وين إبن بركي (مشيلح) مايجيب؟؟؟!!!!

[{بعيدالنظر}]

ياذيب ياللي يوم جر عواه سامع صوت ذيب=الذيب لو ماله وليف مع الذيابه ماعوى
قولوا لإبن بركي مشيلح لادعى الداعي يجيب=ماهو مغيّر نية الشاعر ليا منّه نوى

[@ بن سلمان @]

الذيب لا منه عوى جاوبه ذيب
اقتباس جميل يا بعيد النظر, سرني تواجدك

[{بعيدالنظر}]

مرقبنا الرااائع / مرحبابك
وتواجدك هو المراد لاهنت يالغالي
تقديري

[ابو عادل]

الله على ذيب يجر عواه نسمع له قنيب=يمشي على صوت الذيابة والهوى ماهوسوى

ياليل جمعت الخطا بين المنادي والمجيب=واحد يكب الزاد والثاني على غبّ وطوى

[أبو عبدالرحمن]

حيا الله الجميع...

أبا عادل ليتك تكبر الخط ـ قليلا ـ تضع حجم الخط رقم 4 أثناء تنسيق القصيدة

[ابو عادل]

أبو عبد الرحمن
الله يبقيك ويحفظك وترى الخط على الحجم (4) لكن يظهر صغير واذاتكرمت كبر الخط ولك الشكر.

[ضماء النهر]

الف وخمسمائة ونعم بك يابو عادل اللى الامام ياشاعر ثماله

[المبرِّد]

صح لسانك يا شاعرنا

[{بعيدالنظر}]

هالله هالله

الله على زين النبا والله على خلقه رقيب=واللي يرد للجم وحباله قصيره ماروى
لابانت الأعراض ياشاعر ثماله للطبيب=مايشكي الامراض من يسّر له الله الدوى

[{بعيدالنظر}]

حيّ الله الجميع .
وياليت الكل يتحلى بسعة الصدر المسأله سوالف وأناسه لاتاخذون في الخطّر شيء!!!!
تقديري لكم جميعاً

[ابو عادل]

ماودّنا نبحث عن المندب :معزّة للندّيب = وانااعرف الكاتب ليامني قريت المحتوى

أهل الفكر من قبلنا يقلون من ودّى يجيب= والعاقل اللي مايواري يارفيع المستوى

[ابو عادل]

ضماء النهر
ألف ألف شكر على المرور ولطف العبارة.

[ابو عادل]

المبرد
صح بدنك وأشكر لك تواجدك.

[بن داخل]

يجيك العلم لاتستعجل يبو عادل
وافية من وافي

[أبو عبدالرحمن]

عساكم على القوة جميعًا

أبو عادل سيتم تتبع تنسيقك لجميع الأبيات السابقة وتعديل ما يناسب التعديل...

مستقبلا ضع حجم الخط بمقاس 5

[{بعيدالنظر}]

البحث وش لك من وراه ولاحصل شيٍ غريب=وإن عدت كل اللي تقوله قلت لك مالك لوى
أهل المثل يقلون يامخطي خطا يمكن تصيب=واللي يعرْف العلم ياشاعر ثماله ما غوى

[ابو عادل]

العالم الله بالخفايا من بعيد ومن قريب=عساك فالحيد الزبين ولاتميل مع الهوا
ماني بحاطب ليل واعوّل على حظ ونصيب=غواص في قاع البحر ورّاد من عين الجوى

[{بعيدالنظر}]

قلّك مشبب لاتعجّل في زمانك ياشبيب=عانه سرح والله يبيحه يامشيلح ماضوى
عساك راع الفزعه اللي لاطلبته مايغيب=لاجيت يمّك وآنت حيد الما وعودك ماذوى

[ابو عادل]

ماعاد فيها فرق مابين المربّي والربيب=ياسرع ماشفت الربيب الياتلوّى والتوى
فزعت وافزع من شروق الشمس لاوقت المغيب=لكن خل القدر يطبخ لاتسابق للشوى

[{بعيدالنظر}]

إن كان ماجت بالرضا ولاّ تعوّد بالغصيب=مايفقد المسيم حَماره غير لامنّه كوى
نبي ندق الروس فوق الروس يالراس الصليب=ونشوف من يقوى ومن يومي براسه ماقوى

[@ بن سلمان @]

ابا عادل
بعيد النظر
عينان في راس
وعين ما تغلى على عين

[{بعيدالنظر}]

مرحبا يابن سلمان والحقيقه قلت اللي في الخاطر .
لله درك وآنت تحمل كل هذا النقاء لله ردك
أتمنى أن يحذوا حذوك الجميع
بارك الله فيكم

[ابو عادل]

الآن......


