خدمة لابناء ثمالة ,, تبي تكمل تعليمك , تعال هنا

[رايد الثمالي]

السلام عليكم ورحمة الله وبركاته

اولا ارحب بالجميع وهنا موضوعي بيكون مهم جدا ومن منطلق اللي مافيه خير لاهله وجماعته ماراح يكون فيه خير لاحد اخر

نعلم ما تمر به المملكة من تطور ومن بعثات خارج المملكة , وهنا حاب اقدم خدمة لمن لديهم فكرة اكمال الدراسة


الموضوع هو الحصول على قبول للدراسة بالولايات المتحدة واعلم ان الكثير يعاني من المسالة هذه اما من ناحية اللغة او من ناحية عدم معرفة الطريقة او اسباب اخرى

الموضوع بصراحة يتشعب كثير ولكن حاولت اني اقسمه الي قسمين


اولا

الناس اللي عندها ابتعاث من جهة حكومية او جهة خاصة او ايضا من نظام خدام الحريمن الشريفين وتبي قبول انا اتكفل باذن الله اني اجيب القبول بوقت قياسي

ثانيا

ممكن واحد ليس لديه بعثة بس عنده فكرة ارسال اخوه او ولده او بنته او اي قريب للدراسة على حسابه ومن ثم الانضمام للبعثة وهذه موضوع سهل باذن الله , وايضا سنقوم بالحصول على قبول من خلال الجامعة للانضمام للدراسة



اتمنى ان يكون هناك حس اكمال الدراسة لنرقى بانفسنا وبالاخريين




تحياتي للجميع

رايد الثمالي

[ABO TURKI]

رايد رووووح يا شييييخ الله يوفقك ويكثر من امثالك
هذا اللي نبيه اللي مافيه خير في عيال عمه ما فيه خير
وكم عندنا من عيال عم والله لو سلمت عليه فقط قال واش يبي ذا النشبة

عموما أحيي فيك حميتك واحنا راحت علينا لكن يكفي مبادرتك هذي وكأنك خدمتني
الله يوفقك وينجحك وتجينا بأعلى الشهادات

ولا اوصيك بلغ أوباما سلامي وقله يقلك أبو تركي
خلاص بطل ورعنه واترك العالم في حالة
ولو قابلت بوش باللي في رجلك وقله من عند ابو تركي
مع انها ما عاد تفرق معاه

[صقر قريش]

رايد رووووح يا شييييخ الله يوفقك ويكثر من امثالك

هذا اللي نبيه اللي مافيه خير في عيال عمه ما فيه خير
وكم عندنا من عيال عم والله لو سلمت عليه فقط قال واش يبي ذا النشبة

عموما أحيي فيك حميتك واحنا راحت علينا لكن يكفي مبادرتك هذي وكأنك خدمتني
الله يوفقك وينجحك وتجينا بأعلى الشهادات

ولا اوصيك بلغ أوباما سلامي وقله يقلك أبو تركي
خلاص بطل ورعنه واترك العالم في حالة
ولو قابلت بوش باللي في رجلك وقله من عند ابو تركي
مع انها ما عاد تفرق معاه




قوية قوية
خير الناس انفعهم اسال الله ان يهدي المقصر منهم

[محمد بن حميدان]

بيض الله وجهك يا ابوسعود وهذا العشم فيك ..

واشكر لك مبادرتك وتكفلك باحضار القبول ولاشك ان هذه الخدمه والسعي تحسب لك .. وكلك خير وبركه يا مهندس .. كثر الله امثالك ولا حرمك الاجر ..

[أبو عبيدة]

بيض الله وجهك

[أبو رامز]

دام لنا ابداعك وفكر النير يا ابو سعود

[المنتصر]

#################

[الساعدي]

الف شكر وماقصرت وبيض الله وجهك
وجعلها الله في موازين حسناتك
اما اذا كانت علي اكمال الدراسة فأرغب بقوة في ذلك
ويازين جامعاتنا السعوديه لكن كيف اجيب التفرغ والقبول للماجستير

[رايد الثمالي]

##############




بصراحة اشكر كل من رد على الموضوع

لكن استغرب من تفكير الاخ المنتصر

بصراحة ما جابنا ورى الا الناس اللي مثلك ,,

تعال هنا شوووي

ياخي اول شي اذا طلعت امريكا الواحد بيصير فاسد ؟؟؟
لكن انت من مبدا اذا الواحد طلع برا السعودية فاااااسد ,, ياشيخ اتق الله اتق الله اتق الله

الشي الثاني انت الان تقذفني باني معاول على الفساد ؟؟ اسالك بالله سوال مهم انت وش سويت عشان تكون معاول للخير ؟؟ سوال اتمنى تفكر فيه لحالك وشوف انت وين وضعك


كنت اتمنى ان يكون لك من اسمك نصيب لكن لا حياة لمن تنادى

[ابن عمر وافتخر]

الاخ رايد بيض الله وجهك على قدمت من خدمه بس ابي استفسر منك في حاجة اذا سمحت
هل يمكن ان أنضم للبعثة اذا طلعت اكمل ماجستير على حسابي

ولو تكرمت أبغى شروط القبول
وعلى فكرة فبل مأنسى تراك سميي تكفىافزع لسميك

[رايد الثمالي]

