هب الصبا

[النجم الساهر]

هب الصبا من نجد يحدى به الشوق=ريح النفل في خطوته والخزاما
ويداعبه في هبته كل زملوق=ويحمل معه ود وثنا واحتراما
وارض الحجاز تجاوبه بالف طاروق=لجل الرجال الطيبين النشاما
وتسوقه الغربي من ام القرى سوق=صوب الديار ومن سكن عنه شاما
ويسري كما يسري نغم حادي النوق=لاهيجن بصوته وصحى النياما
في حشمة اهل الطيب والعرف والذوق=اهل الكرم والجود ربع كراما
اللي لهم في داخل القلب معلوق=حب وغلا بالصدر ماهو كلاما
بنيت قاف يالخوي غير مسبوق=يحمل مشاعر لجلهم والتزاما
لاصحابنا اللي جابهم ود مرزوق=راع الوفا من جاوره مايضاما
واخص من بين المخاليق مخلوق=له باع مايقصر وياما وياما
فعله منزه يالنشاما عن العوق=وفعله على مر الزمن له وساما
دايم وهو يرقى وعينه على فوق=وله بين ربعه فالمواقف مقاما
وله منزل عالي مشيد ومرموق=ومن كثر رواده يعيش الزحاما
هذاك ابو مازن له الود مطبوق=من يعرفه حبه وفيه استهاما
كريم نفس ومنطقه خير منطوق=وجوده كما غيث علينا تهاما
اختامها عداد مالاحت بروق=على النبي ازكى صلاة وسلاما

[@ بن سلمان @]

اللهم صلي وسلم على رسول الله
صح لسانك يا بو سالم
اليوم الرياض خير وبركة ورغم إنه مستقبل قيظ إلا إن النفوس اليوم مستبشرة بما يسليها
والنعم فيك وفي جمعكم
وأبو مازن يستاهل كل طيب

[abonayf]

صح لسانك نجمنا الساهر

لا يعرف الطيب لاهل الطيب الا اهل الطيب

وابو مازن يستاهل

[سنا الهجرة]

بنيت قاف يالخوي غير مسبوق=يحمل مشاعر لجلهم والتزاما
لاصحابنا اللي جابهم ود مرزوق=راع الوفا من جاوره مايضاما
واخص من بين المخاليق مخلوق=له باع مايقصر وياما وياما
فعله منزه يالنشاما عن العوق=وفعله على مر الزمن له وساما
دايم وهو يرقى وعينه على فوق=وله بين ربعه فالمواقف مقاما
وله منزل عالي مشيد ومرموق=ومن كثر رواده يعيش الزحاما
هذاك ابو مازن له الود مطبوق=من يعرفه حبه وفيه استهاما
كريم نفس ومنطقه خير منطوق=وجوده كما غيث علينا تهاما
اختامها عداد مالاحت بروق=على النبي ازكى صلاة وسلاما



صح لسااااااااااااانك أيها النجم الساهر

كفووووووووو تقول وتطول

وأبو مازن ما قلت فيه هذي الشامخه الا وهو يستاهل
بيض الله وجهك ووجهه

[النادر]

ونعم فالمادح والممدوح

والحمد لله على هذه المناسبات اللي جعلتك تغرد بالروائع

بيض الله وجهك ووجيه اخوياك ووجه ابو مازن


النادر

[ابو انس]

صح لسانك يالساهر


جزله من راس جزل وابيات غنيه بالشاعريه

يعطيك العافيه

[النجم الساهر]

بن سلمان

اسعدني حضورك المبكر

وهذا يدل على متابعتك وحرصك لاعدمناك

واخوياي وابو مازن يستحقون الاشادة

وماعليك زووود

[النجم الساهر]

ايها الاخ الفاضل ابا نايف

اشكر لك حضورك ومتابعتك

وماعليك زود ايها الاداري الناجح

[النجم الساهر]

اخي مشرف الواحة

اشكرك على حضورك الدائم ومتابعتك المستمرة

واطراؤك لي شرف وشهادة ايها الحبيب

لاعدمناك

[النجم الساهر]

