سنا الهجرة
02-16-2010, 10:32 AM
هذي القصيدة كما ذكرت هي في الوصف و كما ترون فيها جماليه لا تضاها وابداع عجيب في التوصيف ..
مشكلتها في بعض المفردات الصعبه على هذا الجيل .. لكن أنا على أتم استعداد لشرح بعض المفرادات الغامضة لمن يريد .. اليكم القصيدة وبانتظار أسئلتكم . ان وجدت
يابوخلف مات الهوى عقب مـا كـان=حيـا ً يغـذنـه لـيـال المرابـيـع
إليا مال عربان ٍ على أطراف عربان =وباطرافهم جـاء للطـوارف تناشيـع
وليا حصل عقـب المرابيـع مقطـان =وتقاطـروا فـوق الركايـا المفاريـع
ليا قطبت عد ٍ مـن الريـف طربـان =سمر البيـوت اللـي تسـد الترابيـع
يحـف شرقيـه خوالـد و مـطـران =وشمر يحفونه مـن الغـرب وسبيـع
ويرده من المظما دواسـر و عتبـان=و مـن كـل بـد ٍ للوسايـم تناويـع
بدايـد ٍ معهـا شقـا كـل ولهـان =خمص المثانـي لابسـات الدراريـع
بنات بدو ٍ حوزهـن حـوز غـزلان =نهـب القلـوب مخيبـات الطماميـع
ومن كان في قلبـه للأشـواق ميـدان =يلقـا مجـال ٍ يشتـري فيـه ويبيـع
ليا عرضت شقر ٍ كما مطـرق البـان =تلفـح جدايلهـا هبـوب الذعـاذيـع
مادونها حاجـز حوامـي و جـدران =هيبات أهلهـا عـن حماهـا موانيـع
والحب تأثيره علـى القلـب سلطـان =جايـر ولا راعيـه للعـذل بمطـيـع
وأول مداخيله علـى قلـب الأنسـان =تجـاذب النظـرات بيـن الموالـيـع
سرايـر ٍ يعـرف لغاهـا بالأعيـان =تفتـح مشاريـع ٍ و تلغـي مشاريـع
بين الثنين اللي لهـم بالهـوى شـان =ماهـم بخاليـن العقـول القراقـيـع
وليـا لقـا بقلـوب الأثنيـن مسكـان =وثقله تـوزع بيـن الأثنيـن توزيـع
سيطر و كبرت قيمتـه عنـد الأثنـان =مادام سره مـا عبـث بـه و لا ذيـع
وأول غرابيلـه إلـى مـن الأضعـان =راحت قسوم وكل ناس ٍ عطـت ريـع
وتفاختو مـن عقـب ماهـم بجيـران =ليا شيـف للنجـم الجنوبـي تلاميـع
ونياتهـم راحـت مـن العـد شتـان =وكل ٍ علـى فالـه يـذب المخاويـع
ومن كان مشطون ٍ مع البدو بشطـان =أمسـى علـى قلبـه حداد المراقـيـع
وأصبح يعدي فـي نبـا كـل مزبـان =جسمـه معافـا و الضمائر مواجـيـع
دور ٍ لحقـتـوه أنــت و يا دبـيّـان =ومن عذبه الصافـي خذيتـو قراطيـع
يـوم إن لونـه ماتغـيـر ولاشــان =ولا خربـوه مخربيـن المواضـيـع
عشق ٍ على وضح النقا مالـه أثمـان =مطامـع ٍ عليـا وعـفـه وترفـيـع
واليوم يوم النـاس هانـوه و إنهـان =وتكانفـوه أهـل العتـل والفـواريـع
ناس ٍ يحسبون الهوى لعـب ورعـان =دايم علـى أرقـام الهواتـف مدانيـع
عشق ٍ ظهرله تالـي الوقـت فرسـان=مرخين أعنـت خيلهـم والمصاريـع
خلـوه للـي جايـه اليـوم نشطـان =وده يقـوع لـه مـن القـاع تقويـع
هذي القصيدة للشاعر عبدالله بن عون .. موجهها للشاعر محمد بن خلف الخس
