بعد ماهاضت هجوسي نادو الهانم زهور

[بن داخل]

ياسلام الله عليكم يارفاقتنا الحضور
من ضمير اللي ليا غنى يفكر فالأمور
بعد ماهاضت هجوسي نادو الهانم زهور
والنتيجة كل شاه معلقه بكراعها
يابنت الاجواد سوقي العلم قدام = والمعرفة بيننا ماهي غريبة
أنتي وانا في بلد مليان حكام = والصبر محبوب في وقت المصيبة

[آبن أدم]

أنتي وانا في بلد مليان حكام = والصبر محبوب في وقت المصيبة




الله يحفظ حكامنا ويطول اعمارهم

[حسن عابد]

ياسلام يامحمد

[أبو علي]

الله الله الله الليلة المحاورة مع الست زهور و بن داخل راحت فيها والله هذا بن داخل والله ما تقدرين فيه

[ابو عادل]

تكفين يازهور ترى مايعرف لبن داخل أحد غيرك الله يقويك.

[اسير الصمت]

صح لسانك يابن عمي !!!!!!

[العائد]

ياساتر استر يا كريم

[زهور الريف]

مرحبابك يابن داخل عد ماصفت صفوف
احسب احسابك قبل لاتكتب ارقام وحروف
لاتعود اخر الايام من فوق الرفوف
والنتيجه كل شاه معلقه بكراعها
ياشاعرا نعرفه من ماضي العام ** شاعر ولافيه شك وفيه ريبه
مافيه داعي لفراعه ولزام ** تمشي على كيفنا طيب وغصيبه

[اسير الصمت]

العب العب ياحمدان

[منقاش]

صح لسانك يزهور . تكفين كسري عكاكينه واشرمي براطيمه . هذا هذا , ما يبي يشفي غلي عليه الا انتي .

[بن داخل]

البقا يابنت والدنيا تلف وتستدير
والكبير الله فها الدنيا ولا غيره كبير
لو يحطونك في اداره جيت انا فيها المدير
والنتيجة كل شاه معلقه بكراعها
الظاهر انك عايشه عصر الاحلام = عصر مضى ماني مفتش فغيبة
وان كان حظك بعض الايام بك قام = تري مع محمد عليكي صعيبة

[حسن عابد]

اليوم خميس يازهور فاضين نبغى نقرا عجلي

[@ بن سلمان @]

ياشاعرا نعرفه من ماضي العام ** شاعر ولافيه شك وفيه ريبه

خذها من حمدان , تراها عندي لها وجهين
انت تسوي عقوم وحمدان يهد وراحت فيها الفير على قول منقاش

[ابن ابي محمد]

يا نار شبي من ظلوعم حطبكي ,,,,,, أي بله أضحك واكثر الناس تبكي
عسى بأسهم بينهم شديد واكيد ومديد, وينضرب الظالمين بالظالمين ونخرج من بينهم سالمين.
وسلامتكم .

[اسير الصمت]

صح لسااااااااااااااااااااانك يابن داخل
ترى اصفوف اتعبت
وصابها ما صاب العبد ادنيدن يوم يقول اثا اثا اثا اثا اثا العبي وبكرة اعلمك به

[زهور الريف]

يامحمد لاتنقز وانت قلبك نعرفه
ماشي وعاكس طريقك ياقليل المعرفه
ادع ربك شرنا عنكم يحيل ويصرفه
والنتيجه كل نحله معلقه بكراعها
الدرب ماهو سهل مزروع بالغام ** ياللي تهوجس هواجيسك عطيبه
تراك في قبضتي لو كنت همام ** لاردك لديرتك في جوف عيبه

[@ بن سلمان @]

والنتيجه كل نحله معلقه بكراعها
خيطي ميطي

[العائد]

لا والله كعمتيه يازهور . يستاهل بن داخل , وانا بزيده من عندي هالبيتين :

يبن داخل ويش صابك صار شرك مستطير
دربك اللي فيه تمشي ترى دربك عسير
منت متخارج من اسهام ربات الخدور
والنتيجه كل شاة امعلقه بكراعها

الذرب ماينتخي وينقز فلوهام الين يازن ويتمقل حريبه
هذي زهور الفلا للخصم لطام فسلم حملن وفلجولات ذيبه

