انتم ثمر كبدي وقلبي ومافيه

[عوض بن سلمان]

الحقيقة كبروا العيال وصار كل منهم له حياته والله يصلحهم لانفسهم ومنهم اللي باقي تحت عيني ومنهم اللي راح ورا رزقة وحياته اللي ادعي الله انه يبارك له فيها . وهذه قصيدة كتبتها بعد رساله شعرية جاتني من الرياض عبر الجوال فيها من العرفان والبر الكثير فكانت هذه القصيدة جوابا عليها :
يا مرحبا ترحيب غالي واثنيه = عد السحابة يوم هلت مطرها
وعداد براق الحيا في مناشيه = وعد السنين اللي تدور وشهرها
قلبي عليكم حن حنحون حانيه = مثل الشجاري اللي حناها ثمرها
انتم ثمر كبدي وقلبي وما فيه = وانتم حجاج العين وانتم نظرها
حي الجواب اللي وصلنا وراعيه = وحي الرسالة وحي من هو نشرها
ذوع بها الجوال من بين اياديه = واهتز قلبي يوم جاني خبرها
بيت الاسد يعرف بذكره وطاريه = وبيت الوباره ينعرف من وبرها
هذا جواب الصدق ماني بكانيه = مثل الليالي يوم يبدي قمرها
الشعر شهرتنا ولو مات نحييه = ومعمرين بيوتنا من حجرها

[المبرِّد]

صح لسانك يا عم عوض
يشرفني ويسعدني أن أكون أول قراء هذه القصيدة

[السهلاوي]

الله الله
يا بن سلمان
جزلة وابداع
يكفي انك راعي خبرة
في الشعر والقصائد
اتمنى من جميع اعضاءنا
الشعار الاستفاده من قصائدك
ومتابعتها

[أبو علي]

صح لسان يا عم عوض ، والله يحفظ لك البعيد والقريب ، ويكسبك اجرهم .

[@ بن سلمان @]

صح لسانك ابا شرف
وانا اعد نفسي واحد من عيالك
امدك الله بالصحة والعافية

[المشتاق]

الشعر شهرتنا ولو مات نحييه
ومعمرين بيوتنا من حجرها


صح لسانك يا بو شرف

[ابن ابي محمد]

قلبي عليكم حن حنحون حانيه
مثل الشجاري اللي حناها ثمرها
انتم ثمر كبدي وقلبي وما فيه
وانتم حجاج العين وانتم نظرها

صح لسانك يا أبا شرف واقرعينيك بأجتماع شملهم ونجاحهم وتوفيقهم في الحياة , وبأجتماع شملكم بعد الممات وبعد عمر طويل ختامه الصالحات في جنة عدن ومقعد صدق عند عزيز مقتدر .... آمين لك ولنا ولجميع القراء والمسلمين والمسلمات عامة يا رب العالمين .
هكذا هي ألأبوه منحة رحمانية رحمة بالذرية ,وعطاء لا ينضب وبلا انتظار لرد الجميل , وحنين في السراء وانين في الضراء ..
اللهم أرحم والدينا ومن أحسم الينا ومن له حق علينا ....

[اسير الصمت]

صح لسانك يابو شرف ويسلم غاليك

[أبو عبيدة]

صح لسانك يابو شرف

[حسن عابد]

الله يستر عليك وعليهم دنيا واخرى

[عثمان الثمالي]

صح لسانك يا بوشرف.................... الله يعطيك العافية

[ابو عادل]

صح لسانك وحفظ الله لك أبناءك وأصلحهم.

[نسيم الليل]

صح لسانك وبارك الله لك فيهم واقر عينيك بهم اجمعين

[بن داخل]

صح لسانك ابوشرف
وللأبناء مكانة في نفس الوالد
وليتهم يعونها حق الوعي
ليقوموا بمايجب عليهم
تجاه والديهم

[عوض بن سلمان]

المبرد / اياس / بن عزاب
بن سلمان / المشتاق
ابن ابي محمد
رزقكم الله الذرية الصالحة

[{بعيدالنظر}]

يعطيك العافيه
صح لسانك يالغالي

[محمود عادل]

صح لسانك