ناقة بدو عيت تحن ولايجي منها حليب=وان كان درّت قول قام الحظ والعلم استوى
لكن تريّث لاتجي ماحولكم سمن ورويب=يااللي بغيت التمر عند اللي يمصون النوى

[{بعيدالنظر}]

عشرين خُطّاب الصبيه ماصَلح منهم خطيب=والبنت مزيونه كحيلة طرف تسهر من هوا
أحسبني اللي كاسر الحسبه على فكر الحسيب=ومعلم الراوي كم شروط الروايه لاروى

[ابو عادل]

أرسل لها واحد يحايلها على حد القليب=حتى تجيك معطّرة لو كنت في وادي بوا
وان كان هذي حسبتك صلب عليها بالصليب=والا صباحك مع هل الطايف وتمسي نينوى

[أبو علي]

عز الله انك شاعر يا بعيد النظر ، ولا مثلك شاعر انعم واكرم ببو عادل تراه ما عليه زود .

[{بعيدالنظر}]

واشيب راسك يالثمالي بعد مارمشك يشيب=مادام ثارت في خباها بعد راعيها ثوى
مادام هذا اللي تقوله فيك شك وفيك ريب=أثر غضيب الوالدين إليا خوى فكره خوى

[أبو علي]

ناقة بدو عيت تحن ولايجي منهـا حليـب
وان كان درّت قول قام الحظ والعلم استوى
لكن تريّث لاتجي ماحولكم سمن ورويـب
يااللي بغيت التمر عند اللي يمصون النوى


عزالله انك شاعر يا ابا عادل .

[{بعيدالنظر}]

هلا وغلا يابن عزاب
الله يحييك يالغالي .
وماعليك زود ونعم بك وببو عادل ونعم بالجميع وعزالله عراف منهم نستفيد
وأشكرك على الحضور والإشاده والشهاده .
لاهنت الله يطوّل عمرك

[ابو عادل]

لوكان ولين الفهيم تلبّس الثوب القشيب=يسر من فتش علومه في زمانه ماانزوى
يابوسعيد الدين يعطي ميزة الرقم العجيب=والاقليل الدين حط الجمر فيده وانكوى

[ابو عادل]

بن عزاب
ونعم بحالك
ونعم ببعيد النظر وبيض الله وجهه ونطلب منه السموحة والعذر في القصور
وأشكر الجميع على المتابعة.

[{بعيدالنظر}]

إنته ليا منّك لقيت الكيف والتمر الربيب=مالك ومال السكه اللي كلها في ملتوى
الحب لو فتشّت ماتلقاه في قلب الحبيب=لكنّه اقرب من بياض النور لامنّه ضوى

[{بعيدالنظر}]

عندك النهايه يابو عادل وأبيض وجه آنت ومن تابعنا يابحر الشعر
ولنا بإذن الله لقاءات ولقاءات على الخير والمحبه .
تقديري لكم جميعاً

[ابو عادل]

أنا ليامني لقيت التمر خليت الزبيب=واللي يهاب الموت يتردد وتنهار القوى
ضحك السنون ابرى منه وملاحق المقفين عيب=ولااتحسر للزمان اليا تولى وانطوى

[ابو عادل]

أخي بعيد النظر
أشكرك على تحملك ايانا في هذا المشوار المتعدد المسالك الذي استفدنا خلاله مماجادت به قريحتك وأشكر كل من تابعنا والى لقاء ولك موفور التحية والإحترام.

[{بعيدالنظر}]

يعطيك العافيه يابو عادل .
الحقيقه إستفدت الكثير من مجاراتك وآنت أستاذ ماشاء الله عليك . أطال الله عمرك والشكر موصول للكل دون تخصيص لمتابعتهم بلياقه أدبيه جيده .
تقديري لكم

[محمد النمري]

.

