سلام رديه من القلب النظيف!!!!

[{بعيدالنظر}]

سلام رديّه موديّه من القلب النظيف=أحلا من العذب القراح البارد بوقت الظما
جينا وداعينا الوفا والطيب يادعوا ثقيف=كم لي طرقت الباب مدري فى ارض ولا في سما

[عثمان الثمالي]

يامرحــبا ترحـيب يكـتب بالانــوار ... والنور عم المنتدى مع حضوره

أسمك مثل برق يبشر بالأمطار ... والقلب بوجـــــودك تزايد سروره

هذا محلك وابتدى معك مشوار ... على الوفا والطيب تكتب سطوره

من الفرح رحبت بك نثر واشعار ... يا مرحبا باللي يشرف حضــــوره

[بن داخل]

يامرحبا ترحيبة يذري ذراها كل ضيف = حليت دار الطيب ياضيف الغلا ومكرما
إن كان داعيك الوفى ماجيت فالجنب الضعيف = الباب قدمك عد واقلط يالمسلم واسلما

[محمد النمري]

ياسلام ياسلام

بعيد النظر ماغيره

مرحبا الف يالغالي

بعيد النظر
سـلام رديّـه موديّـه مـن القلـب النظيـف=أحلا من العذب القـراح البـارد بوقـت الظمـا
جينا وداعينا الوفـا والطيـب يادعـوا ثقيـف=كم لي طرقت الباب مدري فى ارض ولا في سما

ابن داخل
يامرحبا ترحيبة يذري ذراهـا كـل ضيـف=حليت دار الطيب ياضيـف الغـلا ومكرمـا
إن كان داعيك الوفى ماجيت فالجنب الضعيف=الباب قدمك عـد واقلـط يالمسلـم واسلمـا

[أبو عبدالرحمن]

وعليكم السلام:
ومرحبا بك أخي الكريم ـ بعيد النظر ـ
عضوًا جديدًا ...وضيفًا كريمًا...

وأهلاً بك معرفتك تسرنا... وتواصلنا معك يسعدنا ... ومشاركتك تفرحنا ...

[أبو علي]

مرحبا بك يا بعد النظر بين اخوانك ، والف مرحبا ،

[@ بن سلمان @]

وعليكم السلام:
ومرحبا بك أخي الكريم ـ بعيد النظر ـ
عضوًا جديدًا ...وضيفًا كريمًا...

[حسن عابد]

:akbar

يامرحبا ترحيبة يذري ذراها كل ضيف = حليت دار الطيب ياضيف الغلا ومكرما
إن كان داعيك الوفى ماجيت فالجنب الضعيف = الباب قدمك عد واقلط يالمسلم واسلما

[{بعيدالنظر}]

مشرفنا الغالي : عثمان الثمالي . أشكرك على كلماتك الترحيبيه التي تدل على نقائك .
الله يبقيك وهذه مجاراه فقط ودمت لي .
.
.
.




دام البقا يا اهل النقا سر وجهار=مادارت سنين الزمان وشهوره
الله يبارك فى الرياجيل الاخيار=كلٍ وله في صفحة المجد دوره
الشك زايل والوفا سايرٍ سار=والطيب والمعروف وضّاح نوره
سلمت ياعثمان يامشرف الدار=وأنا افتخر في مثلكم يوم ازوره

[{بعيدالنظر}]

سلمت يابن داخل
وإستلم وآسف على التأخير
وإذا آنت حاضر أنهينا الطاروق مباشر
.
.
.




دام البقا واللي حضر ماهو من الوزن الخفيف=مبعد نظر مايخطي الاهداف لامنّه رما
فى الناس من شوفه على قده وفيه أعمى كفيف=ماشاف دربه في فمه من وقته لسان وجما

[{بعيدالنظر}]

الغالي / محمد النمري
مرحبابك ياشاعرنا ولاهنت على المتابعه والتنسيق
لك التقدير والإحترام

[{بعيدالنظر}]

مشرفنا العام : ابو عبدالرحمن
لاهنت ياطويل العمر والله يبقيك ويطوّل مهاليك ويشرفني أن أكون أحد أعضاء هذا الصرح الجميل والرائع بكم .
لك تقديري وأحترامي

[{بعيدالنظر}]

أخي بن عزاب
لاهنت على الترحيب والطيب اللي ماهو غريب
لك الشكر كما يليق بك
تقديري

[{بعيدالنظر}]

مرقبنا الراائع : بن سلمان
الله يسلمك ويبقيك ولايهينك وكم أن سعيد بتواجدي بينكم يالغالين
تقديري لك ولحضورك ومرورك المورق

[{بعيدالنظر}]

الغالي : حسن عابد
حضورك يسعدنا أشكرك على الحضور والتفاعل
لاهنت يالغالي لاهنت

[بن داخل]

حليت في وادي جفن والمعرفة ماهي قطيف = قرب يديك وخذ من العراف رزق يقسما
لكن وشبك يالمذري شي حب وشي ريف = تراي مااحب الطريق اللي دليلته العمى

[{بعيدالنظر}]

هالله هالله


إليا إفترقنا قبل نبدى ياآبن داخل يالطيف=صحيح لاقالوا عليميه تحت ناس علما
القهوجي واللي يجيب الما يخدمون الشريف=عز الله إني من رياجيلٍ يحقنون الدما