اهلا بك ايها النادر

شهادتك في يابن خالي وسام اعتز به

وانت خير من يقرأ افكاري ويترجم اشعاري

لانك مدرستي التي تخرجت منها

[أبوخالد]

صح لسانك يالنجم
ويستاهل ابومازن
من يومك نجم
يابيض الوجه

[السهلاوي]

صح لسانك ونعم بالمادح وبالممدوح

[النجم الساهر]

ابو انس

ايها الحبيب

اشكر لك مرورك وثناؤك

وماعليك زوووود

لاعدمناك

[النجم الساهر]

البعيد القريب

الصاحب الاديب

الاخ الحبيب

ابو خالد

اشكر لك اهتمامك وتعقيبك وماعليك زوووود

[محمد بن حميدان]

قصيده فائقه في الجمال, وانا دائما ولازلت اقول ان شعرك هو الامتع لي.

فالمادح كفو والممدوح كذلك.

صح لسانك وطاب فالك.

[ابومازن]

السلام عليكم
اعتذر وانا كل خجل عن التأخير فكان لزاما علي ان اكون اول واحد يرد على رائعة ابو سالم
اولا لما له عليه من حق وثانيا لأنها قائلها هو النجم الساهر
ولكن انا مقل في ارتياد المنتدى وانكان هذا العذر اقبح من ذنب وثانيا لأنني
انا وبعض من صحبك كالعادة يابو سالم بقيادة الحاج استغلينا هطول الأمطار
وخرجنا نقتفي اثرهه ونتتبع اخبارها وبعد رجوعنا قضيت وقت كبير في النوم كعادة الكسالى
ينامون اضعاف ما يبذلون من جهد

لكن ما اقول الا

تسلم يابو سالم وما عليك زود

والله يجملني معك مدحتني ورزيتني والله يجعلني عند حسن ظنك

وياليت كل ما قلته يكون من صفاتي لكن على عادتك للطيب مدهال
وصدق الشاعر حينما قال
الطيب صيده والنشاما قرانيس = والصيد يبغى حد ناب ومخلاب

وانت يابو سالم قرناس

اكرمتنا ونزلت منزلة القائد بيننا ومديت السمينة وعنيت نفسك
وزود عليها تمدحنا ونحن مانجي قطرة في بحر طيبك
وما تمنيت ان اكون شاعرا مثل اليوم

ولكن استعين بالله واستعير من اقوال النشاما امثالك واهديك هذه الأبيات التي

لعلها تعتبر عن شيئ مما تختزنه مشاعري تجاهك وصح لسان قائلها


للشعر في ذكر المطاليق ميقاف =فهود الرجال اللي تشيل الثقيله

وسوق المعاني تختلف فيه الاصناف=ولا كل من دشه يصيد الجزيله

نوادره تصعب على كل خيال =ولا كل خيال (ن) يعسف الاصيله

والناس تحكمها تقاليد واعراف =والمدح ينومس بالرجال النبيله

تستاهل الفنجال ياشبل الاشراف=من هيل صنعا في يمينك نكيله

حلياك حر موكره راس مشراف=اخذت من شقر الحرار الفصيله

[أبو علي]

بيض الله وجهك يا بو سالم في مدح رفيقك وابن عمك واللي قلته فيه بياض وجه وهو يستاهل عرفناه من طيب الرجال وكريم وابن كريم ، وان بغيت اقول شيء فكلكم وانعم والف وانعم ، بيضتم وجوه ربعكم في مبداكم وهذا ما هو غريب عليكم ولا على ابوانكم عرفناهم اهل طاله وقاله ، واصحاب وفاء . اسأل الله العلي القدير ان يديم محبتكم ويرفع قدركم .....