[بن داخل]

الرفاقه كل ابوهم فالبنيه مقرنين
يحسبون ان العيون الزرق بالهرجه تلين
وخري يابنت عن درب ابن داخل من ذحين
والحقيقة كل بنت معلقه بشعورها
درب الوفى عارفه ماني بذمام = وانادياري تنعرف يااللبيبة
واللي كماكي نحسبه فيد واغنام = وقت الحرايب والسنين المحيبة

[بن داخل]

لا والله كعمتيه يازهور . يستاهل بن داخل , وانا بزيده من عندي هالبيتين :

يبن داخل ويش صابك صار شرك مستطير
دربك اللي فيه تمشي ترى دربك عسير
منت متخارج من اسهام ربات الخدور
والنتيجه كل شاة امعلقه بكراعها

الذرب ماينتخي وينقز فلوهام الين يازن ويتمقل حريبه
هذي زهور الفلا للخصم لطام فسلم حملن وفلجولات ذيبه

الحمد لله على العافية

[أبو علي]

خلوها ، خلوها ، خلوها ، خلوها

تكفين يا زهور تري بن داخل فاقع قلبي وبعيدين عندي سر ما سكه عليه اتصلي عليه اعلمك به ............... وتخذلينه به بس اتصلي

[زهور الريف]

من يهاب زهور ما خابت ضنونه يافتى
وانت تخلط في شهور الصيف مع وقت الشتى
كم نعلم كم نفهم فالغشم واليا متى
والنتيجه من زهور تعلقك بلسانها

انصحك تمشي على قانون ونظام ** ترى العرب عاربه وفيها عريبه
ايامنا قادمه يارافع الهام ** وقت البنيه تبيع وتشتريبه

[العائد]

خذ رده يابن داخل

كنت في عشك ما احد نشك يا سيد العارفين
ليش هيضت الهجوس اللي لها يندى الجبين
وانت تعرف من زهور الريف واحنا عارفين
والنتيجة كل شاة معلقه بكراعها

الحب يوررث لك اسقام .......وش ينفعك وش تبي به
خله لهل مصر والشام ........واللي مضيع حبيبه

[بن داخل]

خذ رده يابن داخل

كنت في عشك ما احد نشك يا سيد العارفين
ليش هيضت الهجوس اللي لها يندى الجبين
وانت تعرف من زهور الريف واحنا عارفين
والنتيجة كل شاة معلقه بكراعها

الحب يوررث لك اسقام .......وش ينفعك وش تبي به
خله لهل مصر والشام ........واللي مضيع حبيبه


هذي مخشورة نص لك ونص عارية

[بن داخل]

لوهقيت زهور فيها ياعرب لي مطمعه
كان شديت المطايا يمها والدردعة
مير انا عارف بنيتنا تروها مسلعه
والنتيجة كل بنت معلقه بشعورها
انا على طرقتي والصقر حوام = لكن وش عاد يبقى للربيبة
فالسوق جالك تري عشرين سوام = وانا معيي عليكي يالحبيبة

[@ بن سلمان @]

بن داخل هذا الموال قد سمعته مع منقاش
بس فيه اختلاف بسيط /
لو هقيت زهور فيها لي يا عرب مطمعة
كان شديت المطايا يمها ( والبردعة )ان شديت المطايا يمهـا و(البردعة)
مير انا عارف بنيتنا تروها مسلعـه
والنتيجة كل بنت معلقـه بشعورهـا

[المشتاق]

عساكم على القوة يا شعار المنتدى
بن داخل
طلبتك لا تسفه الرجال

[بنك المعلومات]

ين داخل
س / من هو stranger ؟
تعرفة ؟

[بن داخل]

ين داخل
س / من هو stranger ؟
تعرفة ؟
العلم عند الله
بس أظنه ان ماخاب ظني
واحد من معاتيقنا

[زهور الريف]

واحسوفك لو تعلم من بنيه كان زين
لاتحسب كل واحد ياخذ كتاب بيمين
وانت والله ما تساوي من زهوره الثمين
والنتيجه جاتك زهوره تسوق جيوشها
لن عاش راسي لردك يامحمد حطام ** وابيع باقيك في تشليح طيبه
الشله البايره بيعا بالاكوام ** عاد الرجاء منهم بعشرين خيبه

