سلام الله عليكم يارجالٍ قدرها مرفوع

[فـارس الحـرف]

السلام عليكم جميعاً وكيف احوالكم وعذراً على فترات الغياب
:
:

سلام الله عليكم يارجالٍ قدرها مرفوع=لها فالنفس قدر وحبها يجري فشرياني
حضرنا والسوالف ماتخالف والعتب ممنوع=ابا هجرس وغني والصفوف تشيل قيفاني

[فـارس الحـرف]

وين الشعراء وين الصفوف صارلي ساعه !

[سلطان الثبيتي]

هلا يامرحبا واقلط على دله فريدة نوع=بعد بهرتها من هيلها والبن صنعاني
تهرج والسوالف في سراها والصدى مسموع=بعد غنيت بالحانك وانا غنيت بالحاني

[فـارس الحـرف]

لعل الك البقا وانته كريم وبالاثر متبوع=مدام انك ثبيتي جيت في شفي ومن شاني
ولا ياصاحبي سلطان لا جات المعاني طوع=نبا نعطيك عملة طيبه ماهيب تيواني

[سلطان الثبيتي]

الا ياصاحبي سالم نبا نبني معك مشروع=ومثلك تاجر ومعروف وسط السوق شبعاني
ابمشي معك بعلوم الرجال اللي لها منفوع=ترى ماغيرها ياصاحبي سالم على الساني

[فـارس الحـرف]

ياسلطان الثبيتي ودي افاتحك في موضوع=وبعده تقصر الخطوه معي ولا تعداني؟
بنينا فالبلد قصرٍ كبير وداخله ينبوع=يسقي كل ضامي يالثبيتي وانت ضميااني

[سلطان الثبيتي]

تفضل ياوسيع الصدر ابمشي معك لو اسبوع=ولجلك بقصر الخطوه ولو اسرعت يمداني
انا خابرك قبل العام تشكي من الفقر والجوع=لكن هذي السنه بالحيل اشوفك صرت قوماني

[فـارس الحـرف]

طريق اهل المعرفه ماتغره لو تسير قطوع=ولا منك كتبت اسمي تبا تاصل لعنواني
عطانا الوقت كل الخير يوم انه عطاك الكوع=وهذي حكمة الرحمن يوم اعطاك وعطاااني

[سلطان الثبيتي]

انا ماحسدك ياسالم لو تنوش الجبل بطلوع=ولو قصر عليك الوقت لك من قسمي الثاني
ترى فرضك ليا صليت من قبل السجود اركوع=وهذا ختامها و انته مثل واحد من اخواني

[حسن عابد]

السلام عليكم جميعاً وكيف احوالكم وعذراً على فترات الغياب
:
:


سلام الله عليكم يارجالٍ قدرها مرفوع=لها فالنفس قدر وحبها يجري فشرياني

حضرنا والسوالف ماتخالف والعتب ممنوع=ابا هجرس وغني والصفوف تشيل قيفاني

وين الشعراء وين الصفوف صارلي ساعه !


هلا يامرحبا واقلط على دله فريدة نوع=بعد بهرتها من هيلها والبن صنعاني

تهرج والسوالف في سراها والصدى مسموع=بعد غنيت بالحانك وانا غنيت بالحاني


لعل الك البقا وانته كريم وبالاثر متبوع=مدام انك ثبيتي جيت في شفي ومن شاني

ولا ياصاحبي سلطان لا جات المعاني طوع=نبا نعطيك عملة طيبه ماهيب تيواني


الا ياصاحبي سالم نبا نبني معك مشروع=ومثلك تاجر ومعروف وسط السوق شبعاني

ابمشي معك بعلوم الرجال اللي لها منفوع=ترى ماغيرها ياصاحبي سالم على الساني


ياسلطان الثبيتي ودي افاتحك في موضوع=وبعده تقصر الخطوه معي ولا تعداني؟

بنينا فالبلد قصرٍ كبير وداخله ينبوع=يسقي كل ضامي يالثبيتي وانت ضميااني


تفضل ياوسيع الصدر ابمشي معك لو اسبوع=ولجلك بقصر الخطوه ولو اسرعت يمداني

انا خابرك قبل العام تشكي من الفقر والجوع=لكن هذي السنه بالحيل اشوفك صرت قوماني


طريق اهل المعرفه ماتغره لو تسير قطوع=ولا منك كتبت اسمي تبا تاصل لعنواني

عطانا الوقت كل الخير يوم انه عطاك الكوع=وهذي حكمة الرحمن يوم اعطاك وعطاااني


انا ماحسدك ياسالم لو تنوش الجبل بطلوع=ولو قصر عليك الوقت لك من قسمي الثاني

ترى فرضك ليا صليت من قبل السجود اركوع=وهذا ختامها و انته مثل واحد من اخواني
ماشاء الله محاورة جميلة
بيض الله وجيهكم

[فـارس الحـرف]

صح لسانك يا سطان

وشكراً للشاعر الراقي حسن على التنسيق

[حسن عابد]

صح لسانك يا سطان

وشكراً للشاعر الراقي حسن على التنسيق
هلا وغلا بالشاعر الكبير فارس الحرف
سعداء بوجودك معنا وان شاء الله حضور لا غياب بعده
وصح لسانك اخي سلطان شاعر مبدع يسعدنا تواجده ومشاركته

[البروفيسور]

فارس الحرف
سلطان
مبدعان,,,ودي ان المحاوره أطول شوي,,
بيض الله وجهيكمااا

[أبو عبدالرحمن]

العذر والسموحة على القصور

صح لسانك يا فارس الحرف
صح لسانك يا سلطان الثبيتي

[abonayf]

حياكم الله ويامرحبا بكم

ازدن قسم المحاوره بحضوركما

صحت السنتكم

[حسن حامد]

الله عليك ياسلطان عز الله ماتنقرب
محاورة من ابدع مايكون تندمت ليتني كنت حاظر
صحيتهم ولا هنتم

[ابو فهد]

صحت السنتكم

[سلطان الثبيتي]

صح بدنك ياسالم وبيض الله وجهك

[سلطان الثبيتي]

حسن عابد مشكور على التنسيق وعلى الحظور

[سلطان الثبيتي]

البرفسور حياك ربي حظورك شرف

[سلطان الثبيتي]

ابو عبدالرحمن حياك الله حظورك شرف

[سلطان الثبيتي]

ابو نايف لا عدمناك يالغالي شرفت

[سلطان الثبيتي]

مرحبا بشاعرنا حسن حامد وجودك شرف

[ابو العلاء]

ماشاء الله انا أشهد إنكم شعار ونعم فيكم والله يوفقكم لطاعتة ...

[العاصف2]

محاورة جميلة