .

[مجنونها]

نسأل الله الحماية يوم لا يسأل على مكروه سواه
ترى يا المخاوي إن أعيتك الحيل وتاهت منك السبل مالك إلا مجنونها وترى العنابر عندنا خالية بعد الصيف وبعد كل رجع لديرته وابيك تحطني عليهم عريف لا عدمتك

[مخاوي منقاش]

مجنونها/حنا بلشانين بالصاحين فذ المجانين وابشر ومن اجل التنوع نحطك عريف على الطائف كله وفعلا اذا قالو الحكومة ابخص فقد رات نسبة العقلاء في الطائف عالية فجعلت شهار مقرا للعقلاء0
سنأ/ ارى ان عاطفتك بدات تطغى على ماتتصنع من ميول لزعيم الخوارج منقاش ومن هاللحظة سوف اطلق على ابو سيفين ومنقاش اسم الخوارج 0
الاخ الشيهان / قليعذرني سيادتكم انني لم اكن اعلم انكم تقرأؤن ما اسطره في مدح جنابك والا كان كتبت كلاما ابز به مداحي الملوك واخرس به علوج المنتدى وانا شايف سنأ يمدحك وهو في مجالسه من الشامتين الذامين لك وقال يوما ونحن في مجلس من المجالس ان شعر الشيهان يكتب له بعشرات الالوف ولولا ان رمقته بنظرة ثاقبة لتمادى
منقاش /لماذا كل ماضيقنا عليك الخناق عدت بنا للحفلة المشؤمه والكل يعرف ان ذاك كان في سنين المراهقة لذا تجد ان فيها تجاوزات ولكن لو اعطانا الله عمرا لم نات بفرق من اوربا بل اصبح لدينا ولله الحمد انتاج محلي يفوق مالدى الغرب والشرق واسال المشاهير ولا عبي الكرة0

[مسامح]

مسامح/اسال الله ان يجلي ما غشى عينيك لكي ترى نورى من مسافة قصر ومنقاش ماتلطم الا انه سارق الدجاج وقد حكى لي قصة يوم العلاقات معه جيدة كيف يسرق دجاج جيرانه بالليل ويوم قلت له اذا قمزت بالحوش ما يقاقي الدجاج قال لا قلت كيف قال (الله يكرمكم) ابول عليها وتحسبه مطر واجي امسكها (هذا شيخهم)

الحمد لله يا المخاوي عاني اشوف الدرب اليوم تمام ونظري اصبح سته على سته ، واشكرك على الدعوه ويبدو لي انك صاحب دعوه مستجابه وإلا كيف تحضى بهذا النصر على ها الجموع اللي كلها تحاربك وانا اشك انك ساده يعني من اللي يقرون الكف على قولهم ,

اما منقاش فهو ما يجيب الا الفشل على نفسه وعلى الاخرين اعرفه يا رجال حرامي سراق دجاج وبيض بعد . عموما شد حيلك ولا تفجعك الرجاجيل . وتصبح على خير

[حاكم الشوق]

الحلف مع مثلك يجي فيه قولين ؛؛؛؛؛؛ يشمت بي الشيهان ويكسر سنانه
ارجو تعديلها بعد اجازتها من سماحتكم
اما حزم كلاب فتنطق بتشديد الام ومعناها وقت اللزوم وطلب الفزعات والاوقات التي تبان فيها البطولات
حاكم الشوق/ يا انت متواسي لي بس انت ومنقاش ابي التفت لكم لاخلصت الذبيحه اللي بيدي وياليتك اقتديت بابو سيفين جالس له بربعه ويتفرج وهو يتنافض من الخوف

على بالك انك تعرف تذبح وتصلخ والله ماضنيت وكل ذبيحه لها ذباح وانا بتعلم فيك على قول المثل الشعبي تعلمو الحلاقه بروس العميان مقلوب بس القصد واضح وانا بحتريك يامخاوي الفلس واتقي شر الحليم اذا غضب

[مخاوي منقاش]

حاكم /انا لا اعرف الا المثل اللي يقول(اتق شر الحليب اذا فسد)
مسامح/ من هذا الي مسمي اسمه حاكم ؟
وانت رجال مواريك حليله ولا تضن انني وحدي في الميدان هناك جنود مجندة من حولي تحف بي حف السوار بمعصم لكني مربطهم كما تربط الشياطين ليلة دخول رمضان لكي لا يفترون بالخلق فهم من شجاعتهم لا يالون الا ولاذمه ولا تهمهم قرابة ( كالشيهان المنقض على اعدائي في الارض وابو تركي السفيه والذي حلف لئن تمكن من منقاش ليشويه وابن سلمان الخبيث المترص بابو سيفين الغثيث وقزوز الهجاد يصيح اروني المقداد)
هذه عينه من الطف حلفائي
ولو زادو لزاد السقاء

[منقاش]