[زهور الريف]

بن سلمان اشوفك تبندر ودك بمحراف الفحك به الين تضلي تحذف عن الخط وتروح لبن داخل يرصصك

[العائد]

تو ابن داخل درى انه ................ طب فى ارضٍ مسبعة
هو يظن ان الذيابه .................. تنطرد بالقربعه
دام ما لك في المنازل ................ ليش سيفك تشرعه
وانت تدري كل عنز .................. معلقه بكراعها

انا وزهره نبي نلجمك بلجام ........................يا خوف تجلب على نفسك مصيبه
ان كنت حايم ففوقك مرعدات الغمام................انصحك عود تذرى في الزريبه

[بن داخل]

لايغرونك كثيرين الحكي والتمتمة
لويطول الوقت تاليها لسانك نشرمه
والا بن عزاب ناوي لن لقيته الطمه
والنتيجه كل بنت معلقه بلسانها
لن عاش راسي لخلي راسك اقسام = والقسم الاكبر لبن سلمان اجيبة
والا ابن عزاب لاوضفه خدام = واقول لمنقاش هيا ارضع حليبه

[ابو ملاك]

http://www.alsaqr.com/vb/images/smilies/08.gif
خلوها . . خلوها . .

[أبو عبدالرحمن]

على هونكم يا جماعة

[@ بن سلمان @]

قدها يا بن داخل
بس المخ حقها مني لابي امجد

[زهور الريف]

الله اكبر يوم شفت اللى يقول انه لبيب
الرقيب الله ولاغيره على خلقه حسيب
قيل فالامثال مات من الهموم اللى رقيب
والنتيجه جاتك زهوره تسوق جيوشها
راحت علومه وجاه الموت صدام ** والموت ناصيه واللي من قريبه
من بعد حكم البلد بيصير لمام ** واللي توزى تراى سيفي يجيبه

[ضماء النهر]

صح لسانك ايتها الشاعره العملاقه

سجليني احى المعجبات وبشده بما تنثرينه من درر في هذا المنتدى

اثبتي بحق تالق بنات جنسنا الى مستوى من كانوا يعتقدون اننا لسنا اندادا لهم

[العائد]

ما هقيت انك مسوي لا قليل ولا كثير
انت صيدك عارفينه في جلال الفير
مير هوجس ياالرفيق وكثر التصفير
والنتيجة كل حره زابنة بارجالها

ياالغر ما كل راعي بندق (ن)وحزام.................يرمي بها القوم ويصيب الضريبه
لا هود الليل كل حبجب وشمام .......................والشر خله ودرب ابليس سيبه

[الشيهان]

الله يجود عليك يابو هبه
مخ زهور ماني قده ولاهو قدي الله يخليه لاهله
بس الراس كيف بيرسله لك بن داخل محمرس والا سلخ

ياخي لاتورطونا في حبايلكم الله يدفع البلا عنا والمسلمين

[اسير الصمت]

يا بن سلمان الله يهدك ويصلحك
وروح وخر الجيب ترى النفس طايبه
الناس تبي تسري من نافذة المحاورة تبي عند زهور وبن داخل يقلون يبيون يردونها شقر على الزير

[ضماء النهر]

والنتيجه كل حره زابنه برجالها

الاخ stranger
مع احترامي الشديد لكلامك الجميل الا ان زهور ماهي في حاجة رجال تزبن لهم على ما شوف انها زابنه بعمرها وزود واحنا عصاها اللى ما تعصاها


صغيرتكم ضماء النهر

[بن داخل]

الرقيب اللي تقولينه تري ماهو بلاش
مير حدته الليالي ياالبنية والمعاش
والعلوم اللي معك لابد نفرش لا فراش
والنتيجة كل دارٍ عزها برجالها
الموت ماهو بدينك يم الايتام = والذيب ممساه في عالي شعيبة
لكن شوفي الرويعي رجل نمام = جانا بمنقاش والهجره عصيبة

[بن داخل]

تو ابن داخل درى انه ................ طب فى ارضٍ مسبعة
هو يظن ان الذيابه .................. تنطرد بالقربعه
دام ما لك في المنازل ................ ليش سيفك تشرعه
وانت تدري كل عنز .................. معلقه بكراعها

