لمه لمه , يارأسي الغالي تطاطي للمشيب .. ؟ رائعة لعبد الله الشريف

[العنكبوت]

لم اجد قصيده تعبر عن الشيب وخوف الرجل منه كهذه القصيده فهي فعلا معبره زادها جمالا طريقة الشاعر في الالقاء .





لـمـه لـمـه , يـارأســي الـغـالـي تـطـاطـي للمـشـيـب=أغـــراك شـيـبـي يـــوم قـــال إنـــه وقــــارٍ تـحـمـلـه
لـمـه لـمـه , يـارأسـي الغـالـي وانــا أعـــدك لـبـيـب=يضحـك عليـك الشيـب يــا رأســي وتحـمـل مشعـلـه
يـبــدأ يـدغــدغ جـانـبــي بــــلا رقــيــب ولا حـسـيــب=ويبـتـسـم ويـقــول هـــذا الـعــز , هـــذي الـمـرجـلـه
وينتشـر مادمـت لـه ياعـزوتـي الــروض الخصـيـب=مــدري مـتـى سـمـى , ولا أظـنـه بـــدأ بالبسـمـلـه !
لاهـو يخـاف مــن الصـيـاح ولا يـحـن مــن النحـيـب=ولا يـبـالــي تـمـدحــه , وإلا تـكــيــل الـشــتــم لـــــه
لاهــــو عــــدوٍ تـعـرفــه ولا تــظــن إنـــــه حـبــيــب=لاهـــــو حـمــيــمٍ تـعــذلــه , ولا خــصــيــمٍ تـقـتــلــه
يقـول أنـا مثـل الصـبـاح , يـقـول أنــا مـثـل الحلـيـب=يـقـول أنــا كـالـزهـر الأبـيــض غـايـتـي ود وصـلــه
وأنا أعرف إن الشوك الأبيض يجرح الكف الرطيب=بـعـض الـزهـور البـيـض لـوجـادت تـجـود بحنـظـلـه
الشـيـب ماخـلـى ردي , والشـيـب مـاخـلـى عـريــب=أقـول سـاعٍ مـا أظلمـه, وأقـول ســاعٍ مــا أعـذلـه !
الشـيـب ضـيـفٍ لـــو نـــزل لاهـــو يـمــل ولا يـغـيـب=وإن حــل فــي رأس الكـريـم يـزيـد حـتـى , يشـمـلـه
وكــل مــا زاد البـيـاض أخـشـى سويـعـات المـغـيـب=تــرى بـيـاض السنـبـلـه , يـعـنـي حـصــاد السنـبـلـه
الشيب ماهـو عيـب لكـن مافعـل بـي الشيـب عيـب !=لاهــــو يـطـمـنـي , ولــــو طـمـنــت ظــبـــيٍ جـفــلــه
ولوصبـغـت الشـيـب خانتـنـي جـذوعـه مــن قـريــب=وأصبحت في عين الظبـا , غشـاش والدهـر أهملـه
مـا أبغـى الفتـاة تقـول وا عمـاه , يالشـيـخ العجـيـب=صوتـك يقـول إنـك شبـاب , وشـيـب رأســك يخـذلـه
مـا أبغـى يقولـون أنــت شايبـنـا ومحزمـنـا القطـيـب=مــــدحٍ يــكــدر خــاطـــري مــاســـره , إلا عـلـعـلــه
مـن يجتهـد يــا رأســي الغـالـي يـجـد حــظ ونصـيـب=وانــا أجتـهـدت , وشـيـبـك يهـلـهـل كـيـانـي هلـهـلـه
ما أبغـاك تُحبـس فـي شماغـي كأنـك الكنـز المريـب=إذا حـجـبـتـه مـعـضـلــه , وإذا كـشـفـتــه مـعـضـلــه
الــنــاس تـثـنــي ع الـعـنــب ولا يــذمــون الـزبـيــب=لــكــن يـبـقــى لـلـعـنــب بـــــأول قـطــافــه مـنــزلــه
أبكـي علـى حالـي ومـن يبكـي علـى حـالـه مصـيـب=وأضحك علـى حالـي ومـن يضحـك علـى حالـه دلـه
يسقـي زمـانٍ كـنـت أنــا فـيـه المُخـاطـب والخطـيـب=أقطف من الزهر أجمله وأنظـم مـن الشعـر أغزلـه
واليـوم أنـا أعـد الخطـى وأخـاف مـن عيـن الرقيـب=ولــو نظـمـت الشـعـر أخـــاف وإن قـلــت أجـزلــه !
قـد كـان لـي جسـمٍ نحيـل وكــان لــي صــدرٍ رحـيـب=أسـري ولـو غـاب القمـر والهـم , أبـد , مالـي ولـه
واليوم أقول إني صحيح , ومانـي أبعـد مـن الطبيـب=وأقـول انــا مستـانـس , وصــدري حــراك وجلجـلـه
كــم كـنـت أغـنـي ربـمـا يـطـرب لصـوتـي العندلـيـب=أو ربمـا أغشـى البحـر , مـا أخـاف البلـل والبلبـلـه
وأجـعـل مــن القـاسـي مُــذاب , ولا يذوبـنـي مُـذيـب=ومنهـجـي فــي السابـعـه , والثامـنـه فــي الزلـزلـه
ولــو نـهـاري غـرنـي أمـسـيـت فـــي لـيـلـي مُـنـيـب=ولـــو زمـانــي ضــرنــي كــسٌــرت بــيــدي مـعـولــه
ولا يـوقـفـنـي جــبــل , ولا يــهـــرول بـــــي كـثــيــب=الـعـاقــل الــلــي مـايـقــف , ولا يــهــرول هــرولــه
أحــد مـشـى فيـهـا مــرح , وأحــد يــدب بـهـا دبـيـب=وانــا قـصــدت الـمـشـي يكفـلـنـي زمـانــي وأكـفـلـه
واليـوم غيرنـي الزمـن كـنـي عـلـى نفـسـي غـريـب=لانــي قـويـت أمـشــي مـعــه , ولا قـويــت أفـرمـلـه
آقــــف وأنــــا مـتـمـاســكٍ لـكــنــي أودي وأجــيـــب=الـدهـر وإن مــا طـيــح الـشـامـخ , تـــراه يملـمـلـه
حتـى إختراعـات الـزمـان أشوفـهـا لـغـزٍ عصـيـب !=مـن فاتـه قطـار الـزمـان أصـبـح عــدو مــا يجهـلـه
يــا رأســي الغـالـي تشـيـب الـيـوم وإلا مــا تـشـيـب=اللـي يشـوف أتلـى الزمـان يقـول يــا زيــن أولــه
]

http://www.shamran1.com/inf/voicesm/864.rm

[@ بن سلمان @]

سلم لنا تواصلك وإختيارك
يبدو لي إن الأربعيني يقف عند مثل هذه القصيدة
مثلي يحمد الله على أربعينه ومثل ما قال الشاعر
اللي يشوف أتلى الزمان يقول يا زين أوله

[العنكبوت]

بارك الله فيك يبن سلمان

بعد اكثر من ثلاث سنوات نعود لنجد ان ردك على هذه القصيده مازال يتيما ولست اعلم هل هذا لانني واياك نرى جمالا بالقصيده وصدقا لمسناه ام انها لامست تحولا قائما بعوارضنا فخشيناه .
ويبقى ما ذيلت به ردك صدقا قائما لا يختلف على فحواه

وفقك المولى في علاه