وللاخير رد شبيه بهذه القصيده وهو كذلك غاية في الجمال .. لعي آتيكم به في موضوع قادم
مشكلتها في بعض المفردات الصعبه على هذا الجيل .. لكن أنا على أتم استعداد لشرح بعض المفرادات الغامضة لمن يريد .. اليكم القصيدة وبانتظار أسئلتكم . ان وجدت
يابوخلف مات الهوى عقب مـا كـان=حيـا ً يغـذنـه لـيـال المرابـيـع
إليا مال عربان ٍ على أطراف عربان =وباطرافهم جـاء للطـوارف تناشيـع
وليا حصل عقـب المرابيـع مقطـان =وتقاطـروا فـوق الركايـا المفاريـع
ليا قطبت عد ٍ مـن الريـف طربـان =سمر البيـوت اللـي تسـد الترابيـع
يحـف شرقيـه خوالـد و مـطـران =وشمر يحفونه مـن الغـرب وسبيـع
ويرده من المظما دواسـر و عتبـان=و مـن كـل بـد ٍ للوسايـم تناويـع
بدايـد ٍ معهـا شقـا كـل ولهـان =خمص المثانـي لابسـات الدراريـع
بنات بدو ٍ حوزهـن حـوز غـزلان =نهـب القلـوب مخيبـات الطماميـع
ومن كان في قلبـه للأشـواق ميـدان =يلقـا مجـال ٍ يشتـري فيـه ويبيـع
ليا عرضت شقر ٍ كما مطـرق البـان =تلفـح جدايلهـا هبـوب الذعـاذيـع
مادونها حاجـز حوامـي و جـدران =هيبات أهلهـا عـن حماهـا موانيـع
والحب تأثيره علـى القلـب سلطـان =جايـر ولا راعيـه للعـذل بمطـيـع
وأول مداخيله علـى قلـب الأنسـان =تجـاذب النظـرات بيـن الموالـيـع
سرايـر ٍ يعـرف لغاهـا بالأعيـان =تفتـح مشاريـع ٍ و تلغـي مشاريـع
بين الثنين اللي لهـم بالهـوى شـان =ماهـم بخاليـن العقـول القراقـيـع
وليـا لقـا بقلـوب الأثنيـن مسكـان =وثقله تـوزع بيـن الأثنيـن توزيـع
سيطر و كبرت قيمتـه عنـد الأثنـان =مادام سره مـا عبـث بـه و لا ذيـع
وأول غرابيلـه إلـى مـن الأضعـان =راحت قسوم وكل ناس ٍ عطـت ريـع
وتفاختو مـن عقـب ماهـم بجيـران =ليا شيـف للنجـم الجنوبـي تلاميـع
ونياتهـم راحـت مـن العـد شتـان =وكل ٍ علـى فالـه يـذب المخاويـع
ومن كان مشطون ٍ مع البدو بشطـان =أمسـى علـى قلبـه حداد المراقـيـع
وأصبح يعدي فـي نبـا كـل مزبـان =جسمـه معافـا و الضمائر مواجـيـع
دور ٍ لحقـتـوه أنــت و يا دبـيّـان =ومن عذبه الصافـي خذيتـو قراطيـع
يـوم إن لونـه ماتغـيـر ولاشــان =ولا خربـوه مخربيـن المواضـيـع
عشق ٍ على وضح النقا مالـه أثمـان =مطامـع ٍ عليـا وعـفـه وترفـيـع
واليوم يوم النـاس هانـوه و إنهـان =وتكانفـوه أهـل العتـل والفـواريـع
ناس ٍ يحسبون الهوى لعـب ورعـان =دايم علـى أرقـام الهواتـف مدانيـع
عشق ٍ ظهرله تالـي الوقـت فرسـان=مرخين أعنـت خيلهـم والمصاريـع
خلـوه للـي جايـه اليـوم نشطـان =وده يقـوع لـه مـن القـاع تقويـع
هذي القصيدة للشاعر عبدالله بن عون .. موجهها للشاعر محمد بن خلف الخس
وللاخير رد شبيه بهذه القصيده وهو كذلك غاية في الجمال .. لعي آتيكم به في موضوع قادم