من عادتي استاذن اليا جيت قدام الدخول

[سلطان الثبيتي]

من عادتي استاذن اليا جيت قدام الدخول=سلام ردية وفا لاهل الوفا في محلها
انعد في الايام والاعمار في وضع النزول=دنيا تراها زايله لكن من يفطن لها

[ماندم من سكت]

صح لسانك ويا مرحبا مليونـــ

[الذيب]

وعليكم السلام ورحمة الله وبركاته


العاده اللي قلتها لي عادة أصحاب العقول=اللي تقدر كل دار و بالستر تدخل لها
البيت بيتك و السلام يرد لك رد الفحول=اللي رقوا في دنية(ن)كل البشر تنزل لها

[ماندم من سكت]

ياهلا بمن اتى بعاده ينشرح لها صدر الرجال =
ياهلا في مجلس ثماله اهل الكرم والشعر والبساله

يا هلا بالجار حليف دار الرجال= ترحيبت(ن من شاعر(ن طيبه وفاله

[الذيب]

لك حرية الاختيار ياسلطان
اثنين ردوا عليك من محبه


ههههههههههههههههههههههههههه

[ماندم من سكت]

الله يرجك يالذيب والله اني ماشفت ردك الا بعد مارديت

بس يالله الزم المكان ولا يروح سلطان

خروج لمن سبقني

[سلطان الثبيتي]

الله يبقيكم جميعا وكلكم جزلين ولي الشرف ان اتحاور مع ايا منكم ولكن الذيب كان راعي الاوله وياليت يكون حاضر عشان تكون مباشره لان المحاوره اذا طالت تفقد حلاوتها ومعانيها الليله يالذيب وبارك الله فيك


اشوف بعض الناس تتسابق كما اسباق الخيول=ياليت بعض الناس لو ترتاح كان احسن لها
ياذيبنا ياذيب ياسرحان كل شي له اصول=حنا لنا عادات ونعرف الديار ودلها

[الذيب]

ماندم من سكت أشكرك على إتاحة الفرصه (العين ماتعلى على الحاجب)

سلطان فيك الخير والبركه والأوله تستاهلك

ترى الخيول إن سابقت غير الأصيله ماينول=والخيل تعثر من رداة اللي عليها علّها
سلطان يا دل الديار يسم حالي ما يقول=اللي عطى أذنه لناس(ن) هي اصل مؤذن لها

[سلطان الثبيتي]

الليل ياذيب وين انت

الهينه بالهينه والصعبه تلاقي حلول=وا لحمد الله دام لي شجره يضلل ضلها
القدس محتله وانا وانته على الدنيا نجول=صل الفروض الخمس في المسجد ليا اذن صلها

[الذيب]

القول مايجدي ولا هو ينفع بدون الفعول=وإلا العروبه ميته ياسيدي في غلّها
القدس في وجه العروبه حبه بسرعه تزول=وأنته وأنا مابيدنا من حل كيف نحلها
موجود طال عمرك
بس بأخرج ألحين أنا عندي مناسبه وراجع

[abonayf]

بارك الله فيكم وصحة السنتكم

[سلطان الثبيتي]

كفيت وفيت وبيض الله وجهك