نافذة المحاورة [الأرشيف] - منتديات بلاد ثمالة

ابو عادل

11-20-2006, 10:40 PM

أحبتي :
أحببت تحريك المنتدى الأدبي من خلال هذه النافذة الصغيرة التي أسميتها (نافذة المحاورة)
والدعوة مفتوحة لجميع شعراء المنتدى ونبدأها بهذين البيتين:

سلام صافي مصفى من صميم القلب نهديه =أعم مااخص واللي يحمل الراية يجيني
الرامي اللي ليا رام الهدف يبعد مراميه = يقلط على المدّة اللي كلها سمن وسميني

بن داخل

11-20-2006, 11:19 PM

يامرحبا يامسلم من ضمير فيه مافيه = فيه الوفى للرجال اللي على الحيد الزبيني
أنا لياشفت درب المعرفه ماني مخاطيه = أبراه في طرقتي واعرف شمالي من يميني

ابو عادل

11-20-2006, 11:54 PM

دام البقا ياعريب ياخذ الغالي ويعطيه=وانا نهار الشرا والبيع ماني مستديني
اشعب ذلولك وخذ مقسومك اللي جيت ناصيه=النار والدم الاحمر كلها بينك وبيني

@ بن سلمان @

11-21-2006, 12:06 AM

ابا عادل
بن داخل
يعطيكما العافية
والله لنعاش راسي ان شاء الله لقوم لكم الصفوف في الصيف

ابو عادل

11-21-2006, 12:16 AM

قدام يابن سلمان
والله انك كفو
مشكور لمرورك.

حسن عابد

11-21-2006, 12:42 AM

ما شاء الله تبارك الله

بن داخل

11-21-2006, 07:26 AM

عز الله اني من اول كنت ذاك العلم حازيه = واليوم انااقول ياربي على دربه تعيني
ان عاش راسي ابوعادل فهاالدنيا لوريه = حتى يعود مكانه لا يوذي المسلميني

ابو عادل

11-21-2006, 07:55 AM

أول نهارك سرحت ولاانت داري عن تواليه=لكن تبشر بفت العظم مثل الاوليني
تبغا الغنايم وليل العيد بين من عصاريه=هذي بشارتك عندي هج لوقلبك فطيني

بن داخل

11-21-2006, 09:34 AM

اسمع كلام ابن داخل والكلام الحر توحيه = ترى بقية حياتك يبو عادل في يديني
انا نويت انثر البارود فالمرحان واحييه = احييه بالنار حتى تاكل الجنب المتيني

ابو عادل

11-21-2006, 12:57 PM

أكلت مال الضعوف ومثلك الله لايهنيه=وانته وربعك وشلتك الخبيثة كارهيني
لومارجعت لديارك راسك العالي نوطيه=والحق واضح على طول الليالي والسنيني

أبو علي

11-21-2006, 02:17 PM

مشاء الله تبارك الله ارفعوا البندق يارياجيل ، وخلوها سمحه لا تعدون الحدان .

بن داخل

11-21-2006, 03:35 PM

أنا لياجيت في ديره كبير القوم اربيه = حتى صغار الجبر من بعدها ماتبتليني
واللي سواتك بعد سقنا المياسم في علابيه = يصبر على اللي قسم له لا يلج لج بالونيني

ابو عادل

11-21-2006, 04:15 PM

بن داخل اللي يصابح بيت والثاني يماسيه =عزالله اني منغص عيشته لوبعدحيني
بكرة نجهز لبن داخل مية ميسم ونكويه=أناوجاري واخويه والبحر يرجع طحيني

@ بن سلمان @

11-21-2006, 08:15 PM

لا تفهقها يا بن عزاب
علومهم ما تعدت الهية اللي لعط فيها منقاش
عندك يابن داخل

بن داخل

11-21-2006, 10:17 PM

بن داخل اليا مشى في درب ماتقدر تباريه = خلك مكانك تنظر في كفوف المحسنيني
لن طال عمري لليمكم سوى والحي لافنيه = واجيب من لابتي عزوة بها القاسي يليني