شاعرنا الكبير سنا الهجره : بيض الله وجهك , وودي ألفت نظرك , أذا قلت مره ثانيه نحنا أهل البرشومي , تكفى أتبعها من باب التواضع بعبارة ولا فخر , وترى تقدر تقول كذلك , حنا هل العوجا , والعوجا هي نوع من السكاكين العوج اللي كنا نقطع بها عطايا الله الشفوي , ومن أجل كذه سار عندنا ناس يقولون لهم أهل العويجاء .
وبخصوص لفتتك الكريمه , اللي قلت فيها أن الشيخ منقاش ما يحب المديح , أزيد على كلامك وأقول , صدقت , أبو نقشه يكفيه أفعاله , وهي كفيله أنها تحدث عنه , وكفيله بنشر أمجاده , وكفيله تلقم حساده ألأغبياء من أمثال المخاوي حجر ورى حجر حتى تخرسهم وينطمون ..

[مخاوي منقاش]

اذكر اني دخلت على ابوسيفين في مزرعته في الديرة وكان يضحك فقلت مايضحكك تربت يداك (يحسب هذه الكلمة مدح) قال اليوم فيه حراج على احد حمير منقاش وجاء قزوز ووقف عند الحمار وكان منقاش مسهب في وصف محاسن الحمار فقال قزوز انت ايش يعرفك بالحمير فقال بانفعال حنا اهل الحمير ياجاهل 00 تذكرت السالفة يوم يقول حنا اهل البرشومي
سنأ لنترك الشيهان واعلمك اننا نميز بين ضيوفنا وقد قال لي احد العارفين ببواطن الامور انك تذهب بضيوفك لماكدونالز نظرا لشغفك به وتحسب ان الناس مثلك فقلت ناصحا لك=-


انا اعرفك تاكل من الماك ضعفين ؛؛؛؛؛؛؛؛؛؛؛؛ ما ينفعك لكن يزيدك بدانه
وحنا نقلط للرجاجيل كبشين ؛؛؛؛؛؛؛؛؛؛؛ وامثال منقاش تسده شنانه

والشنانة هي اللبن المخلوط ماء والمثل يقول (ناسن تبقل وناسن تمنى الشنانه ) وهي تقدم للتافهين من القوم وسلامتك

[مسامح]

يا مخاوي هذا حاكم الشوق رجال تراه سنافي وما هو راعي الخباله رجال يضرب على الوتر الحساس , وان كان هناك ابوسيفين فهناك ابو اسمين وابو اسمين دائم يلعب مرة يرفع ومرة يكبس ، لكن انت عصاك جيدة وحارة في ظهور الرجاجيل يكفبك فخر انك تسحب الهالك منقاش ويكفي ان يحلم بك في الليل ويصيح من الخوف والفزع اللي يروونه عنه الرواه ، انت يمخاوي فخر وتاج فوق الرؤوس الشامخة , ويكفيك ان ساعدك الايمن الشيهان اسم على مسمى .

[سنا الهجرة]

ماكدونالدز لناس مخصوصين يا طويل العمر .. ولكل ضيف ما يشتهيه وحنا نخير ضيفنا ولا نحيره خاصةً اذا كان الضيف مثلك وشرواك . . ما يلقى الا ما يسره .


مثلك بدال الماك نعطيه ماكين **** هذا اللي جاي يالمطامر عشانه
أما الكرم يا صاحبي له ميادين **** إفهم ... وخلي كل واحد وشانه

[سنا الهجرة]

شاعرنا الكبير سنا الهجره : بيض الله وجهك , وودي ألفت نظرك , أذا قلت مره ثانيه نحنا أهل البرشومي , تكفى أتبعها من باب التواضع بعبارة ولا فخر , وترى تقدر تقول كذلك , حنا هل العوجا , والعوجا هي نوع من السكاكين العوج اللي كنا نقطع بها عطايا الله الشفوي , ومن أجل كذه سار عندنا ناس يقولون لهم أهل العويجاء .
وبخصوص لفتتك الكريمه , اللي قلت فيها أن الشيخ منقاش ما يحب المديح , أزيد على كلامك وأقول , صدقت , أبو نقشه يكفيه أفعاله , وهي كفيله أنها تحدث عنه , وكفيله بنشر أمجاده , وكفيله تلقم حساده ألأغبياء من أمثال المخاوي حجر ورى حجر حتى تخرسهم وينطمون ..