[أبو عبدالرحمن]

صح لسانك أيها النجم الساهر

بالفعل ..أنت تغرف من بحر

رقة في الألفاظ وعمق في المعاني..مع رونق خاص في السلاسة والفخامة

لا عدمناك..ولا عدمك محبوك

[حسن حامد]

صح لسانك ايه النجم الرائع
تحياتي لك على هذه القصيده الرائعه

[خلف بن عبدالعزيز الثمالي]

والله ونعم بالمادح والممدوح
وصح لسانك يالنّحم السّاهر

أخوك/خلف الثمالي

[النجم الساهر]

اخي الحبيب السهلاااااااااااااااااوي

اسعدنا مرورك وثناؤك

لاعدمناك

[النجم الساهر]

اخي بن حميدان ابا عبد العزيز

وفقه الله

سعيد جدا بمرورك وسعادتي اكبر بما تخطه اناملك الكريمة

لاعدمناك ايها الغالي

[النجم الساهر]

ابن العم ورفيق الصبا

ابا مازن

اعلم بما يشغلك وزادك انشغالا الاجواء الممتعة التي تعيشها العاصمة هذه الايام

ولا اعتب عليك في لتأخير بقدر ماكنت اود ان تكون من الا وائل الذين يمرون عليها

وانت منزه عن المدح في الوجه وكذلك غني عن التعريف بك في هذا الشأن

ولكنها خواطر شاعر تواردت فخرجت بما املتها علينا القرائح وانت اهل لذلك وزيادة

ومن كانو برفقتنا لايقلون قدرا واحتراما ولكن لكل نص مناسبة

وانت مناسبة النص

لاحرمنا الله هذا الحب وهذا الجمع المبارك

وتقبل تحياتي

[النجم الساهر]

المشرف العام ابا عبد الرحمن

انت اساس هذا البناء

ووجودك رعاك الله

دعم وتحفيز

لاحرمنا الله متابعتك واهتمامك

[النجم الساهر]

ابو علي

ايها السمي

كم انا سعيد بتواجدك هنا وسعادتي اكبر بما خطته يدك الكريمة من عبارات

تحمل في ثنايها كل ود وحب

وهذا ليس بغريب على رجل بقامتك خلقا وعلما

ماعليك زوووود يا ابو علي

لا عدمناك

[عوض بن سلمان]

صح لسانك
ويستاهل الممدوح

[النجم الساهر]

اخي حسن حامد

اشكرك اخي على حضورك الجيد ومتابعتك

لاعدمناك

[النجم الساهر]

اخي الشاعر المبدع ابو وليد

اهلا بك في متصفحي

مثمنا لك حضورك ومشاركتك

لاعدمناك وماعليك زود

[النجم الساهر]

شاعرنا الكبير والقدير

ابا شرف

اسعدني تواجدك واهتمامك

وماعليك زوووود

[ابوسيفين]

بنيت قاف يالخوي غير مسبوق=يحمل مشاعر لجلهم والتزاما
لاصحابنا اللي جابهم ود مرزوق=راع الوفا من جاوره مايضاما
واخص من بين المخاليق مخلوق=له باع مايقصر وياما وياما
فعله منزه يالنشاما عن العوق=وفعله على مر الزمن له وساما



صح لسانك أبا سالم ، وآسف لتأخري لظروف السّفر والإتصال 0
ولا أقول إلاّ بيّض الله وجهك كفّيت ووفّيت ، ورفعت راس من خاواك ومن نخاك 0

[النجم الساهر]

هلا وغلا يابن الخال

الحمدلله على السلااااامة

والله اني فقدتك ولكن لعلمي السابق بالمهمة التي كنت فيها توقعت الظروف المصاحبة

صح بدنك وسعادتي كبيرة بتواجدك وتعقيبك

لاعدمتك ايها الاخ الحبيب

[فواز البقمي]

هب الصبا



عنوان لقصيدة عانقت الأفق بجمالها وشاعريتها

جزل لا هنت يالقرم ... شاعر متمكن

وبيض الله وجهك

والنعم فيك وفي خويك ابو مازن


احترامي وتحيتي

[النجم الساهر]

فواز البقمي

هلا وغلا فيك فقد انرت متصفحنا بحضورك وتعقيبك

ماعليك زوووووووووود

لاعدمناك يالغالي