شيخة الجود

[حسن عابد]

بسم الله الرحمن الرحيم

قصيده سمو الشيخ ناصر بن حمد بن عيسى آل خليفة في رثاء "صاحبه السمو الشيخه حصه بنت سلمان آل خليفة"طيب الله ثراها





للحزن في صدري مداهيل و حدود
يسكن معاليقي و يجري بدمي

من بيني و بينه مواثيق و عهود
في شاربي في لحيتي في معمي

يزود وانا ازود و ابغى له الزود
واقدره تقدير خالي و عمي

حزين و دموعي على خدي شهود
غرقت منديلي و غرقت كمي

واهوب عيب ابكي على شيخه الجود
العيب لو ابكي على كثر همي

يا وجد حالي كان في وجدنا فود
ويا عزي إلحالي و همي و غمي

وش صابني يوم ان لفى العلم مردود
ما غير اتمتم و اذكر الله و اسمي

راحت و طاريها بالاذكار موجود
ما مثلها في لابسات المزمي

تستقبل حشود و تودع حشود
كنها تقول اردوا على جال جمي

ما يكفي انها للعطاء كف ممدود
وما يكفي انها للمواهب تنمي

عسى السحب اللي له بروق و رعود
يسقي ثراها لين بالما يزمي

والله منساها لو العمر معدود
دايم و هي عندي قريبه ويمي

تدرون وش في خاطري؟(ليتها تعود)
وتامر علي و اقول حاضر و سمي

وتشارك بحفله زفافي مع العود
و نفرح و فرحتنا علينا تتمي

لكن هذا حكم من تجري النود
بأمره و هو بأمره علينا يعمي

وانا لو ابكي لين افيض لي اعدود
ما همني لا زاد مدحي و ذمي

لان ابكي على شيخه الجود
ولانها هي ثالث ابوي و امي

"الله يرحمه و يغمد روحها الجنه

[سنا الهجرة]

قصيده مؤرة جدا

يعطيك الف عافيه يابو علي

[حسن عابد]

الله يعافيك ياسنا

[ماندم من سكت]

قصيده مؤثره ورائعه سلمت يمناك ويعطيك العافيه