سنا الهجرة // تعال

[ابو عادل]

ولاياسنا باب المعاني فتحتوه=أبدخل معه وانشدك وين الذهيبة
وانا مابشبه شي بيّن ومشبوه=ومن يقرب الشبهات ربه حسيبه

[admin]

من زمان يا ابو عادل

وتراني في صفك. وجميع الامكانيات الفنية .
يعني ممكن اصفي المكرفون لك .ونشوشه على سنا الهجرة

[سنا الهجرة]

يا حيا الله أبو عاد .. زمان والله عن ابداعاتك
المهم طال عمرك اصبر علي شوي ترى البيبان كثيره
خليني اشوف وش من باب دخلت علينا منه
وفالك الخير .. وانتظرني لحد ما يجيك الرد ..

[أبو عبدالرحمن]

حي الله شاعرنا أبو عادل..

وبدعة جميلة ورائعة..من شاعر لا يشق له غبار

وننتظرك يا أبو عبدالله..وشد حيلك ..وتراني قريب منك وفي صفك!

[سنا الهجرة]

هلا والمعاني بابها كيف شفتوه=ترى من دخل من باب ماهي غريبه
عسى ما خلاف وكل شي(ن) عرفتوه=وعلم(ن) يكدر خاطرك وش نبي به

[سنا الهجرة]

حيا الله مديرنا الفني .. تراني صوتي يوصل طال عمرك حتى من دون مكرفونات ههههههه

حيا الله مديرنا العام .. أبو عبدالرحمن
خلك حولي ترى أبو عادل هذا ناويني نيه ماهي طيبه >> الله يخارجني

[ابو عادل]

شقانا تواصيتوا علينا واكلتوه=سوايا سنا الهجرة سوايا عجيبة
لكن اللي اخفيتوه فالحال هاتوه=قبل مانولعها عليكم شبيبة

[ابو عادل]

أبو عبدالرحمن

لاتوقف في صف سنا يلحقك شظايا وتلومني
ههههههههه

[ابو عادل]

من زمان يا ابو عادل

وتراني في صفك. وجميع الامكانيات الفنية .
يعني ممكن اصفي المكرفون لك .ونشوشه على سنا الهجرة

بيض الله وجهك ياأدمن
أنا لوتطاوعني توقف معرف سنا بالمرة ترى كبدي عليه ترقص

[ابو عادل]

هلا والمعاني بابها كيف شفتوه=ترى من دخل من باب ماهي غريبه
عسى ما خلاف وكل شي(ن) عرفتوه=وعلم(ن) يكدر خاطرك وش نبي به


بيض الله وجهك ياسنا
ماقصرت بعد أن دفعت الفدية
وعادت الأمور الى نصابها
وأنا رديت ماانتبهت لكن كذه نعتبر المحاورة انتهت
ومشكووووووووووور.

[سنا الهجرة]

شقاكم مكانه وان بغيتوه شيلوه=ترى ما خذينا شي منكم غصيبه
وحالن(ن) - بقى من بدون ترتيب - معتوه=عدو التطور يابن عمي مصيبه

[سنا الهجرة]

حياكم الله جميع .. يا مرحبا بكم

[سنا الهجرة]

ولاياسنا باب المعاني فتحتوه=أبدخل معه وانشدك وين الذهيبة
وانا مابشبه شي بيّن ومشبوه=ومن يقرب الشبهات ربه حسيبه



هلا والمعاني بابها كيف شفتوه=ترى من دخل من باب ماهي غريبه
عسى ما خلاف وكل شي(ن) عرفتوه=وعلم(ن) يكدر خاطرك وش نبي به



شقانا تواصيتوا علينا واكلتوه=سوايا سنا الهجرة سوايا عجيبة
لكن اللي اخفيتوه فالحال هاتوه=قبل مانولعها عليكم شبيبة



شقاكم مكانه وان بغيتوه شيلوه=ترى ما خذينا شي منكم غصيبه
وحالن(ن) - بقى من بدون ترتيب - معتوه=عدو التطور يابن عمي مصيبه


للتنسيق

[سنا الهجرة]

بيض الله وجهك ياسنا


ماقصرت بعد أن دفعت الفدية
وعادت الأمور الى نصابها
وأنا رديت ماانتبهت لكن كذه نعتبر المحاورة انتهت
ومشكووووووووووور.




وجهك ابيض يابو عادل .. وانا بعد رديت قبل أشوف علومك الاخيره
وعساني ما خربتها بالقاف الأخير ههههههه
ولكن الامور مثل ما قلت عادت لمجاريها .. والفضل يرجع لأبو عبدالرحمن >>> عاد مدري هو فضل والا خوف الله العالم .. المهم ان الامور زانت وهذا اللي يهمنا

[أبو عبدالرحمن]

الله يوفقنا وإياكم لكل خير

وطالما النفوس طيبة ..والقلوب نظيفة ..تهون ما دونها!وهذا ما عهدته عليكم..

وأبشروا بعد كم أسبوع ندور على مقترح يزعل الشعار!

[سنا الهجرة]

الله يوفقنا وإياكم لكل خير

وطالما النفوس طيبة ..والقلوب نظيفة ..تهون ما دونها!وهذا ما عهدته عليكم..

وأبشروا بعد كم أسبوع ندور على مقترح يزعل الشعار!


أكيد يابو عبدالرحمن >> القلوب نظيفه .. لا يهمك شي
بس لا تأمن المره الثانيه تنعاون عليك >> هيا عاد تخارج

[مطفي النور]

مصمم على التواجد الا اذا كان الهدف التطفيش فقولوه

صح السنتكم ...وباقي في خاطري كلااااام

[سنا الهجرة]

مصمم على التواجد الا اذا كان الهدف التطفيش فقولوه

صح السنتكم ...وباقي في خاطري كلااااام

يا مطفي النور .. أول شي حياك الله
المكان مكانك مثل ماهو مكاني ومكان غيري
وثاني شي .. تراك ظلمتني .. ولكن الله يسامح
أما إذا كان قصدك المحاوره
لو إنك قريت شروط هذا القسم ما كان قلت اللي قلته

[مشعل الثمالي]

ماشاء الله
سلام عليكم ورحمة الله وبركاته
الليل ياشعار القبيله
لاهنتو .