الاخ رايد بيض الله وجهك على قدمت من خدمه بس ابي استفسر منك في حاجة اذا سمحت
هل يمكن ان أنضم للبعثة اذا طلعت اكمل ماجستير على حسابي

ولو تكرمت أبغى شروط القبول
وعلى فكرة فبل مأنسى تراك سميي تكفىافزع لسميك


نعم هناك احتمال كبير

الاول نجيب لك قبول من الجامعة مشروط ومن عقب تطلع الفيزا وبعدها تتوه الى على العطية هذا موجود بالوزارة راح تقابله وتعطيه اوراقك والفيزا وراح يعطيك تذكرة بلااااش وبهذه الطريقة تكون انهيت 90 % من مسالة الابتعاث واذا وصلت امريكا ترسل للوزارة او اي شخص بالرياض صورة دخولك امرريكا وبيطلع قرارك خلال اسبوعين ممكن

ههذ اسلم طريقة


بالنسبة انك سمي هذا شي ثااااااااااني ----> يعني معاملة خاصة


تحياتي

[البروفيسور]

أخ /رايد,,
يعطيك العافيه ,على البادره الطيبه
وجعلها الله في ميزان حسناتك

[عزالخوي]

الاخ العزيز رايد الثمالي بيض الله وجهك وكثر من امثالك انت شخص محب للخير كما عهدتك وفقك الله بس ياليت تسا محني على الجرادة اللي حطيناها بملابسك في الثانوي اشهد لله انها اجمل سنة مرت بحيا تنا اقصد الصف الثالث الثانوي وفقك الله

[عضيد أخوه]

والله شوف نادرا ماتلقى ابن عمك يخدمك عندناا

وبما انك بادرة بهذه الطريقه وعلى عامة الناس ماقصرت وان شاء الله اي مسؤول فينا يغار من هالبادره ويخدم ابناء عمومته

[ابن عمر وافتخر]

بيض الله وجهك يابن العم بيضا يريع ويبدي كل ريع هذا اولا





ثانيا لوسمحت مامعنى قبول مشرو ط


وثالثا شهي والاوراق المطلوبه

ابغاك تتاكد من قضية الانضمام الى البعثة( عذرا بابن العم ) لاني احتمال اترك الوظيفة

[رايد الثمالي]

بيض الله وجهك يابن العم بيضا يريع ويبدي كل ريع هذا اولا





ثانيا لوسمحت مامعنى قبول مشرو ط


وثالثا شهي والاوراق المطلوبه

ابغاك تتاكد من قضية الانضمام الى البعثة( عذرا بابن العم ) لاني احتمال اترك الوظيفة


اولا
هلا ومسهلا


بالنسبة لقبول مشروط يعني يشترطون عليك انهاء فرضا اللغة قبل دخولك للجامعة من خلال معهد اللغة او انك تحقق اختبار التوفل المعروف

هذا معناه قبول مشروووط


ثانيا

اولا ابي اعرف تخصصك يصير اعرف وش الاوراق

اما مسالة البعثة مثل ما قلت لك انت لا تسافر ولا تفصل لين تاخذ امر اركاب اللي هو التذاكر من الوزارة وبهذا الشي انت في السليم

وثانيا ليه تفصل اول تاكد انك تبتعث وكل شي تمام وبعدين قدم فصل او استقالة او تصفية حقوق الشي اللي تشوفه مناسب لك مع انه ممكن تاخذ اجازة من غير راتب افضل لك لين تشوف الامور وين بتستقر


الله يوفقك


انتظرك

[بن خريص]

اولا احب ان احي فيك هذه الرووح وهذه الشهامه وهذا إن دل يدل على معدنك الأصيل

كم هو جميل عندما نرتقي بفكرنا ونساعد غيرنا يمكن انت تفتح المجال لكثير من شباب

القبيلة على حب العلم والتطلع إليه لا اجد في نفسي إلا ان اقووول

سر يا اخ رايد ونحن من خلفك ان شاء الله ان نحقق احلامنا جميعا سواء كنا داخل المملكة اوخارجها

نريد ان نسابق الأمم للحصول لأعلى الدرجات العلمية بإذن الله

اكرر شكري لك لا نريد ان نكون مثل البعض إذا وصل درجه علميه معينه نسي ابناء قبيلته!!!!

[ابن عمر وافتخر]

أشكرك بكل معاني الشكر



سميك تخصصه كيمياء في الاعداد التربوي بتقدير جيد مرتفع (3.61 ) من 5

بالنسبة للمعهد هل الدراسة فيه على حسابي والاعلى على البعثة ( انت عارف لازم نحسبها صح)
وكيف الاخوان في القنصلية ياترى متعاونين ولا لا


وكيف الحياة هناك مكلفة ولا برنامج البعثة يصرف علينا


بالله اعطينا تفصيل شويه عن الشغله من ناحية السكن ونظام الدراسة صعب ولاسهل

وقوه الشهاده ومجالتها بعد التخرج انت عارف الامور هذه نورنا الله ينور دربك يامقدم

[رايد الثمالي]

اتمنى تراسلني بجوالك او ايميلك لاستطيع التواصل معك بالجوال افضل

[أبو نواف العجمي]

بيض الله وجهك
وماقصرت