ابو عادل

11-21-2006, 10:25 PM

اللي يدور على درب العنا ربك يعنيه=تالي زمانه يسجل في كشوف العاطليني
أعرف مطامعك واعرف وش تخططله وناويه= لكن نهايتك مكتوبة على براد صيني

بن داخل

11-21-2006, 10:53 PM

اللي عصى علمي الأول يلاقي اللي يلاقيه = وان كان لك قلب حذر ربعك اللي مقبليني
انته من اول لياذلحين لك طرق تغنيه = وين انت عني وانا خمسين عام ادرج بعيني

ابو عادل

11-21-2006, 11:15 PM

لاعاده الله زمان فات مانادى مناديه= يوم انت تسرق فيودك مثل سرقات الحصيني
واليوم ياشين حظ اللي يحابيك وتحابيه=يحسبك مكسبك وهوخسران في دنيا وديني

حسن عابد

11-22-2006, 12:29 AM

حليفي قواك الله ولا تنسى الشراكة

بن داخل

11-22-2006, 07:55 AM

أنته من اول ليا ذلحين كل العلم مخطية = ماعاد لك عندنا غير المشوك والبريني
واللي يسوي سواتك لازم ان احنا نوريه = لازم نوريه دربه والعرب تفهم رطيني

ابو عادل

11-22-2006, 12:27 PM

اللي يجيب الخبر من عند بن داخل يوديه=ويقله النصر من حظ الرجال الصابريني
والادمي مايغره فالزمان الا هقاويه=وان كان ماهو مصدّقني يقله يحتريني

بن داخل

11-22-2006, 04:35 PM

يقلون يهدر شعيل وفالطبع ياناس تاليه
ماعاد باقي يغير اقول له وينك وويني
أنا لي سنين وانا حي ابيع وحيٍ اشريه
منكم يبياعة الديـرة يعبـاد الخمينـي

ابو عادل

11-22-2006, 06:39 PM

بن داخل:
صح لسانك وبيض الله وجهك.
لقدأمتعتنا بالمشاركة في هذه الرحلة القصيرة والمليئة بالمحتوى
وكم أكون سعيدا لو رأيت بقية شعراء المنتدى يدخلون المحاورة من خلال هذه النافذة
زيادة في التواصل بين بقية الإخوة وفقهم الله.
أخي :لك مني جزيل الشكر لما استفدناه من جزالة ألفاظك وقوة حجتك وقدرتك على المجاراة
دفاعا وهجوما وروعة تصويرك وإلى القاء في مناسبة أخرى أستودعك الله.

بن داخل

11-22-2006, 08:04 PM

أباعادل
لنا شرف مجاراتك في إبداعك
فأنت الذي جعلتنا نحاول البحث بين ألألفاظ
علنا نجد في الذاكرة مايعيننا على دفع حجتك ومقابلة سيل معانيك
فلك مني جزيل الشكر على إتاحة الفرصة

بن داخل

11-22-2006, 08:11 PM

يقلون يهدر شعيل وفالطبع ياناس تاليه
ماعاد باقي يغير اقول له وينك وويني
أنا لي سنين وانا حي ابيع وحيٍ اشريه
منكم يابياعة الديـرة ياعبـاد الخمينـي

تعديل لون الخط فقط

حسن عابد

11-22-2006, 09:08 PM

سلام ردية صبح ومسا كل يوم=من هاجس قالها والناس يقرونها
اللي تحب الشعر واللي تحب العلوم=تقلط وتاخذ من الاخبار مزيونها

اسير الصمت

11-23-2006, 09:23 PM

مسيت بالخير ياحسن لعلك طلبت شاعرة ولكن أراها قد انشغلت
وما معقول ما احد يرادك لعلنا نخفف الضغط عنه

