باقي ليالي عقبها يطلع سهيل .....

[النادر]

الصيف وما ادراك ما الصيف وسواياه

راعي الهواية دايما مملوك لها واذا ابطا منها تنقضت جروحه

وان افتش في ارشيفي الشعري من الطفش واتذكر المقانيص لقيت هالقصيده اللي عمرها حوالي العشر سنوات

استمتعوا ولا تخلوني من تعليقاتكم اللي تونس وتسلي


ياعماد قم يابوك دن المعاميل=واحكر لنا فنجان زاهي شقاره
فنجان بريه وقنده بالهيل=وافطن ترى خابرك راعي شطاره
باقي ليالي عقبها يطلع سهيل=من عقبها يابوك زيح الستاره
وانقل لنا عراك نبغى ليا قيل=ياهيه يالي تدفعون البشاره
ابشر بجرتها على الطفل وقبيل=نور ٍ من المشرق يجينا حماره
ونقصها ياحي شوف المداهيل =ويطلع عليها قاطعٍ من حراره
ان داسها بالقاع شفت البهاذيل=وان شلعت شفت الغير في طياره
ابيض نحر كاسي كفوفه سراويل=اشقر ظهر صافي وباين غتاره
في محجر عيونه كهوفٍ مضاليل=وفي مفرعه هيبة شيوخ الاماره
افجح قصير كراع فيه التماثيل=اللي يدورها قديم الصقاره
مخالبه من فوق وكره شناكيل=قصاب لكن مالها بالجزاره
مشدد السبع الموامي وفالذيل=نقش الثريا ماخذٍ في استداره
شاريه يوم اهل الدراهم مساطيل=قليل فيه اللي دفعته نعاره
في ذمتي وش مادفعته به قليل=طراة راس وبخص عرف وجساره
بايعه اقفى في كثير المحاصيل=في خاطره ضوى جمال التجاره
واقفيت اقلب كف يمناي تقبيل=وامسيت كني منصبٍ في وزاره
وش عاد باقي بس يابوك لسهيل=حتى عن النادر نزيح الستاره
نبغي ليا قال القروم المشاكيل=عراك وينه قلت فوق الغماره
صاحوا بذكر الله وكثر التهاليل=وحولهبا من دون حد الزباره
ثم قرب دلالك وباقي المعاميل=واحكر لنا فنجان زاهي شقاره

[سنا الهجرة]

والنعم والنعم والنعم .. بــ عماد وأبو عماد >>>>>>>>>> وعراك
ما شاء الله تبارك الله .. وصف دقيق وتسلسل موضوعي متقن
و .. عجبني صراحه
في البدايه قمت باصدار شبه الاوامر لــ عماد الله يحفظه.
وطلب الكيف الاشقر .. واسلوبك الجميل في مدح الصغير وهذا من جمال التربيه ..
ومن ثم >> بيان التوقيت ومتى سوف يكون العزم للذهاب الى لصيد ,, وهذا مهم للمتابع حتى يدخل جو القصيدة ويدرك المضمون
وهكذا .. تسلسل المواضيع .. من موضوع لآخر دون التكلف في اشعار القارئ بهذا الانتقال
ومن طلب إزاحة الستار . عن النادر وعراك في آن واحد .. وكأنهما لا يكادان ينفصلان عن بعض

الى أن تطرقت للموضوع الرئيسي من وجهة نظري وهو وصف الطير .. وقد أجدت حسب ما أراه في الستة الابيات التي تحدثت فيها عن ذلك
ومنها الى . . بيان أن ما تم دفعه في عراك قليل مهما كان كثير .. وكأنك تلوم بايعه وأنه لا يعرف قيمته الحقيقة .. والتعبير عن فرحتك بهذا الصيد الثمين الرخيص الثمن ...
ومنها الى العودة من جديد للوقت وكأنه همك الاول والاخير .. وكأنك تحسب الايام وتتثاقل مرورها .. وتنتظر سهيل على أحر من شهر أوغسطس ( طباخ التمر )

وفي النهياة .. وبعد تعب الصيد تعود لــ عماد >> وتطلب القهوه .. وهنا يكون الروقان والكيف له طعم .. ومذاق خاص .