انا وزهره نبي نلجمك بلجام ........................يا خوف تجلب على نفسك مصيبه
ان كنت حايم ففوقك مرعدات الغمام................انصحك عود تذرى في الزريبه


والله اني رافع البندق عن الخبل الضعيف
مير قام الخبل ينقز من رصيف اليارصيف
أنت في صبيا وانا وزهور في وادي الغريف
والنتيجة كل خبل الله يعين اهله عليه
الظاهر انك وريث السبع غشام = تسري على المخطية واللي مصيبة
لكن جوك الضيوف ان كنت عزام = وان كنت غاوي ترى هذي ضريبة

[أبو علي]

وينك يا حقوق الانسان وينك ، ظلم وافتراء من الاصحاب والاحباب ما فيه عداله .

[@ بن سلمان @]

ابا امجد
انا اويلك بالمخ ولو انه مخ حرمة لا يغني ولا يسمن
وانا مابي من راسها الا اللحيان ومستويه سلخ والا حرمسة
اخرتها شربة ولسانات وعيش بر والبرد يولي

[@ بن سلمان @]

اسير الصمت
ما في الميدان الا بن داخل
والا بنت العم زهور ماها الاجعجعة وما شفنا طحين
خل الجيب فب مكانة واضبط القاف مع ابو علي
تراه يسر الخاطر

[اسير الصمت]

يابن سلمان تعلمني في ولد عمي
انا
أشهد له والجميع شهود

[زهور الريف]

من سمع هرجك يقول الرجل عنده سالفه
خل بن عزاب ماسجل عليه مخالفه
والا بن سلمان والله مثل سايق حافله
والنتيجه ماتساوي من زهور اضفورها
تراك منته لبن عزاب لطام ** مادام راسي ينومس فالهبيبه
مايشرع البحر الاحمر غير عوام ** عود لسلمان وارضى بالغليبه

[العائد]

يا عظيم الشان تستر يا حنين يا لطيف
اقبل محمد بنجم سهيل وبروق الخريف
يالله الخيره ... لكنك ويش رايك يا الحليف
والحقيقه عارف انك يا الزهر تقدر عليه

يا زهره الطير حطينا له اكمام ...صيدك على التيد والدنيا عجيبه
البارح الذيب يعوي فوق الاكام...واليوم في القيد جابته المجيبه

[أبو علي]

عليك الميل يا بن داخل ، ترى الرجال ما يوديه في المهالك الا لسانه ، انصحك تلزم الجاده وتاخذ بن سلمان معك وتسرون ترو الليل نهايته قشرى .......

عليكم الميل

[فؤاد طرطشلي]

يا بن داخل خل الموالات عندي

وخلك للقصيد

والنتيجة كل خبل الله يعين اهله عليه

يا ليل يا عين

[أبو علي]

دورو لهم كشاشيف مشاعيب خلوهم يسرون ، الرجاجيل ما عاد تشوف الدرب اعمتهم بنت العم ( ، زهور)

[ضماء النهر]

صح لسانك ياقاهرة الرجال


عليكم اللى قاله بن عزاب والله ماني عارفته بس شكلها نهايه مؤسفه



بن داخل ماهو قد زهور اكيد

لاكن هذا الشاعر الجديد ما هو قد بن داخل اكيد ثم اكيد لو يهرب افضل له


صغيرتكم ضماء النهر
.................................................. ..................................

ضماء النهر
اهلا وسهلا بك اختا عزيزة كريمة
ما بين بن سلمان وبن عزاب وبن داخل وزهور الريف قمة الاخوة والمحبة والتقدير والاحترام وما تقرأينه موانة الاخ مع أخيه وللاهمية جرى التنويه
تحرير / بن سلمان
.