تحية ثابته مني لراعي اللزوم= يشرف سلامك لنا بعلوم يازينها
ان متها ياحسن فا الآخرة للرحوم= تسمع ونسمع وجاللجن مقرونها

@ بن سلمان @

11-23-2006, 09:31 PM

ابو علي
تستاهل يتقدم لك رجال

حسن عابد

11-23-2006, 09:55 PM

اشكرك اخي اسير الصمت على المشاركة والمشاركة للجميع ليست حكرا لان الهدف منها التسليه ومنح المنتدى شئ من التجديد واما المقصود في الابيات كان لاختنا ريمان لانها طلبت المشاركة سابقا ولكن ربما هذه الايام غير متواجدة

على كل حال انا سعيد بمشاركتك واتمنى لنا التوفيق وخذ الرد

دام البقا يابن داخل عد مبدا النجوم= سج القدم يابطل لكن على هونها
القرم ياصاحبي لازم يواجه قروم =والناس تشهد على الاحداث بعيونها

أبو علي

11-24-2006, 12:48 AM

حليلك يا بن سلمان ما حبك في الصيد في الماء العكر وشلك ووش لابوعلى يقابل رجال والا حرمه خلك في عشك لين تلقى لك شاعر يسنعك ...................

زهور الريف

11-24-2006, 01:09 AM

هجمه مرتده وهدف في الثمنيات من بن عزاب في مرمى بن سلمان وقوووووووووووووووووول

هيه عاد لقط وجهك يابن سلمان اللى شبه المنقل

انتبه لاتستغل سلطتك وتمسحها المجرفه منك ليست ببعيد

اسير الصمت

11-24-2006, 03:55 PM

ما لأللزوم الثقيلة ألا قوي العزوم = وأنا عرفت الرسالة من عنوانها
جعل العوافي على بعض المخلق تدوم= أحداً وراء هقوتي وأحداً وقع دونها

حسن عابد

11-24-2006, 04:50 PM

ما للزوم الثقيلة الا قوي العزوم000وانا عرفت الرسالة وقاري عنوانها

حسن عابد

11-24-2006, 04:54 PM

لا تزهق النفس دام انته تعلم تعوم=لكن ما قول غير الله في عونها
ترى البدايات دايم فيها فرك الخشوم=هذا زمان القوي ليلى ومجنونها

اسير الصمت

11-24-2006, 05:02 PM

يعطيك العافيه ياحسن واشكرك

حسن عابد

11-24-2006, 05:17 PM

الله يعافيك واصل

اسير الصمت

11-24-2006, 06:16 PM

يا طير يا للي على كل المواقع تحوم = اشوف ام قرين تدفع الضلع بقرونها
ليلى تدور على التسريح والا الختوم = وانا اعرف الطيبه وازور بيبانها

حسن عابد

11-25-2006, 12:08 AM

يالله عسى صاحبي حظه يعود يقوم= حتى يخلص جميع القوم فديونها
ليلى لها عند شعار القبيله رسوم=وان كان تبغى كلام الصدق يكفونها

حسن عابد

11-25-2006, 12:08 AM

اسير وينك

اسير الصمت

11-25-2006, 01:03 AM

منته على آدم وذريته بملزوم= خلها تسرح وتمرح بوديانها
الشقى والبقى على راعي الخروم= وانته وش اللي ينوشك بجدرانها

الشيهان

11-25-2006, 01:06 AM

خلوها خلوها

هات المكرفون ياولد عمي بعد اذنك

اسمع ياولد

جيب لاندكروزر اللون ازرق رقم اللوحه هـ ب ك 401

بالله لو سمحت ياراعيه وخر سيارتك خلنا نسري

حسن عابد

11-25-2006, 11:30 PM

المعذرة على التاخير

@ بن سلمان @

11-25-2006, 11:32 PM

وين تسري
تو الناس وتو القاف
والله ما جنبه لين حسن يقول شابت

@ بن سلمان @

11-25-2006, 11:39 PM

يا بن عزاب
وين الشاعر اللي يبي يسنعني
لا يكون مثل عادتك تتعزوا بحريم
اللي لسانه يحرقه علي يفتله