أبو عماد >>> مع اني لا أحب الصيد ولا المقناص ولا البر .. لكني استمتعت كثيراً بهذه الرائعه .. وبدالي جيداً ماذا يعني الصيد والبر عند هواته ومحبيه >> فــ لله درك وصح لسانك

[مجنونها]

الله يحفظ لك عماد ونشوفه شاعر وراعي مقناص
صح لسانك ودام للمنتديات عطاؤك

[أبو عبدالرحمن]

صح لسانك يا أبا عماد

قصيدة في منهى الجمال والروعة..وصف رائع وذائق

لا عدمناك

[أبوخالد]

ماشاء الله عليك يالنادر
ونعمين بعماد وابوه
صح لسانك يابوعماد وعلا شانك

[خلف بن عبدالعزيز الثمالي]

صح لسانك يابو عماد
وعسى الله يطول بعمرك وعمر عماد
والقصيدة جزلة والقنص هواية جميلة لكنها صعبة
علينا في الحجاز

دمت بخير,وعافية

[النجم الساهر]

مبدع كعادتك ايها النادر

شاعر وناقد وقناص محترف

وتأسف للتأخير لان الوقت لايسعفنا كما كان الله المستعان

[النادر]

والنعم والنعم والنعم .. بــ عماد وأبو عماد >>>>>>>>>> وعراك

ما شاء الله تبارك الله .. وصف دقيق وتسلسل موضوعي متقن
و .. عجبني صراحه
في البدايه قمت باصدار شبه الاوامر لــ عماد الله يحفظه.
وطلب الكيف الاشقر .. واسلوبك الجميل في مدح الصغير وهذا من جمال التربيه ..
ومن ثم >> بيان التوقيت ومتى سوف يكون العزم للذهاب الى لصيد ,, وهذا مهم للمتابع حتى يدخل جو القصيدة ويدرك المضمون
وهكذا .. تسلسل المواضيع .. من موضوع لآخر دون التكلف في اشعار القارئ بهذا الانتقال
ومن طلب إزاحة الستار . عن النادر وعراك في آن واحد .. وكأنهما لا يكادان ينفصلان عن بعض

الى أن تطرقت للموضوع الرئيسي من وجهة نظري وهو وصف الطير .. وقد أجدت حسب ما أراه في الستة الابيات التي تحدثت فيها عن ذلك
ومنها الى . . بيان أن ما تم دفعه في عراك قليل مهما كان كثير .. وكأنك تلوم بايعه وأنه لا يعرف قيمته الحقيقة .. والتعبير عن فرحتك بهذا الصيد الثمين الرخيص الثمن ...
ومنها الى العودة من جديد للوقت وكأنه همك الاول والاخير .. وكأنك تحسب الايام وتتثاقل مرورها .. وتنتظر سهيل على أحر من شهر أوغسطس ( طباخ التمر )

وفي النهياة .. وبعد تعب الصيد تعود لــ عماد >> وتطلب القهوه .. وهنا يكون الروقان والكيف له طعم .. ومذاق خاص .



أبو عماد >>> مع اني لا أحب الصيد ولا المقناص ولا البر .. لكني استمتعت كثيراً بهذه الرائعه .. وبدالي جيداً ماذا يعني الصيد والبر عند هواته ومحبيه >> فــ لله درك وصح لسانك



ابو عبدالله وقراءة ادبيه راقيه

ليست مستغربة من شاعر وارئ نصوص ومتذوق راقي

النادر

[النادر]

الله يحفظ لك عماد ونشوفه شاعر وراعي مقناص
صح لسانك ودام للمنتديات عطاؤك


مجنونها

الله يحفظ لنا ولك الذريه ويبارك

صح بدنك ولاتهون ودام لها مجنونها


النادر

[النادر]

صح لسانك يا أبا عماد

قصيدة في منهى الجمال والروعة..وصف رائع وذائق

لا عدمناك


ابا عبدالرحمن

اطراء فاره وراقي يزيده جمالا

كن بخير

النادر

[النادر]

ماشاء الله عليك يالنادر
ونعمين بعماد وابوه
صح لسانك يابوعماد وعلا شانك


هلا والله بابو خالد

ماعليك زود

هذا ولدكم وولد ولدكم ,,,, صح بدنك ولاتهون

الامانت بعيد عن الهوايه الصوره الرمزيه شاهين والتوقيع حرين واحد للمقانيص وواحد لعوجا السنين


النادر

[النادر]

صح لسانك يابو عماد
وعسى الله يطول بعمرك وعمر عماد
والقصيدة جزلة والقنص هواية جميلة لكنها صعبة
علينا في الحجاز

دمت بخير,وعافية
ابو وليد

صح بدنك ....آمين

هذي الهوايات تعبها راحة وخسايرها متعه

لاهنت

النادر

[النادر]

مبدع كعادتك ايها النادر


شاعر وناقد وقناص محترف


وتأسف للتأخير لان الوقت لايسعفنا كما كان الله المستعان



النجم الاغلى

ماعليك زود انت مدرسة منها نتعلم حتى فن الاشاده

شكرا وخذ راحتك لو بس تمر وتقراء يكفي

النادر

[الذيب]

ابو عماد
سجلني من المعجبين بقصائدك