[حسن عابد]

يا بن داخل
هذا اللون الاحمر ليه حاطه لا يكون تخويف لزهور
يا كثر جمهورك يازهور
النكت الحلوة النظيفة والله تشوق الواحد لكن عليكم ببنك المعلومات

[العائد]

ليه يا بنت يا ضماء تقلين الكلام هذا عني ؟ والله اني كنت معتبيك للشدايد , انتي وبعض الجواد .
الله يسامحك

[بن داخل]

استعدي واستريحي واتركي رمي الرماح
ابن سلمان ان جهلتي به تري سم ذحاح
والا بن عزاب ماعنده يقع صوت وصياح
والنتيجه جودي علمك تري ليلك طويل
الظاهر انك غويتي وسط ذيك الزحام =سلمان سلمان مايسلم حريبة
وان كان جى في عظامك شي قلنا حرام = روحي لمنقاش يبغى له خطيبة

[بن داخل]

ضماء النهر
تري مشتاق معتبينه للي مثلك
يدربي في راسه ماهو عارف الطبخة
خليكي في المطبخ ازين لك
والا تدرين
بعدين اقلك

[بن داخل]

يا بن داخل خل الموالات عندي

وخلك للقصيد

والنتيجة كل خبل الله يعين اهله عليه

يا ليل يا عين
الظاهر انك جسيس
مدري قسيس
بس فيه فرق بين الموال والمجس يواد على قول حقون مكة

[بن داخل]

يا عظيم الشان تستر يا حنين يا لطيف
اقبل محمد بنجم سهيل وبروق الخريف
يالله الخيره ... لكنك ويش رايك يا الحليف
والحقيقه عارف انك يا الزهر تقدر عليه

يا زهره الطير حطينا له اكمام ...صيدك على التيد والدنيا عجيبه
البارح الذيب يعوي فوق الاكام...واليوم في القيد جابته المجيبه


ابتلشنا في طيور مالها عندي عشوش
والزمل يمشي وخلق الله مع الراعي تحوش
هرجو المهبول يسكت وان بغى مني قروش
والنتيجه كل ديره عزها برجالها
ان كنت راعي بهم وان كنت راعي حمام = ثنتينها ياولد ماهي عجيبة
واناادري انك صغير ماوصلت الفطام = ليتك تروح تدور لك غبيبة

[زهور الريف]

ضماء النهر كلام سلمان 1000 % مافيها شك

واما انتي ياعمري جيتي في وقتك في ضل هذا الهجوم الكاسح من رجال المنتدى ضدي

ما اقدر اقول لك الا انتي وبس

[زهور الريف]

الروعي وشلته ماعندهم شي (ن) يسر
جاه خله وسط عقله صابه جنون البقر
ودهم للمحرقه في ظهر قلاب (ن)حمر
والنتيجه زهور ما جاء من يساوي نصها
شلة روعي الغنم مرضى بها سقام ** وراعي السواني ترى مشقوق جيبه
وانته وسلمان مكتوفين بإحكام ** كلام مظمون من بنت (ن) مصيبه

[حسن عابد]

شلة رويعي اكيد منقاش منهم يازهور

[ضماء النهر]

صح لسانك يادكتورة الشعر

بن سلمان افهم ماتعنيه وهذا الامر اهم الاسباب لدخولي المنتدى لما تتمتعون به من روح رياضيه عاليه


الشاعر stranger
وجهة نظري عاديه ارجوا ان لاتؤثر على شاعريتك قد اصيب وقد اخطئ ولكن الكتاب باين من عنوانه والشواهد حاظره ارجوا ان تتقبل النقد بصدر رحب والا انا اسفه الى ان ترضى

صغيرتكم ضماء النهر

[ابو ملاك]

قصيدة قيلت لأخونا العضو الجديد . . . في منتدى أهلاً بكم ..
http://www.thomala.com/up/images/xiF34523.gif
اضغط على الصورة للتكبير .....

http://www.thomala.com/up/images/04t86470.gif

[العائد]

يا عرب ما ودي اغلط والغليم ما يشوف
يحسب انه في المقلط والعرب عنده ضيوف
يا محمد لا تورط ما نبي تذبح خروف
والنتيجة كل كلمة تكتب المن قالها

اما في عينك حول واما في عينك عسام .......روح اشتري لك ملح ثم اكتوي به
وانا ادري انك كبير في عيون العوام............واوعدك يالمنتدى لعيد ترتيبه

[فؤاد طرطشلي]

#




لا يكثر الحكي ساكتب اسماءكم انتبهوااااااااااااااا

#
اهديك ربي ( تحرير المشرف الفني)

[راعي النوق]

بيض الله وجهك يابن داخل

وبيض الله وجهك يازهور

عزالله ان كلامكم يشرح الخاطر

[ابو عادل]

بارك الله فيكم
وجدنا أنفسنا مشدودين للمتابعة

[بن داخل]