[ضماء النهر]

بن داخل شاعر عبقري بكل المقاييس واصل ولن يقوى شاعريتك احد

[{بعيدالنظر}]

بن داخل شاعر عبقري بكل المقاييس واصل ولن يقوى شاعريتك احد


الإخوه جميعاً . إبن داخل عزيز وغالي وشاعر ماجينا ألا نستفيد منه ومن أمثاله والكل هنا من شعراء ثماله غالين وعزيزين وسعوا صدروكم لاعدمتكم والقصد لاحد ياخذ في خاطره شيء تقديري لكم جميعاً

[بن داخل]

إن كان عينك ماتشوف الدرب دور لك رديف = وانا احسب انك شايل البيرق وحماي الحما
لكن خلك فالدفى لا تحسب ان الجو صيف = ماكل من طب المعارك يابعيد يغنما

[بن داخل]

ماعليك زود أخي بعيد النظر
وأنت كذالك
امزح ونمزح والصدور وساع
والله يحييك ومنك نستفيد ولو ماعرفنا اسمك لكن
كما قال الأعرابي
البعرة تدل على البعير والأثر يدل على المسير
والسماوات والأرض تدل على السميع البصير

[بن داخل]

بن داخل شاعر عبقري بكل المقاييس واصل ولن يقوى شاعريتك احد
الأخت ضماء أشكر لك تعاطفك
ولكن الموضوع تو الناس أخذ وعطا
وماجا مايكدر الخطر

[{بعيدالنظر}]

لا يالبعير ياللي سرى ليله لنيبانه صريف=أهل العروش اللي لهم تاريخ ساده وحكما
عينك يراقبها عقيد القوم وإثبت ياعريف=غصباً عن الزعلان والراضي ومافي فمك ما

[{بعيدالنظر}]

ماعليك زود يابن داخل ويعلم الله ماقلت إلا الصحيح .
والله يبقيك ويسلم عمرك طال عمرك .
ويجيك العلم من دون تخمينات الأعرابي الذكي والمفوّه .
الهدف إن الشعر بين شاعرين واللي فى المدرج ويتفرج لايؤجج الأمور وهي لم ولن تصل إلى ماصل إلى توقعاته . هذا هو القصد
تقديري للجميع

[بن داخل]

أريت هامه مقبلة واخذت لي سيف رهيف = لكن حظي ساق لي حي(ن)أصم(ن) وابكما
قولوا لرعي الثوب الأدهم يلبس الثوب النضيف = وان كان يبغى الحج لابده يروحه محرما

[{بعيدالنظر}]

عزالله إنك ماتفرفص والمعاني حد سيف=والحظ ساق إلك الغني وآنت البخيل المعدما
أنا بوجه الله يابن داخل من المد القصيف=جمعت لك ضدين وش تعقر مبيّحت الحما

[بن داخل]

حزات نطمع فيك يالمبعد وحزات نعيف = لكن لاتشعب بعيرك كان ليلك مظلما
وش عاد لك في ديرة حدوك فيها للرصيف = من بعد ماكنت انت سيد صرت فيها تخدما

[{بعيدالنظر}]

اللي تعاف الكيف كيف نقول نكرمها بكيف=لو تكبر اللقمه على الحنجور غص إبها نما
يومٍ عليك ويوم لك وش جبت يالعبد الضعيف=لاراح عمك جاك عم وماش للوقت آخصما

[بن داخل]

لاتحسب ان الباخرة جابتك من مرسى جنيف = جيت انت من بحر الهنود ولا بغيت اعلما
وانا بسوق الطايرة وانته معينك المضيف = اصحا يانايم لايطول ابك المنام وتحلما

[@ بن سلمان @]

صدق مبشور الطايف يسوي اكثر

[{بعيدالنظر}]

اللي شهد فالصيف مايمديه يجحد فى الخريف=ياالشاهد الجاحد كما بصمة بهامك ماكما
ودك تبدلها لكن الولف فى القلب الوليف=أكظم عليها كم حما الميسم وجلدك ماحما

[بن داخل]

ان كان ماطاعك زمانك طيع شوري ياخليف = الحق بني عمك ترى منزالهم وسط ضرما
الحق يظهر ياولد والزيف من مبداه زيف = لكن سلم لي على من قاد جيشه واقدما

[{بعيدالنظر}]

والله لتبطي علمة السايس على الخيل العسيف=مير إنتفخ وإنفش حشّمك الله بناس حشما
البارق اللي شافته عينك وساري له رفيف=أمطر على راسك وطاح القمل في بحرٍ طما

[بن داخل]

ان كان ماباقي معك فالمزوده غير النصيف = لاتتعب الاقدام في يوم عصيب معتما
جايك من المنشا خيال يسبقه بارق مخيف = مانته بهادم فالحصون اللي من اول رسَّما

[{بعيدالنظر}]

البحرياغافل عنه مانقّصه كثر الغريف=ياما عطينا ماتلحقنا الضعوف اليتما
يوم إنها عند أهلها ماشفت خلق الله لفيف=من كل حدب وصوب والغارم مصيره يغرما

[بن داخل]

الظاهرانك ياعبيد الله من الضلع المنيف = جبت المعرفة لاتقول انك من اول ملهما
لولا بيوت المعرفة ماكان يمدي لك وصيف = لامرو الحجاج من عندك تقوم تكلما