حسن عابد

11-25-2006, 11:52 PM

الحج ما يكتمل الا بطواف القدوم=بعض الاحاديث قلي ليه تروونها
ما شفت عاقل بدنيانا فحقه يسوم=هاذي نصيحة من العقال يشرونها

أبو علي

11-26-2006, 12:09 AM

طيب جميل جدا يا بن سلمان .....

وينك يا حسن عابد عليك ببن سلمان عانه يهدد لا اوصيك عليه اجلده ولا تأخذك به رافه .

اسير الصمت

11-26-2006, 12:43 AM

بعض العرب فوقه الجو صار كله غيوم=والعين عنده يقلب في صبا نونها
يا صاحبي موقعك دفاع والا هجوم = يزين بعض اللحون اللي تغنونها

حسن عابد

11-26-2006, 12:59 AM

بعض العرب سار في جوه سحابه وغيوم

من المرض حمى وزكام الله يخارجك منها

حسن عابد

11-26-2006, 01:12 AM

من يظلم الناس يكتب يوم عرضه ظلوم=ماني بظلام لاخواني ولا خونها
في درب ربعي ترى ما احب رمي السهوم=لكن انا شفت جمرة فوق غليونها

حسن عابد

11-26-2006, 01:16 AM

طيب جميل جدا يا بن سلمان .....

وينك يا حسن عابد عليك ببن سلمان عانه يهدد لا اوصيك عليه اجلده ولا تأخذك به رافه .
خلاص الصحبة بينكم في الصيفية الظاهر لكن ابشر يابن عزاب فيه موضوع مع اسير اذا عرفه نغير

أبو علي

11-26-2006, 11:46 PM

ما هو صاحبي ابراء منه ومن صحبته كلما نصحته وجيت اعدل عليه في بعض العلوم ردد لي مثل معه دوخني به قال ( الناس تمزح وعبيد الله من جده ) ما عرفت المثل هذا الا معه ، ياولد عدل العلم قال بس ودئماً يهددني ويقول ابرجدك بقصيدة احسن لك اهجد واليوم بعد الله فتح عليك واصبحت شاعر تحاور جس نبض الرجال ترى وش من شاعر يجيد المحاورة والا ماش ، هو ما شفته مسوي شاعر الا عليه على شان اني ماني شاعر .

أبو علي

11-26-2006, 11:49 PM

اسير الصمت تراه عزيزعليه وغالي خلك معه صاحب ومداري .

حسن عابد

11-27-2006, 12:01 AM

اسير ذيبان ما يحتاج توصية عليه وبكرة رايح ارسل له

نسيم الليل

11-27-2006, 02:00 PM

سلام عليكم

يا شعارنا ودنا نغير القاف

ولايهون الجميع الحفل مقسوم

حسن عابد

11-27-2006, 09:49 PM

سلام عليكم

يا شعارنا ودنا نغير القاف

ولايهون الجميع الحفل مقسوم

ما عندنا مشكلة شارك بس الاوزان لا تضيعها من البداية الا يكون تسوي مثل سترنقر بدأ بدأ بداية ضعيفة وبعدها بدأ يتحسن وضعه وبالتوفيق

أبو علي

11-27-2006, 10:41 PM

حسن عابد انت وشبك ابدع مع بن سلمان لا تردد الرجال حسب علمي ينتظرك عجل ابدع القاف لا يعود يقول شيء بعدين خلنا نشوف وش عنده .

اسير الصمت

11-27-2006, 11:16 PM

اسير الصمت تراه عزيزعليه وغالي خلك معه صاحب ومداري .

تسلم يا بن عزاب ما اغليت الا مغليك وما عزيت الا من يعزك