هذي نصيحه

[عوض بن سلمان]

الأولـــه يا الله يا رازق الطــيــر
يا خالـقـه سهّـل عليـه المعيـشــه

الطيـر ما يسعـى يبـا الـرزق للغيـر
يسعـى يبـا رزقـه وينفـر بـريـشـه

الله يبـو عـادل يمسـيـك بالخـيــر
لا تدخـل البـاب الـذي فيـه شيـشـه

ادخـل مع البـاب الـذي فيه تقـديـر
لو كـان يطرونـه ورى طـوق بيـشـه

ابعـد عن أهل الكركـره والكراكـيــر
أهل الشّيـش وأهل الحصـاه الطشيشـه

هـذي نصيحـه صـادره من مصاديـر
ما عاش من يبغى من الشيـش عيـشـه

شرابـة الدخـان مثـل العصـافـيــر
طالـع في جسمـه راح مثل القشيـشـه

وشرابـة الشيشـه صقـور ومغاويــر
لابـس قميـص وراكـب المستبيـشـه

تلقـاه في القهـوه كما الضبـع فالبيـر
وإليـا جلـس ما تسمـع إلا هريـشـه

هـرجٍ ليـا قلـتـه مسعّـر بتسعـيـر
ما سـعّـروه أهل العـلـوم الدشيـشـه

[@ بن سلمان @]

صح لسانك يا عم عوض
كلمة وحكمة

[سنا الهجرة]

صح لساااااااااانك يا عم عوض
علمك غانم .. ونصائحك .. مقدرة

الله يحفظك ويحفظ شبابنا من كل سوء

[مجنونها]

صح الله لسانك يا بو شرف
ودام للمنتديات عطاؤك

[النجم الساهر]

صح لسانك يابو شرف

دائما تخرج لنا بالنصائح القيمة

عسى الله ان ينفع بها ويمدك بالصحة والعافية

[>>>>المشيلحي<<<<]

صح لسانك
يابو شرف

نصائح ثمينه

[ابو مشاري]

بيض الله وجهك ياعم عوض كلام العقل وزين العلوم

ونصيحة ثمنها غالي

[تحت الصفر]

الله يبـو عـادل يمسـيـك بالخـيــر

لا تدخـل البـاب الـذي فيـه شيـشـه

ادخـل مع البـاب الـذي فيه تقـديـر

لو كـان يطرونـه ورى طـوق بيـشـه

صح لسااااااااااااااانك يابو شرف

[النادر]

ابا شرف

نصائح جميله

صح لسانك

النادر