يا فخامة الشيخ الذهبي منقاش المبجل
المشكله انك نسيت ان الشعراء يحبون الفخر .. ودايما يتفاخرون في أفعالهم واشعارهم على شان كذا انا لم أذكر ( بلا فخر ) في اعقاب حديثي على ما ذكرت

أما تواضعك فهو سجية فيك طال عمرك وافعالك ترفع من مقامك ولو لم يكن من افعال الا ما تفعله بالمخاوي وحزبه لكفاك فــ سر على بركة الله

[حاكم الشوق]

حاكم /انا لا اعرف الا المثل اللي يقول(اتق شر الحليب اذا فسد)
مسامح/ من هذا الي مسمي اسمه حاكم ؟
وانت رجال مواريك حليله ولا تضن انني وحدي في الميدان هناك جنود مجندة من حولي تحف بي حف السوار بمعصم لكني مربطهم كما تربط الشياطين ليلة دخول رمضان لكي لا يفترون بالخلق فهم من شجاعتهم لا يالون الا ولاذمه ولا تهمهم قرابة ( كالشيهان المنقض على اعدائي في الارض وابو تركي السفيه والذي حلف لئن تمكن من منقاش ليشويه وابن سلمان الخبيث المترص بابو سيفين الغثيث وقزوز الهجاد يصيح اروني المقداد)
هذه عينه من الطف حلفائي
ولو زادو لزاد السقاء

من امير الحاكمين الى مخاوي هرقل الداجين جوابي ماتراه مالا تسمعه واني على الصعاليك لضارب بيد من حديد اسمع الكلام اللي يجمد بالثلاجه

اثاريك من قوم النيدو لابارك الله في عرب تربوا عليه لاكن تدارك عمرك ولحق على حليب الخلفات ترا يمدحونه والا انت عايش على حليب السوق والقشطه والزبادي عشان كذه متبلد الاحساس وعلى قول المثل المصري يامن شراله من حلاله عله

اما بالنسبه لشياطينك فخلهم مربطين لا نثور عليك وعليهم كم دااخ تروح البارود يدوخ
راسك والسلام على من اتبع الهدى

[مخاوي منقاش]

ايش هذا كلام ؟

[مسامح]

انت اس فيه ما يعرف كلام ؟ كلام كويس ما فيه ، كل سعودي كده ، قرقر كثير فايده ما فيه . انا مسكين كلي بزوره هقي بلد يجي هنه عشان رزق , والله والله .

[مجنونها]

خدمة شيء يالمخاوي ؟

[مخاوي منقاش]

المشكله لم يقف معي في هذه الملحمة الا النطيحة والمتردية وما رفس الحمار وفي الحرب انت محتاج لدجاجة اقلها تنقر عين ابو سيفين وامثاله ولكن الله المستعان على كل خلك حولي

[@ بن سلمان @]

أبعد عن الدجاج وأبشر بسعدك وفوقه سعد الحريري

[سنا الهجرة]

المشكله لم يقف معي في هذه الملحمة الا النطيحة والمتردية وما رفس الحمار وفي الحرب انت محتاج لدجاجة اقلها تنقر عين ابو سيفين وامثاله ولكن الله المستعان على كل خلك حولي


مابالك أيها المخاوي بدأت تتخبط في ما تقول .. وكأنك تقول علي وعلى أعدائي
ولماذا تهبها في وجه مجنونها . وهو الوحيد اللي يمد لك قشة النجاة

وان كنت تعتبره من النطيحة والمتردية وما اكل السبع .. ليس هذا وقت إفشاء سر عيوب معاونينك ومناصرينك والمتعاطفين معاك .. حتى ولو من باب الرافه والرحمة

الله الله يا أيام الشيهان يوم كان يغطي الكثير من العيوب .. ويصول ويجول في ميدان المعركة مثل شيبوب اللي كان يطرد الغزال حتى يمسك به .. ههههههههه ام اللياقه يا شيخ .. ولا سعد شداد على ايامه

[مجنونها]

المشكله لم يقف معي في هذه الملحمة الا النطيحة والمتردية وما رفس الحمار وفي الحرب انت محتاج لدجاجة اقلها تنقر عين ابو سيفين وامثاله ولكن الله المستعان على كل خلك حولي
ياحبي لك يا زهير بن أبي سلمى وكأنه يدري إن بيجي مثلك مدرعم ولا يدري بمن في صفه ومن هو ضده
ومن يجعل المعروف في غير أهله = يكن حمده ذماً عليه ويندم


ما أقبح قولك وفعلك وقد كنت أظن مجنوناُ لجأ إلى عاقل وتكون أنت كسبت يمنى مجنون باطشة , قد صدق فيك قول المتنبي :
إذا ساء فعل المرء ساءت ظنونه = وصدّق ما يعتاده من توهم

ثم ما بالكم على سعد
أحدكم يقول سعدك , وسعد الحريري
والآخر يقول سعد شداد

[سنا الهجرة]

واااااااا سريتك يالمخاوي

كان خليت مجنونها بصفك على الاقل تتقي شره .. شوف كيف صب جام غضبه عليك لمجرد انك فعلت فعلتك التي فعلت ..

بالنسبه لــ سعد .. يا مجنونها .. ما بنا عليه شي بس ان فيه وجه تشابه ما بينه وبين شيبوب في صفة من الصفات وكان بمثابة استشهاد به لا غير .. وسلامتك يا سعد