والله اني عارف انك من بيوت غانمين
واعرف انك لك عزوم فالمواقف ماتلين
مير لي حظ رمابك في يديني من سنين
والنتيجة كل دار ماتخون عيالها
انااعرف انك اصيلة بنتنا ماتضام = بنت الوفى فالمواقيف العطيبة
نعمين انا اقولها واقف معك باحترام = نعمين نعمين ياالبنت الرهيبة

[@ بن سلمان @]

ابنة العم زهور الريف
كلي ثقة في رجاحة عقلك رغم انك من ضلع اعوج
مطلوب منك تصور شاعر لموقف ارسمه في خيالك , تمهني جيدا في تلك الصورة
قطعة قماش من النوع النفيس ناصعة البياض , وابرة خياطة , وشكتبانة , وخيط رفيع على مكرة , الصورة في ذهني الان بهذة الادوات صارت قطعة القماش هذه ثوب جميل , واظنها ذات الصورة في ذهنك .
لكن لو تصورت لك هذه الادوات وظهرلك ذلك الخيط الرفيع على المكرة بلون اصفر , كيف ستكون حال الصورة , بالتأكيد نشاز وغير مقبولة .
قطعة القماش الابيض هي المنتدى, والابرة هي انت , والشكتبانة هي انا , والخيط الاصفر بن عزاب .
اعتقد ان الصورة الان واضحة لك وللاخوة الاعضاء .

[زهور الريف]

يامحمد انت رجل (ن) عارفه شاعر كبير
مرتكي للشعر والشعار بالعرف الغزير
لو بغى واحد يزيد اليوم عنكم مايصير
والنتيجه جاتك الـقـيفان يادكتورها
بن داخل الشاعراللى دوم ينرام ** يروم عرفه رياجل (ن) لبيبه
يبقى على الدوم مثل الصقر حوام ** ماهاب من جاء يسحب في ذنيبه

[بن داخل]

يا عرب ما ودي اغلط والغليم ما يشوف
يحسب انه في المقلط والعرب عنده ضيوف
يا محمد لا تورط ما نبي تذبح خروف
والنتيجة كل كلمة تكتب المن قالها

اما في عينك حول واما في عينك عسام .......روح اشتري لك ملح ثم اكتوي به
وانا ادري انك كبير في عيون العوام............واوعدك يالمنتدى لعيد ترتيبه


الذيب نعرف جرته لكن لك جره شكل
والظاهر انك ياولد فالمعرفه ماانته سهل
وان كان في نفسك كدر غداك في قدر الهبل
والنتيجه هات علمك لا توخر فالعلوم
انا عيوني تراها ماتشوف الغلام = وش عاد لوكان مايسوى زبيبة
لكن من بعدها ودي ارد السلام = واقول يامرحبا من راس شيبه

[بن داخل]

وافية يازهور وفيتي وكفيتي
وبيض الله وجهك
وعلمك غانم وهذا خبري بك
لك موفور شكري
وإلى لقاء قادم

[زهور الريف]

بن سلمان خيال واسع الضاهر ان تكثر من شرب حليب النيدو قبل النوم
هههههههههههههههه
امزح طبعا

لايغرك اني مادحه بن عزاب ترى والله لو انبرم عليه لاالخبط اوراقه كلها بس عاد طالما هو ماشي جنب الحيط نتركه تحت المراقبه

والا انت الله يعينني عليك ويعينك عليه ماقول غيرها شي

[زهور الريف]

اشكرك على هذا الوقت الثمين الذي قظيته معك يابن داخل

والمعذره ان كان جاك شوية رضوض

وافي من بيت وافي يابن داخل

واصل مع الشاعر الجديد اتمنى لكما التوفيق والسداد

[أبو علي]

تجيد الوشاية يا بن سلمان ، زهور ما هي جلبه تعبيها ، ولا قربه تنفخها ، اصيلة من اصل وفصل ، وبعدين وش يدخلك بين العود ولحاته ، اصلاً انت لا يجوز شرعا ان تدخل معها في الغاز وكلام مبطن ترى ربي بيحاسبك الا ليا كانت لك بها قرابه مع العلم انها تقول لي قبل ايام انها تعرفك من يوم كنت في الجامعه واشك ان كان شي زماله لكن ما ش قرابه ......