محاورة شيقة بين شاعرين كبيرين
فاتني بعض منها لكن استدركت بالقراءة والتامل

وهذا عربون وفاء للشاعرين تنسيق لكامل المحاورة

عبيد الله العرابي
ياذيب ياللي يوم جر عواه سامع صوت ذيب=الذيب لو ماله وليف مـع الذيابـه ماعـوى
قولوا لإبن بركي مشيلح لادعى الداعي يجيب=ماهو مغيّر نيـة الشاعـر ليـا منّـه نـوى


أبو عادل

الله على ذيب يجر عواه نسمـع لـه قنيـب=يمشي على صوت الذيابة والهوى ماهوسوى
ياليل جمعت الخطا بين المنـادي والمجيـب=واحد يكب الزاد والثاني على غبّ وطـوى


عبيد الله العرابي

الله على زين النبا والله على خلقه رقيب=واللي يرد للجم وحباله قصيره مـاروى
لابانت الأعراض ياشاعر ثماله للطبيـب=مايشكي الامراض من يسّر له الله الدوى


أبو عادل

ماودّنا نبحث عن المندب :معزّة للندّيـب=وانااعرف الكاتب ليامني قريت المحتوى
أهل الفكر من قبلنا يقلون من ودّى يجيب=والعاقل اللي مايواري يارفيع المستـوى


عبيد الله العرابي

البحث وش لك من وراه ولاحصل شيٍ غريب=وإن عدت كل اللي تقوله قلت لك مالك لـوى
أهل المثل يقلون يامخطي خطا يمكن تصيب=واللي يعرْف العلم ياشاعر ثماله مـا غـوى


أبو عادل

العالم الله بالخفايا من بعيـد ومـن قريـب=عساك فالحيد الزبين ولاتميـل مـع الهـوا
ماني بحاطب ليل واعوّل على حظ ونصيب=غواص في قاع البحر ورّاد من عين الجوى


عبيد الله العرابي

قلّك مشبب لاتعجّل في زمانـك ياشبيـب=عانه سرح والله يبيحه يامشيلح ماضوى
عساك راع الفزعه اللي لاطلبته مايغيـب=لاجيت يمّك وآنت حيد الما وعودك ماذوى


أبو عادل

ماعاد فيها فـرق مابيـن المربّـي والربيـب=ياسرع ماشفـت الربيـب الياتلـوّى والتـوى
فزعت وافزع من شروق الشمس لاوقت المغيب=لكـن خـل القـدر يطبـخ لاتسابـق للشـوى


عبيد الله العرابي

إن كان ماجت بالرضـا ولاّ تعـوّد بالغصيـب=مايفقد المسيـم حَمـاره غيـر لامنّـه كـوى
نبي ندق الروس فوق الروس يالراس الصليب=ونشوف من يقوى ومن يومي براسه ماقـوى



أبو عادل

ناقة بدو عيت تحن ولايجي منها حليـب=وان كان درّت قول قام الحظ والعلم استوى
لكن تريّث لاتجي ماحولكم سمن ورويب=يااللي بغيت التمر عند اللي يمصون النوى


عبيد الله العرابي

عشرين خُطّاب الصبيه ماصَلح منهم خطيـب=والبنت مزيونه كحيلة طرف تسهر من هـوا
أحسبني اللي كاسر الحسبه على فكر الحسيب=ومعلم الراوي كـم شـروط الروايـه لاروى


أبو عادل

أرسل لها واحد يحايلها على حـد القليـب=حتى تجيك معطّرة لو كنت في وادي بـوا
وان كان هذي حسبتك صلب عليها بالصليب=والا صباحك مع هل الطايف وتمسي نينوى


عبيد الله العرابي

واشيب راسك يالثمالي بعد مارمشك يشيب=مادام ثارت في خباها بعد راعيهـا ثـوى
مادام هذا اللي تقوله فيك شك وفيك ريـب=أثر غضيب الوالدين إليا خوى فكره خوى


أبو عادل

لوكان ولين الفهيم تلبّس الثوب القشيـب=يسر من فتش علومه في زمانه ماانزوى
يابوسعيد الدين يعطي ميزة الرقم العجيب=والاقليل الدين حط الجمر فيده وانكـوى


عبيد الله العرابي

إنته ليا منّك لقيت الكيف والتمر الربيب=مالك ومال السكه اللي كلها في ملتوى
الحب لو فتشّت ماتلقاه في قلب الحبيب=لكنّه اقرب من بياض النور لامنّه ضوى


أبو عادل

أنا ليامنـي لقيـت التمـر خليـت الزبيـب=واللي يهاب الموت يتـردد وتنهـار القـوى
ضحك السنون ابرى منه وملاحق المقفين عيب=ولااتحسـر للزمـان اليـا تولـى وانطـوى

[حسن عابد]

جميل يامحمد ما فعلت لك الشكر والتقدير ولا تغيب عن عيال عمك

[admin]

http://www.thomala.com/1_16.htm