بدع المواويل

[نسيم الليل]

ياسلام الله سلام (ن) من هجوس (ن)وافيه
ودها تمزح مع الشعار بقلوب نظافيه
والمعاني عندنا يا اهل المعاني صافيه
يالله انك تنصر الاسلام وتذل اليهودي

جيت اسلم مالقيت اللي يرد السلام *** ياعسى بالامر خير وياعسى بالامر خيره
ياشعار المنتدى عندنا علم ونظـام *** القوافل حملت وابتدى حد الشطــــــــــــيره

[@ بن سلمان @]

نسيم الليل
مرحبا بتواجدك
موضوعك استحق التثبيت
بقي الشعراء :
بن داخل مشغول في حرف مع زهور
وحسن عابد مع اسير الصمت
بقي ابو عادل لوتطلبة او تسمي شاعرك
والبقية بين منقطع ومقل
حياك الله مرة ثانية

[نسيم الليل]

الاخ بن سلمان تسلم وابقاك الله

انا ما اخص شاعر بنفسه المشاركه مفتوحة للجميع

ودنا في بن داخل ولا يهونون البقية

[بن داخل]

[quote=نسيم الليل;39410]ياسلام الله سلام (ن) من هجوس (ن)وافيه

ودها تمزح مع الشعار بقلوب نظافيه
والمعاني عندنا يا اهل المعاني صافيه
يالله انك تنصر الاسلام وتذل اليهودي

جيت اسلم مالقيت اللي يرد السلام *** ياعسى بالامر خير وياعسى بالامر خيره

ياشعار المنتدى عندنا علم ونظـام *** القوافل حملت وابتدى حد الشطــــــــــــيره
[/quot

مرحبا ترحيب وافي من هجوس ماتخون
بعد ماجانا النسيم ورد مزيون اللحون
ودنا نضحك لكن الضحك يبغي له سنون
يالله انك تنصر الاسلام وتذل اليهود
يامرحبا ترحيبة مني وانا بابدى الكلام = والعريف اللي سواتك ترانا نستشيره
لكن خلك في طريقك ولا تصل الزحام = واحذر ترد عد مع الناس وحبالك قصيرة

[admin]

صح لسانك يا بن داخل

[الحوية قوية]

ايه هذه العلم الطيب


شاركوا نبا نستانس

[حسن عابد]

السنون طايحة لكن ان كان الدكتور ذكي يعمل تركيبه مزبوطة ولا يحوله على الخاص

[أبو علي]

يا بن داخل حول الرجال على مستشفى الهدا فيه قسم خاص يركب له اسنان ولنا فيه واسطه وعلى مسؤليتي اليا ما جاك باسنان ثابته .

ياخوي وش يمنعك ما تدخل المنتدى باسمك الحقيقي اليا كنت شاعر محاورة جاد تعرفك الرياجيل وتعرف تاخذ وتعطي معك او تعرفنا من انت ،
مثال : اسير الصمت رجال يوم نوى المحاورة عرف على نفسه خلا الرياجيل تعرفه وتحترمه

عفوا يا بن داخل ما استشرتك في الموضوع لكن انا دفاع ما ني هجوم .

[ضماء النهر]

نسيم الليل

صح السانك يابو خالد

[ضماء النهر]

بن داخل صح السانك مرتين

عارف ليه لانك مدحت زهور الريف حبيبة قلبي



صغيرتكم ضماء النهر

[نسيم الليل]

البقا يالمرحب بنا وانت بالصوت عالي
أعرفك يابن داخل ياعريب الجد والخالي
صاحبك ذيب والذيب بالمرقاب عالي
يالله انك تنصر الاسلام وتذل اليهودي


والله انا ناس تعرف للحلال وللحرام ** مير بعض الاوادم غرته عين البصيره
يا ابن داخل توقع لاتشد الحــــــــزام ** يمكن انه ينفجر مابه الا ذخيــــــــــــره

[نسيم الليل]

اشكر الجميع
راعي الحوية
والاخ بن عزاب
والمشرف
وحسن عابد
والاخت ضماء
على المشاركة الفعاله
والعزيز بن عزاب يمسيك بالخير الاسامي مو مهمه كم من اسم نكب راعيه المهم الاخلاق

[@ بن سلمان @]

والعزيز بن عزاب يمسيك بالخير الاسامي مو مهمه كم من اسم نكب راعيه المهم الاخلاق
..............................
نسيم الليل /
صحيح المهم الاخلاق بس
ترى ما عندنا بنات للزواج

[بن داخل]

يانسيم الليل لك جره قديمه واضحة
ليش تمشي ياولد فالطرقه اللي فاضحة
والا ماتعرف تفرق خاسرة من رابحة
يالله انك تنصر الإسلام وتذل اليهود
ان كنت ناوي تحج البس جديد الحرام = لجل انك انته محول في شعيرة
وان كنت ناوي تمشى روح لديار يام = تلقى بها من يسوون الفطيرة

[نسيم الليل]

ياكبير المعرفة تراك بالحيل غلطان
صاحبك ما يوم طب بالسوق خسران
يازن الخطوة وعلى ما قيل وزان
يالله انك تنصر الاسلام وتذل اليهودي

ياراعي المهرة ترى ناصيك لن كنت عزام* أجلب معي عز(ن)وجاه وأموال (ن)كثيره
وان كنت ياصاحبي تسمع لواشي ونمــــام* ترانا عرب ما تلتفت عينها بالصغيــــــــره

[بن داخل]

لا هنت يانسيم عذر وافي
ولك السموحة
وأعتذر منكلإنشغالي بضيف جديد

[نسيم الليل]

والا يا ابن داخل تراك بالرد عنا تونيت
مدي حدتك الليالي والا عليها ما ماقويت
ترى الرجل ما يسوي مثل اللي انت سويت
يالله انك تنصر الاسلام وتذل اليهودي

يا كبرها ياعبرها ليا صارت كما سرب الحمام * من شاعر محنك للعلم يعرف يديره
الجمـل ما يعيبـــه ولـو صـغر فيه السنــام * ما يهمه لو يجنب عنه شيخ الحضيره