[ضماء النهر]

صح السانك ياقرة عيني يازهور الريف
صح السانك يابن داخل

قمت الاثاره

وقمت التفاهم والتناغم


صغيرتكم ضماء النهر

[العائد]

من الغريب إلى : بن داخل وزهور الفلاة

والله اني كنت ادافع باللسان وباليدين
عن وليه شفتهاتطرح في سوق الناخسين
وانت مابيني وبينك غير خير وعلم زين
هذي علومي ولا عندي سواها علوم

عليك مني سلام(ن)مثل طلع البشام.........ولا كما العتم يامحسن مشاعيبه
واعمري اللي غدا سراب واوهام............ما عاد نلقى صحيب نعتزي به

نسلم عليكم ياالربع,,,,,,,,,,,,,,,,,,,

[العائد]

والله اني ما دريت إن البلى والعيب فيه
احسب انه جا لبوه وجا لعمه مثل اخيه
يظهر انه نزع عرق يا عرب هذا السفيه
لكن والله ما علم بعلم الرخوم

حنا في خير المجالس والرجال الحشام............نبيع بالطيبه والطيب نشري به
وان كان ذا الخدر ضيق ما عدمنا الخيام .......وانا لبيب واعرف الليل واسري به

[بن داخل]

الظاهر ان واحد من المقصات رايح
يبي لك ترصيص حتى ماترج
علومك من كل شن رقعة
الله يخارجنا

[المشتاق]

والله اني عارف انك من بيوت غانمين
واعرف انك لك عزوم فالمواقف ماتلين
مير لي حظ رمابك في يديني من سنين
والنتيجة كل دار ماتخون عيالها
انااعرف انك اصيلة بنتنا ماتضام = بنت الوفى فالمواقيف العطيبة
نعمين انا اقولها واقف معك باحترام = نعمين نعمين ياالبنت الرهيبة

>>>>>>>>>>>>>>>>>>>>>>>>>>>
صح حكيك يا بن داخل
اه بس واوجودي
عليك يا بنت العم

[العائد]

بعد ما ثارت يا بن داخل تبي ترقعها . ولا صدقت نفسك اني في صبيا وانت وزهور في الغريف.
لعلمك لا انت ولا غيرك يجرني للغة الشوارع هذي .اعتذرعن شطحاتك غن كان تبي السيارة ماترج .

الغريب

[بن داخل]

والله اني ما دريت إن البلى والعيب فيه
احسب انه جا لبوه وجا لعمه مثل اخيه
يظهر انه نزع عرق يا عرب هذا السفيه
لكن والله ما علم بعلم الرخوم

حنا في خير المجالس والرجال الحشام............نبيع بالطيبه والطيب نشري به
وان كان ذا الخدر ضيق ما عدمنا الخيام .......وانا لبيب واعرف الليل واسري به

أخي الغريب
ماهنا ثورة ولا شي بس
أخوك على قد حاله وفهمه للشعر مش ولا بد
أبيك تشرح لى معنى الأبيات السابقة
لاهو اللي عرفت لها راس من رجلين
فضلا أعد المحاوله وشكرا
ولك مني وافر العذر وهاي بوسه على الراس

[العائد]

أنا ما أشرح شعري يا بن داخل . اسأل عنه زهور البراري , والا اقل لك اسأل دنيدن .

[ضماء النهر]

يظهر انه نزع عرق يا عرب هذا السفيه

ماهكذا تورد الابل

الغريب اساء الادب بكل صراحه
يظهر انه شاعر تجميع تايوان وين المراقبين عن مثل هذه السفاهه الشنيعه لم يصل المزح الى هذه الدرجه من الاسفاف

[العائد]

الله يسامحك يا ضماء . مرة ثانيه تغلطين عليه . الله لا يلوم بن داخل يوم قال انك ماتدرين وش يدور. انت ما قرأت وش كتب بن داخل حتى تلقين باللوم عليه !!!!!

[نسيم الليل]

وشبك يا بن داخل

انت ما احد عاجبك

ترى الغرور له وقت

بعدين يهويبك

والاخت ضما مابه غلط ولا شي والا ما تعرفين ان بالشعر حاجه اسمعا هجااااااااااااء

تحيات نسيم